കാരുണ്യത്തിന്‍റെ പൊൻമുടിയിൽ
കാ​ൻ​സ​ർ​രോ​ഗി​ക​ൾ​ക്കാ​യി മു​ടി ദാ​നം ചെ​യ്യാ​ൻ ത​യാ​റാ​കു​ന്ന​വ​രു​ടെ എ​ണ്ണം ഇ​പ്പോ​ൾ വ​ർ​ധി​ക്കു​ന്നു​ണ്ട്. പൊ​ന്നു​പോ​ലെ സൂ​ക്ഷി​ക്കു​ന്ന മു​ടി​യാ​ണ് സ​ഹ​ജീ​വി​യോ​ടു​ള്ള സ്നേ​ഹ​ത്തെ​പ്ര​തി അ​വ​ർ മു​റി​ച്ചു സ​ന്ന​ദ്ധ സം​ഘ​ട​ന​ക​ൾ​ക്കു കൊ​ടു​ക്കു​ന്ന​ത്. പ​ക്ഷേ, കൊ​ടു​ക്കു​ന്ന മു​ടി എ​വി​ടേ​ക്കു പോ​കു​ന്നു​വെ​ന്ന് പ​ല​ർ​ക്കും അ​റി​യി​ല്ല. ഇ​വി​ടെ​യാ​ണ് സ​ർ​ഗ​ക്ഷേ​ത്ര എ​ന്ന ക​ലാ-​സാം​സ്കാ​രി​ക- സ​ന്ന​ദ്ധ സം​ഘ​ട​ന വ്യ​ത്യ​സ്ത​മാ​കു​ന്ന​ത്. അ​വി​ടെ മു​ടി ദാ​നം ചെ​യ്യു​ന്ന​വ​ർ​ക്ക് ഉ​റ​പ്പാ​ണ് അ​തി​ലൊ​ന്നു​പോ​ലും പ​റ​ന്നു​പോ​കി​ല്ലെ​ന്ന്. മു​ടി ന​ഷ്ട​പ്പെ​ട്ട കാ​ൻ​സ​ർ രോ​ഗി​ക​ളി​ൽ ഒ​രാ​ളു​ടെ ശി​ര​സി​ൽ ആ​ത്മ​വി​ശ്വാ​സ​ത്തി​ന്‍റെ ​അ​ല​ങ്കാ​ര​മാ​യി അ​തു​ണ്ടാ​കും. മു​ടി മു​റി​ച്ചെ​ടു​ക്കു​ന്ന​തു മാ​ത്ര​മ​ല്ല, അ​ത് ഉ​ത്ത​ര​വാ​ദി​ത്വ​ത്തോ​ടെ വി​ഗ്ഗു​ക​ളാ​ക്കി അ​ർ​ഹ​ത​പ്പെ​ട്ട​വ​രു​ടെ ശി​ര​സി​ൽ വ​യ്ക്കു​വോ​ളം സ​ർ​ഗ​ക്ഷേ​ത്ര ജാ​ഗ്ര​ത പാ​ലി​ക്കു​ന്നു.

