കോട്ടയം: 61-ാം കേരള സ്കൂൾ സൗത്ത് സോണൽ ഗെയിംസ് 2017 സെപ്റ്റംബർ 25, 26, 27 തീയതികളിലായി കോട്ടയത്തെ 11 മത്സരസ്ഥലങ്ങളിൽവച്ചു നടക്കും. ഏഴ് തെക്കൻ ജില്ലകളിലെ 4,000-ൽ അധികം കായികതാരങ്ങളാണ് മത്സരിക്കുന്നത്. ബാസ്കറ്റ്ബോൾ, വോളിബോൾ, കബഡി, ഖോഖോ, ഷട്ടിൽ ബാഡ്മിന്‍റൺ, ബോൾ ബാഡ്മിന്‍റൺ, ലോൺ ടെന്നീസ്, ചെസ്, ഹോക്കി, ടേബിൾ ടെന്നീസ്, ഫുട്ബോൾ, ക്രിക്കറ്റ്, ഹാൻഡ്ബോൾ എന്നീ ഇനങ്ങളിലാണു മത്സരങ്ങൾ.
ഗെയിംസിന്‍റെ ഉദ്ഘാടനം 25-ന് രാവിലെ 9.30-ന് ഗിരിദീപം സ്കൂളിൽ തിരുവഞ്ചൂർ രാധാകൃഷ്ണൻ എംഎൽഎ നിർവഹിക്കും. എല്ലാ ഒരുക്കങ്ങളും പൂർത്തിയായതായി ജനറൽ കൺവീനർ പി.കെ. അരവിന്ദാക്ഷൻ, പബ്ലിസിറ്റി കൺവീനർ പി.ജെ. മാത്യു, റിസപ്ഷൻ കമ്മിറ്റി കൺവീനർ സാബു മാത്യു, ഡിഎസ്ജിഎ സെക്രട്ടറി ഫ്രാൻസിസ് കെ.വി. എന്നിവർ അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.