ഉത്ഥിതന്‍റെ കല്ലറ തുറന്നപ്പോൾ
ജെ​റു​സ​ലേം ന​ഗ​ര​ത്തി​നു പു​റ​ത്ത് ത​ല​യോ​ടിന്‍റെ സ്ഥ​ലം എ​ന്ന​ർ​ഥ​മു​ള്ള ഗാ​ഗു​ൽ​ത്താ​യി​ൽ മ​റ്റാ​രെ​യും സം​സ്ക​രി​ക്കാ​ത്ത ചു​ണ്ണാ​ന്പു പാ​റ​യു​ടെ അ​റ​യി​ൽ ക്രി​സ്തു​വി​ന്‍റെ തി​രു​ശ​രീ​രം സം​സ്ക​രി​ച്ച അ​തി​പൂ​ജ്യ​മാ​യ ഇ​ടം. 2016 ഒ​ക്ടോ​ബ​ർ 26 ന് ​പ​ഠ​ന​ങ്ങ​ൾ​ക്കാ​യി ഈ ​ക​ല്ല​റ തു​റ​ന്നു. മ​ര​ണ​ത്തെ തോ​ൽ​പി​ച്ച് മൂ​ന്നാം നാ​ൾ യേ​ശു ഉ​ത്ഥാ​നം ചെ​യ്ത ക​ല്ല​റ​യ്ക്കു​ള്ളി​ൽ എ​ന്തൊ​ക്കെ​യു​ണ്ടാ​കും തി​രു​ശേ​ഷി​പ്പു​ക​ളാ​യി. ലോ​കം ആ​കാം​ക്ഷ​യോ​ടെ കാ​ത്തി​രു​ന്നു.
കോ​ടാ​നു​കോ​ടി ചും​ബ​ന​ങ്ങ​ൾ ഓ​രോ നി​മി​ഷ​വും പ​തി​ഞ്ഞു​കൊ​ണ്ടി​രി​ക്കു​ന്ന ഏ​ക ക​ബ​റി​ടം. ക്രീം ​നി​റ​മു​ള്ള വി​ള്ള​ലു​ക​ൾ വീ​ണ മാ​ർ​ബി​ൾ പാ​ളി​ക​ൾ​ക്ക​ടി​യി​ൽ തി​രു​ശ​രീ​രം കി​ട​ത്തി​യ ശി​ല ക​ണ്ടെ​ത്താ​നാ​കു​മോ എ​ന്ന​താ​യി​രു​ന്നു അ​ൻ​പ​തം​ഗ ഗ​വേ​ഷ​ക സം​ഘ​ത്തി​ന്‍റെ അ​ന്വേ​ഷ​ണം.

ആഥൻ​സി​ലെ നാ​ഷ​ണ​ൽ ടെ​ക്നി​ക്ക​ൽ യൂ​ണി​വേ​ഴ്സി​റ്റി പ്ര​ഫ​സ​ർ അ​ന്തോ​ണി​യോ മൊ​റോ​പൗ​ളോ​യു​ടെ സം​ഘ​വും അ​മേ​രി​ക്ക​യി​ലെ നാ​ഷ​ണ​ൽ ജ്യോ​ഗ്ര​ഫി​ക് സൊ​സൈ​റ്റി​യു​മാ​ണ് ആ​റു മാ​സ​ത്തെ പ​രി​ശോ​ധ​ന​യും പു​ന​രു​ദ്ധാ​ര​ണ​വും ക​ഴി​ഞ്ഞ മാ​സം 21നു ​പൂ​ത്തി​യാ​ക്കി​യ​ത്. തി​രു​ക്ക​ല്ല​റ​യെ ഉ​ള്ളി​ലാ​ക്കി നി​ർ​മി​ച്ചി​രി​ക്കു​ന്ന എ​ഡി​ക്യൂ​ൾ എ​ന്ന കൂ​ടാ​രം ഇ​വ​ർ ബ​ല​പ്പെ​ടു​ത്തു​ക​യും ചെ​യ്തു. അ​ടി​ത്ത​റ ഇ​ള​കി ദു​ർ​ബ​ല​മാ​യി​രു​ന്നു 207 വ​ർ​ഷ​ത്തെ പ​ഴ​ക്കം പ​റ​യാ​വു​ന്ന ഈ ​കൂ​ടാ​രം.

നാ​ലാം നൂ​റ്റാ​ണ്ടു മു​ത​ൽ ക്രൈ​സ്ത​വ​ർ ഏ​റ്റ​വും പൂ​ജ്യ ഇ​ട​മാ​യി ഈ ​ക​ല്ല​റ​യെ വ​ണ​ങ്ങി​പ്പോ​രു​ന്നു. ര​ണ്ടു ക​ള്ള​ൻ​മാ​രു​ടെ ന​ടു​വി​ൽ യേ​ശു​വി​നെ കു​രി​ശി​ൽ ത​റ​ച്ച സ്ഥ​ല​ത്തെ ദ ​ച​ർ​ച്ച് ഓ​ഫ് ഹോ​ളി സെ​പ്ൾക്കർ എ​ന്ന ദേ​വാ​ല​യ​വും വി​ശ്വാ​സി​ക​ളു​ടെ പ​വി​ത്ര​മാ​യ ഇ​ട​മാ​ണ്. കു​രി​ശു നാ​ട്ട​പ്പെ​ട്ട സ്ഥ​ലം ഉ​ൾ​പ്പെ​ടു​ന്ന അ​ൾ​ത്താ​ര​യു​ടെ താ​ഴ​ത്തെ നി​ല​യി​ലാ​ണ് എ​ഡി​ക്യൂ​ളും ക​ല്ല​റ​യു​മു​ള്ള​ത്.