സാ​ന്ദ്ര​യു​ടെ പു​ഞ്ചി​രി

ഇ​നി പ​റ​യാ​ൻ പോ​കു​ന്ന​ത് ഒ​രു കൗ​മാ​ര​ക്കാ​രി​യാ​യ. പെ​ൺ​കു​ട്ടി​യു​ടെ നേ​ര​നു​ഭ​വ​മാ​ണ.് അ​വ​ർ​ക്ക് ‘സാ​ന്ദ്ര’ എ​ന്ന ഒ​രു പേ​രി​ടാം. അ​വ​ൾ ഡി​ഗ്രി വി​ദ്യാ​ർ​ഥിയാ​ണ്. പ​റ​യ​ത്ത​ക്ക ചു​റ്റു​പാ​ടു​ക​ളൊ​ന്നും ഇ​ല്ലാ​ത്ത സാ​ധാ​ര​ണ കു​ടും​ബ​ത്തി​ലെ ഒ​രം​ഗം. കാ​ണാ​ൻ മി​ടു​ക്കി. കൂ​ട്ടൂ​കാ​ർ​ക്കെ​ല്ലാം പ്രി​യ​പ്പെ​ട്ട​വ​ൾ. സ​ന്തോ​ഷം നി​റ​ഞ്ഞ അ​വ​ളു​ടെ ജീ​വി​ത​ത്തി​ൽ ക്ഷ​ണി​ക്ക​പ്പെ​ടാ​ത്ത ഒ​രു അ​തി​ഥി​യാ​യി അ​ർ​ബു​ദം ക​യ​റി​വ​ന്നു. ന​ടു​ക്ക​ട​ലി​ൽ നീ​ന്ത​ൽ അ​റി​യാ​തെ അ​ക​പ്പെ​ട്ട ഒ​രു​വ​ളു​ടെ മ​നോ​വ്യഥ. അ​തേ​ക്കു​റി​ച്ചു പ​റ​യു​ന്പോ​ൾ അ​വ​ളു​ടെ ക​ണ്ണു​ക​ൾ നി​റ​യു​ന്നു​ണ്ടാ​യി​രു​ന്നു. ചി​കി​ത്സ​യാ​രം​ഭി​ച്ചു. സാ​ധാ​ര​ണ പോ​ലെ അ​വ​ളു​ടേ​യും മു​ടി​കൊ​ഴി​യാ​ൻ തു​ട​ങ്ങി. ജീ​വി​ത​ത്തോ​ട് മ​ടു​പ്പ,് നി​രാ​ശ, അ​സൂ​യ​യോ​ടെ നോ​ക്കി​യ ക​ണ്ണു​ക​ളി​ൽ സ​ഹ​താ​പം. രോ​ഗ​ത്തേ​ക്കാ​ളും അ​വ​ളെ അ​ല​ട്ടി​യി​രു​ന്ന​ത് ത​ന്‍റെ മു​ടി​യി​ല്ലാ​ത്ത വി​രൂ​പ​രൂ​പ​മാ​ണ്. ത​ന്‍റെ സ​ഹോ​ദ​രി​യോ​ട് ഇ​തേ​പ്പ​റ്റി പ​റ​ഞ്ഞ​പ്പോ​ൾ ’ഇ​നി വി​ഗ്ഗ് വാ​ങ്ങി കാ​ശ് ക​ള​യ​ണോ’ എ​ന്നാ​യി​രു​ന്നു അ​വ​ളു​ടെ മ​റു​പ​ടി.

എ​ന്നാ​ൽ സൗ​ജ​ന്യ​മാ​യി വി​ഗ്ഗ് ല​ഭി​ക്കു​മെ​ന്നു മ​ന​സ്സി​ലാ​ക്കി​യ സാ​ന്ദ്ര ത​ന്‍റെ കൊ​ഴി​ഞ്ഞു​പോ​കു​ന്ന മു​ടി ശേ​ഖ​രി​ച്ചു വ​ച്ചു. എ​ന്നാ​ൽ അ​തുകൊ​ണ്് മാ​ത്രം ഒ​രു വി​ഗ്ഗ് പൂ​ർ​ത്തി​യാ​കി​ല്ല എ​ന്ന് തി​രി​ച്ച​റി​ഞ്ഞ​പ്പോ​ൾ സ​ഹ​പാ​ഠി​ക​ൾ അ​വ​ളു​ടെ കൂ​ടെ കൂ​ടി. അ​വ​രും മു​ടി മു​റി​ച്ചു​കൊ​ടു​ത്തു. സാ​ന്ദ്ര​യു​ടെ ജീ​വി​ത​ത്തി​ൽ വ​ലി​യ മാ​റ്റ​മാ​ണ് അ​തു​കൊ​ണ്ട് സം​ഭ​വി​ച്ച​ത്. നീ​ണ്ട മു​ടി​ച്ചു​രു​ളു​ക​ൾ​ക്കൊ​പ്പം അ​വ​ളു​ടെ മു​ഖ​ത്തെ പു​ഞ്ചി​രി​യും തി​രി​കെ വ​ന്നു. സാ​ന്ദ്ര അ​നു​ഭ​വസാ​ക്ഷ്യ​ങ്ങ​ളി​ൽ ഒ​ന്നു​മാ​ത്ര​മാ​ണ്. ഇ​തു​പോ​ലെ അ​ല്ലെ​ങ്കി​ൽ ഇ​തി​ലും വേ​ദ​ന നി​റ​ഞ്ഞ അ​നു​ഭ​വ​ങ്ങ​ളാ​ണ് ഓ​രോ അ​ർ​ബു​ദ രോ​ഗി​​ക്കും പ​റ​യാ​നു​ള്ള​ത്.

