സ്ത്രീകൾക്കെതിരായ അതിക്രമം: ഡേവിഡ് ഗ്വട്ടയുടെ ബംഗളൂരുവിലെ പരിപാടി റദ്ദാക്കി
Thursday, January 12, 2017 3:25 PM IST
ന്യൂഡൽഹി: പ്രമുഖ ഫ്രഞ്ച് ഡിജെയും സംഗീത സംവിധായകനുമായി ഡേവിഡ് ഗ്വട്ട ബംഗളൂരുവിൽ ഇന്നു നടത്താനിരുന്ന സംഗീത പരിപാടി റദ്ദാക്കി. പുതുവർഷരാവിൽ ബംഗളൂരുവിൽ സ്ത്രീകൾക്കെതിരെ നടന്ന ലൈംഗീക അതിക്രമങ്ങളുടെ പശ്ചാത്തലത്തിലാണ് തീരുമാനം. ഡേവിഡിന്റെ പരിപാടി നടത്താൻ പരമാവധി ശ്രമിച്ചു. എന്നാൽ അധികാരികൾ എതിരായതാണ് തീരുമാനത്തിന് കാരണമെന്ന് സൺബൺ സിഇഒ കരൺ സിംഗ് പറഞ്ഞു.

സർക്കാരിന്റെ അനുമതി ലഭിച്ചാൽ പരിപാടി പുനഃക്രമീകരിക്കാമെന്ന പ്രതീക്ഷയിലാണ് സംഘാടകർ. ഇന്ത്യയിൽ എത്തുന്ന ഡേവിഡ് ഗ്വട്ട ബംഗളൂരുവിനെ കൂടാതെ മുംബൈ, ഹൈദരാബാദ്, ന്യൂഡൽഹി എന്നീ നഗരങ്ങളിലും പരിപാടി നടത്തും. നേരത്തെ തീരുമാനിച്ചതുപോലെ മറ്റു നഗരങ്ങളിൽ പരിപാടി നടത്തുമെന്ന് സിംഗ് പറഞ്ഞു.

ലോകമെമ്പാടും 39 കോടി ആൽബങ്ങൾ വിറ്റഴിച്ചിട്ടുള്ള ഡേവിഡിനെ 2011ൽ ഡിജെ മാഗസിൻ ലോകത്തെ ഏറ്റവും മികച്ച ഡിജെയായി തെരഞ്ഞെടുത്തിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.