സൂക്ഷിക്കുക, വി​റ്റ്‌​സ​ല്‍ ഉണ്ട്!
Sunday, July 8, 2018 1:12 AM IST
ഫു​ട്‌​ബോ​ളി​ല്‍ എ​പ്പോ​ഴും ഗോ​ള​ടി​ക്കു​ന്ന​വ​രാണ് ഹീ​റോ​സ്. അ​പൂ​ര്‍വം ചി​ല​ര്‍ ക​ളി മെ​ന​യു​ന്ന​തി​ലൂ​ടെ​യും ഗോ​ള​ടി​പ്പി​ക്കു​ന്ന​തി​ലൂ​ടെ​യും നാ​യ​ക​ര്‍ ആ​കാ​റു​ണ്ട്. എ​ന്നാ​ല്‍, ടീ​മി​ന്‍റെ ഏ​റ്റ​വും പ്ര​ധാ​ന ശ​ക്തി​യാ​യി​നി​ന്ന് പാ​ടി​പ്പു​ക​ഴ്ത്ത​പ്പെ​ടാ​ത്ത താ​ര​ങ്ങ​ള്‍ ഓ​രോ ടീ​മി​നു​മു​ണ്ട്. അ​വ​രു​ടെ പ്ര​തി​ഭ​യെ​യും ക​ഴി​വും പു​റ​ത്ത് അ​റി​യു​ക​യു​മി​ല്ല. ടീ​മി​ന്‍റെ ജ​യ​ത്തി​ന് ഇ​വ​ര്‍ വ​ഹി​ക്കു​ന്ന പ​ങ്ക് വ​ലു​താ​യി​രി​ക്കും. സു​വ​ര്‍ണ​ത​ല​മു​റ​യെ​ന്ന് വി​ശേ​ഷി​പ്പി​ക്ക​പ്പെ​ടു​ന്ന ബെ​ല്‍ജി​യ​ന്‍ ഫു​ട്‌​ബോ​ള്‍ ടീ​മി​ൽ ഏ​ഡ​ന്‍ അ​സാ​ര്‍, റൊ​മേ​ലു ലു​ക്കാ​ക്കു, കെ​വി​ന്‍ ഡി ​ബ്രൂയി​ന്‍ എ​ന്നി​പേ​രു​ക​ളി​ലേ​ക്കാ​യി​രി​ക്കും ആ​രാ​ധ​ക​ര്‍ ആ​ദ്യ​മെ​ത്തു​ക. എ​ന്നാ​ൽ,‍ ടീ​മി​ല്‍ പാ​ടി​പ്പു​ക​ഴ്ത്ത​പ്പെ​ടാ​ത്ത താ​ര​ങ്ങ​ളു​മു​ണ്ട്. മ​ധ്യ​നി​ര​താ​രം അ​ക്‌​സ​ല്‍ വി​റ്റ്‌​സ​ല്‍ അ​വ​രി​ല്‍ പ്ര​ധാ​ന​പ്പെ​ട്ട ഒ​രാ​ളാ​ണ്.

ബെ​ല്‍ജി​യ​ത്തി​ലെ ലീയേഷ് എ​ന്ന ന​ഗ​ര​ത്തി​ലാ​ണ് വി​റ്റ്‌​സ​ല്‍ ജ​നി​ച്ച​ത്. ആ ​ന​ഗ​ര​ത്തി​ന്‍റെ സ്വ​ന്തം ക്ല​ബ്ബാ​യ സ്റ്റാ​ന്‍ഡേ​ര്‍ഡ് ലീയേഷിൽ ക​ളി പ​ഠി​ച്ചു. ഈ ക്ല​ബ്ബി​ന്‍റെ യൂ​ത്ത് ത​ല​ത്തി​ല്‍ 2004 മു​ത​ല്‍ 2006 വ​രെ ക​ളി പ​ഠി​ച്ചു. അ​തി​നു​ശേ​ഷം 2006 മു​ത​ല്‍ 2011 വ​രെ സീ​നി​യ​ര്‍ ത​ല​ത്തി​ലേ​ക്കു മാ​റി. അ​വി​ടെ​നി​ന്ന് ബെ​ന്‍ഫി​ക്ക​യി​ല്‍ ഒ​രു സീ​സ​ണ്‍ ക​ളി​ച്ചു. 2012 മു​ത​ല്‍ 2016 വ​രെ സെ​നി​ത് സെ​ന്‍റ് പീ​റ്റേ​ഴ്‌​സ്ബ​ര്‍ഗി​ല്‍ ക​ളി​ച്ചു. 2017ല്‍ ​ചൈ​നീ​സ് സൂ​പ്പ​ര്‍ ലീ​ഗ് ക്ല​ബ് ടി​യാ​ന്‍ജി​ന്‍ ക്വാ​ന്‍ജി​യാ​നൊ​പ്പം ചേ​ര്‍ന്നു. 2004 മു​ത​ല്‍ ബെ​ല്‍ജ​ിയ​ത്തി​ന്‍റെ യൂ​ത്ത് ടീ​മു​ക​ളി​ല്‍ ക​ളി​ച്ച മ​ധ്യ​നി​ര​താ​രം 2008ല്‍ ​സീ​നി​യ​ര്‍ ടീ​മി​ലെ​ത്തി. 94 അ​ന്താ​രാ​ഷ്‌ട്ര ​മ​ത്സ​ര​ങ്ങ​ളി​ല്‍ ഒ​മ്പ​ത് ഗോ​ള്‍ നേ​ടി​യി​ട്ടു​ണ്ട്.


