Sports News
പവലിയനില്‍ ദ്രോണാചാര്യരും ഒളിമ്പ്യന്‍മക്കളും ഒരുമിച്ചു
പവലിയനില്‍ ദ്രോണാചാര്യരും ഒളിമ്പ്യന്‍മക്കളും ഒരുമിച്ചു
Friday, October 20, 2017 12:30 PM IST
പാ​ലാ: പാ​ലാ സ്റ്റേ​ഡി​യ​ത്തി​ല്‍ ഇ​ന്ന​ലെ കാ​യി​ക കു​ടും​ബ​സം​ഗ​മം. കാ​യി​ക​കേ​ര​ള​ത്തി​ന്‍റെ ദ്രോ​ണാ​ചാ​ര്യ​ന്‍ കെ.​പി. തോ​മ​സ് മാ​ഷും മ​ക​ന്‍ കാ​യി​കാ​ധ്യാ​പ​ക​ന്‍ രാ​ജ​സ് തോ​മ​സും തോ​മ​സ് മാ​ഷി​ന്‍റെ സ​ഹോ​ദ​ര​പു​ത്രി ഷൈ​നി വി​ല്‍സ​ണും ഭ​ര്‍ത്താ​വ് വി​ല്‍സ​ണ്‍ ചെ​റി​യാ​നും ഒ​രു​മി​ച്ച​പ്പോ​ള്‍ അ​വ​ര്‍ക്ക് പ​റ​യാ​നേ​റെ.

ഏ​വ​രു​ടെ​യും ജീ​വി​ത​ത്തി​ല്‍ നി​ര്‍ണാ​യ​ക വി​ജ​യ​ങ്ങ​ള്‍ സ​മ്മാ​നി​ച്ച മൈ​താ​ന​മാ​ണ് പാ​ലാ മു​നി​സി​പ്പ​ൽ സ്റ്റേ​ഡി​യം. അ​തു​കൊ​ണ്ട് പാ​ലാ മേ​ള​യ്ക്കു പ​ങ്കാ​ളി​ത്ത​വു​മാ​യി ഇ​വ​രെ​ത്തി​യ​താ​ണ്. തോ​മ​സ് മാ​ഷ് ഒ​ളി​മ്പ്യ​ന്മാ​രെ​യും ഏ​ഷ്യാ​ഡ് ജേ​താ​ക്ക​ളെ​യും പ​രി​ശീ​ലി​പ്പി​ച്ചു റി​ക്കാ​ര്‍ഡു​ക​ള്‍ കൊ​യ്ത​ത് ഈ ​മൈ​താ​ന​ത്താ​ണ്. അ​ല്‍ഫോ​ന്‍സാ കോ​ള​ജ് വി​ദ്യാ​ര്‍ഥി​നി​യാ​യി​രി​ക്കെ ഷൈ​നി​യും സെ​ന്‍റ് തോ​മ​സ് കോ​ള​ജി​ലെ വി​ല്‍സ​ണ്‍ ചെ​റി​യാ​നും കാ​യി​ക​രം​ഗ​ത്ത് പാ​ലാ​യി​ലാ​ണു മെ​ഡ​ല്‍ക്കൊ​യ്ത്തു തു​ട​ങ്ങി​യ​ത്. രാ​ജ​സ് തോ​മ​സും ഇ​വി​ടെ കാ​യി​കാ​ധ്യാ​പ​ക​നാ​യി ഏ​റെ വി​ജ​യ​ങ്ങ​ള്‍ സ​മ്മാ​നി​ച്ചു.

