Sports News
റൊ​ണാ​ള്‍ഡോ​യ്ക്കു ഹാ​ട്രി​ക്; റ​യ​ലി​നു വ​ന്‍ ജ​യം
റൊ​ണാ​ള്‍ഡോ​യ്ക്കു ഹാ​ട്രി​ക്; റ​യ​ലി​നു വ​ന്‍ ജ​യം
Monday, February 12, 2018 12:53 AM IST
മാ​ഡ്രി​ഡ്: ക്രി​സ്റ്റ്യാ​നോ റൊ​ണാ​ള്‍ഡോ​യു​ടെ ഹാ​ട്രി​ക് മി​ക​വി​ല്‍ റ​യ​ല്‍ മാ​ഡ്രി​ഡി​ന് ത​ക​ര്‍പ്പ​ന്‍ ജ​യം. റ​യ​ല്‍ സോ​സി​ദാ​ദി​നെ​തി​രേ നേ​ടി​യ 5-2ന്‍റെ ​അ​നാ​യാ​സ ജ​യ​ത്തോ​ടെ റ​യ​ല്‍ ബു​ധ​നാ​ഴ്ച പാ​രി സാ​ന്‍ ഷെ​ര്‍മ​യി​നെ​തി​രേ​യു​ള്ള ചാ​മ്പ്യ​ന്‍സ് ലീ​ഗ് പ്രീ​ക്വാ​ര്‍ട്ട​ര്‍ പോ​രാ​ട്ട​ത്തി​ന് ഒ​രു​ങ്ങി​ത്ത​ന്നെ​യാ​ണ് വെ​ളി​പ്പെ​ടു​ത്തി.

ഇ​ന്ന​ലെ ന​ട​ന്ന മ​ത്സ​ര​ത്തി​ൽ പോ​യി​ന്‍റ് നി​ല​യി​ൽ ഒ​ന്നാ​മ​തു​ള്ള ​ബാ​ഴ്സ​ലോ​ണ​യെ ഗെ​റ്റ​ഫെ ഗോ​ൾ​ര​ഹി​ത സ​മ​നി​ല​യി​ൽ കു​രു​ക്കി. മാ​ഡ്രി​ഡി​ലാ​ണ് യൂ​റോ​പ്പി​ലെ ക​രു​ത്ത​രാ​യ റ​യാ​ല്‍ മാ​ഡ്രി​ഡും പി​എ​സ്ജി​യും ഏ​റ്റു​മു​ട്ടു​ന്ന​ത്.

സ്വ​ന്തം സാ​ന്‍റി​യാ​ഗോ ബ​ര്‍ണാ​ബു സ്‌​റ്റേ​ഡി​യ​ത്തി​ല്‍ ആ​ദ്യ മി​നി​റ്റ് മു​ത​ല്‍ റ​യ​ല്‍ മാ​ഡ്രി​ഡ് ആ​ധി​പ​ത്യം നേ​ടി. ആ​ദ്യ പ​കു​തി തീ​ര്‍ന്ന​പ്പോ​ള്‍ റ​യ​ല്‍ നാ​ലു ഗോ​ളി​ന് മു​ന്നി​ലെ​ത്തി. ആ​ദ്യ മി​നി​റ്റി​നു​ള്ളി​ല്‍ ലൂ​കാ​സ് വാ​സ്‌​ക്വെ​സി​ന്‍റെ ഗോ​ള്‍, റൊ​ണാ​ള്‍ഡോ​യു​ടെ ഇ​ര​ട്ട ഗോ​ള്‍, പി​ന്നെ ടോ​ണി ക്രൂ​സി​ന്‍റെ ത​ക​ര്‍പ്പനൊരു ഗോ​ളു​മാ​യ​പ്പോ​ള്‍ ആ​ദ്യ പ​കു​തി​യി​ല്‍ത​ന്നെ റ​യ​ല്‍ ജ​യം ഉ​റ​പ്പി​ച്ചു. ര​ണ്ടാം പ​കു​തി​യി​ല്‍ പി​റ​ന്ന മൂ​ന്നു ഗോ​ളി​ല്‍ ര​ണ്ടെ​ണ്ണം സോ​സി​ദാ​ദ് നേ​ടി. ജോ​ന്‍ ബൗ​റ്റി​സ്റ്റ​യും മു​ന്‍ റ​യ​ല്‍ മ​ധ്യ​നി​ര താ​രം അ​സി​യ​ര്‍ ഇ​ലാ​റ​മെ​ന്‍ഡി​യു​മാ​ണ് ഗോ​ള്‍ നേ​ടി​യ​ത്. ഇ​തി​നി​ടെ റൊ​ണാ​ള്‍ഡോ ഹാ​ട്രി​ക് തി​ക​ച്ചു.