ഗത്‌സമ​ൻ തോ​ട്ട​വും ക്രി​സ്തു​വി​നെ ബ​ന്ധി​ച്ചു പ​ട​യാ​ളി​ക​ൾ ന​ട​ത്തി​ക്കൊ​ണ്ടു​പോ​യ ക​ൽ​പ്പ​ട​വും ക​യ്യ​പ്പാ​സി​ന്‍റെ ജ​യി​ല​റ​യും പീ​ലാ​ത്തോ​സി​ന്‍റെ അ​ര​മ​ന​യും ക​ട​ന്ന് വി​കാ​ര​വാ​യ്പോ​ടെ തീ​ർ​ഥാ​ട​ക​ർ കു​രി​ശി​ന്‍റെ വ​ഴി പ്രാ​ർ​ഥ​ന ചൊ​ല്ലി നീ​ങ്ങു​ന്ന ഇ​ട​മാ​ണ് ഗാ​ഗു​ൽ​ത്ത. ഒ​ട്ടേ​റെ അ​ധി​നി​വേ​ശ​ങ്ങ​ൾ​ക്കും പ്ര​കൃ​തി​ക്ഷോ​ഭ​ങ്ങ​ൾ​ക്കും ഇ​ര​യാ​യി നി​ര​വ​ധി ത​ക​ർ​ക്ക​ലു​ക​ൾ​ക്കും പു​ന​രു​ദ്ധാ​ര​ണങ്ങ​ൾ​ക്കും ശേ​ഷം 1854ൽ ​നി​ർ​മാ​ണം തീ​ർ​ത്ത​താ​ണ് ഇ​പ്പോ​ൾ കാ​ണു​ന്ന കു​രി​ശു​മ​ര​ണ​ത്തി​ന്‍റെ പ​ള്ളി​യും അ​തി​നു​ള്ളി​ൽ ഉ​ത്ഥി​ത​ന്‍റെ ക​ല്ല​റ​യും.
ചു​ണ്ണാ​ന്പു പാ​റ അ​ൽ​പാ​ൽ​പം അ​ട​ർ​ത്തി ക​ബ​റി​ട​ത്തി​ലെ മ​ണ്ണും പൊ​ടി​യും വ​രെ വി​ശ്വാ​സി​ക​ൾ പൂ​ജ്യാ​വ​ശി​ഷ്ട​മാ​യി കൊണ്ടുപോ​കു​ന്ന സാ​ഹ​ച​ര്യ​ത്തി​ലാ​ണ് 1555ൽ ​സം​ര​ക്ഷ​ണ​ത്തി​നാ​യി ഇ​തി​ന്‍റെ അ​ക്കാ​ല​ത്തെ ചു​മ​ത​ല​ക്കാ​ർ ക​ല്ല​റ​യ്ക്കു മു​ക​ളി​ൽ മാ​ർ​ബി​ൾ ഫ​ല​കം സ്ഥാ​പി​ച്ച​ത്.

കാ​ല​പ്പ​ഴ​ക്ക​ത്തി​ലെ കേ​ടു​പാ​ടു​ക​ളും മെ​ഴു​കു​തി​രി, ധൂ​പ​ക്കു​റ്റി എ​ന്നി​വ​യി​ൽനി​ന്നുള്ള പു​ക​യും ലോ​ഹ​ങ്ങ​ളി​ലെ ക്ലാ​വും ചെ​ളി​യും ഈ​ർ​പ്പ​വും വി​യ​ർ​പ്പും ക​റ​യു​മൊ​ക്കെ​ക്കൊ​ണ്ട് ക​റു​ത്തി​രു​ണ്ട സ്ഥി​തി​യി​ലാ​യി​രു​ന്നു എ​ഡി​ക്യൂ​ൾ. ദൈ​വാ​ല​യ മേ​ൽ​ക്കൂ​ര​യി​ലെ ചോ​ർ​ച്ച​യും ത​ക​ർ​ച്ച​യ്ക്കു കാ​ര​ണ​മാ​യി. ഇ​തേ​ത്തു​ട​ർ​ന്നാ​യി​രു​ന്നു പു​രാ​വ​സ്തു​ശാ​സ്ത്ര​ജ്ഞ​ർ ഉ​ൾ​പ്പെ​ട്ട സം​ഘ​ത്തി​ന്‍റെ ക​ഴി​ഞ്ഞ മാ​സ​ങ്ങ​ളി​ലെ 3000 ച​തു​ര​ശ്ര അ​ടി വി​സ്തൃ​തി​യി​ലെ ന​വീ​ന​മാ​യ പു​ന​രു​ദ്ധാ​ര​ണം.

ച​രി​ത്ര​ത്തി​ന്‍റെ പി​ൻ​ബ​ലം

ക്രി​സ്തു​വിന്‍റെ അ​നു​യാ​യി​യാ​യി​രു​ന്ന അ​രി​മ​ത്തി​യാ​ക്കാ​ര​ൻ ജോ​സ​ഫ് സാ​ബ​ത്തി​നു മു​ൻ​പു​ള്ള ഒ​രു​ക്ക​ദി​വ​സ​ത്തി​ൽ ക്രി​സ്തു​വി​ന്‍റെ മൃ​ത​ദേ​ഹം കു​രി​ശി​ൽ​നി​ന്ന് ഇ​റ​ക്കി അ​വി​ടെ​യു​ള്ള ഒ​രു തോ​ട്ട​ത്തി​ൽ മു​ൻ​പാ​രെ​യും സം​സ്ക​രി​ച്ചി​ട്ടി​ല്ലാ​ത്ത ക​ല്ല​റ​യി​ൽ യ​ഹൂ​ദ ആ​ചാ​ര​പ്ര​കാ​രം ക്രി​സ്തു​വിന്‍റെ ശ​രീ​രം സം​സ്ക​രി​ച്ചു. അ​തി​നു ദൃ​ക്സാ​ക്ഷി​യാ​യ പ്രി​യ​ശി​ഷ്യ​ൻ യോ​ഹ​ന്നാ​ൻ ഉ​ൾ​പ്പെ​ടെ നാ​ലു സു​വി​ശേ​ഷ​ക​ൻ​മാ​രും ഒ​രേ സാ​ക്ഷ്യം കൃ​ത്യ​ത​യോ​ടെ എ​ഴു​തി​വ​ച്ചി​രി​ക്കു​ന്നു.