ഞാ​നും പി.​ടി. ഉ​ഷ​യും മേ​ഴ്‌​സി​ക്കു​ട്ട​നു​മൊ​ക്കെ ഓ​ടി വ​ള​ര്‍ന്ന​ത് ഈ ​സ്റ്റേ​ഡി​യ​ത്തി​ലാ​ണ്. ഇ​പ്പോ​ഴി​താ സി​ന്ത​റ്റി​ക് ട്രാ​ക്കി​ല്‍ ഓ​ടാ​ന്‍ ഇ​പ്പോ​ഴ​ത്തെ ത​ല​മു​റ​യ്ക്കു ഭാ​ഗ്യ​മു​ണ്ടാ​യി. ഞ​ങ്ങ​ള്‍ ഓ​ടി​ത്തു​ട​ങ്ങു​മ്പോ​ള്‍ കു​മ്മാ​യം വി​ത​റി​യ മ​ണ്ണു മൈ​താ​ന​മാ​യി​രു​ന്നു ഇ​ത് - ഷൈ​നി ഓ​ര്‍മി​ച്ചു. നീ​ന്ത​ലി​ല്‍ റി​ക്കാ​ര്‍ഡു​ക​ള്‍ കൊ​യ്തു തു​ട​ങ്ങി​യ​ത് തൊ​ട്ട​ടു​ത്തു​ള്ള സെ​ന്‍റ് തോ​മ​സ് കോ​ള​ജി​ന്‍റെ നീ​ന്ത​ല്‍ക്കു​ള​ത്തി​ലാ​ണെ​ന്നു വി​ല്‍സ​ണ്‍. ഷൈ​നി, അ​ഞ്ജു ബോ​ബി ജോ​ര്‍ജ്, ജി​ന്‍സി ഫി​ലി​പ്പ്, ജോ​സ​ഫ് ഏ​ബ്ര​ഹാം തു​ട​ങ്ങി​യ താ​ര​ങ്ങ​ളു​മാ​യി ഇ​വി​ടെ പ​രി​ശീ​ല​ന​ത്തി​നും മ​ത്സ​ര​ത്തി​നു​മെ​ത്തി​യ ഓ​ര്‍മ​ക​ള്‍ തോ​മ​സ് മാ​ഷ് അ​യ​വി​റ​ക്കി. തൊ​ട്ട​പ്പു​റ​ത്ത് ദാ ​ആ കാ​ണു​ന്ന ഷോ​പ്പിം​ഗ് കോം​പ്ല​ക്‌​സി​ന്‍റെ മു​ന്നി​ല്‍ അ​ന്നൊ​ക്കെ ഒ​രു ചാ​യ​ക്ക​ട ഉ​ണ്ടാ​യി​രു​ന്നു. അ​വി​ടെ​നി​ന്നു ക​ട്ട​ന്‍ചാ​യ​യും പ​രി​പ്പു​വ​ട​യും ഊ​ണു​മൊ​ക്കെ ക​ഴി​ച്ചാ​ണ് കു​ട്ടി​ക​ളു​മാ​യി ഇ​വി​ടെ ഓ​ടി​യി​ട്ടു​ള്ള​തെ​ന്നു തോ​മ​സ് മാ​ഷ്.

പാ​ലാ​യി​ലെ കാ​യി​ക​നേ​ട്ട​ങ്ങ​ളു​ടെ തു​ട​ര്‍ച്ച​യാ​യാ​ണ് നാ​ല് ഏ​ഷ്യാ​ഡു​ക​ളി​ലും ര​ണ്ട് ഒ​ളി​മ്പി​ക്‌​സു​ക​ളി​ലും ത​നി​ക്കു രാ​ജ്യ​ത്തി​ന്‍റെ മാ​നം​കാ​ക്കാ​നാ​യ​തെ​ന്നു ഷൈ​നി. പ​തി​റ്റാ​ണ്ടോ​ളം ദേ​ശീ​യ നീ​ന്ത​ല്‍ ചാ​മ്പ്യ​നാ​യി​രു​ന്നു വി​ല്‍സ​ണ്‍. നാ​ലു പ​തി​റ്റാ​ണ്ടാ​യി കാ​യി​ക​രം​ഗ​ത്തെ ആ​ചാ​ര്യ​നാ​യ തോ​മ​സ് മാ​ഷി​ന് ഇ​ത്ത​വ​ണ​യു​മു​ണ്ട് മ​ത്സ​രി​പ്പി​ക്കാ​ന്‍ 42 വി​ദ്യാ​ര്‍ഥി​ക​ള്‍.


പാ​വ​പ്പെ​ട്ട​വ​രു​ടെ മ​ക്ക​ളാ​ണ് ഇ​ന്നും കാ​യി​ക​രം​ഗ​ത്തേ​ക്കു വ​രു​ന്ന​ത്. ഭ​ക്ഷ​ണം, വ​സ്ത്രം, പ​രി​ശീ​ല​നം തു​ട​ങ്ങി​യ​വ​യൊ​ന്നും താ​ങ്ങാ​നു​ള്ള സാ​മ്പ​ത്തി​ക​ശേ​ഷി ഇ​വ​ര്‍ക്കി​ല്ല. അ​തി​നാ​ല്‍ മ​റ്റു​ള്ള​വ​രു​ടെ സ​ഹാ​യം കൊ​ണ്ടാ​ണ് പ​ല​രെ​യും മെ​ഡ​ല്‍ജേ​താ​ക്ക​ളാ​യി മാ​റ്റു​ന്ന​ത്. ആ​ദി​വാ​സി കു​ടി​ക​ളി​ല്‍ വ​ന്‍ സാ​ധ്യ​ത​യു​ള്ള കാ​യി​ത​പ്ര​തി​ഭ​ക​ളു​ണ്ട്. പ​ക്ഷേ ന​ന്നേ ചെ​റു​പ്പ​ത്തി​ല്‍ ഇ​വ​രെ പ​രി​ശീ​ലി​പ്പി​ച്ചെ​ടു​ക്കാ​ന്‍ ന​മു​ക്കു സാ​ധി​ക്കു​ന്നി​ല്ല.

