ജീവിതത്തെ പുതുക്കുക, കോടാലിക്കു മൂർച്ചയെന്നപോലെ
സ്ഥി​ര​മാ​യി ഒ​രു ജോ​ലി തേ​ടി എ​ത്തി​യ​താ​യി​രു​ന്നു ആ ​മ​രം​വെ​ട്ടു​കാ​ര​ൻ. ഒ​റ്റ നോ​ട്ട​ത്തി​ൽ ത​ടിവ്യാ​പാ​രി​ക്ക് ആ ​മ​രം വെ​ട്ടു​കാ​ര​നെ ഇ​ഷ്ട​പ്പെ​ട്ടു. ത​ന്മൂ​ലം, വ്യാ​പാ​രി അ​യാ​ൾ​ക്ക് ജോ​ലി ന​ൽ​കി. വേ​ത​ന​വും ജോ​ലി​യു​ടെ മ​റ്റു വ്യ​വ​സ്ഥ​ക​ളും അ​യാ​ൾ​ക്കു സ്വീ​കാ​ര്യ​മാ​യി​രു​ന്നു. അ​തു​കൊ​ണ്ടു സ​ന്തോ​ഷ​പൂ​ർ​വം ജോ​ലി ചെ​യ്യു​വാ​ൻ അ​യാ​ൾ ഉ​ട​നെ ത​യാ​റാ​യി.

വ്യാ​പാ​രി അ​യാ​ൾ​ക്ക് ഒ​രു കോ​ടാ​ലി ന​ൽ​കി. അ​തി​നു​ശേ​ഷം മ​രം വെ​ട്ടു​വാ​നു​ള്ള പ്ര​ദേ​ശം അ​യാ​ളെ കാ​ണി​ച്ചു​കൊ​ടു​ത്തു. കോ​ടാ​ലി കൈ​യി​ൽ കി​ട്ടി​യ ഉ​ട​നെ അ​യാ​ൾ ജോ​ലി തു​ട​ങ്ങി. ആ​ദ്യ​ദി​വ​സം അ​യാ​ൾ പ​തി​നെ​ട്ടു മ​ര​ങ്ങ​ൾ വെ​ട്ടി​വീ​ഴ്ത്തി. വി​വ​ര​മ​റി​ഞ്ഞ​പ്പോ​ൾ വ്യാ​പാ​രി പ​റ​ഞ്ഞു: അ​ഭി​ന​ന്ദ​ന​ങ്ങ​ൾ! തു​ട​ക്കം ന​ന്നാ​യി​രി​ക്കു​ന്നു. ഇ​തു​പോ​ലെ മു​ന്നോ​ട്ടു പോ​വു​ക!

വ്യാ​പാ​രി​യു​ടെ അ​ഭി​ന​ന്ദ​ന​വ​ച​സു​ക​ൾ അ​യാ​ൾ​ക്കു വ​ള​രെ ഇ​ഷ്ട​പ്പെ​ട്ടു. അ​ടു​ത്ത ദി​വ​സം കൂ​ടു​ത​ൽ ആ​വേ​ശ​ത്തോ​ടെ ജോ​ലി ചെ​യ്യു​വാ​ൻ അ​യാ​ളെ അ​തു സ​ഹാ​യി​ച്ചു. പ​ക്ഷേ വ​ള​രെ ആ​വേ​ശ​പൂ​ർ​വം ജോ​ലി ചെ​യ്തി​ട്ടും പ​തി​ന​ഞ്ചു മ​ര​ങ്ങ​ൾ വീ​ഴ്ത്താ​നേ അ​യാ​ൾ​ക്കു സാ​ധിച്ചു​ള്ളൂ.

അ​ടു​ത്ത ദി​വ​സം ത​ലേ ദി​വ​സ​ത്തെ കു​റ​വി​നു പ​രി​ഹാ​രം ചെ​യ്യു​വാ​ൻ വേ​ണ്ടി എ​ന്ന പോ​ലെ കൂ​ടു​ത​ൽ ഉ​ത്സാ​ഹ​പൂ​ർ​വം അ​യാ​ൾ ജോ​ലി ചെ​യ്തു. എ​ന്നാ​ൽ അ​ന്നു പ​ത്തു മ​ര​ങ്ങ​ൾ മു​റി​ക്കു​വാ​ൻ മാ​ത്ര​മേ അ​യാ​ൾ​ക്കു സാ​ധി​ച്ചൊ​ള്ളൂ. അ​പ്പോ​ൾ അ​യാ​ൾ​ക്കു വി​ഷ​മ​മാ​യി. ത​ന്‍റെ ശ​ക്തി ക്ഷ​യി​ച്ചുപോ​യി എ​ന്നാ​ണ് അ​യാ​ൾ​ക്കു തോ​ന്നി​യ​ത്.

