ചോ​ര​ചി​ന്തു​ന്ന ഈ​ജി​പ്ഷ്യ​ൻ ഫു​ട്ബോ​ൾ...
Tuesday, May 15, 2018 12:40 AM IST
‘ഈ​ജി​പ്തി​ൽ ഇ​പ്പോ​ൾ കു​ട്ടി​ക​ൾ ഫു​ട്ബോ​ളി​നാ​യി സ്റ്റേ​ഡി​യ​ങ്ങ​ളി​ൽ പോ​കാ​റി​ല്ല. അ​വ​രി​ലെ ഫു​ട്ബോ​ൾ പ്രേ​മം വൈ​കാ​തെ മ​രി​ക്കു​മെ​ന്നാ​ണ് അ​തി​ന​ർ​ഥം. അ​തോ​ടെ രാ​ജ്യ​ത്ത് പു​തി​യ താ​ര​ങ്ങ​ൾ പി​റ​വി​യെ​ടു​ക്കാ​തെ​വ​രും’ ഈ​ജി​പ്ത് ഫു​ട്ബോ​ൾ ക്ല​ബ്ബാ​യ അ​ൽ അ​ഷ്‌​ലി സ്പോ​ർ​ട്ടിം​ഗി​ന്‍റെ പോ​ർ​ച്ചു​ഗീ​സ് പ​രി​ശീ​ല​ക​നാ​യി​രു​ന്ന മാ​നു​വ​ൽ ഹൊ​സെ ഡി ​ജീ​സ​സി​ന്‍റെ വാ​ക്കു​ക​ളാ​ണി​ത്.

1990നു​ശേ​ഷം ആ​ദ്യ​മാ​യി ലോ​ക​ക​പ്പ് യോ​ഗ്യ​ത നേ​ടി​യ ഈ​ജി​പ്തി​ൽ ഫു​ട്ബോ​ൾ ആ​രാ​ധ​ക​രു​ടെ ജീ​വ​ൻ അ​പ​ക​ട​ത്തി​ലാ​ണെ​ന്ന​താ​ണ് വാ​സ്ത​വം. സൂ​പ്പ​ർ താ​ര​മാ​യ മു​ഹ​മ്മ​ദ് സ​ല​യു​ടെ നാ​ട്ടി​ൽ ‘അ​ൾ​ട്രാ​സ്’ (ഫു​ട്ബോ​ൾ ഭ്രാ​ന്ത​ന്മാ​രു​ടെ അ​സോ​സി​യേ​ഷ​ൻ) ന​ട​ത്തി​യ ആ​ക്ര​മ​ണ​ങ്ങ​ളു​ടെ ആ​കെ​ത്തു​ക​യാ​ണ് മാ​നു​വ​ൽ ഹൊ​സെ​യു​ടെ വാ​ക്കു​ക​ളി​ലു​ള്ള​ത്.

2012 ഫെ​ബ്രു​വ​രി ഒന്ന്. ഈ​ജി​പ്ത് ലീ​ഗി​ൽ അ​ൽ അ​ഷ്‌​ലി​യും അ​ൽ മ​സ്രി​യും പോ​രി​നി​റ​ങ്ങു​ന്നു. മ​ത്സ​ര​ത്തി​നു മു​ന്പ് ത​ന്നെ ഫു​ട്ബോ​ൾ ഭ്രാ​ന്ത​ന്മാ​ർ (ഹൂ​ളി​ഗ​ൻ​സ്) മൈ​താ​ന​ത്തി​റ​ങ്ങി പ്ര​ശ്നം ആ​രം​ഭി​ച്ചി​രു​ന്നു. അ​ര​മ​ണി​ക്കൂ​ർ വൈ​കി ആ​രം​ഭി​ച്ച മ​ത്സ​ര​ത്തി​ൽ അ​ൽ മ​സ്രി 3-1നു ​ജ​യി​ച്ചു. തു​ട​ർ​ന്ന് മ​സ്രി ആ​രാ​ധ​ക​ർ ക​ത്തി​യും വാ​ളും ക​ല്ലും ചു​റ്റി​ക​യും പ​ട​ക്ക​ങ്ങ​ളും ഉ​പ​യോ​ഗി​ച്ച് ന​ട​ത്തി​യ ആ​ക്ര​മ​ണം ഫു​ട്ബോ​ൾ ച​രി​ത്ര​ത്തി​ലെ ഏ​റ്റ​വും വ​ലി​യ ദു​ര​ന്ത​ത്തി​ലാ​ണ് അ​വ​സാ​നി​ച്ച​ത്. ഗാ​ല​റി​യും മൈ​താ​ന​വും അ​ൾ​ട്രാ​സ് വി​ഴു​ങ്ങി. പോ​ലീ​സു​കാ​ർ സ്റ്റേ​ഡി​യ​ത്തി​ന്‍റെ പു​റ​ത്തേ​ക്കു​ള്ള വാ​തി​ൽ തു​റ​ന്നി​ല്ല. മ​ണി​ക്കൂ​ർ നീ​ണ്ട ല​ഹ​ള അ​വ​സാ​നി​ച്ച​പ്പോ​ൾ 74 ജീ​വ​നു​ക​ൾ പൊ​ലി​ഞ്ഞു. മ​രി​ച്ച​തി​ല​ധി​ക​വും അ​ഷ്‌​ലി അ​ൾ​ട്രാ​സു​ക​ളാ​യി​രു​ന്നു. 500 പേ​ർ​ക്ക് പ​രി​ക്കേ​റ്റു. അ​ൾ​ട്രാ​സും പോ​ലീ​സും ത​മ്മി​ൽ ഈ​ജി​പ്ത് തെ​രു​വോ​ര​ങ്ങ​ളി​ൽ പി​ന്നീ​ടും നി​ര​വ​ധി ഏ​റ്റു​മു​ട്ട​ലു​ക​ൾ അ​ര​ങ്ങേ​റി.


