സിറിയയിലെ ദരായയിൽനിന്നു സാധാരണക്കാരെയും വിമതരേയും ഒഴിപ്പിക്കുന്നു
Friday, August 26, 2016 7:27 PM IST
ദമാസ്കസ്: സിറിയയിലെ ഉപരോധ ഗ്രാമമായ ദരായയിൽനിന്നു സാധാരണക്കാരെയും വിമതരേയും ഒഴിപ്പിക്കുന്നു. ഉപരോധം അവസാനിപ്പിക്കാൻ വിമതരും സൈന്യവും ധാരണയിലെത്തിയതിനെ തുടർന്നാണിത്. 4,000 സാധാരണക്കാരെയും 700 വിമതരെയുമാണ് ഒഴിപ്പിക്കുന്നത്. വെള്ളിയാഴ്ച മുതൽ അളുകളെ ഒഴിപ്പിച്ചു തുടങ്ങി.

നാലു വർഷമായി സൈന്യത്തിന്റെ ഉപരോധത്തിൽ കഴിഞ്ഞവരാണ് സ്വാതന്ത്ര്യത്തിലേക്ക് ഇറങ്ങിയത്. സൈന്യത്തിന്റെ സംരക്ഷണയിലാണു അളുകളെ സുരക്ഷിത സ്‌ഥലങ്ങളിലേക്കു മാറ്റി പാർപ്പിക്കുന്നത്. വിമതർ നിരവധി ആയുധങ്ങൾ സർക്കാരിനു കൈമാറിയതായും പ്രാദേശിക മാധ്യമങ്ങൾ റിപ്പോർട്ട് ചെയ്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.