ക​ല​യോ​ടൊ​പ്പം കാ​രു​ണ്യ​വും

സി.​എം.​ഐ സ​ന്യാ​സ സ​ഭ​യു​ടെ തി​രു​വ​ന​ന്ത​പു​രം പ്രൊ​വി​ൻ​സി​ന്‍റെ കീ​ഴി​ൽ ച​ങ്ങ​നാ​ശേരി കേ​ന്ദ്ര​മാ​ക്കി 2002-ൽ ​ആ​രം​ഭി​ച്ച പ്ര​സ്ഥാ​ന​മാ​ണ് സ​ർ​ഗ​ക്ഷേ​ത്ര ക​ലാ സാം​സ്കാ​രി​ക കേ​ന്ദ്രം. ചെ​ത്തി​പ്പു​ഴ തി​രു​ഹ്യ​ദ​യ ആ​ശ്ര​മ​ത്തി​ന്‍റെ കീ​ഴി​ൽ പ്ര​വ​ർ​ത്തി​ക്കു​ന്നു. പ്രൊ​ഫ​ഷ​ണൽ ഫോ​റം, വി​മ​ണ്‍​സ് ഫോ​റം, സീ​നി​യ​ർ സി​റ്റി​സ​ണ്‍​സ് ഫോ​റം, ക​ലാ സാ​ഹി​ത്യ​വേ​ദി, ഫൈ​ൻ​ആ​ർ​ട്സ് സൊ​സൈ​റ്റി എ​ന്നി​ങ്ങ​നെ വി​വി​ധ​ങ്ങ​ളാ​യ ഫോ​റ​ങ്ങൾ ഇതിനു കീഴിലുണ്ട്.

മി​ക​വു​റ്റ പ്ര​വ​ർ​ത്ത​ന​ങ്ങ​ൾ​ക്കു​ള്ള സം​സ്ഥാ​ന റോ​ഡ് സൂ​ര​ക്ഷ ക​മ്മീ​ഷ​ന്‍റെ അം​ഗീ​കാ​രം, ല​ഹ​രി വി​രൂ​ദ്ധ പ്ര​വ​ർ​ത്ത​ന​ങ്ങ​ൾ​ക്കു​ള്ള ജി​ല്ലാ-​സം​സ്ഥാ​ന ത​ല അം​ഗീ​കാ​രം, മ​റ്റ് സാ​മൂ​ഹി​ക സാം​സ്കാ​രി​ക അം​ഗീ​കാ​ര​ങ്ങ​ൾ സ​ർ​ഗ​ക്ഷേ​ത്ര​യ്ക്ക് ല​ഭി​ച്ചി​ട്ടു​ണ്ട്. അ​തോ​ടൊ​പ്പം തൊ​ഴി​ല​ധി​ഷ്ടി​ത കോ​ഴ്സു​ക​ളു​ടെ പ​രി​ശീ​ല​ന​വും ഇ​വി​ടെ ന​ട​ത്തി​വ​രു​ന്നു.

കേ​ര​ള​ത്തി​ന​ക​ത്തും പു​റ​ത്തു​മാ​യി ഏ​ക​ദേ​ശം എ​ഴു​ന്നു​റോ​ളം കാ​ൻ​സ​ർ രോ​ഗി​ക​ൾ​ക്കാ​യി വി​ഗ്ഗ് കൊ​ടു​ത്തി​ട്ടു​ണ്ട്. ജാ​തി​മതഭേ​ത​മെ​ന്യേ രോ​ഗി​ക​ളാ​യ​വ​ർ​ക്കു യാ​തൊ​രു ചെല​വുംകൂ​ടാ​തെ ഉ​ത്ത​ര​വാ​ദി​ത്വ​ത്തോ​ടെ വി​ഗ്ഗ് എ​ത്തി​ച്ചു ന​ൽ​കു​ന്നു എ​ന്ന​ത് ഈ ​ചാ​രി​റ്റി പ്ര​വ​ർ​ത്ത​ന​ത്തി​ന്‍റെ എ​ടു​ത്തു പ​റ​യേ​ണ്ട പ്ര​ത്യേ​ക​ത​യാ​ണ്.