നി​ക്ക​ദേ​മോ​സി​ന്‍റെ സ​ഹാ​യ​ത്തോ​ടെ 100 റാ​ത്ത​ൽ സു​ഗ​ന്ധ​ദ്ര​വ്യ​ങ്ങ​ളു​മാ​യി ക​ച്ച​യി​ൽ പൊ​തി​ഞ്ഞാ​യി​രു​ന്നു വെ​ള്ളി​യാ​ഴ്ച വൈ​കു​ന്നേ​ര​ത്തെ ക​ബ​റ​ട​ക്ക​മെ​ന്നും സു​വി​ശേ​ഷ​ത്തി​ലു​ണ്ട്.

കാ​ൽ​വ​രി​ക്കു​ന്നും അ​വി​ട​ത്തെ മ​ല​ഞ്ചെ​രി​വും അ​ക്കാ​ല​ത്ത് യ​ഹൂ​ദ​രെ സം​സ്ക​രി​ച്ചി​രു​ന്ന ഒ​രു ഇ​ട​മാ​യി​രു​ന്നു​വെ​ന്ന് ശാ​സ്ത്ര​ഗ​വേ​ഷ​ക​ർ പ​റ​യു​ന്നു. ചു​ണ്ണാ​ന്പു മ​ട തു​ര​ന്നു​ണ്ടാ​ക്കി​യ ആ​റ് ക​ല്ല​റ​ക​ൾ പി​ൽ​ക്കാ​ല​ത്ത് ഗ​വേ​ഷ​ക​ർ ഇ​വി​ടെ ക​ണ്ടെ​ത്തി​യി​രു​ന്നു.

എ​ഡി 66 വ​രെ ആ​ദി​മ​ക്രൈ​സ്ത​വ​ർ ജ​റു​സ​ലേം കോ​ട്ട​യ്ക്കു പു​റ​ത്തു​ള്ള ഈ ​കു​ന്നി​ൻ ചെ​രു​വി​ൽ ക്രി​സ്തു​വിന്‍റെ ക​ല്ല​റ​യ്ക്കു സ​മീ​പം ഒ​രു​മി​ച്ചു​കൂ​ടി പ്രാ​ർ​ഥി​ച്ചി​രു​ന്ന​താ​യും എ​ഡി 70ൽ ​റോ​മ​ാക്കാ​ർ ജ​റു​സ​ലേം പി​ടി​ച്ച​ട​ക്കി ഇ​വി​ടം ന​ശി​പ്പി​ച്ചു​വെ​ന്നു​മാ​ണ് ച​രി​ത്രം. സ​ഹ​ന​ത്തി​ന്‍റെ അ​ട​യാ​ള​മാ​യ ആ ​കു​രി​ശും തി​രു​വു​ത്ഥാ​നം സം​ഭ​വി​ച്ച ക​ല്ല​റ​യും ഉ​ൾ​പ്പെ​ടു​ന്ന കാ​ൽ​വ​രി ജ​റു​സ​ലേം ന​ഗ​ര​ത്തി​ലെ മാ​ലി​ന്യം നി​ക്ഷേ​പി​ച്ചും ഇ​ട​യ്ക്കി​ടെ തീ​യി​ട്ടും ചാ​ന്പ​ലാ​ക്കാ​ൻ ക്രി​സ്തു​വി​രോ​ധി​ക​ൾ പ​ല​പ്പോ​ഴും ശ്ര​മി​ച്ചു​പോ​ന്നു.