അ​ന്നു മു​ത​ൽ ഇ​ന്നു​വ​രെ പി​ന്നീ​ട് ഈ​ജി​പ്തി​ൽ ഫു​ട്ബോ​ൾ ലീ​ഗി​ൽ ഗാ​ല​റി നി​റ​ഞ്ഞി​ട്ടി​ല്ല. സു​ര​ക്ഷാ​പ്ര​ശ്ന​ങ്ങ​ൾ നി​ര​ത്തി പോ​ലീ​സ് ആ​രെ​യും ഗാ​ല​റി​യി​ൽ ക​ട​ക്കാ​ൻ അ​നു​വ​ദി​ച്ചി​ല്ല എ​ന്ന​താ​ണ് വാ​സ്ത​വം. എ​ന്നാ​ൽ, 2015ൽ 22 ​ഫു​ട്ബോ​ൾ ആ​രാ​ധ​ക​ർ​കൂ​ടി കൊ​ല്ല​പ്പെ​ട്ടു. ക​യ്റോ​യി​ൽ സൈ​ന്യ​ത്തി​ന്‍റെ നി​യ​ന്ത്ര​ണ​ത്തി​ലു​ള്ള സ്റ്റേ​ഡി​യ​ത്തി​നു പു​റ​ത്ത് അ​ൾ​ട്രാ​സി​നു​നേ​രെ ശ​ക്ത​മാ​യ ക​ണ്ണീ​ർ​വാ​ത​ക പ്ര​യോ​ഗ​വും വെ​ടി​വ​യ്പ്പും ന​ട​ത്തി​യ​താ​യി​രു​ന്നു കാ​ര​ണം. മു​ൻ പ്ര​സി​ഡ​ന്‍റാ​യി​രു​ന്ന ഹൊ​സ്നി മു​ബാ​റ​ക്ക് 2011ൽ ​പു​റ​ത്തു​പോ​കാ​നു​ള്ള ല​ഹ​ള​യി​ലും അ​ൾ​ട്രാ​സ് മു​ഖ്യ​പ​ങ്ക് വ​ഹി​ച്ചി​രു​ന്നു എ​ന്ന​താ​ണ് യാ​ഥാ​ർ​ഥ്യം. ഹൂളിഗൻ ചരിത്രത്തിലെ ആദ്യ സംഭവമായിരുന്നു അത്.

2012 ദു​ര​ന്ത​ത്തോ​ടെ ഈ​ജി​പ്തി​ലെ ഗാ​ല​റി​ക​ൾ ശൂ​ന്യ​മാ​യി. ര​ണ്ട് മാ​സം മു​ന്പ് വി​ല​ക്ക് ഭാ​ഗി​ക​മാ​യി നീ​ക്കി. എ​ന്നാ​ൽ, പ​ര​മാ​വ​ധി 300 പേ​രെ​മാ​ത്ര​മാ​ണ് ലീ​ഗ് മ​ത്സ​രം കാ​ണാ​ൻ ഗാ​ല​റി​യി​ലേ​ക്ക് ക​ട​ത്തി​വി​ട്ട​ത്.

28 വ​ർ​ഷ​ത്തെ കാ​ത്തി​രി​പ്പി​നു​ശേ​ഷം ലോ​ക​ക​പ്പി​നെ​ത്തു​ന്ന ഈ​ജി​പ്ത് ലോ​ക​ക​പ്പി​ൽ ഗ്രൂ​പ്പ് എ​യി​ൽ ആ​തി​ഥേ​യ​രാ​യ റ​ഷ്യ, ഉ​റു​ഗ്വെ, സൗ​ദി അ​റേ​ബ്യ എ​ന്നി​വ​യ്ക്കൊ​പ്പ​മാ​ണ്. നാ​ട്ടി​ലെ പ്ര​ശ്ന​ങ്ങ​ൾ​ക്കി​ടെ​യും മു​ഹ​മ്മ​ദ് സ​ല​യു​ടെ നേ​തൃ​ത്വ​ത്തി​ൽ മു​ന്നേ​റാ​നു​റ​ച്ചാ​ണ് ഈ​ജി​പ്തി​ന്‍റെ വ​ര​വ്.

അനീഷ് ആലക്കോട്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.