പാക്കിസ്ഥാനില്‍ സ്ഫോടനം; രണ്ടു സുരക്ഷാ ഭടന്‍മാര്‍ കൊല്ലപ്പെട്ടു
Sunday, November 18, 2012 10:33 AM IST
ഇസ്ലാമാബാദ്: പാക്കിസ്ഥാനിലെ നോര്‍ത്ത് വസീറിസ്ഥാനില്‍ സുരക്ഷാ ഉദ്യോഗസ്ഥരുടെ വാഹനവ്യൂഹം ലക്ഷ്യമിട്ട് നടന്ന ബോംബ് സ്ഫോടനത്തില്‍ രണ്ടു സുരക്ഷാ ഭടന്‍മാര്‍ കൊല്ലപ്പെട്ടു. ഏഴു പേര്‍ക്ക് പരിക്കേറ്റു. ആക്രമണത്തിന്റെ ഉത്തരവാദിത്തം തെഹ്രിക് ഇ താലിബാന്റെ ജുണ്ടള്ള വിഭാഗം ഏറ്റെടുത്തു. വസീറിസ്ഥാനില്‍ നടന്ന ഡ്രോണ്‍ ആക്രമണത്തില്‍ ഭീകര നേതാവ് അഹമ്മദ് ബെന്‍ഗാളി കൊല്ലപ്പെട്ട സംഭവത്തിനു പ്രതികാരമായാണ് ആക്രമണം നടത്തിയതെന്ന് ജുണ്ടള്ള വക്താവ് അറിയിച്ചു. മിര്‍ അലി മേഖലയില്‍ പതിവ് പട്രോളിംഗിനു പോയ സുരക്ഷാ ഉദ്യോഗസ്ഥരാണ് ആക്രമണത്തിനു ഇരയായത്.