ലൈഫ് ഓഫ് ലക്ഷ്മി
യ​മു​നാ​ന​ദി​ക്ക​ര​യി​ലെ വെ​ണ്ണ​ക്ക​ൽ സൗ​ധം കാ​ണാ​ൻ ആ​ഗ്ര​യി​ലെ​ത്തി​യ​പ്പോ​ഴാ​ണ് സ​ഹ​യാ​ത്രി​ക​ൻ ഷീ​റോ​സ് ഹാ​ങ്ഒൗ​ട്ട് ക​ഫേ​യി​ൽ പോ​കാ​മെ​ന്ന് പ​റ​യു​ന്ന​ത്. താ​ജ്മ​ഹ​ൽ കാ​ണാ​നെ​ത്തു​ന്ന നി​ര​വ​ധി​യാ​ളു​ക​ൾ ഇ​വി​ടെ​യു​മെ​ത്തു​ന്നു. ഇ​തു ചെ​റി​യൊ​രു ക​ഫേ മാ​ത്ര​മ​ല്ല, അ​തി​ജീ​വ​ന​ത്തിന്‍റെയും ആ​ത്മ​വി​ശ്വാ​സ​ത്തി​ന്‍റെയും മ്യൂ​സി​യം​കൂ​ടി​യാ​ണ്. ചെ​റി​യ ഒ​രു മു​റ്റ​ത്തോ​ട് കൂ​ടി​യ ര​ണ്ടു​നി​ല​വീ​ട്. അ​തി​നു മു​ന്നി​ലാ​യി ഷീ​റോ​സ് ഹാ​ങ്ഒൗ​ട്ട് ക​ഫേ​എന്ന വ​ലി​യൊ​രു ബോ​ർ​ഡ്. അ​ധി​കം വ​ലു​പ്പ​മി​ല്ലാ​ത്ത ഒ​റ്റ​മു​റി. ചു​വ​രു​ക​ൾ എ​ല്ലാം ചി​ത്ര​പ്പ​ണി​ക​ളാ​ൽ മ​നോ​ഹ​രം. ബു​ക്കു​ക​ൾ അ​ടു​ക്കി​വ​ച്ചി​രി​ക്കു​ന്ന ഷെ​ൽ​ഫു​ക​ൾ, സ​ന്ദ​ർ​ശ​ക​ർ​ക്ക് അ​വ​രു​ടെ അ​ഭി​പ്രാ​യ​ങ്ങ​ൾ കു​റി​ച്ചി​ടാ​ൻ വ​ലി​യൊ​രു ഫ്ള​ക്സ് ബോ​ർ​ഡ്.

ക​ഫേ​യി​ലെ ഷെ​ൽ​ഫു​ക​ളി​ൽ നി​റ​ഞ്ഞി​രി​ക്കു​ന്ന പു​സ്ത​ക​ങ്ങ​ളേ​ക്കാ​ൾ കൂ​ടു​ത​ൽ കാ​ര്യ​ങ്ങ​ൾ പ​റ​യാ​നു​ണ്ടാ​വു​ക അ​വി​ടത്തെ ചു​മ​രു​ക​ളി​ൽ തൂ​ക്കി​യി​ട്ടി​രി​ക്കു​ന്ന ചി​ത്ര​ങ്ങ​ൾ​ക്കാ​യി​രി​ക്കും. സം​സാ​രി​ക്കു​ന്ന ആ ​ചി​ത്ര​ങ്ങ​ൾ മ​ന​സി​നു​ള്ളി​ൽ നി​ര​വ​ധി ക​ഥ​ക​ളു​ടെ ഒ​രു സ്മാ​ര​കം പ​ണി​യും. താ​ജ്മ​ഹ​ൽ പ്ര​ണ​യ​ത്തി​ന്‍റെ സു​ന്ദ​ര മു​ഖ​മാ​ണെ​ങ്കി​ൽ ഷീ​റോ​സ് ഹാ​ങ് ഒൗ​ട്ട് ക​ഫേ മ​ന​സ് മ​ര​വി​ച്ച ക്രൂ​രന്മാരു​ടെ പ്ര​ണ​യ​വി​ള​യാ​ട്ട​ങ്ങ​ളു​ടെ വി​കൃ​ത​മു​ഖ​മാ​ണ് കാ​ട്ടി​ത്ത​രു​ക.

