ബന്ധങ്ങൾക്ക് വില കൊടുക്കുന്ന തിരുപ്പിറവി‌‌
ഇ​ത്ത​വ​ണ ക്രി​സ്മ​സി​ന് സോ​ഫി​യും കു​ടും​ബ​വും മാ​ത്ര​മേ നാ​ട്ടി​ൽ എ​ത്തു​ക​യു​ള്ളൂ. സോ​ഫി ന​ഴ്സാ​ണ്. സോ​ഫി​യു​ടെ ഭ​ർ​ത്താ​വ് ക​ല്ല​റ​ക്കാ​ര​ൻ ഉ​പ്പു​ത​ട​ത്തി​ൽ ജ​റി​ൻ ജോ​സ​ഫ് ഷെ​ഫാ​ണ്. മ​ക്ക​ളാ​യ ജി​ഞ്ജു, ജ​സ്മ​രി​യ എ​ന്നി​വ​ർ​ക്കൊ​പ്പം ഇ​രു​വ​രും അ​ബു​ദ​ാബി​യി​ലാ​ണ്. സോ​ഫി മ​ക്ക​ളി​ൽ ഇ​ള​യ​വ​ളാ​ണ്.

സോ​ഫി​യു​ടെ മാ​താ​പി​താ​ക്ക​ളാ​യ അ​ഞ്ചു​പു​ര​യി​ട​ത്തി​ൽ ഒൗ​സേ​പ്പ​ച്ച​നും ഒ​റോ​മ്മ​യും ജീ​വി​ച്ചി​രു​പ്പു​ണ്ട്. സോ​ഫി​യെ കൂ​ടാ​തെ നാ​ല് മ​ക്ക​ൾ​കൂ​ടി​യു​ണ്ട് ഈ ​ദ​ന്പ​തി​ക​ൾ​ക്ക് . അ​വ​ർ നാ​ലു​പേ​രും കു​ടും​ബാം​ഗ​ങ്ങ​ൾ​ക്കൊ​പ്പം വി​ദേ​ശ​ത്താ​ണ്. ര​ണ്ടാ​മ​ൻ മാ​ത്തു​ക്കു​ട്ടി​യും കു​ടും​ബ​വും കാ​ന​ഡയി​ലെ ജോ​ലി അ​വ​സാ​നി​പ്പി​ച്ച് അ​ടു​ത്ത വ​ർ​ഷം നാ​ട്ടി​ൽ എ​ത്തു​മെ​ന്നാ​ണ് അ​റി​യു​ന്ന​ത്. ഒൗ​സേ​പ്പ​ച്ച​നും ഒ​റോ​മ്മ​യ്ക്കും പ്രാ​യാ​ധി​ക്യം മൂ​ല​മു​ള്ള വ​ല്ലാ​യ്മ​ക​ൾ ഏ​റെ​യു​ണ്ട്. ഇ​രു​വ​രെ​യും നോ​ക്കാ​നും ശു​ശ്രൂ​ഷി​ക്കാ​നും മ​ക്ക​ൾ ഏ​ർ​പ്പെ​ടു​ത്തി​യ ഒ​രു ഹോംനഴ്സും കൂ​ടാ​തെ ഒ​രു പാ​ച​ക​ക്കാ​രി​യു​മു​ണ്ട്.
