Sports News
ജീവിതത്തോട് കബഡി പിടിച്ച് കവിത
ജീവിതത്തോട് കബഡി പിടിച്ച് കവിത
Saturday, August 18, 2018 10:45 PM IST
മ​ണാ​ലി: ഹി​മാ​ച​ല്‍പ്ര​ദേ​ശി​ലെ മ​ണാ​ലി​യി​ല്‍നി​ന്നും ആ​റു കി​ലോ​മീ​റ്റ​ര്‍ അ​ക​ലെ ജ​ഗ​ത്സു​ക് എ​ന്ന ചെ​റി​യ ഗ്രാ​മ​ത്തി​ലാ​ണ് ഇ​ന്ത്യ​ന്‍ ക​ബ​ഡി ടീം ​അം​ഗ​മാ​യ ക​വി​താ ടാ​കൂ​ര്‍ ത​ന്‍റെ ജീ​വി​ത​ത്തി​ന്‍റെ ഭൂ​രി​ഭാ​ഗ​വും ചെ​ല​വ​ഴി​ച്ച​ത്. 2014-ലെ ​ഏ​ഷ്യ​ന്‍ ഗെ​യിം​സി​ല്‍ ക​ബ​ഡി​യി​ല്‍ ഇ​ന്ത്യ​ക്ക് സ്വ​ര്‍ണം നേ​ടി​ക്കൊ​ടു​ത്ത​തി​ല്‍ പ്ര​ധാ​ന പ​ങ്കു​വ​ഹി​ച്ച​ത് ഈ ​ഇ​രു​പ​ത്തി​നാ​ലു​കാ​രി​യാ​യി​രു​ന്നു. വീ​ടി​നോ​ടു ചേ​ര്‍ന്ന് അ​ച്ഛ​ന്‍ ന​ട​ത്തു​ന്ന ചെ​റി​യ ചാ​യ​ക്ക​ട​യി​ല്‍ ചാ​യ വി​റ്റും പാ​ത്ര​ങ്ങ​ള്‍ ക​ഴു​കി​യു​മാ​ണ് ക​വി​താ ടാ​കൂ​ര്‍ ത​ന്‍റെ ബാ​ല്യ​കാ​ലം ത​ള്ളി​നീ​ക്കി​യ​ത്.

അ​തി​ശൈ​ത്യ​കാ​ല​ത്തെ ത​ണു​പ്പു​ സ​ഹി​ച്ച് ത​റ​യി​ല്‍ കി​ട​ന്നു​റ​ങ്ങേ​ണ്ടി​വ​ന്ന കാ​ല​ങ്ങ​ള്‍ ക​വി​ത ഇ​പ്പോ​ഴും ഓ​ര്‍ക്കു​ന്നു. ഭ​ക്ഷ​ണം ക​ഴി​ക്കാ​ന്‍ പോ​ലും പ​ണ​മി​ല്ലാ​തെ വി​ഷ​മി​ച്ച ദി​വ​സ​ങ്ങ​ള്‍ ത​ന്‍റെ ജീ​വി​ത​ത്തി​ലു​ണ്ടാ​യി​ട്ടു​ണ്ടെ​ന്ന് ക​വി​ത പ​റ​യു​ന്നു.