സ​ർ​ഗ​ക്ഷേ​ത്ര​വ​ഴി രോ​ഗി​ക​ൾ​ക്ക് കേ​ശ​ദാ​നം ന​ട​ത്തു​ന്ന നാ​ലാ​യി​ര​ത്തി​ലേ​റെ സു​മ​ന​സുക​ൾ കേ​ര​ള​ത്തി​ന​ക​ത്തും പു​റ​ത്തു​മു​ണ്ട്. ഒ​ന്നി​ലേ​റെ ത​വ​ണ മു​ടി​ ത​ന്ന​വ​രും ഇ​ക്കൂ​ട്ട​ത്തി​ലു​ണ്ട്. എ​വി​ടെ​യോ കി​ട​ക്കു​ന്ന ആ​ർ​ക്കോ​വേ​ണ്ടി ഞ​ങ്ങ​ൾ എ​ന്തി​നു മു​ടി​കൊ​ടു​ക്ക​ണം? എ​ന്നു ചി​ന്തി​ച്ച് ഒ​ന്നും ക​ണ്ടി​ല്ല, കേ​ട്ടി​ല്ല എ​ന്നു ന​ടി​ച്ചു തി​രി​ഞ്ഞുപോ​കാ​മാ​യി​രു​ന്നി​ട്ടും. ന​മ്മ​ളി​ൽ​പ്പെ​ട്ട ഒ​രാ​ളാ​യി ക​ണ്ട്, പ​രി​ഗ​ണി​ച്ച്, സ്നേ​ഹി​ച്ച് കൈ​ത്താ​ങ്ങാ​യി നി​ൽ​ക്കു​ന്ന ഇ​വ​ർ ഈ ​കാ​രു​ണ്യ​പ്ര​വ​ർ​ത്ത​ന​ത്തി​ന്‍റെ മു​ഖ്യ​ധാ​രാ പ്ര​വ​ർ​ത്ത​ക​രാ​ണ്.

വി​ല​യേ​റി​യ സൗ​ജ​ന്യം

വി​പ​ണി​യി​ൽ 20000 രൂ​പ​യോ​ളം വിലവ​രു​ന്ന​ മു​ടി, കാ​ൻ​സ​ർ രോ​ഗി​ക​ൾ​ക്കാ​ണെ​ന്നു പ​റ​ഞ്ഞ് സ​ർ​ഗ​ക്ഷേ​ത്ര​യ്ക്ക് കൊ​ടു​ക്കു​ന്പോ​ൾ ഒ​രു ചോ​ദ്യം? ഈ ​മു​ടി അ​വ​ർ എ​ന്തു​ചെ​യ്യു​ന്നു? തീ​ർ​ത്തും ന്യാ​യ​മാ​യ ചോ​ദ്യ​മാ​ണ്. കാ​ര​ണം ഈ ​കാ​രു​ണ്യപ്ര​വൃത്തി​യി​ൽ പ​ങ്കാ​ളി​യാ​കു​ന്ന ഒ​രോ​രു​ത്ത​ർ​ക്കും ഇ​തി​ന്‍റെ പ്ര​വ​ർ​ത്ത​ന​രീ​തി​യി​ൽ അ​വ​ബോ​ധ​മു​ള്ള​വ​രാ​യി​രി​ക്ക​ണം. 2003-മു​ത​ൽ ആ​രം​ഭി​ച്ച മു​ടി​ദാ​ന പ്ര​വ​ർ​ത്ത​ന​ങ്ങ​ളു​ടെ വി​ശ​ദ​മാ​യ രേ​ഖ​ക​ൾ ഓ​ഫീ​സ് റിക്കാ​ർ​ഡാ​യി സൂക്ഷി​ച്ചി​ട്ടു​ണ്ട്.