ഹ​ഡ്രി​യാ​ൻ രാ​ജാ​വ് എ.​ഡി 135ൽ ​ഇ​വി​ടെ ഒ​രു പേ​ഗ​ൻ ക്ഷേ​ത്രം പ​ണി​ത് ക്രി​സ്തു വി​ശ്വാ​സ​ത്തെ നി​ർ​ജീ​വ​മാ​ക്കാ​ൻ ശ്ര​മി​ച്ചു. ക്രി​സ്ത്യാ​നി​ക​ൾ​ക്ക് വി​ശ്വാ​സ സ്വാ​ത​ന്ത്ര്യം ന​ൽ​കി​യ മ​ഹാ​നാ​യ കോ​ൺസ്റ്റന്‍റൈൻ ച​ക്ര​വ​ർ​ത്തി​യു​ടെ അ​മ്മ വി​ശു​ദ്ധ ഹെ​ലേ​ന രാ​ജ്ഞി ഇ​വി​ടെ പ​ണി​യി​ച്ച ദേ​വാ​ല​യം എഡി 335 സെ​പ്റ്റം​ബ​ർ 13നു ​കൂ​ദാ​ശ ചെ​യ്ത​താ​യാ​ണ് ച​രി​ത്ര​സാ​ക്ഷ്യം. 614ൽ ​ഈ ദേ​വാ​ല​യം പേ​ർ​ഷ്യ​ക്കാ​രു​ടെ ആ​ക്ര​മ​ണ​ത്തി​ലും അ​വ​ശേ​ഷി​ച്ച ഭാ​ഗ​ങ്ങ​ൾ ഖ​ലീ​ഫ ഹ​ക്കീ​മി​ന്‍റെ ‍ആ​ക്ര​മ​ണ​ത്തി​ൽ 1009ലും ​കേ​ടു​വ​രു​ത്തി. 11-ാം നൂ​റ്റാ​ണ്ടി​ൽ ദേ​വാ​ല​യം പു​ന​രു​ദ്ധ​രി​ക്ക​പ്പെ​ട്ടെ​ങ്കി​ലും കു​രി​ശു​യു​ദ്ധ കാ​ല​ത്തും ഇ​വി​ടെ ആ​ക്ര​മ​ണ​ങ്ങ​ളു​ണ്ടാ​യി. ഭൂ​മി​കു​ലു​ക്കം, പ്ര​കൃ​തി​ക്ഷോ​ഭം തു​ട​ങ്ങി​യ​വ​യൊ​ക്കെ ഓ​രോ കാ​ല​ങ്ങ​ളി​ൽ ഇ​വി​ടെ പ​ണി​ത ദേ​വാ​ല​യ​ങ്ങ​ൾ​ക്കെ​ല്ലാം കേ​ടു​പാ​ടു​വ​രു​ത്തി​ക്കൊ​ണ്ടി​രു​ന്നു. 16, 19 നൂ​റ്റാ​ണ്ടു​ക​ളി​ലൊ​ക്കെ പു​ന​രു​ദ്ധാ​ര​ണ ജോ​ലി​ക​ൾ ന​ട​ന്നി​ട്ടു​ണ്ട്. വ​ലി​യൊ​രു തീ​പി​ടി​ത്ത​ത്തി​നു​ശേ​ഷം 1808-1810 കാ​ല​ഘ​ട്ട​ത്തി​ൽ പു​ന​രു​ദ്ധ​രി​ച്ച​താ​ണ് ഇ​പ്പോ​ഴു​ള്ള ഹോ​ളി സെപ്ൾക്കർ ദേ​വാ​ല​യം.

എ​ഡി​ക്യൂ​ൾ എ​ന്ന കൂ​ടാ​രം

1810ൽ ​നി​മി​ച്ച​താ​ണ് തി​രു​ക്ക​ല്ല​റ​യ്ക്കു ചു​റ്റും എ​ട്ടു കോ​ണു​ക​ളും റ​ഷ്യ​ൻ ശൈ​ലി​യി​ലു​ള്ള മ​കു​ട​വു​മു​ള്ള എ​ഡി​ക്യൂ​ൾ. അ​ല​ങ്കാ​ര​വി​ള​ക്കു​ക​ളും ഗ്രീ​ക്ക് ഭാ​ഷ​യി​ലു​ള്ള തി​രു​വ​ച​ന​ങ്ങ​ളും ചി​ത്ര​ങ്ങ​ളും കൊ​ണ്ട് അ​ല​ങ്ക​രി​ച്ച ഉ​ൾ​വ​ശം. ത​ടി​യി​ലും മാ​ർ​ബി​ളി​ലും തീ​ർ​ത്ത ഈ ​കൂ​ടാ​ര​ത്തി​നു​ള്ളി​ൽ ക​യ​റി​യാ​ണ് വി​ശ്വാ​സി​ക​ൾ ഉ​ത്ഥി​ത​ന്‍റെ ക​ല്ല​റ​യെ തൊ​ട്ടു​വ​ണ​ങ്ങി​പ്പോ​ന്ന​ത്.

1927ലെ ​ഭൂ​ക​ന്പ​ത്തി​ൽ എ​ഡി​ക്യൂ​ളി​നു കേ​ടു​പ​റ്റി​യെ​ങ്കി​ലും 1947ൽ ​ബ്രി​ട്ടീ​ഷു​കാ​ർ വ​ലി​യ ശീ​ലാ​ന്തി​ക​ളും പൈ​പ്പു​ക​ളും സ്ഥാ​പി​ച്ച് ഇ​തി​നു ബ​ലം ന​ല്കി​യി​രു​ന്നു. ദു​ർ​ബ​ല​മാ​യ അ​ടി​ത്ത​റ​യി​ൽ പ​ണി​ത ഈ ​കൂ​ടാ​ര​ത്തി​ന് ഏ​റെ​ക്കാ​ല​മാ​യി അ​റ്റ​കു​റ്റ​പ്പ​ണി ന​ട​ത്തി​യി​രു​ന്നി​ല്ല. എ​ഡി​ക്യൂ​ൾ ബ​ല​പ്പെ​ടു​ത്തി സു​ര​ക്ഷി​ത​മാ​ക്ക​ണ​മെ​ന്ന് ഇ​സ്ര​യേ​ൽ പു​രാ​വ​സ്തു വ​കു​പ്പ് ദേ​വാ​ല​യ​ത്തി​ന്‍റെ ചു​മ​ത​ല വ​ഹി​ക്കു​ന്ന​വ​രോ​ട് ഏ​റെ​ക്കാ​ല​മാ​യി നി​ർ​ദേ​ശി​ച്ചി​രു​ന്നു. വി​വി​ധ ക്രൈ​സ്ത​വ സ​ഭ​ക​ളു​ടെ മേ​ൽ​നോ​ട്ട​ത്തി​ലാ​ണ് ദേ​വാ​ല​യം.