ക​ബ​ഡി പ​ഠി​ക്കാ​ന്‍ ചെ​ല​വൊ​ന്നു​മി​ല്ലാ​ത്ത​തു​കൊ​ണ്ടാ​ണ് ക​വി​ത ആ ​കാ​യി​ക ഇ​നം തെ​ര​ഞ്ഞെ​ടു​ത്ത​ത്. 2014 ലെ ​സു​വ​ര്‍ണ നേ​ട്ട​ത്തോ​ടെ​യാ​ണ് ക​വി​ത​യെ ആ​ളു​ക​ള്‍ തി​രി​ച്ച​റി​ഞ്ഞു തു​ട​ങ്ങി​യ​ത്. കു​ടും​ബ​ത്തി​ന്‍റെ സാ​ഹ​ച​ര്യ​ങ്ങ​ള്‍ മ​ന​സി​ലാ​ക്കി​യ​തോ​ടെ പ​ല​രും സ​ഹാ​യ​ഹ​സ്ത​ങ്ങ​ളു​മാ​യി എ​ത്തി. അ​ങ്ങ​നെ​യാ​ണ് മ​ണാ​ലി ടൗ​ണി​ലു​ള്ള വാ​ട​കവീ​ട്ടി​ലേ​ക്ക് മാ​താ​പി​താ​ക്ക​ളും സ​ഹോ​ദ​ര​ങ്ങ​ളു​മ​ട​ങ്ങി​യ കു​ടും​ബം താ​മ​സം മാ​റ്റു​ന്ന​ത്. അ​താ​യി​രു​ന്നു ജീ​വി​ത​ത്തി​ലെ ഏ​റ്റ​വും സ​ന്തോ​ഷ​ക​ര​മാ​യ മൂ​ഹൂ​ര്‍ത്ത​മെ​ന്ന് ക​വി​ത പ​റ​യു​ന്നു. ക​ഴു​ത്തി​ല്‍ ഒ​രു ഏ​ഷ്യ​ന്‍ ഗെ​യിം​സ് സ്വ​ര്‍ണ​മെ​ഡ​ല്‍ വീ​ണ​പ്പോ​ഴു​ണ്ടാ​യ സ​ന്തോ​ഷ​ത്തേ​ക്കാ​ള്‍ വ​ലു​താ​യി​രു​ന്നു അ​ത്. താ​ന്‍ പ്ര​ശ​സ്ത​യാ​യ​പ്പോ​ഴാ​ണ് ത​ന്‍റെ ഇ​ള​യ സ​ഹോ​ദ​ര​ന് വി​ദ്യാ​ഭ്യാ​സ​ത്തി​നു​ള്ള സാ​ഹ​ച​ര്യം പോ​ലു​മു​ണ്ടാ​യ​ത്.


2007ല്‍ ​സ്‌​കൂ​ളി​ല്‍ പ​ഠി​ച്ചു​കൊ​ണ്ടി​രു​ന്ന സ​മ​യ​ത്താ​ണ് ക​വി​ത ക​ബ​ഡി പ​ഠി​ച്ചു​തു​ട​ങ്ങി​യ​ത്. ക​ബ​ഡി ക​ളി​ക്കു​ന്ന​തി​ല്‍ ക​വി​ത​യേ​ക്കാ​ള്‍ സമർഥയാ​യി​രു​ന്നു മൂ​ത്ത സ​ഹോ​ദ​രി. എ​ന്നാ​ല്‍ വീ​ട്ടി​ലെ ബു​ദ്ധി​മു​ട്ടു​ക​ള്‍ കാ​ര​ണം അ​വ​ള്‍ക്ക് പ​ഠ​നം ഇ​ട​യ്ക്കു​വ​ച്ച് നി​ർത്തേ​ണ്ടിവ​ന്നു. അ​തോ​ടെ ക​വി​ത കൂ​ടു​ത​ല്‍ ക​ഠി​നാ​ധ്വാ​നി​യാ​യി.

2009 ല്‍ ​ക​വി​ത ധ​ര്‍മ​ശാ​ല​യി​ലു​ള്ള സ്‌​പോ​ട്‌​സ് അ​ഥോ​റി​റ്റി ഓ​ഫ് ഇ​ന്ത്യ​യി​ല്‍ ചേ​ര്‍ന്നു. ഇ​വി​ടെ​നി​ന്നു ല​ഭി​ച്ച പ​രി​ശീ​ല​ന​മാ​ണ് ക​വി​ത​യു​ടെ ജീ​വി​തം മാ​റ്റി​മ​റി​ച്ച​​ത്. 2012 ല്‍ ​ലോ​ക ക​ബ​ഡി ചാ​മ്പ്യ​ന്‍ഷി​പ്പി​ല്‍ ഇ​ന്ത്യ​ക്ക് സ്വ​ര്‍ണ​മെ​ഡ​ല്‍ നേ​ടി​ക്കൊ​ടു​ക്കാ​നാ​യ​താ​ണ് ക​വി​ത​യു​ടെ ക​രി​യ​റി​ലെ ഏ​റ്റ​വും വ​ലി​യ നേ​ട്ടം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.