അ​ടു​ത്ത ദി​വ​സം വ്യാ​പാ​രി​യെ സ​മീ​പി​ച്ച് അ​യാ​ൾ ക്ഷ​മാ​പ​ണ​പൂ​ർ​വം പ​റ​ഞ്ഞു: എ​ന്താ​ണു സം​ഭ​വി​ക്കു​ന്ന​ത് എ​ന്നെ​നി​ക്ക​റി​യി​ല്ല. ഓ​രോ ദി​വ​സം ക​ഴി​യു​ന്തോ​റും ഞാ​ൻ മു​റി​ക്കു​ന്ന മ​ര​ങ്ങ​ളു​ടെ എ​ണ്ണ​ത്തി​ൽ കു​റ​വു വ​രു​ന്നു.

എ​ന്നാ​ണ് അ​വ​സാ​ന​മാ​യി നി​ങ്ങ​ളു​ടെ കോ​ടാ​ലി​യു​ടെ മൂ​ർ​ച്ച നി​ങ്ങ​ൾ കൂ​ട്ടി​യ​ത്? വ്യാ​പാ​രി ചോ​ദി​ച്ചു. അ​പ്പോ​ൾ അ​യാ​ൾ പ​റ​ഞ്ഞു: കോ​ടാ​ലി​യു​ടെ മൂ​ർ​ച്ച കൂ​ട്ടു​വാ​ൻ എ​നി​ക്കു സ​മ​യ​മി​ല്ലാ​യി​രു​ന്നു. ഏ​റ്റ​വും കൂ​ടു​ത​ൽ മ​ര​ങ്ങ​ൾ മു​റി​ക്കാ​നു​ള്ള തി​ര​ക്കി​ലാ​യി​രു​ന്നു ഞാ​ൻ.

ദ ​സെ​വ​ൻ ഹാ​ബി​റ്റ​സ് ഓ​ഫ് ഹ​യ്‌​ലി ഇ​ഫ​ക്‌​ടീ​വ് പീ​പ്പി​ൾ എ​ന്ന ഗ്ര​ന്ഥ​ത്തി​ന്‍റെ ക​ർ​ത്താ​വാ​യ സ്റ്റീ​ഫ​ൻ കോ​വി പ​റ​യു​ന്ന ഒ​രു ക​ഥ​യാ​ണി​ത്. ഈ ​ക​ഥ വാ​യി​ക്കു​ന്പോ​ൾ മ​രം വെ​ട്ടു​കാ​ര​ൻ കോ​ടാ​ലി മൂ​ർ​ച്ച കൂ​ട്ടു​ന്ന കാ​ര്യം മ​റു​ന്നു​പോ​കു​മോ എ​ന്നു നാം ​ചോ​ദി​ച്ചേ​ക്കാം. ബു​ദ്ധി​യും വി​വേ​ക​വു​മു​ള്ള മ​രം​വെ​ട്ടു​കാ​ർ തീ​ർ​ച്ച​യാ​യും കോ​ടാ​ലി​യു​ടെ മൂ​ർ​ച്ച കൂ​ട്ടു​ന്ന കാ​ര്യം മ​റ​ന്നു പോ​വു​ക​യി​ല്ല. അ​വ​ർ ഇ​ട​യ്ക്കി​ട​യ്ക്ക് കോ​ടാ​ലി​യു​ടെ വാ​യ്ത്ത​ല പ​രി​ശോ​ധി​ച്ച് അ​തു മൂ​ർ​ച്ച​കൂ​ട്ടു​ന്ന കാ​ര്യം ശ്ര​ദ്ധി​ക്കും.

എ​ന്നാ​ൽ, വി​വ​ര​ദോ​ഷി​ക​ളാ​യ മ​രം വെ​ട്ടു​കാ​രാ​ണെ​ങ്കി​ലോ? കോ​ടാ​ലി​യു​ടെ മൂ​ർ​ച്ച കൂ​ട്ടു​ന്ന കാ​ര്യ​ത്തി​ൽ അ​വ​ർ അ​ശേ​ഷം ശ്ര​ദ്ധി​ക്കാ​നി​ട​യി​ല്ല. എ​ന്നു മാ​ത്ര​മ​ല്ല, അ​വ​രു​ടെ ജോ​ലി​യു​ടെ ഫ​ല​ത്തി​ലു​ള്ള കു​റ​വ് അ​വ​ർ അ​റി​ഞ്ഞെ​ന്നു പോ​ലും വ​രി​ക​യി​ല്ല.