2003-ൽ ​ഈ പ്ര​വ​ർ​ത്തനം ഞ​ങ്ങ​ൾ ആ​രം​ഭി​ക്കു​ന്പോ​ൾ ര​ണ്ട് മാ​സ​ത്തി​ൽ നാ​ല് വി​ഗ്ഗാ​ണ് ശ​രാ​ശ​രി കൊ​ടു​ത്തുവ​ന്നി​രു​ന്ന​ത്. എ​ന്നാ​ൽ 2018 ആ​യ​പ്പോ​ൾ ര​ണ്ട് ആ​ഴ്ച​യി​ൽ എ​ട്ട് വി​ഗ്ഗ് എ​ന്ന ക​ണ​ക്കി​ൽ എ​ത്തി​യി​രി​ക്കു​ന്നു. ഒ​രു വി​ഗ്ഗി​ന്‍റെ നി​ർ​മാണച്ചെല​വ് 3500 മു​ത​ൽ 4000 രൂപ വ​രെ​യാ​ണ്. എ​ങ്കി​ലും രോ​ഗി​ക​ൾ​ക്ക് തീ​ർ​ത്തും സൗ​ജ​ന്യ​മാ​യാ​ണ് ഇ​ത് കൊ​ടു​ക്കു​ന്ന​ത്. അ​തോ​ടൊ​പ്പം രോ​ഗി​ക​ളു​ടെ ക്ര​മാ​തീ​ത​മാ​യ വ​ർ​ധ​ന​വ് വ​ഴി വി​ഗ്ഗ് നി​ർ​മ്മാ​ണ​ത്തി​ന്‍റെ ചെല​വ് വ​ഹി​ക്കു​ക എ​ന്ന​ത് വ​ള​രെ ഭാ​രി​ച്ച ക​ട​ന്പ​യാ​ണ്, എ​ങ്കി​ൽപോ​ലും ആ​വ​ശ്യ​ക്കാ​രെ നി​രാ​ശ​രാ​ക്കി വി​ടാ​റി​ല്ല. ഒ​രു വി​ഗ്ഗ് നി​ർ​മി​ക്കാ​ൻ കു​റ​ഞ്ഞ​ത് 15 ഇ​ഞ്ച് നീ​ള​മു​ള്ള മു​ടി​വേ​ണം, അ​ങ്ങ​നെ അ​ഞ്ചുപേ​രു​ടെ മു​ടി ചേ​രു​ന്പോ​ഴാ​ണ് ഒ​രു വി​ഗ്ഗ് ഉ​ണ്ടാ​കു​ന്ന​ത്. വി​ഗ്ഗി​ന്‍റെ അ​ള​വു ത​ന്ന് ര​ണ്ടാ​ഴ്ചയ്ക്കു​ള്ളി​ൽ ആ​വ​ശ്യക്കാ​ർ​ക്കു​ ല​ഭ്യ​മാ​കു​ന്നു.

