ഇ​സ്ര​യേ​ലു​മാ​യു​ള്ള 3400 കോ​ടി​യു​ടെ മി​സൈ​ൽ ക​രാ​റി​ൽ​നി​ന്ന് ഇ​ന്ത്യ പി​ൻ​മാ​റി
Wednesday, January 3, 2018 7:02 PM IST
ന്യൂ​ഡ​ൽ​ഹി: ഇ​സ്ര​യേ​ലി​ൽ​നി​ന്ന് 1,600 ടാ​ങ്ക് വേ​ധ മി​സൈ​ലു​ക​ൾ വാ​ങ്ങു​ന്ന​തി​നു​ള്ള ക​രാ​റി​ൽ​നി​ന്ന് ഇ​ന്ത്യ പി​ൻ​മാ​റി. ഇ​സ്രേ​യേ​ൽ സ​ർ​ക്കാ​രി​ന്‍റെ നി​യ​ന്ത്ര​ണ​ത്തി​ലു​ള്ള ആ​യു​ധ ഇ​ട​പാ​ടു ക​ന്പ​നി​യാ​യ റാ​ഫേ​ൽ അ​ഡ്വാ​ൻ​സ​സ് ഡി​ഫ​ൻ​സ് സി​സ്റ്റം​സാ​ണ് 50 കോ​ടി ഡോ​ള​ർ(3400 കോ​ടി രൂ​പ) ചെ​ല​വു​വ​രു​ന്ന ക​രാ​ർ ഇ​ന്ത്യ റ​ദ്ദാ​ക്കു​ന്ന വി​വ​രം അ​റി​യി​ച്ച​ത്. ക​രാ​ർ റ​ദ്ദാ​ക്കി​യ​തോ​ടെ കേ​ന്ദ്ര പ്ര​തി​രോ​ധ ഗ​വേ​ഷ​ണ വി​ക​സ​ന സം​ഘ​ത്തി​ന്‍റെ(​ഡി​ആ​ർ​ഡി​ഒ) നേ​തൃ​ത്വ​ത്തി​ൽ മി​സൈ​ലു​ക​ൾ വി​ക​സി​പ്പി​ക്കാ​നാ​ണ് ഇ​ന്ത്യ ത​യാ​റെ​ടു​ക്കു​ന്ന​ത്.

പ്ര​തി​രോ​ധ​മ​ന്ത്രാ​ല​യം മാ​സ​ങ്ങ​ൾ​ക്കു​മു​ന്പേ ഇ​തു സം​ബ​ന്ധി​ച്ചു തീ​രു​മാ​നം കൈ​ക്കൊ​ണ്ടി​രു​ന്നെ​ങ്കി​ലും റാ​ഫേ​ൽ അ​ഡ്വാ​ൻ​സ​സ് ഡി​ഫ​ൻ​സ് സി​സ്റ്റം​സി​ന് ക​ഴി​ഞ്ഞ ആ​ഴ്ച​യാ​ണ് ഇ​തു സം​ബ​ന്ധി​ച്ച് അ​റി​യി​പ്പ് ന​ൽ​കി​യ​ത്. ക​രാ​ർ റ​ദ്ദാ​ക്കാ​ൻ തീ​രു​മാ​നം കൈ​ക്കൊ​ണ്ട അ​തേ​സ​മ​യ​ത്തു ത​ന്നെ​യാ​ണ് ഇ​സ്ര​യേ​ൽ ക​ന്പ​നി​യി​ൽ​നി​ന്ന് 131 ബാ​ര​ക് ഭൗമോ​പ​രി​ത​ല മി​സൈ​ലു​ക​ൾ വാ​ങ്ങാ​ൻ കേ​ന്ദ്ര​സ​ർ​ക്കാ​ർ തീ​രു​മാ​നി​ച്ച​തെ​ന്നും എ​ൻ​ഡി​ടി​വി റി​പ്പോ​ർ​ട്ട് ചെ​യ്യു​ന്നു. ഏ​ഴു കോ​ടി ഡോ​ള​റി​ന്‍റെ​യാ​ണ് ഈ ​ഇ​ട​പാ​ട്. ക​രാ​ർ റ​ദ്ദാ​ക്കാ​നു​ള്ള ഇ​ന്ത്യ​യു​ടെ തീ​രു​മാ​ന​ത്തി​ൽ അ​തൃ​പ്തി​യു​ണ്ടെ​ങ്കി​ലും തു​ട​ർ​ന്നും പ്ര​തി​രോ​ധ​മ​ന്ത്രാ​ല​യ​വു​മാ​യി ഇ​ട​പാ​ടു​ക​ൾ തു​ട​രാ​നാ​ണ് ആ​ഗ്ര​ഹി​ക്കു​ന്ന​തെ​ന്ന് റാ​ഫേ​ൽ അ​ഡ്വാ​ൻ​സ​സ് ഡി​ഫ​ൻ​സ് സി​സ്റ്റം​സ് പ​ത്ര​ക്കു​റി​പ്പി​ൽ അ​റി​യി​ച്ചു.

