Sports News
തേടിപ്പിടിച്ചും തേടിയെത്തിയും അന്യസംസ്ഥാനക്കാരുടെ വരവ്
തേടിപ്പിടിച്ചും തേടിയെത്തിയും അന്യസംസ്ഥാനക്കാരുടെ വരവ്
Saturday, October 21, 2017 12:43 PM IST
പാ​ലാ: കേ​ര​ള സം​സ്ഥാ​ന കാ​യി​കോ​ത്സ​വം, പേ​ര് സൂ​ചി​പ്പി​ക്കു​ന്ന​ത് കേ​ര​ള​ത്തി​ന്‍റെ കാ​യി​കോ​ത്സ​വം എ​ന്നു ത​ന്നെ​യാ​ണ്. എ​ന്നാ​ൽ, ക​ഴി​ഞ്ഞ ഒ​ന്നു ര​ണ്ടു വ​ർ​ഷ​ങ്ങ​ളാ​യി കാ​ണു​ന്ന ഒ​രു പ്രവണത ആ​ശ​ങ്ക​പ്പെ​ടു​ത്തു​ന്നു. സ്കൂ​ളു​ക​ൾ ത​മ്മി​ലു​ള്ള കി​ട​മ​ത്സ​രം അ​തി​രൂ​ക്ഷ​മാ​യ​പ്പോ​ൾ മ​റ്റ് സം​സ്ഥാ​ന​ങ്ങ​ളി​ലെ മി​ക​ച്ച താ​ര​ങ്ങ​ളെ അ​വി​ടെ​യെ​ത്തി തെ​ര​ഞ്ഞു​പി​ടി​ച്ച് ഇ​വി​ടെ​യെ​ത്തി​ച്ച് മെ​ഡ​ലി​നു പ്രാ​പ്ത​രാ​ക്കു​ക.

കാ​ര്യ​ങ്ങ​ളൊ​ക്കെ ന​ല്ല​തു​ത​ന്നെ, എ​ന്നാ​ൽ, കേ​ര​ള​ത്തി​ൽ മി​ക​വു​ള്ള താ​ര​ങ്ങ​ൾ ഇ​ല്ലാ​ഞ്ഞി​ട്ടാ​ണോ അ​ന്യ​സം​സ്ഥാ​ന​ക്കാ​രെ ഇ​വി​ടെ​കൊ​ണ്ടു​വ​രു​ന്ന​തും മ​ത്സ​രി​പ്പി​ച്ചു വി​ജ​യി​പ്പി​ക്കു​ന്ന​തും‍?. ഇവരുടെ ​മ​ത്സ​രം ഇ​ന്ന​ല്ലെ​ങ്കി​ൽ നാ​ളെ തീ​രും, സ്കൂ​ൾ ത​ലം വി​ട്ട് വി​ദ്യാ​ർ​ഥി​ക​ൾ മു​ന്നേ​റി അ​വ​ര​വ​രു​ടെ സം​സ്ഥാ​ന​ങ്ങ​ളി​ലേ​ക്ക് തി​രി​കെ പോ​കും. അ​പ്പോ​ഴും ഒ​രു പ്രോ​ത്സാ​ഹ​ന​ത്തി​നു കാ​തോ​ർ​ക്കു​ന്ന നി​ര​വ​ധി ക​ഴി​വു​ള്ള കു​ട്ടി​ക​ൾ ന​മ്മു​ടെ സം​സ്ഥാ​ന​ത്തു​ണ്ട് എ​ന്ന കാ​ര്യം ന​മ്മു​ടെ സ്കൂ​ളു​കാ​ർ മ​റ​ന്നു കൂ​ടാ.

ഇ​ത്ത​വ​ണ പ​ത്തി​ലേ​റെ അ​ന്യ​സം​സ്ഥാ​ന മ​ത്സ​രാ​ർ​ഥി​ക​ൾ വി​വി​ധ സ്കൂ​ളു​ക​ളു​ടെ പ്ര​തി​നി​ധി​ക​ളാ​യി പ​ങ്കെ​ടു​ക്കു​ന്നു​ണ്ട്. മീ​റ്റി​ന്‍റെ ആ​ദ്യ​ദി​നം ജാ​വ​ലി​നി​ൽ മി​ന്നും പ്ര​ക​ട​ന​ത്തോ​ടെ സ്വ​ർ​ണം നേ​ടി​യ കോ​ത​മം​ഗ​ലം മാ​ർ​ബേ​സി​ൽ സ്കൂ​ളി​ലെ യാ​ദ​വ് ന​രേ​ഷ് കൃ​പാ​ലും ഇ​ന്ന​ലെ സ​ബ് ജൂ​ണി​യ​ർ 100 മീ​റ്റ​റി​ൽ സ്വ​ർ​ണം നേ​ടി​യ കോ​ത​മം​ഗ​ലം സെ​ന്‍റ് ജോ​ർ​ജ് സ്കൂ​ളി​ലെ ത​ങ്കം അ​ലേ​ർ​ട്സ​ൺ സിം​ഗും ഇ​തി​ൽ ചി​ല​രാ​ണ്. എ​റ​ണാ​കു​ളം ജി​ല്ല​യെ പ്ര​തി​നി​ധീ​ക​രി​ച്ചാ​ണ് കൂ​ടു​ത​ൽ അ​ന്യ​സം​സ്ഥാ​ന താ​ര​ങ്ങ​ൾ മ​ത്സ​രി​ക്കു​ന്ന​ത്.

തേ​ടി​യെ​ത്തു​ന്ന​വ​രെ ​സ്വീ​ക​രി​ക്ക​ണം

അ​തേ​സ​മ​യം, മ​റ്റൊ​രു കൂ​ട്ട​രു​ണ്ട്. കേ​ര​ള​ത്തി​ലെ മി​ക​ച്ച സാ​ഹ​ച​ര്യ​വും മ​റ്റും മ​ന​സി​ലാ​ക്കി, കൃ​ത്യ​മാ​യ മാ​ർ​ഗ​ത്തി​ലൂ​ടെ ഇ​വി​ടെ​യെ​ത്തു​ന്ന​വ​രു​ണ്ട്. സ്പോ​ർ​ട്സ് അ​ഥോ​റി​റ്റി ഓ​ഫ് ഇ​ന്ത്യ​യു​ടെ കേ​ന്ദ്ര​ങ്ങ​ളി​ലെ മി​ക​ച്ച സൗ​ക​ര്യ​വും പ​രി​ശീ​ല​ക​രു​ടെ മി​ക​വു​മാ​ണ് അ​വ​ർ​ക്ക് പ്ര​ചോ​ദ​ന​മാ​കു​ന്ന​ത്. അ​ങ്ങ​നെ ഇ​വി​ടെ​യെ​ത്തി​യ​വ​രാ​ണ് തി​രു​വ​ന​ന്ത​പു​രം സാ​യി​യി​ലെ മേ​ഘാ​ദ്രി റോ​യി​യും തൃ​ശൂ​ർ സാ​യി​യി​ലെ കെ. ​ക​ബീ​റും. പ​ശ്ചി​മ​ബം​ഗാ​ളി​ൽ​നി​ന്നു​ള്ള മേ​ഘാ​ദ്രി റോ​യി കേ​ര​ള​ത്തി​ലെ​ത്തി​യ ക​ഥ ശ്ര​ദ്ധേ​യ​മാ​ണ്. ലോം​ഗ് ജം​പി​ൽ ദേ​ശീ​യ റി​ക്കാ​ർ​ഡ് ജേ​താ​വാ​യ മ​ഹാ​രാ​ഷ്‌​ട്ര​യു​ടെ അ​ങ്കി​ത് ശ​ർ​മ​യു​ടെ നി​ർ​ദേ​ശാ​നു​സ​ര​ണ​വും കാ​യി​ക​രം​ഗ​ത്തോ​ടു​ള്ള താ​ത്പ​ര്യം കൊ​ണ്ടു​മാ​ണ് മേ​ഘാ​ദ്രി തി​രു​വ​ന​ന്ത​പു​ര​ത്തെ​ത്തി​യ​ത്. അ​ച്ഛ​ന്‍റെ​യും അ​മ്മ​യു​ടെ​യും അ​നു​വാ​ദ​ത്തോ​ടെ ഒ​റ്റ​യ്ക്കാ​ണ് നാ​ലു മാ​സം മു​ന്പ​് മേ​ഘാ​ദ്രി തെ​രു​വ​ന​ന്ത​പു​ര​ത്തെ സെ​ല​ക്‌​ഷ​ൻ ട്ര​യ​ൽ​സി​ൽ പ​ങ്കെ​ടു​ത്ത​ത്.


പ്ര​തി​ഭ തെ​ളി​യി​ച്ച മേ​ഘാ​ദ്രി​യെ ക്യാ​ന്പി​ലെ​ടു​ത്തു. ഇ​പ്പോ​ൾ എ.​എം. ജോ​ർ​ജി​ന്‍റെ കീ​ഴി​ൽ പ​രി​ശീ​ല​ന​ത്തി​ലാ​ണ് മേ​ഘാ​ദ്രി. 100, 200 മീ​റ്റ​ർ ഓ​ട്ട​വും ലോം​ഗ് ജം​പു​മാ​ണ് മേ​ഘാ​ദ്രി​യു​ടെ ഇ​ന​ങ്ങ​ൾ. 100 മീ​റ്റ​റി​ൽ ഫൗ​ൾ​സ്റ്റാ​ർ​ട്ടി​നെ​ത്തു​ട​ർ​ന്ന് ഉ​റ​ച്ച മെ​ഡ​ലാ​ണ് അ​വ​നു ന​ഷ്ട​മാ​യ​തെ​ന്ന് ജോ​ർ​ജ് പ​റ​ഞ്ഞു. ലോം​ഗ് ജം​പി​ലും 200 മീ​റ്റ​റി​ലും മേ​ഘാ​ദ്രി​ക്ക് മെ​ഡ​ൽ ഉ​റ​പ്പാ​ണെ​ന്ന് അ​ദ്ദേ​ഹ​ത്തി​ന്‍റെ സാ​ക്ഷ്യം.

സൗ​ത്ത് സോ​ൺ മീ​റ്റി​ലും സം​സ്ഥാ​ന ജൂ​ണി​യ​ർ മീ​റ്റി​ലും മേ​ഘാ​ദ്രി​ക്ക് മെ​ഡ​ലു​ണ്ട്. തൃ​ശൂ​ർ സാ​യി​യി​ലെ ക​ബീ​റി​നെ അ​ധി​കൃ​ത​ർ ക​ണ്ടു മു​ട്ടു​ന്ന​ത് തൃ​ശൂ​രെ ഒ​രു അ​നാ​ഥ കേ​ന്ദ്ര​ത്തി​ൽ​നി​ന്നാ​ണ്. സാ​യി​യു​ടെ മി​ക​ച്ച പ​രി​ശീ​ല​ന​ത്തി​ൽ ക​ബീ​ർ മെ​ച്ച​പ്പെ​ടു​ക​യാ​ണ്. സ​ബ് ജൂ​ണി​യ​ർ ലോം​ഗ് ജം​പാ​ണ് ക​ബീ​റി​ന്‍റെ ഇ​നം. എ. ​ബോ​സാ​ണ് പ​രി​ശീ​ല​ക​ൻ.

സി​കെ​ആ​ർ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.