ഇ​വ​യ്ക്കി​ട​യി​ൽ ആ​സി​ഡ് ആ​ക്ര​മ​ണ​ത്തി​ന് ഇ​ര​ക​ളാ​യ ഒ​രു​പാ​ട് പെ​ണ്‍​കു​ട്ടി​ക​ളു​ടെ ചി​ത്ര​ങ്ങ​ൾ ഫ്രെ​യിം ചെ​യ്ത് തൂ​ക്കി​യി​ട്ടി​രി​ക്കു​ന്നു. ഇ​വ​രൊ​ക്കെ​യാ​രാ​ണെ​ന്ന് ചി​ന്തി​ച്ച് നി​ൽ​ക്കു​ന്പോ​ഴാ​ണ് ആ ​ഫ്രെ​യി​മി​ലെ ഒ​രു മു​ഖം മെ​നു​കാ​ർ​ഡു​മാ​യി മു​ന്നി​ലെ​ത്തി​യ​ത്.

പ്ര​ണ​യാ​ഭ്യ​ർ​ഥ​ന നി​ര​സി​ച്ച​തു മൂ​ലം ആ​സി​ഡ് ആ​ക്ര​മ​ണ​ത്തി​ന് ഇ​ര​യാ​കേ​ണ്ടി വ​ന്ന ല​ക്ഷ്മി അ​ഗ​ർ​വാ​ൾ തു​ട​ങ്ങി​വ​ച്ച​താ​ണ് ഷീ​റോ​സ് ഹാ​ങ്ഒൗ​ട്ട് ക​ഫേ. ആ​സി​ഡാ​ക്ര​മ​ണ​ത്തി​ന് ഇ​ര​യാ​യ​വ​ർ​ക്ക് ക​രു​ത്തു പ​ക​രു​ക, അ​വ​ർ​ക്ക് പു​തി​യ ജീ​വി​തം തു​റ​ന്നു​കൊ​ടു​ക്കു​ക, ഇ​നി ഒ​രു ഇ​ര​യു​ണ്ടാ​വാ​തി​രി​ക്കു​ക തു​ട​ങ്ങി​യ ല​ക്ഷ്യ​ങ്ങ​ൾ മു​ൻ​നി​ർ​ത്തി​യാ​ണ് ഷീ​റോ​സ് ഹാ​ങ്ഒൗ​ട്ട് എ​ന്ന ക​ഫേ​യു​ടെ ജ​ന​നം. പ്ര​ണ​യ​ത്തി​ന്‍റെ പേ​രി​ൽ ആ​സി​ഡാ​ക്ര​മ​ണ​ത്തി​ൽ മു​ഖ​വും ജീ​വി​ത​വും ന​ഷ്ട​പ്പെ​ട്ട​വ​രു​ടെ ഉ​യി​ർ​ത്തെ​ഴു​ന്നേ​ൽ​പ്പി​ന്‍റെ മ​റ്റൊ​രു മു​ഖ​മാ​ണ് ഈ ​ക​ഫേ.

ല​ക്ഷ്മി​യെ​ക്കു​റി​ച്ച് നാം ​ഓ​രോ​രു​ത്ത​രും കൂ​ടു​ത​ൽ അ​റി​യ​ണം... കാ​ര​ണം, അ​വ​ളു​ടെ ക​ഥ ഏ​റെ​നാ​ൾ മാ​ധ്യ​മ​ങ്ങ​ളി​ൽ നി​റ​ഞ്ഞു​നി​ന്ന​താ​ണ്... ആ​ദ്യം ആ​സി​ഡ് ആ​ക്ര​മ​ണ​ത്തി​ന്‍റെ ഇ​ര​യാ​യി​ട്ടാ​ണ് വാ​ർ​ത്ത​ക​ളി​ൽ നി​റ​ഞ്ഞ​തെ​ങ്കി​ൽ പി​ന്നീ​ട് അ​തി​ജീ​വ​ന​ത്തി​ന്‍റെ പു​തി​യ മു​ഖ​മാ​യാ​ണ് ല​ക്ഷ്മി വാ​ഴ്ത്ത​പ്പെ​ട്ട​ത്.