ഡ്രോ​ണു​ക​ൾ​ക്കും ശ​ത്രു​വി​മാ​ന​ങ്ങ​ൾ​ക്കും നേ​രെ പ്ര​യോ​ഗി​ക്കാ​ൻ സാ​ധി​ക്കു​ന്ന ത​ര​ത്തി​ൽ ഇ​ന്ത്യ​യും ഇ​സ്രാ​യേ​ലും ചേ​ർ​ന്നു ക​ര​സേ​ന​യ്ക്ക് വേ​ണ്ടി ദീ​ർ​ഘ​ദൂ​ര സ്പൈ​ക്ക് മി​സൈ​ലു​ക​ൾ വി​ക​സി​പ്പി​ക്കാ​നാ​യി​രു​ന്നു പ​ദ്ധ​തി. ഇ​ട​പാ​ടു​മാ​യി ബ​ന്ധ​പ്പെ​ട്ട് രാ​ജ്യ​ത്തെ മി​സൈ​ൽ നി​ർ​മാ​താ​ക്ക​ളാ​യ ക​ല്ല്യാ​ണി ഗ്രൂ​പ്പു​മാ​യി കൈ​കോ​ർ​ത്ത് പ്രാരംഭഘ​ട്ട പ്ര​വ​ർ​ത്ത​ന​ങ്ങ​ളും ഇ​സ്ര​യേ​ൽ ആ​രം​ഭി​ച്ചി​രു​ന്നു. മി​സൈ​ൽ നി​ർ​മാ​ണ​ത്തി​നാ​യു​ള്ള ചെ​റു ഉ​പ​ക​ര​ണ യൂ​ണി​റ്റി​ന്‍റെ ഉ​ദ്ഘാ​ട​നം ക​ഴി​ഞ്ഞ ഓ​ഗ​സ്റ്റി​ൽ ഹൈ​ദ​രാ​ബാ​ദി​ൽ ന​ട​ക്കു​ക​യും ചെ​യ്തു. ഇ​തി​നു​ശേ​ഷ​മാ​ണ് ക​രാ​റി​ൽ​നി​ന്നു പി​ൻ​മാ​റാ​ൻ ഇ​ന്ത്യ തീ​രു​മാ​നി​ച്ച​ത്.

സൈ​നി​ക​ർ​ക്കു വ​ഹി​ച്ചു കൊ​ണ്ടു​പോ​കാ​ൻ സാ​ധി​ക്കു​ന്ന ഫ​യ​ർ ആ​ൻ​ഡ് ഫോ​ർ​ഗെ​റ്റ് ഇ​ന​ത്തി​ൽ​പ്പെ​ട്ട​താ​ണ് സ്പൈ​ക്ക് മി​സൈ​ൽ. ടാ​ങ്ക് ഉ​ൾ​പ്പെ​ടെ​യു​ള്ള നീ​ങ്ങി​ക്കൊ​ണ്ടി​രി​ക്കു​ന്ന ല​ക്ഷ്യ​ങ്ങ​ളെ ത​ക​ർ​ക്കാ​ൻ ശേ​ഷി​യു​ള്ള​വ​യാ​ണ് ഇ​ത്. അ​മേ​രി​ക്ക​യു​ടെ ജാ​വ്ലി​ൻ മി​സൈ​ലു​ക​ളെ മ​റി​ക​ട​ന്നാ​ണ് 2014 ൽ ​ഇ​ന്ത്യ സ്പൈ​ക്ക് മി​സൈ​ലു​ക​ൾ വാ​ങ്ങാ​ൻ തീ​രു​മാ​നി​ച്ച​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.