കൊച്ചിക്ക് ഇന്നു ബ്രസീലിന്‍റെ വിട
Monday, October 9, 2017 10:46 PM IST
കൊ​ച്ചി: കൊ​ച്ചി ന​ല്കി​യ പി​ന്തു​ണ​യ്ക്കും സ്നേ​ഹ​ത്തി​നും ഒ​ബ്രി​ഗാ​ദോ (ന​ന്ദി) ചൊ​ല്ലി​പ്പി​രി​യാ​ന്‍ മ​ഞ്ഞ​പ്പ​ട. കൊ​ച്ചി​യു​ടെ മ​ണ്ണി​ല്‍ ഒ​രു വി​ജ​യം കൂ​ടി നേ​ടി നോ​ക്കൗ​ട്ട് ഉ​റ​പ്പി​ക്കാ​ന്‍ കാ​ന​റി​ക​ള്‍ ഒ​രു​ങ്ങു​ന്നു. ആ​വേ​ശ​ത്തി​നു തെ​ല്ലു ശ​മ​നം ന​ല്‍കി​യ ര​ണ്ടു ദി​വ​സ​ത്തെ ഇ​ട​വേ​ള​യ്ക്കു ശേഷം ഇ​ന്നു വീ​ണ്ടും ക​ലൂ​ര്‍ ജ​വ​ഹ​ര്‍ലാ​ല്‍ നെ​ഹ്റു രാ​ജ്യാ​ന്ത​ര സ്റ്റേ​ഡി​യം പൂ​ര​പ്പ​റ​മ്പാ​കും. ആ​ദ്യ മ​ത്സ​ര​ത്തി​ല്‍ ആ​രാ​ധ​ക​രെ തൃ​പ്തി​പ്പെ​ടു​ത്തു​ന്ന ജ​യം സ്വ​ന്ത​മാ​ക്കി​യ ടീം ​ആ​ത്മ​വി​ശ്വാ​സ​ത്തോ​ടെ​യാ​ണു ര​ണ്ടാം മ​ത്സ​ര​ത്തി​നാ​യി ബൂ​ട്ട​ണി​യു​ന്ന​ത്. ഇ​ന്നു രാ​ത്രി എ​ട്ടി​നു ഉ​ത്ത​ര കൊ​റി​യ​യാ​ണ് കാ​ന​റി​ക്കൂ​ട്ട​ത്തി​ന്‍റെ ചി​റ​ക​ടി​ക്കു വെ​ല്ലു​വി​ളി​യു​മാ​യെ​ത്തു​ന്ന​ത്.

പ്രീ​ക്വാ​ര്‍ട്ട​ര്‍ ഉ​റ​പ്പി​ക്കാ​ന്‍ വി​റ്റാ​വോ​യും കൂ​ട്ട​രും

ഇ​ന്ന് ഉ​ത്ത​ര കൊ​റി​യ​ന്‍ സം​ഘ​ത്തെ മ​റി​ട​ന്നാ​ല്‍ ഭ​യാ​ശ​ങ്ക​ക​ളി​ല്ലാ​തെ ബ്ര​സീ​ലി​നു പ്രീ​ക്വാ​ര്‍ട്ട​ര്‍ ഉ​റ​പ്പി​ക്കാ​ന്‍ സാ​ധി​ക്കും. ആ​ദ്യ മ​ത്സ​ര​ത്തി​ലെ പ്ര​ക​ട​നം തു​ട​ര്‍ന്നാ​ല്‍ എ​ളു​പ്പ​ത്തി​ല്‍ ഇ​തു സാ​ധി​ക്കു​ക​യും ചെ​യ്യും. അ​വ​സാ​ന പോ​രാ​ട്ട​ത്തി​ല്‍ താ​ര​ത​മ്യേ​ന ദു​ര്‍ബ​ല​രാ​യ നൈ​ജ​റാ​ണു മ​ഞ്ഞ​പ്പ​ട​യു​ടെ എ​തി​രാ​ളി​ക​ള്‍. ഗോ​വ​യി​ല്‍ ന​ട​ക്കു​ന്ന ആ ​മ​ത്സ​ര​ത്തി​നു മു​ന്നോ​ടി​യാ​യി ജ​യം നേ​ടി ഗ്രൂ​പ്പ് ക​ട​മ്പ താ​ണ്ടാ​ന്‍ ത​ന്നെ​യാ​കും വി​റ്റാ​വോ​യുടെയും കൂ​ട്ട​രു​ടെ ശ്ര​മം.
എ​ന്നാ​ല്‍, കൊ​റി​യ​യ്ക്കു ജീ​വ​ന്മ​ര​ണ പോ​രാ​ട്ട​മാ​ണ് ഇ​ന്ന്. തോ​റ്റാ​ല്‍ ഭാ​വി​ത​ന്നെ തു​ലാ​സി​ലാ​കു​മെ​ന്നു പൂ​ര്‍ണ ബോ​ധ്യ​മു​ള്ള ഏ​ഷ്യ​ന്‍ ശ​ക്തി​ക​ള്‍ എ​ല്ലാം മ​റ​ന്ന​ള്ള പോ​രാ​ട്ട​ത്തി​നാ​കും ക​ച്ച​കെട്ടു​ക. ലോ​ക​ക​പ്പി​ലെ അ​ര​ങ്ങേ​റ്റ​ക്കാ​രാ​യ നൈ​ജ​റി​നോ​ടു തോ​ല്‍വി​യേ​റ്റു വാ​ങ്ങേ​ണ്ടി വ​ന്ന​ത് കൊ​റി​യ​ന്‍ പ​ട​യു​ടെ മു​ന്നോ​ട്ടു​ള്ള പ്ര​യാ​ണ​ത്തി​നു വ​ലി​യ തി​രി​ച്ച​ടി​യാ​ണു ന​ല്‍കി​യി​രി​ക്കു​ന്ന​ത്.