ആ​സി​ഡ് വീ​ണ സ്വ​പ്ന​ങ്ങ​ൾ

ഡ​ൽ​ഹി​യി​ൽ ഒ​രു സാ​ധാ​ര​ണ കു​ടും​ബ​ത്തി​ലാ​യി​രു​ന്നു ല​ക്ഷ്മി​യു​ടെ ജ​ന​നം. അ​ച്ഛ​നും അ​മ്മ​യും സ​ഹോ​ദ​ര​നും അ​ട​ങ്ങി​യ സ​ന്തു​ഷ്ട കു​ടും​ബം. 2005ൽ ​ല​ക്ഷ്മി​യു​ടെ 15-ാം വ​യ​സി​ലാ​ണ് ആ ​കു​ടും​ബ​ത്തെ ത​ല​കീ​ഴാ​യി മ​റി​ച്ച സം​ഭ​വം അ​ര​ങ്ങേ​റു​ന്ന​ത്. കൂ​ട്ടു​കാ​രി രാ​ഖി​യു​ടെ സ​ഹോ​ദ​ര​നും മു​പ്പ​ത്തി​ര​ണ്ടു​കാ​ര​നു​മാ​യ ന​യിം​ഖാ​ൻ ത​ന്‍റെ പ്ര​ണ​യം ല​ക്ഷ്മി​യെ അ​റി​യി​ച്ചു. ത​ന്‍റെ ഇ​ര​ട്ടി പ്രാ​യ​മു​ള്ള അ​യാ​ളു​ടെ പ്ര​ണ​യാ​ഭ്യ​ർ​ഥ​ന അ​വ​ൾ തി​ര​സ്ക​രി​ച്ചു. പ​ല​വ​ട്ടം അ​യാ​ൾ ഇ​തേ ആ​വ​ശ്യ​വു​മാ​യി ല​ക്ഷ്മി​യെ സ​മീ​പി​ച്ചു. രാ​ഖി വ​ഴി​യും ല​ക്ഷ്മി​യു​ടെ മ​ന​സ് മാ​റ്റാ​ൻ ന​യിം​ഖാ​ൻ ശ്ര​മി​ച്ചു​നോ​ക്കി. ല​ക്ഷ്മി ത​ന്‍റെ നി​ല​പാ​ടി​ൽ ഉ​റ​ച്ചു നി​ന്നു. പ്ര​തി​കാ​ര​ദാ​ഹി​യാ​യ ന​യിം​ഖാ​ൻ രാ​ഖി​യു​ടെ സ​ഹാ​യ​ത്തോ​ടെ ഡ​ൽ​ഹി​യി​ലെ ഒ​രു തി​ര​ക്കേ​റി​യ മാ​ർ​ക്ക​റ്റി​ലെ ബ​സ് സ്റ്റോ​പ്പി​ൽ​വ​ച്ച് ല​ക്ഷ്മി​യു​ടെ മു​ഖ​ത്തേ​ക്ക് ആ​സി​ഡ് ഒ​ഴി​ച്ചു. ആ​സി​ഡ് ഒ​ഴി​ക്കു​ന്പോ​ൾ കൈ​ക​ൾ കൊ​ണ്ട് ക​ണ്ണു പൊ​ത്തി​യ​തി​നാ​ൽ മു​ഖ​ത്ത് കാ​ഴ്ച മാ​ത്രം ബാ​ക്കി​യാ​യി. മ​ര​ണ​ത്തെ മു​ഖാ​മു​ഖം ക​ണ്ട നാ​ളു​ക​ൾ.