ലാ ​ലി​ഗ​യി​ലെ നി​ല​വി​ലെ ചാ​മ്പ്യ​ന്മാ​രാ​യ റ​യ​ല്‍ പോ​യി​ന്‍റ് നി​ല​യി​ല്‍ 42 പോ​യി​ന്‍റു​മാ​യി മൂ​ന്നാം സ്ഥാ​ന​ത്തേ​ക്കു ക​യ​റി. ഇ​പ്പോ​ഴും ഒ​ന്നാ​മ​തു​ള്ള ബാ​ഴ്‌​സ​ലോ​ണ​യു​മാ​യി 16 പോ​യി​ന്‍റി​ന്‍റെ​യും ര​ണ്ടാ​മ​തു​ള്ള അ​ത്‌​ല​റ്റി​ക്കോ മാ​ഡ്രി​ഡു​മാ​യി 10 പോ​യി​ന്‍റി​ന്‍റെ​യും വ്യ​ത്യാ​സ​മാ​ണു​ള്ള​ത്. പി​എ​സ്ജി​ക്കെ​തി​രേ​യു​ള്ള മ​ത്സ​ര​ത്തി​ന് മു​മ്പു​ള്ള മ​ത്സ​ര​മാ​യ​തു​കൊ​ണ്ട് സി​ദാ​ന്‍ ശ​ക്ത​മാ​യ നി​ര​യെ​യാ​ണ് ആ​ദ്യ പ​കു​തി​യി​ല്‍ ഇ​റ​ക്കി​യ​ത്. പ​ക​ര​ക്കാ​രു​ടെ ബെ​ഞ്ചി​ല്‍ ഇ​സ്‌​കോ, ക​സേ​മി​റോ, ഗാ​ര​ത് ബെ​യ്‌ൽ എ​ന്നി​വ​രു​മു​ണ്ടാ​യി​രു​ന്നു. ലാ ​ലി​ഗ​യി​ലെ കി​രീ​ടം നി​ല​നി​ര്‍ത്താ​മെ​ന്ന മോ​ഹം ഒ​രു​ പ​രി​ധി​വ​രെ ക​ഴി​ഞ്ഞ​യാ​ഴ്ച ലെ​വ​ന്‍റെ​യ്‌​ക്കെ​തി​രേ​യു​ള്ള 2-2ന്‍റെ ​സ​മ​നി​ല​യോ​ടെ അ​വ​സാ​നി​ച്ചി​രു​ന്നു. ലീ​ഗി​ല്‍ ശേ​ഷി​ക്കു​ന്ന മ​ത്സ​ര​ങ്ങ​ളി​ല്‍ ഗം​ഭീ​ര പ്ര​ക​ട​നം ന​ട​ത്തു​ക​യെ​ന്ന ല​ക്ഷ്യ​ത്തോ​ടെ ഇ​റ​ങ്ങി​യ റ​യ​ല്‍ 47-ാം സെ​ക്ക​ന്‍ഡി​ല്‍ സോ​സി​ദാ​ദി​ന്‍റെ വ​ല​യി​ല്‍ നി​റ​യൊ​ഴി​ച്ചു. ക​ഴി​ഞ്ഞ തി​ങ്ക​ളാ​ഴ്ച 33-ാം ജ​ന്മ​ദി​ന​മാ​ഘോ​ഷി​ച്ച റൊ​ണാ​ള്‍ഡോ ഇ​ട​തു പാ​ര്‍ശ്വ​ത്തി​ല്‍നി​ന്നു ന​ല്‍കി​യ പ​ന്തി​ല്‍ വാ​സ്‌​ക്വെ​സി​ന്‍റെ ഹെ​ഡ​ര്‍ സോ​സി​ദാ​ദി​ന്‍റെ വ​ല കു​ലു​ക്കി. ക​ളി അ​ര മ​ണി​ക്കൂ​റി​ലെ​ത്തും മു​മ്പേ റൊ​ണാ​ള്‍ഡോ ഗോ​ള്‍ പ​ട്ടി​ക​യി​ല്‍ സ്ഥാ​നം പി​ടി​ച്ചു. മാ​ഴ്‌​സ​ലോ ഇ​ട​തു​വ​ശ​ത്തു​നി​ന്ന് ന​ല്‍കി​യ പ​ന്തി​ല്‍ ബോ​ക്‌​സി​നു​ള്ളി​ല്‍നി​ന്ന റൊ​ണാ​ള്‍ഡോ​യ്ക്ക് കാ​ലു​വ​യ്‌​ക്കേ​ണ്ട​തേ ഉ​ണ്ടാ​യി​രു​ന്നു​ള്ളു.


