പ്രശ്നം ലോട്ടറി തന്നെ
കു​ര്യ​ൻ തോ​മ​സ് കോ​ള​ജ​ധ്യാ​പ​ക​നാ​ണ്. മ​ല​യാ​ളം ഡി​പ്പാ​ർ​​ട്ട്മെ​ന്‍റിന്‍റെ എ​ച്ച് ഒ ​ഡി​യു​മാ​ണ്. ത​റ​വാ​ട്ടു​കു​ടും​ബ​ത്തി​ൽ​നി​ന്നും അ​ധി​കം അ​ക​ലെ​യ​ല്ലാ​തെ കു​ടും​ബ​വി​ഹി​ത​മാ​യി കി​ട്ടി​യ സ്ഥ​ല​ത്ത് ലോ​ണെ​ടു​ത്തു പ​ണി​തീ​ർ​ത്ത വീ​ട്ടി​ലാ​ണ് സാ​റും കു​ടും​ബ​വും താ​മ​സി​ക്കു​ന്ന​ത്. മ​ക്ക​ളി​ൽ മൂ​ത്ത​വ​ൻ സു​ജി​ൻ എം ​എ​സ്‌സി ബി​എ​ഡ്കാ​ര​നാ​ണ്. സു​ജി​ന് താ​ഴെ​യു​ള്ള​ത് പെ​ണ്‍​കു​ട്ടി​ക​ളാ​ണ്. മൂ​ത്ത​വ​ൾ സു​മ; എം​സി​എ​യ്ക്ക് പ​ഠി​ക്കു​ന്നു. ഇ​ള​യ​വ​ൾ അ​നു എ​ൻ​ജി​നിയ​റിം​ഗ് ഫോ​ർ​ത്ത് സെ​മ​സ്റ്റ​ർ ക​ഴി​ഞ്ഞു.

സു​മ​ടീ​ച്ച​റാ​ണ് എ​ന്നെ​ക്ക​ണ്ട് കാ​ര്യ​ങ്ങ​ൾ പ​റ​ഞ്ഞ​ത്. കു​ടും​ബം ഇ​പ്പോ​ൾ ക​ട​ക്കെ​ണി​യി​ലാ​ണ്. വീ​ടു​പ​ണി​ത വ​ക​യി​ലോ, മ​ക്ക​ളെ പ​ഠി​പ്പി​ച്ച വ​ഴി​ക്കോ ഒ​ന്നും ഉ​ണ്ടാ​യ​ത​ല്ല ക​ടം; ലോ​ട്ട​റി എ​ടു​ത്ത വ​ക​യി​ലു​ണ്ടാ​യ​താ​ണീ സാ​ന്പ​ത്തി​ക​ബാ​ധ്യ​ത. ലോ​ട്ട​റി​ഭ്ര​മ​ക്കാ​ര​ൻ സു​ജി​നാ​ണെ​ന്നു നി​​ങ്ങ​ൾ ക​രു​തു​ന്നു​ണ്ടെ​ങ്കി​ൽ നി​ങ്ങ​​ൾ​ക്കു തെ​റ്റി. കു​ട്ടി​ക​ൾ​ക്കും സ​മൂ​ഹ​ത്തി​നും എ​ല്ലാ കാ​ര്യ​ങ്ങ​ളി​ലും മാ​തൃ​ക കാ​ട്ടേ​ണ്ട കു​ര്യ​ൻ​മാ​ഷു​ത​ന്നെ​യാ​ണ് പ്ര​തി. സാ​റി​ന് "ലോ​ട്ട​റി​മാ​നി​യ’​തു​ട​ങ്ങി​യി​ട്ട് വ​ർ​ഷ​ങ്ങ​ൾ പ​ല​താ​യി. ശ​ന്പ​ളം കി​ട്ടു​ന്ന​തൊ​ന്നും പോ​രാ, സാ​റി​ന്‍റെ ലോ​ട്ട​റി​ച്ചെ​ല​വി​ന്. ഭാ​​ര്യ​യും മ​ക്ക​ളു​മ​റി​യാ​തെ പ​ല​വ​ഴി​ക്ക് പ​ല​രി​ൽ​നി​ന്നാ​യി ക​ടം​വാ​ങ്ങി​യും സാ​ർ ലോ​ട്ട​റി എ​ടു​ത്തു.

