പെറു ബസപകടം: മരിച്ചവരുടെ എണ്ണം 36 ആയി
Wednesday, January 3, 2018 6:43 AM IST
ലിമ: പെറുവിലെ ബസപകടത്തിൽ മരിച്ചവരുടെ എണ്ണം 36 ആയി. പെറു നഗരത്തിൽ നിന്ന് ഏറെ മാറിയുള്ള ബീച്ചിന് സമീപത്തുകൂടി കടന്നു പോകുന്ന വീതി കുറഞ്ഞ റോഡിലെ " ചെകുത്താൻ വളവ്' എന്നറിയപ്പെടുന്ന സ്ഥലത്താണ് അപകടമുണ്ടായത്. എതിരെ വന്ന വാഹനത്തിന് സൈഡ് കൊടുക്കുന്നതിനിടെ ബസ് താഴ്ചയിലേക്ക് മറിയുകയായിരുന്നു.



ഏകദേശം 57 പേർ അപകട സമയത്ത് ബസിനുള്ളിലുണ്ടായിരുന്നു എന്നാണ് വിവരം. പരിക്കേറ്റവരെ ആശുപത്രികളിൽ പ്രവേശിപ്പിച്ചു. ഇവരിൽ ആറു പേരുടെ നില ഗുരുതരമാണെന്നാണ് വിവരം. നഗരത്തിൽ നിന്ന് ഏറെ വിട്ടുമാറിയുള്ള സ്ഥലത്താണ് അപകടം നടന്നത് എന്നത് രക്ഷാപ്രവർത്തനങ്ങൾക്ക് തടസമായി.



ഇവിടേക്ക് എത്തിച്ചേരാൻ ഈ ഒരു റോഡ് മാത്രമേ ഉള്ളുവെന്നാണ് വിവരം. വ്യോമസേനയുടെ ഹെലികോപ്റ്റർ സ്ഥലത്തെത്തിച്ചാണ് മൃതദേഹങ്ങൾ പുറത്തെടുത്തത്. നഗരത്തിൽ നിന്ന് 70 കിലോമീറ്റർ അകലെയായാണ് അപകടം നടന്നത്. സംഭവത്തേക്കുറിച്ചുള്ള കൂടുതൽ വിവരങ്ങൾ പെറു പോലീസോ മറ്റ് അധികൃതരോ വെളിപ്പെടുത്തിയിട്ടില്ല.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.