40 ല​ക്ഷം അ​മേ​രി​ക്ക​ൻ ഡോ​ള​ർ (27 കോ​ടി രൂ​പ) ചെ​ല​വ​ഴി​ച്ചാ​ണു കത്തോലിക്ക, ഗ്രീ​ക്ക് ഓ​ർ​ത്ത​ഡോ​ക്സ്, അ​ർ​മേ​നി​യ​ൻ സ​ഭ​ക​ളു​ടെ നേ​തൃ​ത്വ​ത്തി​ൽ പു​ന​രു​ദ്ധാ​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​ൻ ര​ണ്ടു വ​ർ​ഷം മു​ൻ​പു ധാ​ര​ണ​യി​ലെ​ത്തി​യ​ത്.

ജോ​ർ​ദാ​നി​ലെ അ​ബ്ദു​ള്ള ര​ണ്ടാ​മ​ൻ രാ​ജാ​വും വേ​ൾ​ഡ് മോ​ണ്യു​മെ​ന്‍റ്സ് ഫ​ണ്ടും ന​വീ​ക​ര​ണ​ത്തി​ന് സാ​ന്പ​ത്തി​ക സ​ഹാ​യം ന​ൽ​കി​യി​രു​ന്നു.

ക​ല്ല​റ തു​റ​ന്ന​പ്പോ​ൾ

കൂ​ടാ​ര​ത്തി​ന്‍റെയും ക​ല്ല​റ​യു​ടെ​യും ഉ​ള്ള​റ​ക​ൾ റ​ഡാ​റും റോ​ബോ​ട്ടി​ക് കാ​മ​റ​യും സ്കാ​ന​റു​ക​ളും മ​റ്റ് അ​ത്യാ​ധു​നി​ക യ​ന്ത്ര​ങ്ങ​ളും ഉ​പ​യോ​ഗി​ച്ചാ​യി​രു​ന്നു ശാ​സ്ത്ര​സം​ഘ​ത്തി​ന്‍റെ പ​രി​ശോ​ധ​ന​ക​ൾ.

തി​രു​ക്ക​ല്ല​റ​യു​ടെ മു​ക​ളി​ലെ മാ​ർ​ബി​ൾ ശി​ല ഒ​ക്ടോ​ബ​ർ 26 മു​ത​ൽ 60 മ​ണി​ക്കൂ​റു​ക​ളെ​ടു​ത്താണ് അ​തീ​വ​ജാ​ഗ്ര​ത​യോ​ടെ ഇ​ള​ക്കി​യെ​ടു​ത്ത​ത്. തീ​ർ​ഥാ​ട​ക​ർ​ക്ക് ത​ട​സ​മു​ണ്ടാ​കാ​തി​രി​ക്കാ​ൻ രാ​ത്രി​യിലാ​യി​രു​ന്നു സൂ​ഷ്മ​മാ​യ ഈ ​ജോ​ലി​ക​ൾ.

28ന് ​മാ​ർ​ബി​ൾ ശി​ല ഇ​ള​ക്കി​യ​പ്പോ​ൾ അ​തി​നു​താ​ഴെ പൊ​ടി​പ​ട​ല​ങ്ങ​ളു​ടെ ഒ​രു പാ​ളി​യാ​ണ്കാ​ണ​പ്പെ​ട്ട​ത്. സൂ​ക്ഷ്മ​ത​യോ​ടെ ഇ​തു തു​ട​ച്ചെ​ടു​ത്ത​പ്പോ​ൾ ഒ​ന്ന​ര​യ​ടി താ​ഴ്ച​യി​ൽ തൂ​വെ​ള്ള നി​റ​മു​ള്ള ചു​ണ്ണാ​ന്പു​പാ​റ അ​ഥ​വാ തി​രുക്ക​ല്ല​റ കാ​ണാ​നാ​യി. ഏ​റെ​ക്കു​റെ നി​ര​പ്പാ​യി​രു​ന്നു ക​ല്ല​റ​യു​ടെ പ്ര​ത​ലം.

ഈ ​ശി​ല​യി​ലാ​ണ് യേ​ശു​വി​ന്‍റെ തി​രു​ശ​രീ​രം സം​സ്ക​രി​ച്ച​തെ​ന്നും ര​ണ്ടാ​യി​രം വ​ർ​ഷ​ത്തെ പ​ഴ​ക്കം ഈ ​ക​ല്ല​റ​യ്ക്കു​ണ്ടെ​ന്നും ശാ​സ്ത്ര​സം​ഘം വി​ല​യി​രു​ത്തി. പൊ​ടി നീ​ക്കി​യ വേ​ള​യി​ൽ കു​രി​ശ് വ്യ​ക്ത​മാ​യി ആ​ലേ​ഖ​നം ചെ​യ്ത ഇ​രു​ണ്ട മാ​ർ​ബി​ൾ പ​ല​ക​യു​ടെ പൊ​ട്ടി​യ ഭാ​ഗം ചു​ണ്ണാ​ന്പു​പാ​റ​യു​ടെ ഒ​രു വ​ശ​ത്തു ക​ണ്ടെ​ത്തി​യ​താ​ണ് ഒ​രി​ക്ക​ലും പ്ര​തീ​ക്ഷി​ക്കാ​തെ ക​ണ്ടെ​ത്തി​യ വി​സ്മ​യം. കു​രി​ശു​യു​ദ്ധ കാ​ല​ത്തെ ആ​ക്ര​മ​ണ​ത്തി​ലാ​വ​ണം കു​രി​ശു​പ​തി​ച്ച ഈ ​മാ​ർ​ബി​ൾ പൊ​ട്ടി​ത്തകർ​ന്ന​തെ​ന്നു ക​രു​താം. അ​ങ്ങ​നെ​യെ​ങ്കി​ൽ കു​രി​ശു​യു​ദ്ധ കാ​ല​ത്തി​നു മു​ൻ​പു ത​ന്നെ വി​ശ്വാ​സി​ക​ൾ തി​രു​ക്ക​ല്ല​റ മാ​ർ​ബി​ൾ പൊ​തി​ഞ്ഞു ഭ​ദ്ര​മാ​യി വ​ണ​ങ്ങി​യി​രു​ന്നു. ക​ല്ല​റ​യി​ലും എ​ഡി​ക്യൂ​ളി​ലും ന​വീ​ക​ര​ണ​വേ​ള​യി​ൽ ല​ഭ്യ​മാ​യ പൊ​ട്ടും പൊ​ടി​യും വ​രെ ശാ​സ്ത്രീ​യ പ​ഠ​ന​ങ്ങ​ൾ​ക്കാ​യി സം​ഘം ശേ​ഖ​രി​ച്ചി​ട്ടു​ണ്ട്.