ആ​ദ്യ മ​ത്സ​ര​ത്തി​ല്‍നി​ന്നു പാ​ഠം ഉ​ള്‍ക്കൊ​ണ്ട്

ലോ​ക​ക​പ്പി​ലെ ത​ങ്ങ​ളു​ടെ ആ​ദ്യ മ​ത്സ​ര​ത്തി​ല്‍നി​ന്നു പാ​ഠം ഉ​ള്‍ക്കൊ​ണ്ടാ​കും ഇ​രു ടീ​മും ഇ​ന്നു പോ​രി​നി​റ​ങ്ങു​ക. ആ​യു​ധ​ങ്ങ​ള്‍ തേ​ച്ചു മി​നു​ക്കി മെ​ച്ച​പ്പെ​ട്ട രീ​തി​യി​ല്‍ ക​ളി​ക്കാ​നു​ള്ള ശ്ര​മ​ങ്ങ​ള്‍ ര​ണ്ടു സം​ഘ​ങ്ങ​ളു​ടെ​യും ഭാ​ഗ​ത്തു​നി​ന്ന് ഉ​ണ്ടാ​കു​മെ​ന്നു​റ​പ്പ്. ഇ​ന്ന​ലെ അ​വ​സാ​ന​വ​ട്ട പ​രി​ശീ​ല​ന​ത്തി​നി​റ​ങ്ങി​യ ടീ​മു​ക​ളു​ടെ ശ​രീ​ര ഭാ​ഷ​യി​ലും പ​രി​ശീ​ല​ന ശൈ​ലി​യി​ലുംനിന്ന് ഇ​തു വ്യ​ക്ത​വു​മാ​ണ്. സ്പെ​യി​നെ​തി​രേ​യു​ള്ള പോ​രാ​ട്ട​ത്തി​ല്‍ ആ​ദ്യ മി​നി​റ്റി​ല്‍ ഗോ​ള്‍ വ​ഴ​ങ്ങി​യ ബ്ര​സീ​ല്‍ പ്ര​തി​രോ​ധം ശ​ക്ത​മാ​ക്കാ​നു​ള്ള ഒ​രു​ക്ക​ത്തി​ലാ​ണ്.

