സ്വർണത്തിളക്കത്തിലും ബാസ്കറ്റ്ബോൾ താരങ്ങൾക്കു യാത്രാക്ലേശം
Wednesday, May 16, 2018 1:49 AM IST
ന്യൂ​ഡ​ൽ​ഹി: മൂ​ന്നു പ​തി​റ്റാ​ണ്ടി​നു​ശേ​ഷം ദേ​ശീ​യ ജൂ​ണി​യ​ർ ബാ​സ്ക​റ്റ്ബോ​ൾ ചാ​ന്പ്യ​ൻഷി​പ്പി​ൽ സ്വ​ർ​ണ​ത്തി​ള​ക്ക​വു​മാ​യി ലു​ധി​യാ​ന​യി​ൽനി​ന്നു മ​ട​ങ്ങി​യ കേ​ര​ള ടീ​മി​ന് നാട്ടിലേക്കു മടങ്ങാൻ സാധിച്ചത് രണ്ടു ദിവസത്തിനുശേഷം. യാത്രാ ടിക്കറ്റ് ശരിയാകാതിരുന്നതാണ് കാരണം.

ആ​ണ്‍കു​ട്ടി​ക​ളു​ടെ വി​ഭാ​ഗം സ്വ​ർ​ണ​വും പെ​ണ്‍കു​ട്ടി​ക​ൾ വെ​ള്ളി​യും നേ​ടി​യി​രു​ന്നു. ആ​ണ്‍കു​ട്ടി​ക​ൾ രാ​ജ​സ്ഥാ​നെ കീ​ഴ​ട​ക്കി സ്വ​ർ​ണം നേ​ടി​യ​പ്പോ​ൾ പെ​ണ്‍കു​ട്ടി​ക​ൾ ത​മി​ഴ്നാ​ടി​നോ​ട് പൊ​രു​തി തോ​റ്റ് വെ​ള്ളിയണിഞ്ഞു.

മ​ത്സ​ര​ങ്ങ​ൾ​ക്കു​ശേ​ഷം ലു​ധി​യാ​ന​യി​ൽനി​ന്നു മ​ട​ങ്ങു​ന്ന​തി​നാ​യി മാ​ർ​ച്ച് ആ​റി​ന് ത​ന്നെ ടി​ക്ക​റ്റു​ക​ൾ ബു​ക്ക് ചെ​യ്തി​രു​ന്നെ​ങ്കി​ലും ഇ​ത് വെ​യ്റ്റിം​ഗ് ലി​സ്റ്റി​ലാ​യി​രു​ന്നു. ഇ​ന്ന​ലെ പു​റ​പ്പെ​ടാ​നൊ​രു​ങ്ങു​ന്പോ​ഴാ​ണ് ര​ണ്ടു പേ​രു​ടേ​തൊ​ഴി​കെ ടി​ക്ക​റ്റു​ക​ൾ ക​ണ്‍ഫേം ആ​യി​ട്ടി​ല്ലെ​ന്ന് അ​റി​യു​ന്ന​ത്. പി​ന്നീ​ട് ഇ​വ​ർ ഇ​ന്ന​ലെ വൈ​കു​ന്നേ​രം ഡ​ൽ​ഹി​യി​ലെ​ത്തി. നാ​ളെ കേ​ര​ള​ത്തി​ലേ​ക്ക് മ​ട​ങ്ങു​ന്ന​തി​നാ​യി ത​ത്കാ​ൽ ടി​ക്ക​റ്റെ​ടു​ത്തി​ട്ടു​ണ്ട്. ടീം ​റീ ബൗ​ണ്ട് എ​ന്ന മു​ൻ കേ​ര​ള ബാ​സ്ക​റ്റ്ബോ​ൾ താ​ര​ങ്ങ​ളാ​ണ് ഇ​വ​ർ​ക്ക് ക​ണ്‍ഫേം ടി​ക്ക​റ്റി​ല്ലാ​തെ യാ​ത്ര ചെ​യ്യ​രു​തെ​ന്ന മു​ന്ന​റി​യി​പ്പു ന​ൽ​കി​യ​ത്. ഇ​തേ തു​ട​ർ​ന്നാ​ണ് ത​ത്കാ​ൽ ടി​ക്ക​റ്റെ​ടു​ത്ത് യാ​ത്ര നാ​ള​ത്തേ​ക്കു മാ​റ്റി​യ​ത്.


ഇ​തി​നി​ടെ സ്വ​ന്തം ചെ​ല​വി​ൽ ലു​ധി​യാ​ന​യി​ൽ എ​ത്തി​യ ആ​ണ്‍കു​ട്ടി​ക​ളു​ടെ പ​രി​ശീ​ല​ക​ൻ സു​ദീ​പ് ബോ​സ് വി​മാ​ന​ത്തി​ൽ നാ​ട്ടി​ലേ​ക്കു മ​ട​ങ്ങി​യി​രു​ന്നു. ആ​ശ​ങ്ക​ക​ൾ​ക്കൊ​ടു​വി​ൽ കേ​ര​ള ബാ​സ്ക​റ്റ് ബോ​ൾ അ​സോ​സി​യേ​ഷ​ൻ ഇ​ട​പെ​ട്ട് തു​ട​ർയാ​ത്ര​യ്ക്കു​ള്ള ടി​ക്ക​റ്റു​ക​ളും മ​റ്റു സൗ​ക​ര്യ​ങ്ങ​ളും ഒ​രു​ക്കി​ത്ത​ന്നു​വെ​ന്നാ​ണ് ആ​ണ്‍കു​ട്ടി​ക​ളു​ടെ ടീം ​മാ​നേ​ജ​ർ ബി. ​ആ​രോ​മ​ൽ പ​റ​ഞ്ഞ​ത്. ന്യൂ​ഡ​ൽ​ഹി റെ​യി​ൽ​ബോ​ർ​ഡി​ന്‍റെ താ​ര​ങ്ങ​ൾ​ക്കു​ള്ള സ്റ്റേഡിയത്തിൽ താ​മസ സൗ​ക​ര്യം ല​ഭി​ച്ചു. യാ​ത്ര സം​ബ​ന്ധി​ച്ച ആ​ശ​ങ്ക​ക​ൾ പ​രി​ഹ​രി​ച്ച​തോ​ടെ ഒ​രു ദി​വ​സം ഡ​ൽ​ഹി​യി​ൽ ചു​റ്റി​യ​ടി​ക്കാ​നു​ള്ള അ​വ​സ​രം ല​ഭി​ച്ച​തി​ൽ താ​ര​ങ്ങ​ൾ ഏ​റെ സ​ന്തോ​ഷ​ത്തി​ലാ​ണെ​ന്ന് ബാ​സ്ക​റ്റ്ബോ​ൾ അ​സോ​സി​യേ​ഷ​ൻ സെ​ക്ര​ട്ട​റി ഡോ. ​പ്രി​ൻ​സ് കെ. ​മ​റ്റം അ​റി​യി​ച്ചു. നാ​ളെ രാ​വി​ലെ മം​ഗ​ള എ​ക്സ​പ്ര​സി​ൽ ഇ​വ​ർ കേ​ര​ള​ത്തി​ലേ​ക്കു പു​റ​പ്പെ​ടും.