പാ​ച​ക​ക്കാ​രി രാ​വി​ലെ വ​ന്ന് വൈ​കു​ന്നേ​രം തി​രി​ച്ച് പോ​കു​ന്ന ആ​ളാ​ണ്. ഹോം ​ന​ഴ്സി​ന് മാ​സ​ത്തി​ൽ നാ​ലുദി​വ​സം അ​വ​ധി​യു​ണ്ട്. ആ ​ദി​വ​സ​ങ്ങ​ളി​ൽ പ​ക​ര​ക്കാ​രി​യാ​യി മ​റ്റൊ​രു സ്ത്രീ ​കൂ​ട്ടു​കി​ട​ക്കാ​നും അ​വ​രെ ശു​ശ്രൂ​ഷി​ക്കാ​നു​മാ​യി എ​ത്താ​റു​ണ്ട്. അ​വ​ശ​ത കൂ​ടി വ​രു​ന്ന​തി​നാ​ൽ ഏ​തെ​ങ്കി​ലും ഒ​രു കെ​യ​ർ ഹോ​മി​ൽ ത​ങ്ങ​ളെ കൊ​ണ്ടു​ചെ​ന്നാ​ക്ക​ണ​മെ​ന്ന് മാ​താ​പി​താ​ക്ക​ൾ ഇ​രു​വ​രും ഒ​രേ സ്വ​ര​ത്തി​ൽ പ​റ​യു​ന്നു​ണ്ടെ​ങ്കി​ലും മ​ക്ക​ൾ ത​ങ്ങ​ളു​ടെ ദു​ര​ഭി​മാ​നം മൂ​ലം അ​തി​നി​തു​വ​രെ​യും സ​മ്മ​തം മൂ​ളി​യി​ട്ടി​ല്ല. ത​ന്‍റെ കു​ടും​ബ​ത്തി​നൊ​പ്പം നാ​ട്ടി​ൽ സ്ഥി​ര താ​മ​സ​മാ​ക്കു​ന്പോ​ൾ ചാ​ച്ച​നേ​യും അ​മ്മ​യേ​യും ഒ​പ്പം കൊ​ണ്ടു​വ​ന്ന് താ​മ​സി​പ്പി​ക്ക​ണ​മെ​ന്ന് മാ​ത്തു​ക്കു​ട്ടി​ക്ക് ആ​ഗ്ര​ഹ​മു​ണ്ടെ​ങ്കി​ലും അ​യാ​ളു​ടെ ഭാ​ര്യ മോ​ളി​ക്ക് അ​ക്കാ​ര്യ​ത്തി​ൽ ഒ​ട്ടും താ​ത്​പ​ര്യ​മി​ല്ല. വി​ദേ​ശ​ത്തെ അ​ധ്വാ​നം മൂ​ലം ത​ന്‍റെ ആ​രോ​ഗ്യം ഏ​റെ ക്ഷ​യി​ച്ചി​ട്ടു​ണ്ടെ​ന്നും ഈ​യൊ​ര​വ​സ്ഥ​യി​ൽ വാ​ർ​ദ്ധ​ക്യ​ത്തി​ലെ​ത്തി​യ അ​മ്മാ​യി​യ​പ്പ​നേ​യും അ​മ്മാ​യി​യ​മ്മ​യേ​യും പ​രി​ച​രി​ക്കാ​ൻ ത​ന്നെ​ക്കൊ​ണ്ടാ​വി​ല്ലെന്നും മോ​ളി പ​റ​യു​ന്നു.

ചാ​ച്ച​നേ​യും അ​മ്മ​യേ​യും നോ​ക്കാ​ൻ ഇ​പ്പോ​ൾ ഉ​ള്ള​തു​പോ​ലെ ഒ​രു ഹോം നഴ്സി​നെ ഏ​ർ​പ്പെ​ടു​ത്തി​യാ​ൽ പ്ര​ശ്നം പ​രി​ഹ​രി​ക്കാമ​ല്ലോ എ​ന്ന് മാ​ത്തു​ക്കു​ട്ടി ത​ന്‍റെ ഭാ​ര്യ​യോ​ട് പ​റ​ഞ്ഞെ​ങ്കി​ലും ചാ​ച്ച​നും അ​മ്മ​യ്ക്കും ഒ​രു മ​ക​ൻ മാ​ത്ര​മ​ല്ല​ല്ലൊ വേ​റെ നാ​ല് മ​ക്ക​ൾ കൂ​ടി​യു​ണ്ട​ല്ലൊ എ​ന്നു പ​റ​ഞ്ഞ് മോ​ളി പി​ന്നെ​യും ത​ന്‍റെ ഭ​ർ​ത്താ​വി​ന്‍റെ ആ ​ഒ​രാ​ഗ്ര​ഹ​ത്തി​ന് ത​ട​സം പ​റ​യു​ക​യാ​ണ് ചെ​യ്ത​ത്. ഇ​ക്കാ​ര്യ​ത്തെ സം​ബ​ന്ധി​ച്ച് മ​രു​മ​ക​ളാ​യ മോ​ളി​യു​ടെ ക​ർ​ക്ക​ശ നി​ല​പാ​ടി​നെ​ക്കു​റി​ച്ച് ആ​രൊ​ക്ക​യോ​വ​ഴി കേ​ട്ട​റി​ഞ്ഞ ഒൗ​സേ​പ്പ​ച്ച​നും ഒ​റോ​മ്മ​യും ത​ങ്ങ​ളെ കെ​യ​ർ ഹോ​മി​ൽ​ത​ന്നെ കൊ​ണ്ടു​ചെ​ന്നാ​ക്കി​യാ​ൽ മ​തി​യെ​ന്ന തീ​രു​മാ​ന​ത്തി​ലാ​ണി​പ്പോ​ൾ. ത​ന്‍റെ ഭ​ർ​ത്താ​വി​നോ മ​ക്ക​ൾ​ക്കോ രോ​ഗ​മോ ഇ​ത​ര ആ​രോ​ഗ്യ പ്ര​ശ്ന​ങ്ങ​ളോ ഉ​ണ്ടാ​യാ​ൽ മോ​ളി ത​ന്‍റെ ആ​രോ​ഗ്യ​പ്ര​ശ്നം പ​റ​ഞ്ഞ് അ​വ​രെ ശു​ശ്രൂ​ഷി​ക്കാ​തെ ഒ​ഴി​ഞ്ഞു​മാ​റു​മോ? മോ​ളി​യു​ടെ മാ​താ​പി​താ​ക്ക​ൾ ജീ​വി​ച്ചി​രു​പ്പു​ണ്ടെ​ങ്കി​ൽ അ​വ​രു​ടെ വാ​ർ​ദ്ധ​ക്യ​ത്തി​ൽ അ​വ​രെ ശു​ശ്രൂ​ഷി​ക്കേ​ണ്ടി​വ​ന്നാ​ൽ മോ​ളി​യു​ടെ നി​ല​പാ​ട് എ​ന്താ​യി​രി​ക്കും? മോ​ളി​ക്ക് വാ​ർ​ദ്ധ​ക്യ​മാ​കു​ന്പോ​ൾ മോ​ളി​യു​ടെ മ​രു​മ​ക​ൾ മോ​ളി ഇ​പ്പോ​ൾ സ്വീ​ക​രി​ക്കു​ന്ന​തു​പോ​ലു​ള്ള ഒ​രു നി​ല​പാ​ട് സ്വീ​ക​രി​ച്ചാ​ൽ മോ​ളി​യു​ടെ മാ​ന​സി​കാ​വ​സ്ഥ എ​ന്താ​യി​രി​ക്കും? ത​നി​ക്ക് ഭ​ർ​ത്താ​വി​നേ​യും ത​ന്‍റെ മ​ക്ക​ൾ​ക്ക് ഒ​രു പി​താ​വി​നേ​യും സ​മ്മാ​നി​ച്ച ഭ​ർ​തൃ​മാ​താ​പി​താ​ക്ക​ളെ തി​ര​സ്ക​രി​ക്കു​ന്ന​തി​നേ​ക്കാ​ൾ നി​ന്ദ്യ​മാ​യ മ​റ്റേ​തൊ​രു പ്ര​വൃ​ത്തി​യാ​ണ് ഒ​രു മ​രു​മ​ക​ൾ​ക്ക് ചെ​യ്യാ​നാ​വു​ന്ന​ത്.

വി​വാ​ഹി​ത​യാ​കു​ന്ന ഒ​രു സ്ത്രീ ​ഭ​ർ​ത്താ​വി​നെ​യും ഭ​ർ​തൃ​ഗൃ​ഹ​ത്തെ​യും സ്വ​ന്ത​മാ​യി സ്വീ​ക​രി​ക്കു​ന്പോ​ൾ ആ ​കു​ടും​ബ​ത്തി​ലെ ഭ​വ​ന വാ​സി​ക​ളേ​യും അ​തി​ന്‍റെ എ​ല്ലാ അ​വ​സ്ഥ​ക​ളേ​യും ഹൃ​ദ​യ​ത്തി​ൽ ഏ​റ്റു​വാ​ങ്ങു​ക​യാ​ണ് ചെ​യ്യേ​ണ്ട​ത് എ​ന്ന് ഞാ​ൻ പ​റ​ഞ്ഞാ​ൽ അ​തി​നെ സ്വീ​ക​രി​ക്കു​ന്ന​വ​ർ നി​ങ്ങ​ളി​ൽ എ​ത്ര പേ​രു​ണ്ടാ​കും? ഭ​വ​നം ഒ​രു വി​ശ്ര​മ​കേ​ന്ദ്ര​മോ സു​ഖ​വാ​സ കേ​ന്ദ്ര​മോ അ​ല്ല​ല്ലൊ. അ​ന്യോ​ന്യം ശു​ശ്രൂ​ഷി​ക്കു​ക​യും ശു​ശ്രൂ​ഷ സ്വീ​ക​രി​ക്കു​ക​യും ചെ​യ്യേ​ണ്ട ഇ​ട​മ​ല്ലേ? അ​വി​ടെ പ്രാ​ധാ​ന്യം ബ​ന്ധ​ത്തി​ന​ല്ലേ? മാ​ത്തു​ക്കു​ട്ടി​യെ അ​യാ​ളു​ടെ മാ​താ​പി​താ​ക്ക​ളി​ൽ​നി​ന്നും വ​ലി​ച്ച​ക​റ്റി​യാ​ൽ അ​യാ​ളു​ടെ ആ​ത്മാ​ർ​ഥമാ​യ സ്നേ​ഹം മോ​ളി​ക്ക് നേ​ടാ​നാ​കു​മെ​ന്ന് മോ​ളി ക​രു​തു​ന്നു​ണ്ടോ? പി​ന്നീ​ട് സ്വ​സ്ഥ​മാ​യി​രി​ക്കും ആ ​കു​ടും​ബ​ജീ​വി​തം എ​ന്ന് ക​രു​താ​നാ​കു​മോ? എ​ല്ലാ ത​ര​ത്തി​ലും ഏ​റ്റ​ക്കു​റ​ച്ചി​ലു​ക​ൾ ഉ​ള്ള വ്യ​ക്തി​ക​ളു​ടെ കൂ​ട്ടാ​യ്മ​യ​ല്ലേ കു​ടും​ബം. പ്രാ​യാ​ഭേ​ദ​മെ​ന്യേ അ​ത്ത​രം ഏ​റ്റ​ക്കു​റ​ച്ചി​ലു​ക​ളെ​യും അ​വ​യു​ള്ള വ്യ​ക്തി​ക​ളെ​യും അ​ന്യോ​ന്യം സ്വീ​ക​രി​ക്കു​ക എ​ന്ന​ത​ല്ലേ കു​ടും​ബ​ജീ​വി​ത വി​ജ​യ​ത്തി​നും അ​തി​ന്‍റെ സു​സ്ഥിതി​ക്കും നി​ദാ​നം.

മ​ണ്ണി​ൽ മ​നു​ഷ്യ​നാ​യി അ​വ​താ​രം ചെ​യ്ത ദൈ​വം ത​ന്നെ​യാ​യ മി​ശി​ഹാ മ​നു​ഷ്യബ​ന്ധ​ങ്ങ​ൾ​ക്ക് വി​ല ന​ൽ​കി​യ​വ​നാ​ണ്. അ​വി​ടു​ന്ന് മ​നു​ഷ്യ​വ​ർ​ഗ​ത്തി​ന്‍റെ എ​ല്ലാ അ​വ​സ്ഥ​​ക​ളോ​ടും താ​ദാ​ത്മ്യ​പ്പെ​ടു​വാ​നാ​യാ​ണ് ഭൂ​മി​യി​ൽ പി​റ​ന്ന​ത്. അ​വി​ടു​ത്തെ ജ​ന​നം​ത​ന്നെ സ​ക​ല മ​നു​ഷ്യ​ർ​ക്കും വേ​ണ്ടി​യു​ള്ള സ​ദ്വാ​ർ​ത്ത​യാ​യി​രു​ന്നു. ഒ​രു കു​ടും​ബ​ത്തി​ലെ ഓ​രോ അം​ഗ​ത്തി​നു​മു​ള്ള സ​ന്തോ​ഷ​ത്തി​ന്‍റെ സ​ദ്വാ​ർ​ത്ത​യാ​ക​ണം ആ ​കു​ടും​ബ​ത്തി​ലെ മ​റ്റി​ത​ര അം​ഗ​ങ്ങ​ളു​ടെ​യെ​ല്ലാം സാ​ന്നി​ദ്ധ്യം. അ​വ​രു​ടെ ജീ​വി​ത​വും സ്നേ​ഹ​വും ആ​രെ​യും ഒ​ഴി​വാ​ക്കാ​ത്ത​തും ആ​രെ​യും പു​ച്ഛി​ച്ച് ത​ള്ളാ​ത്ത​തു​മാ​യി​രി​ക്ക​ണം. ബ​ന്ധ​ങ്ങ​ളെ വെ​ട്ടി​ക്ക​ണ്ടി​ച്ച് ക​ള​യു​ന്ന​താ​കാ​തെ ബ​ന്ധ​ങ്ങ​ളെ ചേ​ർ​ത്തു​നി​ർ​ത്തു​ന്ന​തും വി​ള​ക്കി​ച്ചേ​ർ​ക്കു​ന്ന​തു​മാ​യി​രി​ക്ക​ണം അ​ത്. വാ​യ​ന​ക്കാ​ർ​ക്കേ​വ​ർ​ക്കും ക്രി​സ്തു​ജ​യ​ന്തി ആ​ശം​സ​ക​ൾ!.

സി​റി​യ​ക് കോ​ട്ട​യി​ൽ


Copyright @ 2022 , Rashtra Deepika Ltd.