Sports News
ലങ്കയിൽ കോഹ്‌ലി പതാക ഉയർത്തി
ലങ്കയിൽ കോഹ്‌ലി പതാക ഉയർത്തി
Monday, August 14, 2017 12:07 PM IST
പ​ല്ലേക്കലെ: സ്വാതന്ത്ര്യദിനത്തലേന്ന് ശ്രീ​ല​ങ്ക​യി​ല്‍ വി​രാ​ട് കോ​ഹ്‌ലി​യും സം​ഘ​വും പു​തി​യ ച​രി​ത്രം കു​റി​ച്ചു. വി​ദേ​ശ​ത്ത് മൂ​ന്നു ടെ​സ്റ്റ് മ​ത്സ​ര​ങ്ങ​ളു​ള്ള പ​ര​മ്പ​ര​യി​ല്‍ സ​മ്പൂ​ര്‍ണ​ജ​യം നേ​ടു​ന്ന ആ​ദ്യ ടീ​മാ​യി കോ​ഹ്‌​ലി​യു​ടെ സം​ഘം. ഇ​ന്ത്യ​ന്‍ ക്രി​ക്ക​റ്റ് ടീ​മി​ന്‍റെ പ​രി​ശീ​ല​ക​നാ​യി സ്ഥാ​ന​മേ​റ്റ ര​വി ശാ​സ്ത്രി​ക്കും ഇ​ത് അ​ഭി​മാ​ന മു​ഹൂ​ര്‍ത്ത​മാ​യി. സ്ഥാ​ന​മേ​റ്റ ആ​ദ്യ ടെ​സ്റ്റ് പ​ര​മ്പ​ര​യി​ല്‍ 3-0ന്‍റെ ​ജ​യം.

ശ്രീ​ല​ങ്ക​യ്‌​ക്കെ​തി​രേ​യു​ള്ള മൂ​ന്നാ​മ​ത്തെ​യും അ​വ​സാ​ന​ത്തെ​യും മ​ത്സ​ര​ത്തി​ല്‍ ഇ​ന്ത്യ ഒ​രു ഇ​ന്നിം​ഗ്‌​സി​നും 171 റ​ണ്‍സി​നും ജ​യി​ച്ചു. ഫോ​ളോ ഓ​ണ്‍ ചെ​യ്ത ശ്രീ​ല​ങ്ക 181 റ​ണ്‍സി​ന് എ​ല്ലാ​വ​രും പു​റ​ത്താ​യി. ഇ​ന്ത്യ​ക്ക് ഒ​ന്നാം ഇ​ന്നിം​ഗ്‌​സി​ല്‍ 352 റ​ണ്‍സ് ലീ​ഡ് ഉ​ണ്ടാ​യി​രു​ന്നു. ര​വി​ച​ന്ദ്ര​ന്‍ അ​ശ്വി​ന്‍ നാ​ലും മു​ഹ​മ്മ​ദ് ഷാ​മി മൂ​ന്നു വി​ക്ക​റ്റും ഉ​മേ​ഷ് യാ​ദ​വ് ര​ണ്ടു വി​ക്ക​റ്റും വീ​ഴ്ത്തി. ഹ​ര്‍ദി​ക് പാ​ണ്ഡ്യ​യാ​ണ് മാ​ന്‍ ഓ​ഫ് ദ ​മാ​ച്ച്. ഓ​പ്പ​ണ​ര്‍ ശി​ഖ​ര്‍ ധ​വാ​ന്‍ പ്ലെ​യ​ര്‍ ഓ​ഫ് ദ ​സീ​രീ​സാ​യി തെ​ര​ഞ്ഞെ​ടു​ക്കപ്പെട്ടു.