വീ​ട്ടി​ലെ ഒ​രു മു​റി​യി​ൽ പ​ല സം​സ്ഥാ​ന​ങ്ങ​ളു​ടെ ലോ​ട്ട​റി​ടി​ക്ക​റ്റു​ക​ൾ ചാ​ക്കും​പ​ടി​യാ​ണ് കു​ന്നു​കൂ​ട്ടി ഇ​ട്ടി​രി​ക്കു​ന്ന​ത്. കു​ര്യ​ൻ​സാ​റി​ന് ക​ടം ന​ൽ​കി​യ പ​ല​രും പ​ല​വു​രു ആ​വ​ശ്യ​പ്പെ​ട്ടി​ട്ടും പ​ണം തി​രി​കെ കി​ട്ടാ​തെ വ​ന്ന​പ്പോ​ൾ അ​വ​ർ ക​ക്ഷി​യെ വ​ഴി​യി​ൽ പി​ടി​ച്ചു​നി​ർ​ത്തി ഭീ​ഷ​ണി​പ്പെ​ടു​ത്തു​ക​യും ചെ​യ്തു എ​ന്ന​ത് സു​മ​ടീ​ച്ച​റി​ന്‍റെ ഹൃ​ദ​യ​മി​ടി​പ്പു കൂ​ടാ​ൻ കാ​ര​ണ​മാ​യി​രി​ക്കു​ന്നു. നാ​ണ​ക്കേ​ടു​മൂ​ലം ടീ​ച്ച​റി​നും മ​ക്ക​​ൾ​​ക്കും പു​റ​ത്തി​റ​ങ്ങി ന​ട​ക്കാ​ൻ ​പോ​ലും ക​ഴി​യു​ന്നി​ല്ല.ത​മാ​ശ​യ്ക്കു മ​ദ്യ​പാ​നം തു​ട​​ങ്ങി പി​ന്നീ​ട​തി​ന് അ​ടി​മ​യാ​യി​ത്തീ​രു​ന്ന​തു​പോ​ലെ പ​ല​രും അ​വി​ചാ​രി​ത​മാ​യി​ട്ടോ ത​മാ​ശയ്ക്ക് തു​ട​ങ്ങു​ന്ന ടി​ക്ക​റ്റെ​ടു​പ്പ് പി​ന്നീ​ട​വ​രു​ടെ ജീ​വി​ത​ത്തി​ലെ ഒ​ഴി​യാ​ബാ​ധ​യാ​യി തീ​രു​ന്ന അ​വ​സ്ഥ.
ത​മാ​ശ ശീ​ല​മാ​യും ശീ​ലം അ​ടി​മ​ത്ത​മാ​യും മാ​റു​ന്ന ദു​ര​വ​സ്ഥ. കു​ര്യ​ൻ​മാ​ഷ് ഏ​താ​ണ്ട് ആ ​ഒ​ര​വ​സ്ഥ​യി​ലാ​ണ് എ​ന്നു പ​റ​യാം. അ​യാ​ളു​ടെ പ്ര​വൃ​ത്തി​യു​ടെ ഫ​ലം ആ ​കു​ടും​ബം മു​ഴു​വ​നും അ​നു​ഭ​വി​ക്കു​ക​യാ​ണ്.എ​നി​ക്ക് പ​രി​ച​യ​മു​ള്ള ഒ​രു കു​ടും​ബ​മു​ണ്ട്. ആ ​വീ​ട്ടി​ൽ പ​ത്രം ഇ​ടു​ന്ന​തു​പോ​ലെ ലോ​ട്ട​റി​വി​ൽ​പ്പ​ന​ക്കാ​ര​ൻ എ​ന്നും ഒ​രു ലോ​ട്ട​റി​ടി​​ക്ക​റ്റു കൊ​ണ്ടി​ടും. കു​ടും​ബ​നാ​ഥ​ന്‍റെ നി​ർ​ദ്ദേ​ശ​പ്ര​കാ​ര​മാ​ണ് അ​യാ​ളി​ങ്ങ​നെ ചെ​യ്യു​ന്ന​ത്. വി​ൽ​പ്പ​ന​ക്കാ​ര​ൻ മാ​സ​ത്തി​ലൊ​രി​ക്ക​ൽ​വ​ന്ന് വ​രി​സം​ഖ്യ വാ​ങ്ങി​പ്പോ​വു​ക​യും ചെ​യ്യും. ഇ​ത്ത​രം കു​ടും​ബ​ങ്ങ​ളും കു​ടും​ബ​നാ​ഥന്മാ​രും ന​മ്മു​ടെ നാ​ട്ടി​ൽ അ​ങ്ങി​ങ്ങാ​യെ​ങ്കി​ലും കാ​ണു​മെ​ന്ന​തു​റ​പ്പാ​ണ്.

