ഗൗ​രി ല​ങ്കേ​ഷ് കൊ​ല​യാ​ളി​ക്കൊ​പ്പം ശ്രീ​രാ​മ​സേ​ന ത​ല​വ​ൻ പ്ര​മോ​ദ് മു​ത്ത​ലി​ക്; ചി​ത്രം പു​റ​ത്ത്
Thursday, June 14, 2018 1:14 AM IST
ബം​ഗ​ളു​രു: മാ​ധ്യ​മ​പ്ര​വ​ർ​ത്ത​ക ഗൗ​രി ല​ങ്കേ​ഷി​ന്‍റെ കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് അ​റ​സ്റ്റി​ലാ​യ​വ​ർ​ക്കു തീ​വ്ര വ​ല​തു​പ​ക്ഷ സം​ഘ​ട​ന​യാ​യ ശ്രീ​രാ​മ​സേ​ന​യു​മാ​യു​ള്ള ബ​ന്ധ​ത്തി​നു കൂ​ടു​ത​ൽ തെ​ളി​വു​ക​ൾ പു​റ​ത്ത്. ശ്രീ​രാ​മ​സേ​ന​യു​ടെ ത​ല​വ​ൻ പ്ര​മോ​ദ് മു​ത്ത​ലി​ക് കേ​സി​ൽ അ​റ​സ്റ്റി​ലാ​യ പ​ര​ശു​റാം വാ​ഗ്മ​റെ​യ്ക്കൊ​പ്പം നി​ൽ​ക്കു​ന്ന ചി​ത്ര​ങ്ങ​ൾ മാ​ധ്യ​മ​ങ്ങ​ൾ പു​റ​ത്തു​വി​ട്ടു. സ​മൂ​ഹ​മാ​ധ്യ​മ​ങ്ങ​ളി​ൽ ഈ ​ചി​ത്രം വ്യാ​പ​ക​മാ​യി പ്ര​ച​രി​ക്കു​ന്നു​ണ്ട്.

ഉ​ത്ത​ര ക​ർ​ണാ​ട​ക​യി​ലെ ബി​ജാ​പൂ​രി​ൽ​നി​ന്ന് അ​റ​സ്റ്റി​ലാ​യ വാ​ഗ്മ​റെ​യാ​ണ് ഗൗ​രി ല​ങ്കേ​ഷി​നു നേ​രെ വെ​ടി​യു​തി​ർ​ത്ത​തെ​ന്നാ​ണ് അ​ന്വേ​ഷ​ണ​സം​ഘം ക​രു​തു​ന്ന​ത്. കേ​സി​ൽ വാ​ഗ്മ​റെ ഗൂ​ഡാ​ലോ​ച​ന ന​ട​ത്തി​യ​താ​യി പോ​ലീ​സ് പ​റ​ഞ്ഞു. അ​ന്വേ​ഷ​ണ​ത്തെ ബാ​ധി​ക്കു​ന്ന​തി​നാ​ൽ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വി​ടാ​നാ​വി​ല്ലെ​ന്നും പ്ര​ത്യേ​ക പോ​ലീ​സ് സം​ഘം അ​റി​യി​ച്ചു. ഗൗ​രി ല​ങ്കേ​ഷി​നെ വ​ധി​ച്ച കേ​സി​ൽ അ​റ​സ്റ്റി​ലാ കു​ന്ന ആ​റാ​മ​ത്തെ​യാ​ളാ​ണ് പ​ര​ശു​റാം വാ​ഗ്മ​റെ.

മ​റ്റൊ​രു പ്ര​തി​ക്കൊ​പ്പം മു​ത്ത​ലി​ക് നി​ൽ​ക്കു​ന്ന ചി​ത്ര​വും ക​ഴി​ഞ്ഞ ദി​വ​സം പു​റ​ത്താ​യി​രു​ന്നു. എ​ന്നാ​ൽ ഇ​യാ​ളു​മാ​യി ബ​ന്ധ​മി​ല്ലെ​ന്ന നി​ല​പാ​ടി​ലാ​ണ് മു​ത്ത​ലി​ക്. 2009ൽ ​മം​ഗ​ളു​രു​വി​ൽ പ​ബ്ബി​ൽ യു​വ​തീ​യു​വാ​ക്ക​ളെ മ​ർ​ദി​ച്ചു കു​പ്ര​സി​ദ്ധി നേ​ടി​യ ആ​ളാ​ണ് മു​ത്ത​ലി​ക്.

ഹി​ന്ദു യു​വ സേ​ന നേ​താ​വ് കെ.​ടി. ന​വീ​ൻ​കു​മാ​ർ, അ​മോ​ൽ കാ​ലെ, മ​നോ​ഹ​ർ ഇ​ഡ്വെ, സു​ജീ​ത്കു​മാ​ർ, അ​മി​ത് ദേ​ഗ്വെ​ക​ർ എ​ന്നി​വ​രാ​ണു ഗൗ​രി ല​ങ്കേ​ഷ് വ​ധ​ക്കേ​സി​ൽ ഇ​തു​വ​രെ അ​റ​സ്റ്റി​ലാ​യ​ത്. കാ​ലെ​യും ദേ​ഗ്വെ​ക​റും മ​ഹാ​രാ​ഷ്ട്ര​ക്കാ​രാ​ണ്. മ​റ്റു മൂ​ന്നു പേ​രും ക​ർ​ണാ​ട​ക സ്വ​ദേ​ശി​ക​ളാ​ണ്. ന​വീ​ൻ​കു​മാ​റാ​ണ് ആ​ദ്യം അ​റ​സ്റ്റി​ലാ​യ​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.