ഉത്തരകൊറിയയ്ക്കു മുന്നറിയിപ്പുമായി യുഎസ്-ദക്ഷിണകൊറിയ സംയുക്ത നാവികാഭ്യാസം
Saturday, November 11, 2017 1:26 PM IST
ബെയ്ജിംഗ്: ഉത്തരകൊറിയയ്ക്കു മുന്നറിയിപ്പുമായി യുഎസ്-ദക്ഷിണകൊറിയ സംയുക്ത നാവികാഭ്യാസം. നാലു ദിവസം നീണ്ടുനിൽക്കുന്ന സൈനികാഭ്യാസത്തിന് ശനിയാഴ്ചയാണ് തുടക്കം കുറിച്ചത്.

അമേരിക്കയുടെ യുഎസ്എസ് റൊണാൾഡ് റീഗൻ, നിമിറ്റ്സ്, തിയോഡർ റൂസ്‌വെൽറ്റ് എന്നി മൂന്ന് വിമാനവാഹിനി യുദ്ധകപ്പലുകളാണ് സൈനികാഭ്യാസത്തിൽ പങ്കെടുക്കുന്നത്. 2007 നു ശേഷം ഇതാദ്യമായാണു മൂന്ന് അമേരിക്കൻ കപ്പലുകൾ ഒരുമിച്ച് സൈനികാഭ്യാസത്തിന്ന് എത്തുന്നത്. ദക്ഷിണകൊറിയയുടെ ഏഴ് കപ്പലുകളും സൈനികാഭ്യാസത്തിൽ പങ്കെടുക്കും.

ആണവപരീക്ഷണങ്ങളിൽ നിന്നും മിസൈലുകളുടെ നിർമാണത്തിൽ നിന്നും ഉത്തരകൊറിയ പിന്മാറണമെന്ന് യുഎസ് നിർദേശിച്ചിരുന്നു. യുഎസ് നിർദേശങ്ങൾ തള്ളിയ ഉത്തര കൊറിയയ്ക്ക് വ്യക്തമായ മുന്നറിയിപ്പുമായി യുഎസ് രംഗത്തെത്തിയത്. നേരത്തെയും ദക്ഷിണകൊറിയയുമായി ചേർന്ന് യുഎസ് നാവികാഭ്യാസം നടത്തിയിരുന്നു.
RELATED NEWS