വാ​യ​ന​ക്കാ​രി​ൽ പ​ല​ർ​ക്കും ഇ​ത്ത​ര​ത്തി​ലു​ള്ള ചി​ല​രെ​യെ​ങ്കി​ലും പ​രി​ച​യ​വു​മു​ണ്ടാ​കും. ഒ​രു​പ​ക്ഷേ നി​ങ്ങ​ളു​ടെ കു​ടും​ബ​ങ്ങ​ളി​ൽ​ത്തന്നെ ചു​രു​ക്ക​മാ​യി​ട്ടെ​ങ്കി​ലും ഇ​ക്കൂ​ട്ട​ത്തി​ൽ​പ്പെ​ട്ട​വ​രു​ണ്ടാ​കാം.ഇ​ത്ത​ര​ക്കാ​രെ​ക്കു​റി​ച്ച് ചി​ന്തി​ക്കു​ന്പോ​ൾ, ഒ​ന്നും ചി​ന്തി​ക്കാ​തെ​യാ​ണ് ഇ​വ​ർ ഈ​യൊ​രു ശീ​ലം തു​ട​ങ്ങു​ന്ന​തെ​ന്ന് പ​റ​യു​ക​വ​യ്യ. പ്ര​തീ​ക്ഷ​യോ​ടു​കൂ​ടി​ത്ത​ന്നെ​യാ​യി​രി​ക്കും ഓ​രോ ടി​ക്ക​റ്റു​മി​വ​രെ​ടു​ക്കു​ക. അ​ടി​ക്കും, അ​ടു​ത്ത ത​വ​ണ​യെ​ങ്കി​ലും അ​ടി​ക്കും. ​ഇ​തി​ത്ത​ര​ക്കാ​രു​ടെ യാ​ഥാ​ർ​ത്ഥ്യ​മാ​കാ​തെ​പോ​കു​ന്ന എ​ന്ന​ത്തെ​യും ഒ​രു പ്ര​തീ​ക്ഷ​യാ​കാം. ലോ​ട്ട​റി അ​ടി​ച്ചാ​ലും ഇ​ല്ലെ​ങ്കി​ലും അ​ടി​കി​ട്ടു​ന്ന പ​ണി​യാ​ണി​തെ​ന്ന് ഇ​ത്ത​ര​ക്കാ​ർ തി​രി​ച്ച​റി​യു​ന്പോ​ൾ ജീ​വി​ത​ത്തി​ൽ പ​ല​തും, ഒ​രു​പ​ക്ഷേ ജീ​വി​തം​ത​ന്നെ​യും, ഇ​വ​ർ​ക്ക് ന​ഷ്ട​പ്പെ​ട്ടി​രി​ക്കും.

