ഹാജി അലി ദർഗയിൽ സ്ത്രീകൾക്ക് പ്രവേശിക്കാമെന്നു ബോംബെ ഹൈക്കോടതി
Thursday, August 25, 2016 11:43 PM IST
മുംബൈ: മുംബൈയിലെ പ്രമുഖ മുസ്ലിം തീർഥകേന്ദ്രമായ ഹാജി അലി ദർഗയിൽ സ്ത്രീകൾക്കും പ്രവേശിക്കാനുള്ള അനുമതി നല്കി ബോംബെ ഹൈക്കോടതിയുടെ വിധി. പുരുഷന്മാരെപ്പോലെ സ്ത്രീകൾക്കും ദർഗയിൽ പ്രവേശനം അനുവദിക്കണമെന്നും അവരുടെ സുരക്ഷ ഉറപ്പാക്കണമെന്നും മഹാരാഷ്ട്ര സർക്കാരിനോട് ഹൈക്കോടതി ഉത്തരവിട്ടു. 2012നുശേഷമാണ് ഇത്തരത്തിലൊരു വിവേചനം ഉണ്ടായതെന്നും കോടതി നിരീക്ഷിച്ചു. ഒരു വിഭാഗം മുസ്ലിം സംഘടനകൾ നല്കിയ ഹർജിയിലാണ് കോടതി വിധി.

അതേസമയം, ഹൈക്കോടതി വിധിക്കെതിരേ സുപ്രീംകോടതിയെ സമീപിക്കാനുള്ള അവസരം ദർഹയുടെ നടത്തിപ്പുള്ള മുസ്ലിം സംഘടനയ്ക്കുണ്ട്. 2012വരെ ദർഗയിൽ സ്ത്രീകൾക്ക് പ്രവേശനം നല്കിയിരുന്നതായി ഹർജി നല്കിയ ഭാരതീയ മുസ്ലിം മഹിള ആന്ദോളൻ (ബിഎംഎംഎ) സംഘട ചൂണ്ടി കാണിച്ചു. എന്നാൽ, ദർഹയിൽ പ്രവേശനാനുമതി നല്കിയിരുന്നെങ്കിലും ഖബറിടത്തിൽ പ്രവേശിപ്പിച്ചിരുന്നില്ലെന്ന് ദർഹ ട്രെസ്റ്റി വ്യക്‌തമാക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.