പു​ടി​ൻ വീ​ണ്ടും റ​ഷ്യ​ൻ പ്ര​സി​ഡ​ന്‍റ്; തെ​ര​ഞ്ഞെ​ടു​പ്പി​ൽ അ​നാ​യാ​സ ജ​യം
Monday, March 19, 2018 5:11 AM IST
മോ​സ്കോ: വ്ളാ​ദി​മി​ർ പു​ടി​ൻ വീ​ണ്ടും റ​ഷ്യ​ൻ പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ട്ടു. പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ 76 ശ​ത​മാ​നം വോ​ട്ടു​ക​ൾ നേ​ടി​യാ​ണ് പു​ടി​ൻ വീ​ണ്ടും അ​ധി​കാ​ര​ത്തി​ലെ​ത്തി​യ​ത്. വ​ൻ വി​ജ​യം സ​മ്മാ​നി​ച്ച റ​ഷ്യ​ൻ ജ​ന​ത​യോ​ട് പു​ടി​ൻ ന​ന്ദി പ​റ​ഞ്ഞു.

പ്ര​സി​ഡ​ന്‍റ് പ​ദ​ത്തി​ൽ ഇ​ത് പു​ടി​ന്‍റെ നാ​ലാ​മൂ​ഴ​മാ​ണ്. തു​ട​ര്‍​ച്ച​യാ​യി ര​ണ്ടാം വ​ട്ട​വും പ്ര​സി​ഡ​ന്‍റാ​യ പു​ടി​ന്‍ നാ​ലു​ത​വ​ണ​യാ​യി അ​ധി​കാ​ര​ക്ക​സേ​ര​യി​ല്‍ കാ​ല്‍​നൂ​റ്റാ​ണ്ട് തി​ക​യ്ക്കും. പു​തി​യ നി​യ​മം അ​നു​സ​രി​ച്ച് ആ​റു വ​ർ​ഷ​മാ​ണ് പ്ര​സി​ഡ​ന്‍റി​ന്‍റെ കാ​ലാ​വ​ധി.

യു​ണൈ​റ്റ​ഡ് റ​ഷ്യാ പാ​ർ​ട്ടി​യു​ടെ സ്വ​ത​ന്ത്ര സ്ഥാ​നാ​ർ​ഥി​യാ​യാ​ണ് പു​ടി​ൻ ഇ​ക്കു​റി മ​ത്സ​രി​ച്ച​ത്. അ​മ്പ​ത് ശ​ത​മാ​നം പോ​ളിം​ഗ് രേ​ഖ​പ്പെ​ടു​ത്തി​യ തെ​ര​ഞ്ഞെ​ടു​പ്പി​ൽ ഏ​ഴു സ്ഥാ​നാ​ർ​ഥി​ക​ൾ കൂ​ടി രം​ഗ​ത്തു​ണ്ടാ​യി​രു​ന്നെ​ങ്കി​ലും പു​ടി​ന് ആ​രും കാ​ര്യ​മാ​യ വെ​ല്ലു​വി​ളി ഉ‍​യ​ർ​ത്തി​യി​ല്ല. പു​ടി​ന് അ​ല്പ​മെ​ങ്കി​ലും വെ​ല്ലു​വി​ളി ഉ​യ​ർ​ത്തു​മെ​ന്നു ക​രു​തി​യി​രു​ന്ന അ​ല​ക്സി ന​വ​ൽ​നി​ക്ക് മ​ത്സ​രാ​നു​മ​തി നി​ഷേ​ധി​ച്ചി​രു​ന്നു. ക്രി​മി​ന​ൽ കേ​സു​ക​ളി​ൽ ശി​ക്ഷി​ക്ക​പ്പെ​ട്ട​തു ചൂ​ണ്ടി​ക്കാ​ട്ടി തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ ന​ട​പ​ടി.

12.89 ശ​ത​മാ​നം വോ​ട്ട് മാ​ത്രം നേ​ടി​യ പ​വ​ൽ ഗ്രു​ഡി​നി​നാ​ണ് പു​ടി​നു പി​ന്നി​ൽ ര​ണ്ടാം സ്ഥാ​ന​ത്തു​ള്ള​ത്. ‌പു​ടി​നൊ​പ്പം മ​ത്സ​രി​ച്ച മ​റ്റ് ഏ​ഴു പേ​രി​ൽ നാ​ലു പേ​ർ​ക്ക് ര​ണ്ട് ശ​ത​മാ​ന​ത്തി​ൽ താ​ഴെ വോ​ട്ടു​ക​ൾ മാ​ത്ര​മാ​ണ് ല​ഭി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.