രോ​ഗി​യാ​ണെ​ന്ന തി​രി​ച്ച​റി​വും ചി​കി​ത്സ​യു​ടെ ഭാ​ഗ​മാ​യു​ള്ള റേ​ഡി​യേ​ഷ​നും പ​ല​രെ​യും ജീ​വി​തം തീ​ർ​ന്നു എ​ന്ന മി​ഥ്യാ​ധാ​ര​ണ​യി​ൽ എ​ത്തി​ക്കു​ന്നു. ചി​കി​ത്സ​യു​ടെ ഭാ​ഗ​മാ​യു​ള്ള മു​ടി​കൊ​ഴി​ച്ചി​ൽ രോ​ഗി​യെ വീ​ടി​ന്‍റെ ചു​മ​രു​ക​ൾ​ക്കു​ള്ളി​ൽ ഒ​തുക്കു​ന്നു. ഇ​ത്ത​രം സ​ന്ദ​ർ​ഭ​ങ്ങ​ൾ മ​റി​ക​ട​ക്കാ​നും രോ​ഗി​യി​ൽ ഒ​രു തി​രി​ച്ചു​വ​ര​വി​നു​ള്ള പ്ര​ത്യാ​ശ​യ്ക്കും സ​ർ​ഗ​ക്ഷേ​ത്ര​യു​ടെ വി​ഗ്ഗ് ദാ​ന​ത്തി​ലൂ​ടെ സാ​ധി​ക്കു​ന്നു. ഇ​വി​ടെ എ​ത്തു​ന്ന ഒാ​രോ ​രോ​ഗി​യു​ടെ​യും ജീ​വി​ത​ാനു​ഭ​വ​ങ്ങ​ളും കു​ടും​ബാ​ന്ത​രീ​ക്ഷ​വും കേ​ൾ​ക്കു​ന്പോ​ൾ ഒ​രു പി​ട​ച്ചി​ലാ​ണ് നെ​ഞ്ചി​ൽ. മ​ക്ക​ളും മ​രു​മ​ക്ക​ളും കൊ​ച്ചു​മ​ക്ക​ളു​മാ​യി സ​ന്തോ​ഷ​ത്തോ​ടെ​യു​ള്ള ജീ​വി​ത​ത്തി​ന് ഒ​രു തി​ര​ശീ​ല പോ​ലെ​യാ​ണ് കാ​ൻ​സ​ർ അ​പ്ര​തീ​ക്ഷി​ത​മാ​യി എ​ത്തു​ന്ന​ത്. ഓ​മ​നി​ച്ചു വ​ള​ർ​ത്തി​യ കു​ഞ്ഞ്, സ്നേ​ഹി​ച്ചു കൊ​തി​തീ​രാ​ത്ത ഭാ​ര്യ, മാ​തൃ​ത്വം ന​ഷ്ട​മാ​കു​ന്ന കു​ഞ്ഞു​ങ്ങ​ൾ, വാ​ർ​ധക്യ​ത്തി​ൽ ത​നി​ച്ചാ​കു​ന്ന ആ​ളു​ക​ൾ... അ​ങ്ങ​നെ അ​നു​ഭ​വ ക​ഥ​ക​ളു​ടെ ഒ​രു പ​ര​ന്പ​ര സ​ർ​ഗ​ക്ഷേ​ത്ര​യി​ൽ എ​ത്തു​ന്ന കാ​ൻ​സ​ർ രോ​ഗി​ക​ളി​ൽ കാ​ണാം. എ​ല്ലാ പ്ര​തീ​ക്ഷ​യും ന​ഷ്ട​പ്പെ​ടു​ന്നി​ട​ത്ത് ദൈ​വം പ്ര​വ​ർ​ത്തി​ച്ചുതു​ട​ങ്ങും എ​ന്ന പ്ര​ത്യാ​ശാ​വാ​ക്കു​ക​ളി​ൽ ഒ​രു നി​മി​ഷം ഒ​രു നി​ശ്വാ​സ​ത്തോ​ടെയാണ് അ​വ​ർ മ​ട​ങ്ങി​പ്പോ​കു​ന്ന​ത്. പോ​കു​ന്പോ​ൾ ആ​ർ​ക്കെ​ന്നോ എ​വി​ടേ​ക്കെ​ന്നോ അ​റി​യാ​തെ ഓ​മ​നി​ച്ചു വ​ള​ർ​ത്തി​യ​ മു​ടി കാ​ൻ​സ​ർ രോ​ഗി​ക​ൾ​ക്കാ​യി ന​ൽ​കി​യ മ​ക്ക​ളെ ദൈ​വം മാ​നി​ക്കും എ​ന്ന അ​നു​ഗ്ര​ഹ​വാ​ക്കു കൂ​ടി പ​റ​യും.

ന​മ്മ​ളൊ​ന്ന്

മ​ത​മോ ജാ​തി​യോ സ​ന്പ​ത്തോ നോ​ക്കാ​തെ​യാ​ണ് മു​ടി ന​ല്കു​ന്ന​വ​രും വി​ഗ്ഗി​നാ​യി വ​രു​ന്ന​വ​രും സ​ർ​ഗ​ക്ഷേ​ത്ര​യി​ലെ​ത്തു​ന്ന​ത്. ഈ ​കാ​രു​ണ്യ​പ്ര​വ​ർ​ത്ത​ന​ത്തി​ൽ പ​ങ്കാ​ളി​യാ​കാ​ൻ ഞാ​ൻ എ​ന്തു ചെ​യ്യ​ണ​മെ​ന്നു വി​ഗ്ഗ് സൗ​ജ​ന്യ​മാ​യി സ്വീ​ക​രി​ക്കു​ന്ന​വ​ർ ചോ​ദി​ക്കും. അ​വ​രെ​പ്പോ​ലെ​യുള്ള മ​റ്റൊ​രു രോ​ഗി​ക്കായി ഒ​രു വി​ഗ്ഗ് നി​ർ​മി​ച്ചു ന​ൽ​കാം എ​ന്ന് പ​റ​യു​മെ​ങ്കി​ലും പ​ല​ർ​ക്കും അ​തു സാ​ധി​ക്കാ​റി​ല്ല. പ​ക്ഷേ, അ​വ​രു​ടെ വാ​ക്കു​ക​ൾ സ​ർ​ഗ​ക്ഷേ​ത്ര​യു​ടെ കാ​രു​ണ്യ പ്ര​വ​ർ​ത്ത​ന​ത്തി​ന് ഒ​രു പ്രോ​ത്സാ​ഹ​ന​മാ​ണ്.