ഒ​റ്റ​യ​ടി​ക്ക് ധ​ന​വാ​നാ​കു​വാ​നു​ള്ള അ​മി​ത​മോ​ഹം ന​ല്ല ശ​ത​മാ​നം ആ​ളു​ക​ളെ​യും ഈ​യൊ​രു കൃ​ത്യ​ത്തി​ലേ​ക്ക് ന​യി​ക്കു​ന്നു​ണ്ടെ​ന്നു​ള്ള​ത് സ​ത്യം​ത​ന്നെ​യാ​ണ്. ടി​ക്ക​റ്റെ​ടു​ക്കു​ന്പോ​ൾ​മു​ത​ൽ ഇ​ത്ത​ര​ക്കാ​ർ മ​ന​ക്കോ​ട്ട കെ​ട്ടി​ത്തു​ട​ങ്ങു​ക​യാ​ണ്. ഫ​ല​മ​റി​യു​ന്ന​തോ​ടെ പ​ണി​തു​യ​ർ​ത്തി​യ സ്വ​പ്ന​സൗ​ധ​ങ്ങ​ൾ ത​ക​ർ​ന്ന​ടി​യു​ന്നു. മൂ​ഢ​സ്വ​ർഗ​ത്തി​ലൂ​ടെ യാ​ത്ര ചെ​യ്യു​ന്ന ഇ​വ​ർ പി​ന്നെ​യും​പി​ന്നെ​യും ടി​ക്ക​റ്റെ​ടു​ക്കു​ന്നു. ഇ​ത്ത​ര​ക്കാ​രി​ൽ ന​ല്ലൊ​രു ഗ​ണ​മെ​ങ്കി​ലും അ​ല​സ​രാ​ണ്. അ​ദ്ധ്വാ​നി​ക്കാ​തെ സൗ​ഭാ​ഗ്യം കൈ​യി​ൽ വ​ര​ണ​മെ​ന്ന് ആ​ഗ്ര​ഹി​ക്കു​ന്ന​വ​രു​മാ​ണ്. ഇ​ത്ത​രം മ​നോ​ഭാ​വം ഉ​ള്ള​വ​ർ നാ​ട്ടി​ലും കു​ടും​ബ​ങ്ങ​ളി​ലും വ​ർ​ദ്ധി​ച്ചാ​ൽ നാ​ടും വീ​ടും വ​ള​രു​ക​യി​ല്ല, ത​ള​രു​ക​യേ ഉ​ള്ളൂ. അ​ല​സ​രു​ടെ എ​ണ്ണം കൂ​ടു​ക​യും ചെ​യ്യും.

കു​ര്യ​ൻ​സാ​റും സാ​റി​നെ​പ്പോ​ലു​ള്ള​വ​രും യാ​ഥാ​ർഥ്യം മ​ന​സി​ലാ​ക്കി ത​ങ്ങ​ളു​ടെ തെ​റ്റു തി​രു​ത്താ​ൻ ത​യാ​റാ​വ​ണം. തി​രു​ത്താ​ൻ ത​യാ​റാ​വാ​തെ തെ​റ്റി​നെ​യും ത​ന്നെ​​ത്ത​ന്നെ​യും ന്യാ​യീ​ക​രി​ക്കാ​നു​ള്ള പു​റ​പ്പാ​ടാ​ണെ​ങ്കി​ൽ ശു​ഭ​ക​ര​മാ​യ​തൊ​ന്നും ഇ​ത്ത​ര​ക്കാ​രി​ൽ​നി​ന്ന് പ്ര​തീ​ക്ഷി​ക്കാ​നാ​വു​ക​യി​ല്ല.

സിറിയക് കോട്ടയിൽ


Copyright @ 2022 , Rashtra Deepika Ltd.