സ്കോർ: ഇ​ന്ത്യ 487. ശ്രീ​ല​ങ്ക 135, 181
മൂ​ന്നാം ദി​നം ഇ​ന്ത്യ​ന്‍ ബൗ​ള​ര്‍മാ​ര്‍ ല​ങ്ക​യെ എ​റി​ഞ്ഞി​ട്ടു. ശ്രീ​ല​ങ്ക​യി​ല്‍ ഇ​ന്ത്യ​യു​ടെ തു​ട​ര്‍ച്ച​യാ​യ ര​ണ്ടാ​മ​ത്തെ ഇ​ന്നിം​ഗ്‌​സ് ജ​യം. നാ​യ​ക​ന്‍ ദി​നേ​ശ് ച​ണ്ഡി​മ​ലും എ​യ്ഞ്ച​ലോ മാ​ത്യൂ​സും പ്ര​തി​രോ​ധി​ച്ചു​നി​ന്നി​ല്ലാ​യി​രു​ന്നെ​ങ്കി​ല്‍ ഇ​ന്ത്യ​ന്‍ ജ​യം നേ​ര​ത്തെ ക​ഴി​ഞ്ഞേ​നെ.
ഒ​രു വി​ക്ക​റ്റി​ന് 19 റ​ണ്‍സ് എ​ന്ന നി​ല​യി​ല്‍ മൂ​ന്നാം ദി​വ​സം തു​ട​ങ്ങി​യ ല​ങ്ക​യെ എ​റി​ഞ്ഞി​ടാ​ന്‍ അ​ധി​ക സ​മ​യ​മൊ​ന്നും വേ​ണ്ടി​വ​ന്നി​ല്ല. 15 റ​ണ്‍സ് ചേ​ര്‍ത്ത​പ്പോ​ള്‍ മൂ​ന്നു വി​ക്ക​റ്റ് നി​ലം​പ​തി​ച്ചു. ച​ണ്ഡി​മ​ലും മു​ന്‍ നാ​യ​ക​ന്‍ മാ​ത്യൂ​സും ചേ​ര്‍ന്ന് അ​ഞ്ചാം വി​ക്ക​റ്റ് കൂ​ട്ടു​കെ​ട്ട് 65 റ​ണ്‍സ് ചേ​ര്‍ത്തു. ഇ​തോ​ടെ ല​ങ്ക​യ്ക്ക് ഉ​ച്ച​ഭ​ക്ഷ​ണ​ത്തി​ന് നാ​ലി​ന് 82 റ​ണ്‍സ് എ​ന്ന നി​ല​യി​ല്‍ പി​രി​യാ​നാ​യി. ശ്രീ​ല​ങ്ക അ​പ്പോ​ഴും 270 റ​ണ്‍സ് പി​ന്നി​ലാ​യി​രു​ന്നു.


ഉ​ച്ച​ഭ​ക്ഷ​ണശേ​ഷം വേ​ഗം വി​ക്ക​റ്റ് വീ​ണ​തോ​ടെ ല​ങ്ക​യു​ടെ പോ​രാ​ട്ടം 181 റ​ണ്‍സി​ല്‍ അ​വ​സാ​നി​ച്ചു. രാ​വി​ലെ ക​രു​ണ​ര​ത്‌​ന​യെ (16) അ​ശ്വി​ന്‍ സ്ലി​പ്പി​ല്‍ അ​ജി​ങ്ക്യ ര​ഹാ​നെ​യു​ടെ കൈ​ക​ളി​ലെ​ത്തി​ച്ചു. അ​ടു​ത്ത​ത് ഷാ​മ​യു​ടെ ഊ​ഴ​മാ​യി​രു​ന്നു. നൈ​റ്റ്‌​വാ​ച്ച്മാ​ന്‍ മ​ലി​ന്ദ പു​ഷ്പ​കു​മാ​ര​യു​ടെ (1) ബാ​റ്റി​ലു​ര​സി​യ പ​ന്ത് വൃ​ദ്ധി​മ​ന്‍ സാ​ഹ​യു​ടെ കൈ​ക​ളി​ലെ​ത്തി. കു​ശാ​ല്‍ മെ​ന്‍ഡി​സി​നെ (12) ഷാ​മി വി​ക്ക​റ്റി​നു മു​ന്നി​ല്‍ കു​രു​ക്കി. ഇ​തി​നു​ശേ​ഷ​മാ​ണ് ച​ണ്ഡി​മ​ലും മാ​ത്യൂ​സും ഒ​രു​മി​ച്ച​ത്.