ന​മ്മി​ൽ അ​പൂ​ർ​വം പേ​ർ ഒ​ഴി​കെ മ​റ്റാ​രും മ​രം വെ​ട്ടു​കാ​രാ​യി​രി​ക്കു​ക​യി​ല്ല. എ​ന്നാ​ൽ, നാ​മെ​ല്ലാ​വ​രും എ​ന്തെ​ങ്കി​ലും ജോ​ലി ചെ​യ്യു​ന്ന​വ​രാ​യി​രി​ക്കും. ചി​ല​പ്പോ​ൾ നാം ​ശ​ന്പ​ളം പ​റ്റു​ന്ന ജോ​ലി ആ​യി​രി​ക്കും ചെ​യ്യു​ന്ന​ത്. അ​ല്ലെ​ങ്കി​ൽ സ്വ​ന്തം കാ​ര്യ​ങ്ങ​ൾ​ക്കു വേ​ണ്ടി​യു​ള്ള ജോ​ലി​യാ​യി​രി​ക്കും നാം ​ചെ​യ്യു​ന്ന​ത്. നാം ​എ​ന്തു ജോ​ലി ചെ​യ്താ​ലും അ​തി​നു ഫ​ലം ഉ​ണ്ടാ​ക​ണം. നാം ​ചെ​യ്യു​ന്ന ജോ​ലി​ക്കു ശ​രി​ക്കും ഫ​ല​മു​ണ്ടാ​ക​ണ​മെ​ങ്കി​ൽ ന​മ്മു​ടെ കോ​ടാ​ലി​യു​ടെ മൂ​ർ​ച്ച നാം ​എ​പ്പോ​ഴും ഉ​റ​പ്പു​വ​രു​ത്തി​യേ മ​തി​യാ​കൂ.

എ​ങ്ങ​നെ​യാ​ണു ന​മ്മു​ടെ കോ​ടാ​ലി​യു​ടെ മൂ​ർ​ച്ച നാം ​ഉ​റ​പ്പു​വ​രു​ത്തു​ക? നാം ​ചെ​യ്യു​ന്ന ഏ​തു ജോ​ലി​യും വി​ജ​യി​ക്ക​ണ​മെ​ങ്കി​ൽ ന​മ്മു​ടെ ജീ​വി​ത​ത്തി​ന് ഒ​രു ബാ​ല​ൻ​സ് കൂ​ടി​യേ തീ​രൂ. വി​ശ്വ​സ്ത​യോ​ടെ എ​പ്പോ​ഴും നാം ​ജോ​ലി ചെ​യ്യ​ണം. എ​ന്നാ​ൽ, അ​തു മാ​ത്ര​മാ​ക​രു​ത് ന​മ്മു​ടെ ജീ​വി​തം. ന​മ്മു​ടെ ജീ​വി​ത​ത്തി​ൽ ആ​വ​ശ്യ​മാ​യ വി​ശ്ര​മ​വും ഉ​ണ്ടാ​യി​രി​ക്ക​ണം.

ന​മ്മു​ടെ ജോ​ലി​യു​ടെ​യും മ​റ്റു തി​ര​ക്കു​ക​ളു​ടെ​യു​മി​ട​യി​ൽ കു​ടും​ബ​ബ​ന്ധ​ങ്ങ​ൾ​ക്കും വ്യ​ക്തി​ബ​ന്ധ​ങ്ങ​ൾ​ക്കു​മു​ള്ള സ്ഥാ​ന​വും നാം ​മ​റ​ക്ക​രു​ത്. എ​ന്നു​മാ​ത്ര​മ​ല്ല, ബോ​ധ​പൂ​ർ​വം അ​വ സം​ര​ക്ഷി​ക്കു​ന്ന​തി​നും പ​രി​പോ​ഷി​പ്പി​ക്കു​ന്ന​തി​നും നാം ​ശ്ര​ദ്ധി​ക്കു​ക​യും വേ​ണം. എ​ങ്കി​ൽ മാ​ത്ര​മേ ശ​രി​യാ​യ രീ​തി​യി​ൽ മൂ​ർ​ച്ച​യു​ള്ള കോ​ടാ​ലി​ക​ളാ​യി ന​മു​ക്കു പ്ര​വ​ർ​ത്തി​ക്കു​വാ​നാ​കൂ.