ശ്ര​ദ്ധി​ക്കാം ഇ​വ​രെ

അ​ധി​ക​മൊ​ന്നും പ്ര​ശ​സ്ത​ര​ല്ലെ​ങ്കി​ലും ആ​ദ്യ ക​ളി ക​ഴി​ഞ്ഞ​തോ​ടെ താ​ര​ങ്ങ​ളു​ടെ പേ​രു​ക​ള്‍ ലോ​കം ച​ര്‍ച്ച ചെ​യ്തു തു​ട​ങ്ങി​യി​ട്ടു​ണ്ട്. റൊ​ബീ​ഞ്ഞോ​യു​ടെ ത​നി​പ്പ​ക​ര്‍പ്പാ​യി മി​ക​ച്ച പ്ര​ക​ട​നം കാ​ഴ്ച​വ​ച്ച ലി​ങ്ക​ന്‍റെ ബൂ​ട്ട് ഇ​ന്നും വ​ല​നി​റ​യ്ക്കു​മെ​ന്നു ബ്ര​സീ​ല്‍ സം​ഘം പ്ര​തീ​ക്ഷി​ക്കു​ന്നു. വി​നീ​ഷ്യ​സ് ജൂ​ണി​യ​റി​ന്‍റെ അ​ഭാ​വം അ​പ്ര​സ​ക്ത​മാ​ക്കാ​ന്‍ ലി​ങ്ക​ന്‍റെ ച​ടു​ല​മാ​യ മു​ന്നേ​റ്റ​ങ്ങ​ള്‍ കൊ​ണ്ടു സാ​ധി​ച്ചു. ഒ​പ്പം പൗ​ളീ​ഞ്ഞോ​യു​ടെ​യും മ​ധ്യ നി​ര​യി​ലെ അ​ല​ന്‍റെ​യും പ്ര​ക​ട​ന​ങ്ങ​ള്‍ ബ്ര​സീ​ലി​നു കു​തി​പ്പാ​കു​ന്നു​ണ്ട്. കൊ​റി​യി​ന്‍ നി​ര​യി​ല്‍ കിം ​പോം യോ​ക്കി​ന്‍റെ പ്ര​ക​ട​ന​വും നി​ര്‍ണാ​യ​ക​മാ​കും.


ച​രി​ത്രം ര​ചി​ക്കാ​ന്‍ നൈ​ജ​ര്‍

കൊ​ച്ചി: അ​ണ്ട​ര്‍ 17 ലോ​ക​ക​പ്പി​ല്‍ അ​ഞ്ചു കി​രീ​ട​ങ്ങ​ള്‍ നേ​ടി ച​രി​ത്രം സൃ​ഷ്ടി​ച്ച നൈ​ജീ​രി​യ​യെ ത​ക​ര്‍ത്ത് ഇ​ന്ത്യ​യി​ലെ​ത്തി​യ ആ​ഫ്രി​ക്ക​ന്‍ സം​ഘം നൈ​ജ​ര്‍ ഇ​പ്പോ​ള്‍ പ്രീ ​ക്വാ​ര്‍ട്ട​ര്‍ എ​ന്ന സ്വ​പ്നം ക​ണ്ടു തു​ട​ങ്ങി​യി​രി​ക്കു​ന്നു. ഉ​ത്ത​ര കൊ​റി​യ​യെ ആ​ദ്യ ക​ളി​യി​ല്‍ തോ​ല്‍പ്പി​ച്ച​തോ​ടെ ഇ​ന്നു വി​ജ​യം ക​ണ്ടാ​ല്‍ നൈ​ജ​റി​നു പ്രീ ​ക്വാ​ര്‍ട്ട​ര്‍ ഉ​റ​പ്പി​ക്കാ​നാ​കും.
ക​രു​ത്ത​രാ​യ സ്പെ​യി​നെ​തി​രേ​യാ​ണു പോ​രാ​ട്ട​മെ​ന്ന​തു ഓ​റ​ഞ്ചു​പ​ട​യ്ക്കു വെ​ല്ലു​വി​ളി​യേ​റ്റു​ന്നു​ണ്ട്. ബ്ര​സീ​ലി​നെ​തി​രേ ആ​ദ്യ മ​ത്സ​ര​ത്തി​ല്‍ ഒ​ന്നി​നെ​തി​രേ ര​ണ്ടു ഗോ​ളു​ക​ള്‍ക്കു പ​രാ​ജ​യ​മേ​റ്റു വാ​ങ്ങി​യ സ്പാ​നി​ഷ് സം​ഘ​ത്തി​ന് വി​ജ​യം നേ​ടാ​നാ​യി​ല്ലെ​ങ്കി​ല്‍ ക​ന്നി ലോ​ക​ക​പ്പ് എ​ന്ന അ​വ​രു​ടെ സ്വ​പ്നം പി​ന്നെ​യും നീ​ളും.