എ​ഡി​ക്യൂ​ൾ മു​ൻ​കാ​ല​ങ്ങ​ളി​ലു​ണ്ടാ​യി​രു​ന്ന വി​വി​ധ നി​ർ​മി​തി​ക​ളു​ടെ അ​സ്ഥി​വാ​ര​ത്തി​ലാ​ണ് പ​ണി​തു​യ​ർ​ത്തി​യി​രി​ക്കു​ന്ന​തെ​ന്നു യ​ന്ത്രപ​രി​ശോ​ധ​ന​യി​ൽ വ്യ​ക്ത​മാ​യി. ഇ​ള​കി​യ ചു​ണ്ണാ​ന്പു​മ​ണ്ണും ക​ല്ലു​ക​ളും മാ​ർ​ബി​ൾ ക​ഷ്ണ​ങ്ങ​ളും ലോ​ഹ​ത്ത​കി​ടു​ക​ളും എ​ഡി​ക്യൂ​ളി​ന്‍റെ അ​സ്ഥി​വാ​ര​ത്തി​ലു​ണ്ടാ​യി​രു​ന്നു. അ​താ​യ​ത് ഓ​രോ ത​വ​ണ ദേ​വാ​ല​യം പു​ന​ർ​നി​ർ​മി​ച്ച​പ്പോ​ഴും പൂ​ജ്യാ​വ​ശി​ഷ്ട​ങ്ങ​ൾ അ​വി​ടെ​ത്ത​ന്നെ നി​ക്ഷേ​പി​ച്ചാ​വ​ണം പൂ​ർ​വി​ക​ർ നി​ർ​മി​തി ന​ട​ത്തി​യി​രു​ന്ന​ത്. ഓ​ക്കുമ​ര​ത്തി​ന്‍റെ ജീ​ർ​ണി​ച്ച ക​ഷണ​ങ്ങ​ളും ഇ​രു​ന്പാ​ണി​ക​ളും കൊ​ളു​ത്തു​ക​ളും തു​ക​ൽ​ച്ചു​രു​ളു​ക​ളു​മൊ​ക്കെ അ​ടി​ത്ത​റ​യു​ടെ ആ​ഴ​ങ്ങ​ളി​ൽ കി​ട​ക്കു​ന്ന​താ​യി കാ​മ​റ ക​ണ്ടെ​ത്തി.

എ​ഡി​ക്യൂ​ളിന്‍റെ ഒ​രു വ​ശം ചെ​രി​വു​ള്ള പാ​റ​യു​ടെ അ​ടി​ത്ത​ട്ടി​ൽ നി​ന്നാ​ണ് കെ​ട്ടി​പ്പൊ​ക്കി​യി​രി​ക്കു​ന്ന​തെ​ന്നും വ്യ​ക്ത​മാ​യി. അ​ടി​ത്ത​റ നി​ർ​മാ​ണ​ത്തി​ൽ ഉ​പ​യോ​ഗി​ച്ച പ​ശ​ക്കൂ​ട്ട് ദീ​ർ​ഘ​കാ​ല​ത്തെ ഈ​ർ​പ്പ​സ​ന്പ​ർ​ക്ക​ത്തി​ൽ പൊ​ടി​ഞ്ഞ നി​ല​യി​ലാ​യി​രു​ന്നു.

ഉ​ള്ള​റ, ലോ​ഹ​ത്ത​കി​ടു​ക​ൾ എ​ന്നി​വ​യു​ടെ കേ​ടു​പാ​ടു​ക​ൾ തീ​ർ​ത്തും ചെ​ളി​യും ക​റ​യും യ​ന്ത്ര​സ​ഹാ​യ​ത്താ​ൽ ഒ​പ്പി​യെ​ടു​ത്തും എ​ഡി​ക്യൂ​ളി​ന്‍റെ വെ​ണ്​മ വീ​ണ്ടെ​ടു​ത്തി​രി​ക്കു​ന്നു. കൂ​ടാ​രം ബ​ല​പ്പെ​ടു​ത്താ​ൻ ഇ​രു​ന്പു​കൊ​ണ്ട് വ​ശ​ങ്ങ​ളി​ൽ ഈ​ന്നു​ക​ളും ന​ൽ​കി​യി​ട്ടു​ണ്ട്.