16 വ​ര്‍ഷം പ​ട്ടാ​ള സേ​വ​ന​ത്തി​നു​ശേ​ഷം 1979 ല്‍ ​വി​ര​മി​ച്ച അ​ന്നു​മു​ത​ല്‍ തോ​മ​സ് മാ​ഷ് കാ​യി​ക​ഗു​രു​വാ​ണ്. 2005 വ​രെ കോ​രു​ത്തോ​ട് സി​കെ​എം എ​ച്ച്എ​സി​ലും മൂ​ന്നു വ​ര്‍ഷം പാ​റ​ത്തോ​ട് ഗ്രേ​സി മെ​മ്മോ​റി​യ​ല്‍ സ്‌​കൂ​ളി​ലും പി​ന്നീ​ട് ഒ​മ്പ​തു വ​ര്‍ഷ​മാ​യി വ​ണ്ണ​പ്പു​റം സ്‌​കൂ​ളി​ലും മാ​ഷ് പ​രി​ശീ​ല​ക രം​ഗ​ത്തെ ഗു​രു​ശ്രേ​ഷ്ഠ​നാ​ണ്.

ജ്യേ​ഷ്ഠ സ​ഹോ​ദ​ര​ന്‍ തൊ​ടു​പു​ഴ കു​രി​ശി​ങ്ക​ല്‍ കെ.​സി. ഏ​ബ്ര​ഹാ​മി​ന്‍റെ പു​ത്രി​യാ​യ ഷൈ​നി​ക്ക് മൂ​ന്നാം ക്ലാ​സി​ല്‍ പ​ഠി​ക്കു​മ്പോ​ഴാ​ണ് ചി​റ്റ​പ്പ​ന്‍ തോ​മ​സ് മാ​ഷ് കാ​യി​ക​പ​രി​ശീ​ല​നം ന​ല്‍കി​ത്തു​ട​ങ്ങി​യ​ത്.

തോ​മ​സ് മാ​ഷ് ത​നി പ​ട്ടാ​ള​ച്ചി​ട്ട​യി​ല്‍ ഷൈ​നി​യെ ഓ​ട്ടം പ​ഠി​പ്പി​ച്ചു. ചി​റ്റ​പ്പ​ന്‍റെ കാ​ര്‍ക്ക​ശ്യ​മാര്‌ന്ന പ​രി​ശീ​ല​ന​മാ​ണ് പി​ല്‍ക്കാ​ല​ത്ത് ലോ​കോ​ത്ത​ര നേ​ട്ട​മു​ണ്ടാ​ക്കാ​ന്‍ ത​നി​ക്കു വ​ഴി​യൊ​രു​ക്കി​യ​തെ​ന്നു ഷൈ​നി ഓ​ര്‍മി​ച്ചു. 1982, 86, 94 ഏ​ഷ്യാ​ഡു​ക​ളി​ലാ​ണ് ഷൈ​നി രാ​ജ്യ​ത്തെ പ്ര​തി​നി​ധീ​ക​രി​ച്ച​ത്.

ഗൃ​ഹാ​തു​ര​ത്വ​മു​ള്ള ന​ല്ല സ്മ​ര​ണ​ക​ളു​മാ​യാ​ണ് ഈ ​കാ​യി​ക​കു​ടും​ബം സ്റ്റേ​ഡി​യ​ത്തി​ല്‍ ഇ​ന്ന​ലെ പു​തി​യ താ​രോ​ദ​യ​ങ്ങ​ളെ പ്രോ​ത്സാ​ഹി​പ്പി​ക്കാ​നെ​ത്തി​യ​ത്. തോ​മ​സ് മാ​ഷി​ന്‍റെ സ്‌​കൂ​ളി​ല്‍ ഷൈ​നി​യും വി​ല്‍സ​ണും രാ​ജ​സും നി​ര്‍ധ​ന​രാ​യ വി​ദ്യാ​ര്‍ഥി​ക​ള്‍ക്കു കാ​യി​ക​പ​രി​ശീ​ല​ന​ത്തി​നു​ള്ള ചെ​ല​വു​ക​ള്‍ വ​ഹി​ക്കു​ന്നു​ണ്ട്.

റെ​ജി ജോ​സ​ഫ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.