വ​രും ത​ല​മു​റ​യെ കാ​ൻ​സ​റി​ന്‍റെ കെ​ണി​യി​ൽ നി​ന്നും വി​ടു​വി​ക്കാ​നാ​യി കേ​ര​ള​ത്തി​ലെ സ്കൂ​ൾ കോ​ളേ​ജ് ത​ല​ത്തി​ൽ കാ​ൻ​സ​ർ ബോ​ധ​വ​ൽ​ക്ക​ര​ണ ക്ലാ​സ്സു​ക​ൾ, സ​ന്ദേ​ശ​യാ​ത്ര​ക​ൾ, എ​ക്സി​ബി​ഷ​നൂ​ക​ൾ, മെ​ഡി​ക്ക​ൽ ക്യാ​ന്പു​ക​ൾ എ​ന്നി​വ സം​ഘ​ടി​പ്പി​ച്ചു, ഒ​രു ക്യാ​ൻ​സ​ർ വി​മു​ക്ത കേ​ര​ള​മാ​ക്കി​മാ​റ്റാ​ൻ സ​ർ​ഗ​ക്ഷേ​ത്ര അ​ക്ഷീ​ണം പ്ര​യ​ത്നി​ച്ചു​കൊ​ണ്ടി​രി​ക്കു​ക​യാ​ണ്. നി​ങ്ങ​ൾ ഒ​പ്പ​മു​ണ്ടെ​ന്ന ധൈ​ര്യ​മാ​ണ് ഞ​ങ്ങ​ളെ മു​ന്നോ​ട്ടു​കൊ​ണ്ടു​പോ​കു​ന്ന​ത് . സ​ർ​ഗ​ക്ഷേ​ത്ര​യു​ടെ ഡ​യ​റ​ക്ട​ർ ഫാ. ​അ​ല​ക്സ് പ്രാ​യി​ക്ക​ളം സി​എം​ഐ പ​റ​യു​ന്നു.

ജെറിൻ ജോസ്



ഇ​നി​യും എ​ന്‍റെ മു​ടി ത​ളി​ർ​ക്കും,
ഇ​തു​പോ​ലെ ഉള്ള​വ​ർ​ക്കായി..

ഹ​ർ​ഷ എ​ൻ.

അ​നൂ​ഭ​വ​ങ്ങ​ളാ​ണ് ന​മ്മു​ടെ തീ​രൂ​മാ​ന​ങ്ങ​ൾ മാ​റ്റി ചി​ന്തി​ക്കാ​ൻ പ്രേ​രി​പ്പി​ക്കു​ന്ന​ത്. എ​ന്‍റെ കോ​ളേ​ജ് കാ​ല​ത്ത് ഉ​ണ്ടാ​യ അ​നു​ഭ​വം പി​ന്നീ​ട് എ​ന്‍റെ മ​ന​സ്സി​നെ വ​ല്ലാ​തെ വേ​ദ​നി​പ്പി​ക്കു​ക​യു​ണ്ടാ​യി. അ​ടു​ത്ത സു​ഹൃ​ത്തി​ന് ക്യാ​ൻ​സ​ർ ബാ​ധി​ക്കു​ക​യും, അ​വ​നി​ലൂ​ടെ ഞാ​ൻ ഈ ​രോ​ഗ​ത്തെ​പ്പ​റ്റി കൂ​ടു​ത​ൽ മ​ന​സ്സി​ലാ​ക്കു​ക​യും ചെ​യ്തു. ക്യാ​ൻ​സ​ർ ബാ​ധി​ച്ച​വ​ർ​ക്ക് വേ​ണ്ടി എ​ന്നാ​ൽ ക​ഴി​യു​ന്ന എ​ന്തെ​ങ്കി​ലും ചെ​യ്യ​ണ​മെ​ന്ന് ഞാ​ൻ അ​ന്നെ​ടു​ത്ത തീ​രു​മാ​ന​മാ​ണ്. 3 വ​ർ​ഷ​ങ്ങ​ൾ​ക്ക് ശേ​ഷം എ​ന്‍റെ തീ​രു​മാ​നം നി​റ​വേ​റ്റാ​ൻ എ​ന്നെ സ​ഹാ​യി​ച്ച സ​ർ​ഗ​ക്ഷേ​ത്ര​യ്ക്ക് ന​ന്ദി. ഇ​നി​യും എ​ന്‍റെ മു​ടി ത​ളി​ർ​ക്കും ഇ​തു​പോ​ലെ​യു​ള്ള​വ​ർ​ക്കു​വേ​ണ്ടി..

