അണ്ടർ 17 ലോകകപ്പ്: കലൂർ സ്റ്റേഡിയത്തിൽ വ്യാപാരികൾക്ക് നഷ്ടപരിഹാരം നൽകണമെന്ന് ഹൈക്കോടതി
Tuesday, September 19, 2017 10:28 AM IST
കൊച്ചി: അണ്ടർ 17 ലോകകപ്പുമായി ബന്ധപ്പെട്ട സുരക്ഷ ക്രമീകരണങ്ങളുടെ ഭാഗമായി കലൂർ രാജ്യാന്തര സ്റ്റേഡിയത്തിൽ പ്രവർത്തിക്കുന്ന വ്യാപാര സ്ഥാപനങ്ങൾ അടയ്ക്കുന്പോൾ നഷ്ടപരിഹാരം നൽകണമെന്ന് ഹൈക്കോടതി ഉത്തരവിട്ടു. വ്യാപാരികൾക്ക് നഷ്ടപരിഹാരത്തിന് അർഹതയുണ്ടെന്ന് കോടതി നിരീക്ഷിച്ചു. മത്സരം നടക്കുന്ന ഒരു മാസക്കാലം വ്യാപാര സ്ഥാപനങ്ങൾ അടയ്ക്കണമെന്ന ഫിഫയുടെ കർശന നിലപാടിനെ തുടർന്ന് വ്യാപാരികൾക്ക് വിശാല കൊച്ചി വികസന അഥോറിറ്റി നോട്ടീസ് നൽകിയിരുന്നു. ഇതിനെതിരേ വ്യാപാരികൾ സമർപ്പിച്ച ഹർജിയിലാണ് നഷ്ടപരിഹാരം നൽകാൻ ഹൈക്കോടതി ഉത്തരവിട്ടത്.

നഷ്ടപരിഹാരം നൽകുന്നതിനായി പ്രത്യേക ബാങ്ക് അക്കൗണ്ട് തുടങ്ങി 25 ലക്ഷം രൂപ നിക്ഷേപിക്കാൻ വിശാല കൊച്ചി വികസന അഥോറിറ്റിക്ക് കോടതി നിർദ്ദേശം നൽകി. ലോകകപ്പിനായി ഒരു മാസക്കാലം കടകൾ അടച്ചിട്ടാൽ തൊഴിലാളികൾ ഉൾപ്പടെയുള്ള നിരവധി പേരുടെ വരുമാനം ഇല്ലാതാകുമെന്നും അതിനാൽ നഷ്ടപരിഹാരം നൽകണമെന്നും ആവശ്യപ്പെട്ട് 46 വ്യാപാരികളാണ് ഹൈക്കോടതിയെ സമീപിച്ചിരുന്നത്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.