ന​മ്മു​ടെ ജീ​വി​ത​ത്തി​ന്‍റെ മൂ​ർ​ച്ച​കൂ​ട്ടു​ന്ന കാ​ര്യം വ​രു​ന്പോ​ൾ ന​മ്മു​ടെ ജീ​വി​ത​ത്തി​ലെ ആ​ധ്യാ​ത്മി​ക​മൂ​ല്യ​ങ്ങ​ൾ​ക്കു​ള്ള പ്രാ​ധാ​ന്യ​വും നാം ​മ​റ​ന്നു പോ​ക​രു​ത്. എ​ന്നു​മാ​ത്ര​മ​ല്ല, ദൈ​വ​ത്തി​നും ദൈ​വി​ക മൂ​ല്യ​ങ്ങ​ൾ​ക്കും ന​മ്മു​ടെ ജീ​വി​ത​ത്തി​ൽ പ​ര​മ​മാ​യ പ്രാ​ധാ​ന്യം ന​ൽ​കു​ന്ന​തി​ന് ആ​ത്മാ​ർ​ഥ​മാ​യി നാം ​ശ്ര​മി​ക്കു​ക​യും വേ​ണം. അ​പ്പോ​ൾ മാ​ത്ര​മേ ന​മ്മു​ടെ ജീ​വി​തം അ​ർ​ഥ​വ​ത്താ​യ രീ​തി​യി​ൽ ഫ​ല​പൂ​ർ​ണ​മാ​വു​ക​യു​ള്ളൂ.

ന​മ്മു​ടെ ജീ​വി​ത​ത്തി​ന്‍റെ മൂ​ർ​ച്ച​കൂ​ടി അ​തു പൂ​ർ​വാ​ധി​കം ഫ​ല​വ​ത്താ​ക​ണ​മെ​ങ്കി​ൽ ന​മ്മു​ടെ ജീ​വി​ത​ത്തി​നും ന​മ്മു​ടെ ജോ​ലി​ക്കു​മൊ​ക്കെ സ​ഹാ​യി​ക്കു​ന്ന പു​തി​യ അ​റി​വു പാ​ട​വു​മൊ​ക്കെ നാം ​സ്വ​ന്ത​മാ​ക്കി​യേ മ​തി​യാ​കൂ. ന​മ്മു​ടെ ജീ​വി​ത​ത്തെ മെ​ച്ചപ്പെ​ടു​ത്തു​ക​യും നാം ​ചെ​യ്യു​ന്ന ജോ​ലി​ക​ളെ കൂ​ടു​ത​ൽ കാ​ര്യ​ക്ഷ​മ​മാ​ക്കു​ക​യും ചെ​യ്യു​ന്ന എ​ന്തെ​ല്ലാം അ​റി​വു​ക​ളും സാ​ങ്കേ​തി​ക വി​ദ്യ​ക​ളു​മാ​ണ് ഓ​രോ ദി​വ​സ​വും പു​റ​ത്തു​വ​ന്നു​കൊ​ണ്ടി​രി​ക്കു​ന്ന​ത്. അ​വ​യൊ​ക്കെ​യു​മാ​യി പ​രി​ച​യ​പ്പെ​ട്ടി​രു​ന്നാ​ൽ മാ​ത്ര​മെ മൂ​ർ​ച്ച​യു​ള്ള കോ​ടാ​ലി എ​ന്നപോ​ലെ ന​മ്മു​ടെ ജീ​വി​ത​ത്തി​ൽ ന​മു​ക്കു പ്ര​വ​ർ​ത്തി​ക്കു​വാ​നാ​കൂ.

മൂ​ർ​ച്ച​യു​ള്ള കോ​ടാ​ലി​യെ​പ്പോ​ലെ ഫ​ല​പൂ​ർ​ണ​മാ​യി പ്ര​വ​ർ​ത്തി​ക്ക​ണ​മെ​ങ്കി​ൽ ന​മ്മു​ടെ ജീ​വി​ത​ത്തി​നു ശ​രി​ക്കും മൂ​ർ​ച്ച ന​ൽ​കു​ന്ന രീ​തി​യി​ൽ നാം ​ന​മ്മെ​ത്ത​ന്നെ സ​ജ്ജ​രാ​ക്ക​ണം. അ​പ്പോ​ൾ ന​മു​ക്കു ചെ​യ്യാ​ൻ സാ​ധി​ക്കു​ന്ന കാ​ര്യ​ങ്ങ​ൾ ക​ണ്ടു നാം ​അ​ദ്ഭു​ത​പ്പെ​ടു​ക​ത​ന്നെ ചെ​യ്യും.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.