നാപ്പോളി, സെവിയ്യ, കെല്‍റ്റിക് ജയിച്ചു : Deepika.com Sports News |

Click here for detailed news of all items

നാപ്പോളി, സെവിയ്യ, കെല്‍റ്റിക് ജയിച്ചു

Thursday, August 17, 2017 11:39 AM IST

നേപ്പിള്‍സ്: ചാമ്പ്യന്‍സ് ലീഗ് ഫുട്‌ബോളിന്‍റെ ആദ്യ പാദ പ്ലേ ഓഫ് റൗണ്ടില്‍ നാപ്പോളി, കെല്‍റ്റിക്, സെവിയ്യ എന്നീ ടീമുകള്‍ വിജയിച്ചു. നാപ്പോളി 2-0ന് നീസിനെ തോല്പിച്ചു. ഡ്രെയ്‌സ് മെര്‍ട്ടന്‍സ് (13), ജോര്‍ജിഞ്ഞോ (70 പെനാല്‍റ്റി) എന്നിവരാണ് ഗോള്‍നേടിയത്.
കെല്‍റ്റിക് ഏകപക്ഷീയമായ അഞ്ചു ഗോളിന് അസ്താനയെ തകര്‍ത്തു.

സ്വന്തം ഗ്രൗണ്ടില്‍ കളിച്ച കെല്‍റ്റിക് ഇതോടെ ചാമ്പ്യന്‍സ് ലീഗ് ഗ്രൂപ്പ് ഘട്ടത്തിന് ഒരു പടി അടുത്തു. 32-ാം മിനിറ്റില്‍ ഇവ്‌ജെനി പോസ്റ്റനികോവയുടെ സെല്‍ഫ് ഗോളില്‍ കെല്‍റ്റിക് മുന്നിലെത്തി. പിന്നീട് സ്‌കോട് സിൻക്ലയറുടെ ഇരട്ട ഗോളുകള്‍ (42, 60) ആതിഥേയര്‍ക്കു ലീഡ് നല്‍കി. ജയിംസ് ഫോറസ്റ്റ് (79) കെല്‍റ്റിക് ഗോള്‍ പട്ടിക നാലാക്കി. 88-ാം മിനിറ്റില്‍ ഇഗര്‍ ഷിറ്റോവിന്‍റെ സെല്‍ഫ് ഗോള്‍ കെല്‍റ്റിക്കിന് മികച്ച ജയം നല്‍കി.

എവേ ഗ്രൗണ്ടില്‍ സെവിയ്യ 2-1ന് ഇതാംബുള്‍ ബാസ്ഷയറെ പരാജയപ്പെടുത്തി. മറ്റ് മത്സരങ്ങളില്‍ ഹപോയല്‍ ബീര്‍, ഒളിമ്പിയാക്കസ് എന്നിവര്‍ ജയിച്ചു.കഴിഞ്ഞ ദിവസം ലിവർപൂൾ എവേ ഗ്രൗണ്ടിൽ ജർമൻ ക്ലബ് ഹൊഫെൻഹൈമിനെ 2-1 നെയും അപോൽ നികോസിയ എതിരില്ലാത്ത രണ്ടു ഗോളിന് സാൽവിയ പ്രാഗിനെയും സിഎ സ്കെഎ മോസ്കോ 1-0ന് യംഗ് ബോയ്സിനെയും പരാജയപ്പെ ടുത്തി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.