ജീ​വ​ൻ നി​ല​നി​ർ​ത്താ​ൻ ഏ​ഴു വ​ലി​യ ശ​സ്ത്ര​ക്രി​യ​ക​ൾ. അ​ഞ്ചു വ​ർ​ഷ​ത്തോ​ളം ആ​ശു​പ​ത്രി ജീ​വി​തം. ഇ​തി​നി​ടെ പ​ല​ത​വ​ണ വെ​ന്‍റി​ലേ​റ്റ​റി​ന്‍റെ സ​ഹാ​യ​ത്തോ​ടെ​യാ​ണ് ജീ​വ​ൻ നി​ല​നി​ർ​ത്തി​യ​ത്. തു​ട​യി​ൽ നി​ന്നും അ​ര​ക്കെ​ട്ടി​നു താ​ഴെ നി​ന്നു​മാ​യി തൊ​ലി​യെ​ടു​ത്താ​ണ് മു​ഖം പു​നഃ​സൃ​ഷ്ടി​ച്ച​ത്. നൃ​ത്ത, സം​ഗീ​ത പ​രി​പാ​ടി​ക​ളി​ൽ തി​ള​ങ്ങി​നി​ന്ന ല​ക്ഷ്മി​യു​ടെ മു​ഖം വി​കൃ​ത​മാ​യ​തോ​ടെ പി​താ​വ് മു​ന്നു​ലാ​ൽ വി​ഷാ​ദ​രോ​ഗ​ത്തി​ന് അ​ടി​മ​യാ​യി. സ​ഹോ​ദ​ര​നും രോ​ഗി​യാ​യി. രോ​ഗ​ങ്ങ​ളും ദാ​രി​ദ്ര്യവും ആ ​കു​ടും​ബ​ത്തെ വി​ഴു​ങ്ങി. ഇ​തൊ​ന്നും സ​ഹി​ക്ക​വ​യ്യാ​തെ 2012ൽ ​ആ പി​താ​വ് ഹൃ​ദ​യം​പൊ​ട്ടി മ​രി​ച്ചു. ഇ​തി​നെ​ല്ലാം കാ​ര​ണ​ക്കാ​ര​നാ​യ ന​യിം​ഖാ​നെ കോ​ട​തി പ​ത്തു വ​ർ​ഷ​വും രാ​ഖി​യെ ഏ​ഴു വ​ർ​ഷ​വും ത​ട​വി​നു ശി​ക്ഷി​ച്ചു. എ​ന്നാ​ൽ ആ​ക്ര​മ​ണ​ത്തി​നു​ശേ​ഷം ഒ​രു മാ​സം ക​ഴി​ഞ്ഞ് ന​യിം​ഖാ​ൻ ആ​ഘോ​ഷ​പൂ​ർ​വം മ​റ്റൊ​രാ​ളെ വി​വാ​ഹം ക​ഴി​ച്ചു.

ആ​സി​ഡി​ൽ കു​രു​ത്ത​ത്

തി​രി​ച്ചുകി​ട്ടി​യ അ​ല്പ​പ്രാ​ണ​നും​കൊ​ണ്ട് ജീ​വി​തം ചോ​ദ്യ​ചി​ഹ്ന​മാ​യി​രി​ക്കു​ന്പോ​ഴാ​ണ് പ​ത്ര​പ്ര​വ​ർ​ത്ത​ക ഉ​പ്നീ​ത, സ്റ്റോ​പ്പ് ആ​സി​ഡ് അ​റ്റാ​ക്ക് പ്ര​ച​ാര​ണ​ങ്ങളി​ലേ​ക്ക് ല​ക്ഷ്മി​യു​ടെ ശ്ര​ദ്ധ ക്ഷ​ണി​ക്കു​ന്ന​ത്. പ​ത്ര​പ്ര​വ​ർ​ത്ത​ക​നും സാ​മൂ​ഹി​ക​പ്ര​വ​ർ​ത്ത​ക​നു​മാ​യ അ​ലോ​ക് ദീ​ക്ഷി​തു​മാ​യി പ​രി​ച​യ​പ്പെ​ട്ട​തോ​ടെ ല​ക്ഷ്മി, സ്റ്റോ​പ്പ് ആ​സി​ഡ് അ​റ്റാ​ക്കി​ന്‍റെ കാ​ന്പെയി​ൻ കോ​ഓ​ർ​ഡി​നേ​റ്റ​റാ​യി. പി​ന്നീ​ട് ഈ ​ബ​ന്ധം പ്ര​ണ​യ​ത്തി​ലൂ​ടെ ക​ട​ന്ന് വി​വാ​ഹ​ത്തി​ലെ​ത്തി. ഇ​രു​വ​ർ​ക്കും കൂ​ട്ടാ​യി മ​ക​ൾ പി​ഹു ജ​നി​ച്ചു. ആ​ക്ര​മ​ണ​ത്തി​ന് ഇ​ര​യാ​യ രൂ​പ എ​ന്ന പെ​ണ്‍​കു​ട്ടി​യോ​ടൊ​പ്പം സു​പ്രീം​കോ​ട​തി​യി​ൽ ആ​സി​ഡ് വി​ല്പ​ന​യ്ക്കെ​തിരേ പൊ​തു​താ​ത്പ​ര്യ ഹ​ർ​ജി​യും ല​ക്ഷ്മി ന​ല്കി. രാ​ജ്യ​ത്ത് ആ​സി​ഡ് വി​ല്പ​ന​യ്ക്കു ക​ർ​ശ​ന നി​യ​ന്ത്ര​ണം ഏ​ർ​പ്പെ​ടു​ത്ത​ണ​മെ​ന്ന​താ​യി​രു​ന്നു ഇ​രു​വ​രു​ടെ​യും ആവ​ശ്യം. ആ​സി​ഡ് ആ​ക്ര​മ​ണ​ങ്ങ​ളു​ടെ ഭീ​ക​ര​ത മ​ന​സി​ലാ​ക്കി​യ സു​പ്രീം​കോ​ട​തി പ്ര​ത്യേ​ക നി​യ​മ​നി​ർ​മാ​ണം ന​ട​ത്ത​ണ​മെ​ന്ന് കേ​ന്ദ്ര​സ​ർ​ക്കാ​രി​നോ​ട് ആ​വ​ശ്യ​പ്പെ​ട്ടു. ആ​സി​ഡ് വി​ല്പ​ന​യ്ക്കു ക​ർ​ശ​ന​നി​യ​ന്ത്ര​ണം ഏ​ർ​പ്പെ​ടു​ത്ത​ണ​മെ​ന്നും വാ​ങ്ങു​ന്ന​വ​ർ തി​രി​ച്ച​റി​യ​ൽ​രേ​ഖ ന​ല്ക​ണ​മെ​ന്നു​മു​ള്ള നി​ർ​ദേ​ശ​ങ്ങ​ൾ മു​ന്നോ​ട്ടു​വ​ച്ചു.

