ജെറ്റ്- എതിഹാദ് പ്രതിനിധികള്‍ ചിദംബരവുമായി ചര്‍ച്ച നടത്തി
Saturday, February 2, 2013 2:20 AM IST
ന്യൂഡല്‍ഹി: ജെറ്റ്് എയര്‍വേസും ഗള്‍ഫ്് വിമാനക്കമ്പനി എതിഹാദും തമ്മിലുള്ള ഓഹരിക്കൈമാറ്റം സംബന്ധിച്ചുള്ള വിവരം ഇരുകമ്പനികളുടെയും പ്രതിനിധികള്‍ ഇന്നലെ ധനമന്ത്രി പി. ചിദംബരത്തെ ധരിപ്പിച്ചു. മന്ത്രിയുമായുള്ള കൂടിക്കാഴ്ച വളരെ തൃപ്തികരമാണെന്നു ജെറ്റ്് പ്രമോട്ടര്‍ നരേഷ് ഗോയല്‍ പറഞ്ഞു.

എതിഹാദ് ചീഫ് എക്സിക്യൂട്ടീവ് ഓഫീസര്‍ ജെയിംസ് ഹോഗലിനൊപ്പമാണു ഗോയല്‍ മന്ത്രിയെ കണ്ടത്. ജെറ്റിന്റെ 24% ഓഹരിയാണ് എതിഹാദിന് വാഗ്ദാനം ചെയ്തിരിക്കുന്നത്. ഓഹരി ഇടപാടിന്റെ വിവരം വിദേശ നിക്ഷേപ വര്‍ധന ബോര്‍ഡിനെ യഥാസമയം അറിയിക്കേണ്ടതുണ്ട്. പത്തുദിവസത്തിനുള്ളില്‍ ഇരുകൂട്ടരും ധാരണയിലെത്തുമെന്നാണു വിവരം.