മദ്യപിച്ച് കുഴഞ്ഞുവീണ വിദ്യാർഥികളുടെ നില മെച്ചപ്പെട്ടു
Tuesday, April 24, 2018 5:17 PM IST
ത​ല​യോ​ല​പ്പറ​ന്പ്: മ​ദ്യം വെള്ളം ചേർക്കാതെ ക​ഴി​ച്ച് ഗു​രു​ത​രാ​വ​സ്ഥ​യി​ലാ​യ​തി​നെ തു​ട​ർ​ന്ന് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച കൗ​മാ​ര​ക്കാ​രാ​യ നാ​ലു വി​ദ്യാ​ർ​ഥി​ക​ൾ അ​പ​ക​ടനി​ല​ ത​ര​ണം ചെ​യ്തു. സ്കു​ൾ വി​ദ്യാ​ർ​ഥി​ക​ൾ​ക്ക് മ​ദ്യം ന​ൽ​കി​യ പ്രാ​യ​പൂ​ർ​ത്തി​യാ​കാ​ത്ത വി​ദ്യാ​ർ​ഥി​ക്കെ​തി​രെ പോ​ലീ​സ് കേ​സെ​ടു​ത്തു. ബ്ര​ഹ്മ​മം​ഗ​ലം വൈ​പ്പാ​ട​മ്മേ​ലാ​ന് സ​മീ​പ​ത്തെ പാ​ട​വും ചെ​റു തോ​ടു​ക​ളു​മു​ള്ള ചെ​ന്പാ​ല​പ്പാ​ട​ത്ത് തിങ്കളാഴ്ച വൈ​കു​ന്നേ​രമാണ് 13നും 16​നും മ​ധ്യേ പ്രാ​യ​മു​ള്ള നാ​ലു വി​ദ്യാ​ർ​ഥി​ക​ളെ ചെ​ളിപു​ര​ണ്ട് അ​വ​ശ​നി​ല​യി​ൽ കി​ട​ക്കു​ന്ന​ത് ക​ണ്ട​ത്.

അ​ബോ​ധാ​വ​സ്ഥ​യി​ൽ​ കി​ട​ന്ന വി​ദ്യാ​ർ​ഥി​ക​ളെ ജ​ന​പ്ര​തി​നി​ധി​ക​ളാ​യ റെ​ജി മേ​ച്ചേ​രി, ചി​ത്ര​ലേ​ഖ, ത​ല​യോ​ല​പ്പ​റ​ന്പ് അ​ഡീ​ഷ​ണ​ൽ എ​സ്ഐ ​കെ.ടി.​തോ​മ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് വൈ​ക്കം താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ച​ത്. ഗു​രു​ത​രാ​വ​സ്ഥ​യി​ലാ​യി​രു​ന്ന വി​ദ്യാ​ർ​ഥി​ക​ളെ താ​ലൂ​ക്ക് ആ​ശു​പ​ത്രി​യി​ൽ പ്ര​ഥ​മ ശു​ശ്രു​ഷ​യ്ക്ക് ശേ​ഷം കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചു. പിന്നീട് വി​ദ്യാ​ർ​ഥി​ക​ളെ തീ​വ്ര​പ​രി​ച​ണ വി​ഭാ​ഗ​ത്തി​ൽ പ്ര​വേ​ശി​പ്പി​ച്ചു.

താ​ലൂക്ക് ആ​ശു​പ​ത്രി​യി​ൽ കൊ​ണ്ടു​വ​രു​ന്പോ​ൾ ര​ണ്ട് വി​ദ്യാ​ർ​ഥി​ക​ൾ​ അബോധാവസ്ഥയിലായിരുന്നു. മ​റ്റു ര​ണ്ടുപേ​ർ​ക്ക് അ​വ്യ​ക്ത​മാ​യി സം​സാ​രി​ക്കാ​ൻ ക​ഴി​യു​ന്ന നി​ല​യി​ലു​മാ​യി​രു​ന്നു. അ​തീവ​ ഗു​രു​ത​ര സ്ഥി​തി​യി​ലാ​യി​രു​ന്ന പതിമൂന്ന് വയസുകാരനെ പ്ര​ഥ​മ ശു​ശ്രൂ​ഷ ന​ൽ​കി ഉ​ട​ൻ ആം​ബു​ല​ൻ​സി​ൽ കോ​ട്ട​യം മെ​ഡി​ക്ക​ൽ കോ​ളജ് ആ​ശു​പ​ത്രി​യി​ലെ​ത്തി​ച്ചു. പി​ന്നീ​ട് ര​ണ്ടു പേ​രെ ഫ​യ​ർ​ഫോ​ഴ്സി​ന്‍റെ ആം​ബു​ല​ൻ​സി​ലും മ​റ്റൊ​രു കു​ട്ടി​യെ സ്വ​കാ​ര്യ ആം​ബു​ല​ൻ​സി​ലും കോ​ട്ട​യം മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ക്കുകയായിരുന്നു. നാ​ലു വി​ദ്യാ​ർ​ഥി​ക​ളും സ​ഹോ​ദ​ര​ന്‍റെ​യും സ​ഹോ​ദ​രി​യു​ടെ​യും മ​ക്ക​ളാ​ണ്.

പ്രാ​യ​പൂ​ർ​ത്തി​യാ​കാ​ത്ത സ​മീ​പ​വാ​സി​യാ​യ സു​ഹൃ​ത്ത് വി​ദ്യാ​ർ​ഥി​ക​ളി​ലൊ​രാ​ളു​ടെ അ​ടു​ത്ത ബ​ന്ധു​വി​ന്‍റെ വീ​ട്ടി​ലെ ഗൃ​ഹ​പ്ര​വേ​ശ ച​ട​ങ്ങി​ന്‍റെ സ​ൽ​ക്കാ​ര​ത്തി​നാ​യി വാ​ങ്ങി​യ മ​ദ്യ​ത്തി​ൽ നി​ന്ന് ജ​വാ​ന്‍റെ ഒ​രു ലി​റ്റ​ർ ബോ​ട്ടി​ൽ വി​ദ്യാ​ർ​ഥി​ക​ൾ​ക്ക് ര​ഹ​സ്യ​മാ​യി നൽകുകയായിരുന്നു. കു​ട്ടി​ക​ൾ​ ഇത് വെ​ള്ളം ചേ​ർ​ക്കാ​തെ തു​ട​ർ​ച്ച​യാ​യി ക​ഴി​ച്ച​താ​ണ് വി​ദ്യാ​ർ​ഥി​ക​ളെ അ​വ​ശ​ത​യി​ലാ​ക്കി​യ​തെ​ന്നാ​ണ് വി​ദ്യാ​ർ​ഥി​ക​ളി​ലൊ​രാ​ൾ പോ​ലീ​സി​നു മൊ​ഴി ന​ൽ​കി​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.