ത​റ​യു​ടെ അ​സ്ഥി​വാ​ര​ങ്ങ​ളി​ലൂ​ടെ പൈ​പ്പു​ക​ൾ സ്ഥാ​പി​ച്ച് അ​ടി​ത്ത​ട്ടി​ൽ വെ​ള്ളം കെ​ട്ടി​നി​ൽ​ക്കാ​തി​രി​ക്കാ​നു​ള്ള സൗ​ക​ര്യ​വും ഏ​ർ​പ്പെ​ടു​ത്തി. തീ​ർ​ഥാ​ട​ക​ർ​ക്ക് തി​രു​ക്ക​ല്ല​റ​യു​ടെ ഉ​ൾ​വ​ശം വ്യ​ക്ത​മാ​യി കാ​ണാ​വു​ന്ന വി​ധം ക​ണ്ണാ​ടി വാ​തി​ലും പ​ണി​തീ​ർ​ത്തി​ട്ടു​ണ്ട്. ഓ​രോ വ​ർ​ഷ​വും 40 ല​ക്ഷം തീ​ർ​ഥാ​ട​ക​രാ​ണ് കാ​ൽ​വ​രി ക​യ​റി ക്രി​സ്തു ജീ​വ​ൻ ബ​ലി​യാ​യി അ​ർ​പ്പി​ച്ച കു​രി​ശിന്‍റെ ഇ​ട​വും ഉ​ത്ഥി​ത​ന്‍റെ ക​ല്ല​റ​യും വ​ണ​ങ്ങാ​നെ​ത്തു​ന്ന​ത്.

കു​രി​ശി​ലൂ​ടെ വ​രു​ന്ന പ്ര​ത്യാ​ശ ശാ​ശ്വ​തം
പെസഹാ ബുധനാഴ്ച ഫ്രാൻസിസ് മാർപാപ്പ വത്തിക്കാൻ ചത്വരത്തിൽ നല്കിയ സന്ദേശം

യോ​ഹ​ന്നാ​ന്‍റെ സു​വി​ശേ​ഷ​ത്തി​ൽ നാം ​ഇ​പ്ര​കാ​രം വാ​യി​ക്കു​ന്നു ​യേ​ശു പ​റ​ഞ്ഞു: മ​നു​ഷ്യ​പു​ത്ര​ൻ മ​ഹ​ത്വ​പ്പെ​ടാ​നു​ള്ള സ​മ​യ​മാ​യി​രി​ക്കു​ന്നു. സ​ത്യം​സ​ത്യ​മാ​യി ഞാ​ൻ നി​ങ്ങ​ളോ​ടു പ​റ​യു​ന്നു, ഗോ​ത​ന്പു​മ​ണി നി​ല​ത്തു വീ​ണ് അ​ഴി​യു​ന്നി​ല്ലെ​ങ്കി​ൽ അ​ത് അ​തേ​പ​ടി​യി​രി​ക്കും. അ​ഴി​യു​ന്നെ​ങ്കി​ലോ അ​തു വ​ള​രെ ഫ​ലം പു​റ​പ്പെ​ടു​വി​ക്കും. (യോ​ഹ. 12:23-24) .

താ​ൻ ജ​റു​സ​ലെ​മി​ൽ പ്ര​വേ​ശി​ച്ച​പ്പോ​ഴാ​ണു യേ​ശു ഇ​തു പ​റ​ഞ്ഞ​ത്. മ​ഹ​ത്വ​പൂ​ർ​ണ​മാ​യ ആ ​പ്ര​വേ​ശ​നം നാം ​ഓ​ശാ​ന ഞാ​യ​റാ​ഴ്ച അ​നു​സ്മ​രി​ച്ചു. തു​ട​ർ​ന്നി​ങ്ങോ​ട്ടു​ള്ള സം​ഭ​വ പ​ര​ന്പ​ര​ക​ളു​ടെ അ​ർ​ഥം യേ​ശു വി​ശ​ദ​മാ​ക്കു​ക​യാ​യി​രു​ന്നു ഈ ​ഉ​പ​മ​യി​ലൂ​ടെ.

ദൈ​വ​ത്തി​ന്‍റെ വാ​ഗ്ദാ​ന​ര​ഹ​സ്യം മ​ന​സി​ലാ​ക്കാ​ൻ ഈ ​വാ​ക്കു​ക​ൾ ന​മ്മേ സ​ഹാ​യി​ക്കും. ഒ​ന്നു​കൂ​ടി ആ ​ഉ​പ​മ ധ്യാ​നി​ക്കു​ക. ഒ​രു ചെ​റി​യ വി​ത്ത് മ​ണ്ണി​ൽ വീ​ഴു​ന്നു. അ​ത് മ​റ്റൊ​ന്നി​നെ​യും ഉ​ൾ​ക്കൊ​ള്ളു​ക​യോ മ​റ്റൊ​ന്നി​ന്‍റെ​യും പ്ര​വ​ർ​ത്ത​ന​ത്തി​നു വി​ധേ​യ​മാ​കു​ക​യോ ചെ​യ്യു​ന്നി​ല്ലെ​ങ്കി​ൽ അ​ത് അ​തേ​പ​ടി തു​ട​രും. ഒ​രു മാ​റ്റ​വും ഉ​ണ്ടാ​കി​ല്ല.

എ​ന്നാ​ൽ അ​തു സ്വ​യം പൊ​ട്ടി ഒ​രു ഗോ​ത​ന്പു​ചെ​ടി​യു​ടെ മു​ള​യാ​യി മാ​റു​ന്പോ​ഴോ? അ​തു ഗോ​ത​ന്പു​ചെ​ടി​യാ​യി വ​ള​രു​ന്നു. വ​ള​ർ​ച്ച​യു​ടെ പൂ​ർ​ണ​ത​യി​ൽ അ​തു നി​ര​വ​ധി ഗോ​ത​ന്പു​മ​ണി​ക​ളു​ള്ള ക​തി​ർ​ക്കു​ല​ക​ൾ ന​ല്കും.

