"മിന്നൽ' ബസ് നിർത്താതെ പോയ സംഭവം: ജീവനക്കാർക്കെതിരേ പോലീസ് കേസെടുത്തു
Tuesday, January 16, 2018 7:59 PM IST
കോഴിക്കോട്: രാത്രി രണ്ടുമണിക്ക് പെണ്‍കുട്ടി ആവശ്യപ്പെട്ട സ്റ്റോപ്പിൽ കെഎസ്ആർടിസി മിന്നൽ ബസ് നിർത്താതെ പോയ സംഭവത്തിൽ ബസിലെ ജീവനക്കാർക്കെതിരേ പോലീസ് കേസെടുത്തു. പെണ്‍കുട്ടിയുടെ പരാതിപ്രകാരമാണ് കേസ്. ബസിലെ ഡ്രൈവർ, കണ്ടക്ടർ എന്നിവർക്കെതിരേ പയ്യോളി പോലീസാണ് കേസെടുത്തത്. സംഭവവുമായി ബന്ധപ്പെട്ട് കെഎസ്ആർടിസി എംഡി നേരത്തേ വിശദീകരണം തേടിയിരുന്നു.

കഴിഞ്ഞ ശനിയാഴ്ച പുലർച്ചെ കോഴിക്കോട് പയ്യോളിയിലാണ് ഒറ്റയ്ക്ക് യാത്ര ചെയ്ത പതിനേഴ് വയസുള്ള വിദ്യാർഥിനിയെ സ്റ്റോപ്പിൽ ഇറക്കാതെ കെഎസ്ആർടിസി മിന്നൽ ബസ് മുന്നോട്ട് പോയത്. ഒടുവിൽ ഇരുപത് കിലോമീറ്റർ അകലെ ഹൈവേ പോലീസ് ദേശീയപാതയ്ക്ക് കുറുകെ വാഹനമിട്ട് ബസ് തടഞ്ഞ് വിദ്യാർഥിനിയെ മോചിപ്പിക്കുകയായിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.