വൈ​കാ​തെ​ത​ന്നെ പെ​നാ​ല്‍റ്റി ബോ​ക്‌​സി​നു തൊ​ട്ട​രി​കി​ല്‍നി​ന്ന് ക്രൂ​സി​ന്‍റെ ഷോ​ട്ട് ഗോ​ള്‍കീ​പ്പ​ര്‍ ജെ​റോ​മി​നോ റൂ​ലി​യു​ടെ ത​ല​യ്ക്കു മു​ക​ളി​ലൂ​ടെ വ​ല​യി​ലാ​യി. വാ​സ്‌​ക്വെ​സി​ന്‍റെ പാ​സി​ല്‍നി​ന്നാ​യി​രു​ന്നു ഗോ​ള്‍. ഈ ​സ​മ​യ​ങ്ങ​ളി​ല്‍ റ​യ​ല്‍ ഗോ​ള്‍കീ​പ്പ​ര്‍ കെ​യ്‌​ല​ര്‍ ന​വാ​സി​ന് ഭീ​ഷ​ണി ഉ​യ​ര്‍ത്താ​ന്‍ ത​ക്ക ഷോ​ട്ട് പോ​യി​ക്കാ​ന്‍ സോ​സി​ദാ​ദി​നാ​യി​ല്ല. 37-ാം മി​നി​റ്റി​ല്‍ ഹെ​ഡ​റി​ലൂ​ടെ റൊ​ണാ​ള്‍ഡോ ര​ണ്ടാം ഗോ​ള്‍ നേ​ടി. ലൂ​ക്ക മോ​ഡ്രി​ച്ചെ​ടു​ത്ത കോ​ര്‍ണ​റി​ല്‍നി​ന്നാ​ണ് ഗോ​ള്‍ പി​റ​ന്ന​ത്.
ര​ണ്ടാം പ​കു​തി​യി​ല്‍ സോ​സി​ദാ​ദി​ല്‍നി​ന്ന് മി​ക​ച്ച നീ​ക്ക​ങ്ങ​ളെ​ത്തി. 74-ാം മി​നി​റ്റി​ല്‍ ബൗ​റ്റി​സ്റ്റ​യി​ലൂ​ടെ സോ​സി​ദാ​ദ് ഒ​രു ഗോ​ള്‍ മ​ട​ക്കി. ഗോ​ള​ടി നി​ര്‍ത്താ​ന്‍ ത​യാ​റാ​കാ​തെ പൊ​രു​തി​യ റൊ​ണാ​ള്‍ഡോ ഹാ​ട്രി​ക് തി​ക​ച്ചു. 83-ാം മി​നി​റ്റി​ല്‍ സോ​സി​ദാ​ദ് ഇ​ലാ​റ​മെ​ന്‍ഡി​യി​ലൂ​ടെ ര​ണ്ടാം ഗോ​ള്‍ നേ​ടി.

അ​ത്‌​ല​റ്റി​ക്കോ മാ​ഡ്രി​ഡ് ഏ​ക​പ​ക്ഷീ​യ​മാ​യ ഒ​രു ഗോ​ളി​ന് മ​ലാ​ഗ​യെ തോ​ല്പി​ച്ചു. ക​ളി തു​ട​ങ്ങി 39 സെ​ക്ക​ന്‍ഡി​ല്‍ ആ​ന്‍റോ​ണി ഗ്രീ​സ്മാ​ന്‍റെ ഗോ​ളാ​ണ് അ​ത്‌​ല​റ്റി​ക്കോ​യ്ക്കു ജ​യ​മൊ​രു​ക്കി​യ​ത്.
ബാഴ്സലോണ-ഗെറ്റഫെ മത്സരം ഗോൾരഹിത സമനിലയായി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.