അ​ലോ​കി​ന്‍റെ ആ​ശ​യം

ല​ക്ഷ്മി​യെ സം​ബ​ന്ധി​ച്ചി​ട​ത്തോ​ളം ആ​സി​ഡ് ഇ​ര​ക​ളെ സ​മൂ​ഹ​ത്തി​നു മു​ന്നി​ൽ കൊ​ണ്ടു​വ​രി​ക​യെ​ന്ന​ത് ശ്ര​മ​ക​ര​മാ​യ ജോ​ലി​യാ​യി​രു​ന്നു. ഇ​തി​നാ​യി ഭ​ർ​ത്താ​വ് അ​ലോ​ക് ക​ണ്ടെ​ത്തി​യ ആ​ശ​യ​മാ​യി​രു​ന്നു ആ​ഗ്ര​യി​ൽ സ്റ്റോ​പ്പ് ആ​സി​ഡ് അ​റ്റാ​ക്ക് പ്ര​വ​ർ​ത്ത​ക​ർ​ക്ക് ഷീ​റോ​സ് ഹാ​ങ്ഒൗ​ട്ട് ക​ഫേ എ​ന്ന പേ​രി​ൽ ഒ​രു സ്ഥാ​പ​നം. റീ​ഡേ​ഴ്സ് ക​ഫേ, ആ​ക്ടി​വി​സം വ​ർ​ക്ക്ഷോ​പ്പ്, ഹാ​ൻ​ഡി​ക്രാ​ഫ്റ്റ്സ് ആ​ൻ​ഡ് എ​ക്സി​ബി​ഷ​ൻ സെ​ന്‍റ​ർ എ​ന്നി​വ​യു​ള്ള ഒ​രു വ്യ​ത്യ​സ്ത​മാ​യ ഇ​ട​മാ​യി​രു​ന്നു ല​ക്ഷ്യം. ആ​സി​ഡ് ആ​ക്ര​മ​ണ​ത്തി​ൽ ഇ​ര​ക​ളാ​യ​വ​രാ​വ​ണം ഇ​തി​ന്‍റെ ന​ട​ത്തി​പ്പു​കാ​ർ എ​ന്ന് അ​ലോ​കി​ന് നി​ർ​ബ​ന്ധ​വു​മു​ണ്ടാ​യി​രു​ന്നു. 2014ലാ​ണ് ഷീ​റോ​സ് ഹാ​ങ്ങ്ഒൗ​ട്ട് ക​ഫേ എ​ന്ന സ്ഥാ​പ​നം ആ​ദ്യ​മാ​യി ആ​ഗ്ര​യി​ൽ പ്ര​വ​ർ​ത്ത​നം ആ​രം​ഭി​ക്കു​ന്ന​ത്. പി​ന്നീ​ട് ഇ​ത് ല​ക്നൗ, ഉ​ദ​യ്പു​ർ എ​ന്നി​വി​ട​ങ്ങ​ളി​ലേ​ക്ക് വ്യാ​പി​പ്പി​ച്ചു.