യേ​ശു ലോ​ക​ത്തി​ന് ഒ​രു പു​തി​യ പ്ര​ത്യാ​ശ ന​ല്കി. ആ ​ഗോ​ത​ന്പു​മ​ണി പോ​ലെ അ​വി​ടു​ന്നു ചെ​റു​താ​യി. അ​വി​ടു​ന്നു സ്വ​യം ശൂ​ന്യ​വ​ത്ക​രി​ച്ചു ഭൂ​മി​യി​ലെ​ത്തി. തു​ട​ർ​ന്നു ര​ക്ഷാ​ക​ര​മാ​യ മ​ര​ണ​ത്തി​ലും ഉ​ത്ഥാ​ന​ത്തി​ലും കൂ​ടി പ്ര​ദ​ർ​ശി​പ്പി​ച്ച​ത് ദൈ​വ​ത്തി​ന്‍റെ സ്വ​യം ന​ല്കു​ന്ന സ്നേ​ഹ​മാ​ണ്. ഈ ​ദൈ​വി​ക​സ്നേ​ഹം അ​ന്ധ​കാ​ര​ത്തെ പ്ര​കാ​ശ​മാ​ക്കി മാ​റ്റു​ന്നു; പ​രാ​ജ​യ​മെ​ന്നു തോ​ന്നു​ന്ന​തി​നെ ശാ​ശ്വ​ത വി​ജ​യ​മാ​യി മാ​റ്റു​ന്നു.

എ​ങ്ങ​നെ​യാ​ണു പ്ര​ത്യാ​ശ ഉ​ണ്ടാ​കു​ന്ന​തെ​ന്ന് എ​ന്നോ​ടു ചോ​ദി​ച്ചാ​ൽ ഞാ​ൻ പ​റ​യും കു​രി​ശി​ൽ എ​ന്ന്. കു​രി​ശി​നെ നോ​ക്കൂ, ക്രൂ​ശി​ത​നാ​യ ക്രി​സ്തു​വി​നെ നോ​ക്കൂ. അ​വി​ടെ​യാ​ണു നി​ങ്ങ​ൾ പ്ര​ത്യാ​ശ ക​ണ്ടെ​ത്തു​ന്ന​ത്. അ​താ​ക​ട്ടെ മാ​ഞ്ഞു​പോ​കാ​ത്ത​തും അ​ന​ന്ത​കാ​ല​ത്തോ​ളം നി​ൽ​ക്കു​ന്ന​തു​മാ​യ പ്ര​ത്യാ​ശ​യാ​ണ്.

ഭൗ​തി​ക​കാ​ര്യ​ങ്ങ​ൾ​ക്കാ​യി ദാ​ഹി​ക്കു​ക​യും മോ​ഹ​ങ്ങ​ളു​ടെ പൂ​ർ​ത്തീ​ക​ര​ണ​ത്തി​നാ​യി മാ​ത്രം പ​രി​ശ്ര​മി​ക്കു​ക​യും ചെ​യ്യു​ന്ന​വ​ർ​ക്ക് ഒ​രി​ക്ക​ലും തൃ​പ്തി​യു​ണ്ടാ​കി​ല്ല. അ​തൊ​രു വൃ​ത്തി​കെ​ട്ട ദാ​ഹ​മാ​ണ്; ക​ഴി​ക്കും​തോ​റും വ​ർ​ധി​ച്ചു​വ​രു​ന്ന ദാ​ഹം; ഒ​ടു​വി​ൽ എ​ല്ലാം ന​ഷ്ട​മാ​ക്കു​ന്ന വി​ഫ​ല ദാ​ഹം.

ക്രി​സ്തു​വി​ന്‍റെ കു​രി​ശ് ന​ല്കു​ന്ന പ്ര​ത്യാ​ശ ഒ​രി​ക്ക​ലും ന​മ്മേ കൈ​വി​ടു​ന്നി​ല്ല; അ​തു ജീ​വി​ത​ത്തി​ന് അ​ർ​ഥ​വും ദി​ശ​യും ന​ല്കു​ന്നു.

സ്നേ​ഹ​മാ​ണു ന​മ്മു​ടെ പ്ര​ത്യാ​ശ​യെ ച​ലി​പ്പി​ക്കു​ന്ന എ​ൻ​ജി​ൻ. ആ ​യാ​ത്ര​യു​ടെ ല​ക്ഷ്യം കു​രി​ശ​ല്ല. മ​റി​ച്ച് ന​മ്മ​ൾ വി​ളി​ക്ക​പ്പെ​ട്ടി​രി​ക്കു​ന്ന മ​ഹ​ത്വ​ത്തി​ലേ​ക്കു​ള്ള ചു​വ​ടു​വ​യ്പാ​ണ​ത്.
പു​ന​രു​ത്ഥാ​ന​ത്തി​ലേ​ക്ക് എ​ത്തു​ന്ന ഈ ​വി​ശു​ദ്ധ​വാ​ര ദി​ന​ങ്ങ​ൾ നാം ​ആ​ഘോ​ഷി​ക്കു​ന്പോ​ൾ നി​ങ്ങ​ൾ​ക്ക് ഒ​രു ദൗ​ത്യം ഞാ​ൻ ഏ​ല്പി​ച്ചു ത​രി​ക​യാ​ണ്: കു​രി​ശി​നെ ധ്യാ​നി​ക്കു​ക; അ​തി​ലൂ​ടെ ക​ർ​ത്താ​വി​നോ​ടു പ​റ​യു​ക: നി​ന്നോ​ടൊ​ത്തു നീ​ങ്ങു​ന്പോ​ൾ ഒ​ന്നും ന​ഷ്ട​പ്പെ​ടു​ന്നി​ല്ല; നീ​യാ​ണെ​ന്‍റെ പ്ര​ത്യാ​ശ.

റെ​ജി ജോ​സ​ഫ്


Copyright @ 2022 , Rashtra Deepika Ltd.