ബോ​ക്‌​സ് ടു ​ബോ​ക്‌​സ് മി​ഡ്ഫീ​ല്‍ഡ​റാ​യ വി​റ്റ്‌​സ​ല്‍ എ​പ്പോ​ഴും ടീ​മി​ന്‍റെ ആ​ദ്യ ഇ​ല​വ​നി​ല്‍ ത​ന്നെ ഉ​ണ്ടാ​കും. ചൈ​ന​യി​ല്‍ എ​ത്തി​യ​പ്പോ​ഴും അ​തി​നു മാ​റ്റ​മു​ണ്ടാ​യി​ല്ല. പാ​സു​ക​ള്‍ ന​ല്‍കു​ന്ന​തി​ല്‍ കൃ​ത്യ​ത​യു​ള്ള ഈ ​താ​രം വ​ല​തു​വ​ശ​ത്താ​ണ് കൂ​ടു​ത​ലും ക​ളി​ക്കു​ക. എ​ന്നാ​ല്‍, അ​റ്റാ​ക്കിം​ഗ് മി​ഡ്ഫീ​ല്‍ഡ​റാ​യും സ്ഥി​രം ക​ളി​ക്കു​ന്ന സെ​ന്‍ട്ര​ല്‍ മി​ഡ്ഫീ​ല്‍ഡ​ര്‍ സ്ഥാ​ന​ത്തും ഇ​റ​ക്കാ​നാ​കും. ക​ളി​ക്കു​ന്ന സ്ഥാ​ന​ത്ത് പു​ല​ര്‍ത്തു​ന്ന സ്വാ​ഭാ​വി​ക​മാ​യ ക​ഴി​വു​ക​ളും സാ​ങ്കേ​തി​ക വൈ​ദ​ഗ്ധ്യ​വു​മാ​ണ് ഈ ​താ​ര​ത്തെ വ്യ​ത്യ​സ്ത​നാ​ക്കു​ന്ന​ത്. ഏ​തു പൊ​സി​ഷ​നി​ല്‍നി​ന്നു വ​രു​ന്ന പാ​സു​ക​ളും പി​ടി​ച്ചെ​ടു​ക്കാ​നു​ള്ള പ്ര​ത്യേ​ക ക​ഴി​വു​ണ്ട്. അ​സാ​മാ​ന്യ​വേ​ഗ​ത​കൊ​ണ്ടു​പോ​ലും എ​തി​രാ​ളി​ക​ളെ ഞെ​ട്ടി​ക്കാ​നു​മാ​കും.

ബ്ര​സീ​ലി​നെ​തി​രേ ഇ​റ​ങ്ങി​യ​പ്പോ​ള്‍ വി​റ്റ്‌​സ​ല്‍ സെ​ന്‍ട്ര​ല്‍ മി​ഡ്ഫീ​ല്‍ഡി​ല്‍ ഇ​റ​ങ്ങി. ഒ​രു മ​ധ്യ​നി​ര​താ​ര​ത്തി​ന്‍റെ റോ​ള്‍ എ​ത്ര​മാ​ത്ര​മാണെ​ന്ന് വി​റ്റ്‌​സ​ല്‍ തെ​ളി​യി​ക്കു​ക​യും ചെ​യ്തു. 38 പാ​സി​നു ശ്ര​മി​ച്ച താ​രം 36 പാ​സ് പൂ​ര്‍ത്തി​യാ​ക്കി. വി​റ്റ്‌​സ​ലി​ന്‍റെ പാ​സി​ലെ കൃ​ത്യ​ത 95 ശ​ത​മാ​ന​മാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.