ചു​വ​രി​ലെ മു​ഖ​ങ്ങ​ൾ ക​ഥ പ​റ​യു​ന്നു

ക​ഫേ​യി​ലെ ജോ​ലി​ക്കാ​രാ​യ പെ​ണ്‍​കു​ട്ടി​ക​ളി​ലൊ​രാ​ളാ​യ രൂ​പ ആ​സി​ഡ് ആ​ക്ര​മ​ണ​ത്തി​നു വി​ധേ​യ​യാ​വു​ന്ന​ത് പ​തി​ന്നാ​ലാം വ​യ​സി​ലാ​ണ്. കാ​ര​ണ​മാ​യ​ത് ര​ണ്ടാ​ന​മ്മ​യും. സ്വ​ത്തു​ത​ർ​ക്ക​ത്തി​നി​ടെ സ​ഹോ​ദ​ര​ങ്ങ​ളി​ൽ​നി​ന്നാ​ണ് റി​തു​വി​ന് ആ​ക്ര​മ​ണ​മു​ണ്ടാ​യ​ത്. ര​ണ്ടാ​മ​തും പെ​ണ്‍​കു​ഞ്ഞി​ന് ജന്മം ​ന​ല്കി​യ​തി​ന്‍റെ പേ​രി​ൽ ഭ​ർ​ത്താ​വാ​ണ് ഗീ​ത​യെ ആ​സി​ഡ് കൊ​ണ്ട് ആ​ക്ര​മി​ച്ച​ത്. സ്വ​ന്തം കു​ഞ്ഞ് കൈ​ക​ളി​ൽ കി​ട​ന്ന് ആ​സി​ഡി​ൽ പൊ​ള്ളി മ​രി​ച്ച​ത് ഇ​ന്നും ഗീ​ത​യു​ടെ ഓ​ർ​മ​ക​ളി​ൽ മാ​യാ​ത്ത മു​റി​വാ​യി അ​വ​ശേ​ഷി​ക്കു​ന്നു. എ​ന്നാ​ൽ, അ​വ​ർ ഒ​ഴി​ച്ച ആ​സി​ഡി​നേ​ക്കാ​ൾ വീ​ര്യം ഇ​പ്പോ​ൾ ല​ക്ഷ്മി​യു​ടെ​യും സു​ഹൃ​ത്തു​ക്ക​ളു​ടെ​യും മ​ന​സി​നു​ണ്ട്. പൊ​ള്ളി​പ്പോ​യ മു​ഖ​ത്തേ​ക്കാ​ൾ ശ​ക്തി​യു​ള്ള ഹൃ​ദ​യം കൊ​ണ്ട​വ​ർ പോ​രാ​ടു​ന്നു.

അ​വ​ർ​ക്കും ജീ​വി​ക്ക​ണം

ആ​ക്ര​മ​ണ​ത്തി​ന് വി​ധേ​യ​രാ​യ​വ​രെ പു​ന​ര​ധി​വ​സി​പ്പി​ക്കു​ക​യും അ​വ​ർ​ക്ക് മാ​ന്യ​മാ​യി ജോ​ലി ചെ​യ്ത് ജീ​വി​ക്കാ​നു​ള്ള സാ​ഹ​ച​ര്യം ഒ​രു​ക്കു​ക​യു​മാ​ണ് ല​ക്ഷ്മി ആ​ദ്യം ചെ​യ്ത​ത്. അ​തോ​ടൊ​പ്പം ത​ന്നെ സ്റ്റോ​പ്പ് ആ​സി​ഡ് അ​റ്റാ​ക്ക് കാ​ന്പെ​യി​ൻ ശ​ക്ത​മാ​യി കൊ​ണ്ടു​പോ​യി. ഷീ​റോ​സ് ഹാ​ങ്ഒൗ​ട്ട് ക​ഫേ കൂ​ടാ​തെ ഡ​ൽ​ഹി​യി​ലെ നി​ർ​മാ​ണ്‍ വി​ഹ​ാറി​ൽ ഒ​രു പു​ന​ര​ധി​വാ​സ​കേ​ന്ദ്രം തു​ട​ങ്ങി.