അ​ശ്വി​നും കു​ല്‍ദീ​പ് യാ​ദ​വും ഇ​രു​വ​ര്‍ക്കും ആ​ദ്യ സെ​ഷ​നി​ല്‍ ബു​ദ്ധി​മു​ട്ടു​ണ്ടാ​ക്കി​യെ​ങ്കി​ലും ഉ​ച്ച​ഭ​ക്ഷ​ണം വ​രെ പി​ടി​ച്ചു​നി​ല്‍ക്കാ​നാ​യി. ര​ണ്ടാം സെ​ഷ​ന്‍ ഇ​രു​വ​രും ന​ന്നാ​യി തു​ട​ങ്ങി. സ​മ്മ​ര്‍ദം അ​തി​ജീ​വി​ച്ച് മാ​ത്യൂ​സ് ക്രീ​സ് വി​ട്ട് ക​യ​റി അ​ശ്വി​നെ സി​ക്‌​സി​നു പ​റ​ത്തി. എ​ന്നാ​ല്‍, അ​ശ്വി​നും കു​ല്‍ദീ​പും ന​ന്നാ​യിത്ത​ന്നെ ബൗ​ള്‍ ചെ​യ്തു. ഫീ​ല്‍ഡ​ര്‍മാ​രെ അ​ടു​ത്തു​നി​ര്‍ത്തി​യാ​ണ് കോ​ഹ് ലി ​ത​ന്ത്രം മെ​ന​ഞ്ഞ​ത്. ച​ണ്ഡി​മ​ലി​നെ (36) കു​ല്‍ദീ​പ് പു​ജാ​ര​യു​ടെ കൈ​ക​ളി​ലെ​ത്തി​ച്ചു.

ര​ണ്ട് ഓ​വ​ര്‍ ക​ഴി​ഞ്ഞ് മാ​ത്യൂ​സി​നെ (35) അ​ശ്വി​ന്‍ എ​ല്‍ബി​ഡ​ബ്ല്യു ആ​ക്കി. ത​ക​ര്‍ച്ച​യ്ക്കി​ട​യി​ലും നി​രോ​ക്ഷ​ന്‍ ഡി​ക്‌​വെ​ല​യു​ടെ ഇ​ന്നിം​ഗ്‌​സ് ക​ളി​യി​ലൊ​രു ആ​വേ​ശം കൊ​ണ്ടു​വ​ന്നു. 52 പ​ന്തി​ല്‍ 42 റ​ണ്‍സാ​യി​രു​ന്നു ല​ങ്ക​ന്‍ വി​ക്ക​റ്റ് കീ​പ്പ​റു​ടെ സ​മ്പാ​ദ്യം. എ​ന്നാ​ല്‍ വി​ക്ക​റ്റു​ക​ള്‍ ഒ​ര​റ്റ​ത്ത് വീ​ണു​കൊ​ണ്ടി​രു​ന്നു. അ​ശ്വി​ന്‍ ദി​ല്‍രു​വാ​ന്‍ പെ​രേ​ര​യെ​യും (8) ഷാ​മി ല​ക്ഷ​ന്‍ സ​ഡ്ക​നെ​യും (8) പു​റ​ത്താ​ക്കി. ഡി​ക് വെ​ല​യെ ഉ​മേ​ഷ് യാ​ദ​വ് സ്ലി​പ്പി​ല്‍ ര​ഹാ​നെ​യു​ടെ കൈ​ക​ളി​ലെ​ത്തി​ച്ചു. അ​വ​സാ​നം ലാ​ഹി​രു കു​മാ​ര​യെ (10) ക്ലീ​ന്‍ബൗ​ള്‍ഡാ​ക്കി അ​ശ്വി​ന്‍ ല​ങ്ക​യു​ടെ ഇ​ന്നിം​ഗ്‌​സ് അ​വ​സാ​നി​പ്പി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.