ശ്രീശാന്തിനെ കളിപ്പിക്കില്ലെന്ന വാശിയിൽ ബിസിസിഐ ഉറച്ചുതന്നെ
Wednesday, May 16, 2018 1:49 AM IST
ന്യൂ​ഡ​ൽ​ഹി: ശ്രീ​ശാ​ന്തി​നെ ക​ളി​പ്പി​ക്കി​ല്ലെ​ന്ന വാ​ശി​യി​ൽ ബി​സി​സി​ഐ ഉ​റ​ച്ചു നി​ൽ​ക്കു​ന്നു. ഐ​പി​എ​ൽ ഒ​ത്തു​ക​ളി കേ​സി​ൽ ശ്രീ​ശാ​ന്ത് കു​റ്റ​ക്കാ​ര​നാ​ണെ​ന്നും ഇ​തു സം​ബ​ന്ധി​ച്ച കേ​സ് ഡ​ൽ​ഹി ഹൈ​ക്കോട​തി​യു​ടെ പ​രി​ഗ​ണ​ന​യി​ലാ​ണെ​ന്നു​മാ​ണ് ഇ​ന്ന​ലെ ബി​സി​സി​ഐ സു​പ്രീം​കോ​ട​തി​യി​ൽ വാ​ദി​ച്ച​ത്.

ഇം​ഗ്ലീ​ഷ് കൗ​ണ്ടി ക്രി​ക്ക​റ്റി​ലെ​ങ്കി​ലും ക​ളി​ക്കാ​ൻ അ​വ​സ​രം ന​ൽ​ക​ണ​മെ​ന്ന ശ്രീ​ശാ​ന്തി​ന്‍റെ അ​പേ​ക്ഷ ആ​ണ് ബി​സി​സി​ഐ ഇ​ന്ന​ലെ സു​പ്രീം​കോ​ട​തി​യി​ൽ എ​തി​ർ​ത്ത​ത്. ഐ​പി​എ​ൽ ഒ​ത്തു​ക​ളി​ക്കേ​സി​ൽ ത​ന്നെ കു​റ്റ​വി​മു​ക്ത​നാ​ക്കി​യി​ട്ടു​ണ്ടെ​ന്നും അ​തി​നാ​ൽ ഈ ​സീ​സ​ണി​ൽ ഇം​ഗ്ലീ​ഷ് കൗ​ണ്ടി ക്രി​ക്ക​റ്റി​ൽ ക​ളി​ക്കാ​ൻ സ​ഹാ​യ​ക​മാ​കും വി​ധം ഇ​ട​ക്കാ​ല ഉ​ത്ത​ര​വി​റ​ക്ക​ണ​മെ​ന്നു​മാ​ണ് ശ്രീ​ശാ​ന്ത് ആ​വ​ശ്യ​പ്പെ​ട്ട​ത്. നാ​ലു വ​ർ​ഷ​മാ​യി താ​ൻ വി​ല​ക്ക് നേ​രി​ട്ടു​വ​രി​ക​യാ​ണെ​ന്നും മു​ൻ ഇ​ന്ത്യ​ൻ ക്രി​ക്ക​റ്റ് താ​രം പ​റ​ഞ്ഞു. ഐ​പി​എ​ൽ ഒ​ത്തു​ക​ളി​ക്കേ​സി​ൽ പ്ര​തി​ക​ളെ വെ​റു​തേ​ വി​ട്ട​തി​നെ​തി​രേ ഡ​ൽ​ഹി പോ​ലീ​സി​ന്‍റെ അ​പ്പീ​ലി​ൽ ജൂ​ലൈ അ​വ​സാ​ന​ത്തോ​ടെ തീ​രു​മാ​ന​മെ​ടു​ക്കാ​ൻ ഡ​ൽ​ഹി ഹൈ​ക്കോ​ട​തി​യോ​ട് സു​പ്രീം​കോ​ട​തി ആ​വ​ശ്യ​പ്പെ​ട്ടു.

വി​ഷ​യ​ത്തി​ൽ ശ്രീ​ശാ​ന്തി​ന്‍റെ ആ​ശ​ങ്ക മ​ന​സി​ലാ​ക്കു​ന്നു എ​ന്നും എ​ന്നാ​ൽ, ഡ​ൽ​ഹി ഹൈ​ക്കോ​ട​തി​യു​ടെ തീ​രു​മാ​നം വ​രെ കാ​ത്തി​രി​ക്കു​ക​യാ​ണെ​ന്നും സു​പ്രീം​കോ​ട​തി വ്യ​ക്ത​മാ​ക്കി. ആ​ജീ​വ​നാ​ന്ത വി​ല​ക്കേ​ർ​പ്പെ​ടു​ത്തി​യ ബി​സി​സി​ഐ ന​ട​പ​ടി ശ​രി​വ​ച്ച കേ​ര​ള ഹൈ​ക്കോ​ട​തി ഉ​ത്ത​ര​വി​നെ​തി​രേ ശ്രീ​ശാ​ന്ത് ന​ൽ​കി​യ ഹ​ർ​ജി​യാ​ണ് ചീ​ഫ് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ ബെ​ഞ്ച് പ​രി​ഗ​ണി​ച്ച​ത്. ചൊ​വ്വാ​ഴ്ച കേ​സ് പ​രി​ഗ​ണി​ച്ച​പ്പോ​ഴും ബി​സി​സി​ഐ ശ്രീ​ശാ​ന്തി​നെ​തി​രേ ഉ​റ​ച്ചു​നി​ന്നു.


ഒ​ത്തു​ക​ളി​യി​ൽ പ​ണം വാ​ങ്ങി​യെ​ന്ന കാ​ര്യം ശ്രീ​ശാ​ന്ത് സ​മ്മ​തി​ച്ചി​ട്ടു​ണ്ടെ​ന്ന് ബി​സി​സി​ഐ​ക്കു​വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ പ​രാ​ഗ് ത്രി​പാ​ഠി വാ​ദി​ച്ചു. ക്രി​ക്ക​റ്റി​ൽ ഒ​രു ത​വ​ണ പു​റ​ത്താ​യ ബാ​റ്റ്സ്മാ​ന് പോ​ലും ര​ണ്ടാം ഇ​ന്നിം​ഗ്സി​ൽ ഇ​റ​ങ്ങാ​ൻ അ​വ​സ​ര​മു​ണ്ടെ​ന്നും കൗ​ണ്ടി​യി​ൽ ക​ളി​ക്കാ​ൻ ശ്രീ​ശാ​ന്തി​നെ അ​നു​വ​ദി​ക്ക​ണ​മെ​ന്നും മു​തി​ർ​ന്ന അ​ഭി​ഭാ​ഷ​ക​ൻ സ​ൽ​മാ​ൻ ഖു​ർ​ഷി​ദ് വാ​ദി​ച്ചു. സീ​സ​ണി​ൽ മൂ​ന്ന് മാ​സം മാ​ത്ര​മേ ഇ​നി ബാ​ക്കി​യു​ള്ളു​വെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. എ​ന്നാ​ൽ, ഹൈ​ക്കോ​ട​തി​യു​ടെ തീ​രു​മാ​ന​ത്തി​നാ​യി കാ​ത്തി​രി​ക്കു​ക​യാ​ണെ​ന്ന് സു​പ്രീം​കോ​ട​തി വ്യ​ക്ത​മാ​ക്കി.