2014ൽ ​അ​മേ​രി​ക്ക​ൻ ഭ​ര​ണ​കൂ​ടം ന​ല്കു​ന്ന രാ​ജ്യാ​ന്ത​ര വ​നി​താ ധീ​ര​താ അ​വാ​ർ​ഡ് ല​ക്ഷ്മി​യെ തേ​ടി​യെ​ത്തി. മി​ഷേ​ൽ ഒ​ബാ​മ​യി​ൽ​നി​ന്നാ​ണ് ല​ക്ഷ്മി അ​വാ​ർ​ഡ് ഏ​റ്റു​വാ​ങ്ങി​യ​ത്. ആ​സി​ഡ് ആ​ക്ര​മ​ണ ഇ​ര​ക​ളു​ടെ ഫാ​ഷ​ൻ ഡി​സൈ​നി​ങ്ങ് സ്റ്റോ​റു​ക​ൾ ആ​രം​ഭി​ച്ച​തോ​ടൊ​പ്പം ത​ന്നെ 2016ലെ ​ല​ണ്ട​ൻ ഫാ​ഷ​ൻ വീ​ക്കി​ൽ പ​ങ്കെ​ടു​ത്തു​കൊ​ണ്ട് ല​ക്ഷ്മി ഒ​രേ​സ​മ​യം ഡി​സൈ​ന​റും മോ​ഡ​ലു​മാ​യി. ഇ​ന്ത്യ​യി​ൽ പ​ല ഫാ​ഷ​ൻ വീ​ക്കു​ക​ളി​ലും റാ​ന്പി​ൽ ക്യാ​റ്റ് വാ​ക്ക് ന​ട​ത്തി ആ​സി​ഡ് ആ​ക്ര​മ​ണ​ത്തി​ന്‍റെ ഭീ​ക​ര​ത വ​ര​ച്ചു​കാ​ട്ടി. മു​ഖ​ച​ർ​മം വീ​ണ്ടെ​ടു​ക്കാ​നാ​യി ആ​യു​ർ​വേ​ദ ചി​കി​ൽ​സ​യ്ക്കാ​യി ല​ക്ഷ്മി കേ​ര​ള​ത്തി​ലും എ​ത്തി​യി​ട്ടു​ണ്ട്.

ഓ​രോ​രു​ത്ത​രു​ടെ​യും ക​ഥ​ക​ൾ ചി​ക​യു​ന്ന​തി​നി​ടെ ഭ​ക്ഷ​ണ​മെ​ത്തി. വ​യ​ർ​നി​റ​ച്ച് ആ​ഹാ​രം ക​ഴി​ച്ച് ബി​ല്ലി​നാ​യി കാ​ത്തി​രു​ന്നെ​ങ്കി​ലും നി​രാ​ശ​യാ​യി​രു​ന്നു ഫ​ലം. കാ​ര​ണം ഇ​വി​ടെ ആ​ഹാ​ര​ത്തി​ന് പ​ണം ഈ​ടാ​ക്കാ​റി​ല്ല. ഭ​ക്ഷ​ണം സൗ​ജ​ന്യ​മാ​ണ്, എ​ന്തെ​ങ്കി​ലും സം​ഭാ​വ​ന കൊ​ടു​ത്താ​ൽ വാ​ങ്ങു​മെ​ന്നു മാ​ത്രം. വി​ദേ​ശി​ക​ളും സ്വ​ദേ​ശി​ക​ളും ക​ണ്ണും ക​ണ്ണും നോ​ക്കി​യി​രി​ക്കു​ന്ന​വ​രു​മൊ​ക്കെ ക​ഫേ​യു​ടെ കോ​ണു​ക​ളി​ലു​ണ്ടാ​യി​രു​ന്നു. ഈ ​ക​ഥ​ക​ളും മു​ഖ​ങ്ങ​ളും അ​വ​രെ ചി​ന്തി​ക്കാ​ൻ പ്രേ​രി​പ്പി​ച്ചി​രി​ക്കാം.. ആ​ർ​ക്കും ഈ ​അ​വ​സ്ഥ ഉ​ണ്ടാ​വ​രു​തേ എ​ന്ന പ്രാ​ർ​ഥ​ന​യോ​ടെ...

അ​രു​ണ്‍​ ടോം


Copyright @ 2022 , Rashtra Deepika Ltd.