കൊ​റി​യ സൂ​പ്പ​ര്‍ സീ​രീ​സി​ല്‍ സി​ന്ധു ഫൈ​ന​ലി​ല്‍
Saturday, September 16, 2017 9:55 PM IST
സി​യൂ​ള്‍: ഇ​ന്ത്യ​യു​ടെ പ്രി​യപ്പെട്ട സി​ന്ധു ത​ക​ര്‍പ്പ​ന്‍ ഫോം ​തു​ട​രു​ന്നു. കൊ​റി​യ​ന്‍ ഓ​പ്പ​ണ്‍ സൂ​പ്പ​ര്‍ സീ​രീ​സ് ബാ​ഡ്മി​ന്‍റ​ണി​ല്‍ ഉ​ജ്വ​ല വി​ജ​യ​ത്തോ​ടെ പി.​വി. സി​ന്ധു ഫൈ​ന​ലി​ല്‍ പ്ര​വേ​ശി​ച്ചു. ചൈ​ന​യു​ടെ ഹി ​ബി​മം​ഗ്ജി​യാ​വോ​യെ ഒ​ന്നി​നെ​തി​രേ ര​ണ്ട് ഗെ​യി​മി​ന് പ​രാ​ജ​യ​പ്പെ​ടു​ത്തി​യാ​ണ് സി​ന്ധു​വി​ന്‍റെ ഫൈ​ന​ല്‍ പ്ര​വേ​ശ​നം. സ്‌​കോ​ര്‍: 21-10, 17-21, 21-16.
ആ​ദ്യ ഗെ​യിം അ​നാ​യാ​സം നേ​ടി​യ സി​ന്ധു​വി​ന് ര​ണ്ടാം ഗെ​യി​മി​ല്‍ കാ​ലി​ട​റി. ര​ണ്ടാം ഗെ​യിം ചൈ​നീ​സ് താ​രം 21-17 നേ​ടി​യെ​ങ്കി​ലും മൂ​ന്നാം ഗെ​യി​മി​ല്‍ സി​ന്ധു ശ​ക്ത​മാ​യി തി​രി​ച്ചെ​ത്തി.

ഇ​തി​നു മു​മ്പ് ഇ​രു​വ​രും ഏ​റ്റു​മു​ട്ടി​യ എ​ട്ടു മ​ത്സ​ര​ങ്ങ​ളി​ല്‍ അ​ഞ്ചി​ലും സിന്ധുവിനു പ​രാ​ജ​യ​മാ​യി​രു​ന്നു ഫ​ലം. മൂ​ന്നെ​ണ്ണ​ത്തി​ല്‍ മാ​ത്രം വി​ജ​യി​ച്ച സി​ന്ധു ഇ​തോ​ടെ നേ​ര്‍ക്കു​നേ​ര്‍ പോ​രാ​ട്ട​ത്തി​ല്‍ 4-5ലെ​ത്തി. മ​ത്സ​രം ഒ​രു മ​ണി​ക്കൂ​റും ആ​റു മി​നി​റ്റും നീ​ണ്ടു.

ആ​ദ്യ ഗെ​യി​മി​ല്‍ 9-1ന്‍റെ ​ലീ​ഡ് നേ​ടി​യ ശേ​ഷം സി​ന്ധു​വി​നു തി​രി​ഞ്ഞു​നോ​ക്കേ​ണ്ടി വ​ന്നി​ട്ടി​ല്ല. ര​ണ്ടാം ഗെ​യി​മി​ല്‍ തു​ട​ക്ക​ത്തി​ല്‍ 4-4ന്‍റെ ​സ​മ​നി​ല​യും പി​ന്നി​ട് 15-15ന്‍റെ ​സ​മ​നി​ല​യും നേ​ടി​യെ​ങ്കി​ലും പി​ന്നീ​ട് ഗെ​യിം കൈ​വി​ട്ടു. നി​ര്‍ണാ​യ​ക ഗെ​യി​മി​ല്‍ മ​ന​സ്സാ​ന്നി​ധ്യം കൈ​വി​ടാ​തെ പൊ​രു​തി​യ സി​ന്ധു വി​ജ​യം സ്വ​ന്ത​മാ​ക്കി. ഫൈ​ന​ലി​ല്‍ ജ​പ്പാ​ന്‍ താ​രം നോ​സോ​മി ഓ​കു​ഹാ​ര​യാ​ണ് സി​ന്ധു​വി​ന്‍റെ എ​തി​രാ​ളി. ലോ​ക ബാ​ഡ്മി​ന്‍റ​ണ്‍ ചാ​മ്പ്യ​ന്‍ഷി​പ്പി​ല്‍ സി​ന്ധു ഓ​കു​ഹാ​ര​യോ​ട് പ​രാ​ജ​യ​പ്പെ​ട്ടി​രു​ന്നു. അതുകൊണ്ടുതന്നെ ആ പരാജയത്തിന് പകരം ചോദിക്കാനുള്ള അവസരം കൂടിയാകും സിന്ധുവിന് ഈ പോരാട്ടം.


2016ലെ ​ചൈ​ന സൂ​പ്പ​ര്‍ സീ​രീ​സും ഇ​ന്ത്യ​ന്‍ സൂ​പ്പ​ര്‍ സീ​രീ​സും നേ​ടി​യ സി​ന്ധു​വി​ന് ഇ​വി​ടെ​യും വി​ജ​യി​ക്കാ​നാ​യാ​ല്‍ വ​ലി​യ നേ​ട്ട​മാ​കും. ഇന്നാണ് ഫൈനൽ. ക്വാ​ര്‍ട്ട​റി​ല്‍ ജ​പ്പാ​ന്‍റെ മി​നാ​ത്സു മി​താ​നി​യെ 21-19, 16-21, 21-10 പ​രാ​ജ​യ​പ്പെ​ടു​ത്തി​യാ​ണ് സി​ന്ധു സെ​മി​യി​ല്‍ പ്ര​വേ​ശി​ച്ച​ത്.