പൂർണഗർഭിണി പ്രസവിക്കാൻ ആശുപത്രിയിലേക്കു നടന്നത് ആറു കിലോമീറ്റർ
Friday, August 26, 2016 10:26 AM IST
ഛത്തർപുർ: പൂർണ ഗർഭിണിയായ യുവതി പ്രസവത്തിനായി ആശുപത്രിയിലേക്കു നടന്നത് ആറു കിലോമീറ്റർ. മധ്യപ്രദേശിലെ ഛത്തർപൂരിലാണ് സംഭവം.

പ്രസവവേദന കടുത്തതിനാൽ ആംബുലൻസ് വിളിച്ചെങ്കിലും പ്രളയത്തെ തുടർന്ന് ഇവരുടെ വീട്ടിലേക്ക് ഈ വാഹനത്തിനു കടന്നുവരാൻ സാധിക്കുമായിരുന്നില്ല. ഇതേതുടർന്ന് ഓട്ടോയിൽ ആശുപത്രിയിലേക്കു പോകാൻ തീരുമാനിച്ചു. എന്നാൽ, വഴിക്കുവച്ച് ഓട്ടോ ചെളിയിൽ പുതഞ്ഞു. ഇതേതുടർന്നാണ് ആശുപത്രിയിലേക്കു നടക്കാൻ തീരുമാനിച്ചത്. കണങ്കാൽ വെള്ളത്തിലാണ് ഇവർ ആശുപത്രിയിലേക്കു നടന്നത്. ആറു കിലോമീറ്റർ നടന്നെത്തി ആശുപത്രിയിൽ പ്രവേശിക്കപ്പെട്ട ഉടൻ യുവതി കുഞ്ഞിനു ജന്മം നൽകുകയും ചെയ്തു.

തങ്ങളുടെ പ്രദേശത്ത് ഇത്തരത്തിലുള്ള സംഭവങ്ങൾ നടക്കുന്നത് ആദ്യമായല്ലെന്ന് യുവതി മാധ്യമങ്ങളോട് പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.