അ​വി​ശ്വ​സ​നീ​യം നൈ​ജ​ര്‍

ക​ന്നി ലോ​ക​ക​പ്പി​നെ​ത്തി​യ നൈ​ജ​റി​ന്‍റെ ആ​ദ്യ പോ​രാ​ട്ട​ത്തി​ലെ വി​ജ​യ​ത്തെ അ​വി​ശ്വ​സ​നീ​യ​മെ​ന്നു മാ​ത്ര​മേ വി​ല​യി​രു​ത്താ​നാ​കൂ. ഏ​ഷ്യ​ന്‍ ശ​ക്തി​ക​ളാ​യ ഉ​ത്ത​ര കൊ​റി​യ​യെ 59-ാം മി​നി​റ്റി​ല്‍ നേ​ടി​യ ഒ​രു ഗോ​ളി​ന്‍റെ ബ​ല​ത്തി​ലാ​ണ് അ​വ​ര്‍ മ​റി​ക​ട​ന്ന​ത്. ഇ​തോ​ടെ അ​ര​ങ്ങേ​റ്റ ലോ​ക​ക​പ്പി​ല്‍ പ്ര​തീ​ക്ഷി​ക്കാ​ത്ത പ​ല​തും ആ​ഫ്രി​ക്ക​ന്‍ പ​ട സ്വ​പ്നം ക​ണ്ടു തു​ട​ങ്ങി​യി​ട്ടു​ണ്ട്. മി​ക​ച്ച പ്ര​ക​ട​നം എ​ന്നു പ​റ​യാ​നാ​വി​ല്ലെ​ങ്കി​ലും സ​മ​സ്ത മേ​ഖ​ല​ക​ളി​ലും കൊ​റി​യ​യെ പി​ന്നി​ലാ​ക്കി​ത്ത​ന്നെ​യാ​ണു നൈ​ജ​ര്‍ വി​ജ​യം സ്വ​ന്ത​മാ​ക്കി​യ​ത്. 24 ത​വ​ണ കൊ​റി​യ​ന്‍ ഗോ​ള്‍ മു​ഖം ല​ക്ഷ്യ​മാ​ക്കി നൈ​ജ​ര്‍ താ​ര​ങ്ങ​ള്‍ പ​ന്തു തൊ​ടു​ത്തു.

സ്പെ​യി​നു വി​ജ​യം നേ​ടി​യേ തീ​രൂ

ബ്ര​സീ​ലി​ന്‍റെ ഉ​ജ്വ​ല പ്ര​ക​ട​ന​ത്തി​നു മു​ന്നി​ല്‍ ആ​ദ്യ മ​ത്സ​ര​ത്തി​ല്‍ നി​ഴ​ലി​ലാ​യിപ്പോയ സ്പാ​നി​ഷ് സം​ഘം വ​ന്‍ വി​ജ​യം സ്വ​ന്ത​മാ​ക്കി​യു​ള്ള ഉ​യി​ര്‍പ്പാ​ണു ല​ക്ഷ്യ​മി​ട​ന്ന​ത്. മ​ഞ്ഞ​പ്പ​ട​യ്ക്കെ​തി​രേ ആ​ദ്യ പ​ത്തു മി​നി​റ്റും ര​ണ്ടാം പ​കു​തി​യി​ല്‍ ഭൂ​രി​ഭാ​ഗ നേ​ര​വും മി​ക​ച്ച പ്ര​ക​ട​നം ന​ട​ത്താ​ന്‍ സാ​ധി​ച്ചി​ട്ടും ഗോ​ള്‍ നേ​ടാ​ന്‍ ഉ​ത​കു​ന്ന മു​ന്നേ​റ്റ​ങ്ങ​ള്‍ സൃ​ഷ്ടി​ക്കാ​ന്‍ ക​ഴി​യാ​ത്ത​തു സ്പെ​യി​ന്‍ കോ​ച്ച് സാ​ന്‍റി​യാ​ഗോ ഡി​നി​യ​ക്കു ത​ല​വേ​ദ​ന​യാ​കു​ന്നു​ണ്ട്.

മ​ധ്യ​നി​ര​യി​ല്‍ ക​ളി മെ​ന​യു​ന്ന​തി​ല്‍ പ​രാ​ജ​യ​പ്പെ​ട്ട​താ​ണു സ്പാ​നി​ഷ് സം​ഘ​ത്തെ ആ​ദ്യ ക​ളി​യി​ല്‍ പി​ന്നോ​ട്ട​ടി​ച്ച​ത്. പ​ന്തു ല​ഭി​ക്കാ​ഞ്ഞ​തോ​ടെ മു​ന്‍നി​ര​യി​ല്‍ നാ​യ​ക​ന്‍ ആ​ബ​ല്‍ റൂ​യി​സി​നും സം​ഘ​ത്തി​നും മു​ന്നേ​റാ​ന്‍ സാ​ധി​ച്ചു​മി​ല്ല. എ​ല്ലാ മേ​ഖ​ല​ക​ളി​ലും മെ​ച്ച​പ്പെ​ടാ​നു​ണ്ടെ​ന്ന സ്പാ​നി​ഷ് പ​രി​ശീ​ല​ക​ന്‍റെ വാ​ക്കു​ളി​ല്‍നി​ന്നു ടീ​മി​ന്‍റെ അ​വ​സ്ഥ​യെ​പ്പ​റ്റി ഏ​ക​ദേ​ശ ചി​ത്ര​വും വ്യ​ക്ത​മാ​യി.