മു​ടി ദാ​ന​ത്തി​ന്‍റെ അ​ർ​ത്ഥ​ത​ല​ങ്ങ​ൾ

പ്ര​ഫ. നി​ർ​മ​ൽ ജോ​സ് എ.
​ന​ജ​ത് കോ​ള​ജ് ഓ​ഫ് ന​ഴ്സിം​ഗ്, പു​റ​യാ​ർ

അ​ർ​ബു​ദം, ക്യാ​ൻ​സ​ർ എ​ന്നീ പ​ദ​ങ്ങ​ൾ ന​മ്മ​ൾ ആ​രും കേ​ൾ​ക്കാ​ൻ ഇ​ഷ്ട​പ്പെ​ടാ​ത്ത വാ​ക്കു​ക​ൾ ആ​ണ്. ജീ​വി​ത​ത്തി​ന്‍റെ ആ​രോ​ഗ്യകാ​ല​ത്തി​ൽ നി​ന്നു രോ​ഗ​ത്തി​ന്‍റെ അ​ര​ക്ഷി​താ​വ​സ്ഥ​യി​ലെ​ത്തു​ന്ന​വ​ർ​ക്കു താ​ങ്ങും ത​ണ​ലു​മാ​യി രോ​ഗ​വി​മു​ക്തി​യ​ലേ​ക്കു ന​യി​ക്കു​ന്ന, സ​ഹാ​യി​ക്കു​ന്ന ന​ഴ്സിം​ഗ് പ​രി​ശീ​ല​ന​രം​ഗ​ത്താ​ണു ഞാ​ൻ പ്ര​വ​ർ​ത്തി​ക്കു​ന്ന​ത്.

എ​ന്‍റെ പ​രി​ശീ​ലന സ​മ​യ​ത്തും, വി​ദ്യാ​ർ​ഥിക​ളു​ടെ പ​രി​ശീ​ല​ന സ​മ​യ​ത്തും പ​ല​പ്പോ​ഴും കാ​ൻ​സ​ർ വാ​ർ​ഡു​ക​ളി​ൽ സ​ന്ദ​ർ​ശി​ച്ചി​ട്ടു​ണ്ട്. ആ ​രോ​ഗി​ക​ൾ അ​നു​ഭ​വി​ച്ച നി​സഹാ​യാ​വ​സ്ഥ എ​ന്നെ എ​ന്നെ ഒ​ത്തി​രി വി​ഷ​മി​പ്പി​ച്ചി​ട്ടു​ണ്ട്. രോ​ഗ​പീ​ഡ​യു​ടെ ആ​ധി​ക്യവും ചി​കി​ത്സ​യു​ടെ പാ​ർ​ശ്വ​ഫ​ല​ങ്ങ​ളും അ​വ​രി​ലേ​ല്പി​ച്ച മാ​ന​സി​ക​വും ശാ​രീ​രി​ക​വു​മാ​യ ആ​ഘാ​ത​ങ്ങ​ൾ എ​ന്നെ വ​ല്ലാ​തെ അ​ല​ട്ടി​യി​രു​ന്നു. മുടി കൊ​ഴി​ഞ്ഞുപോ​കു​ന്പോ​ൾ അ​വ​ർ​ക്കു വേ​ദ​ന​യി​ല്ലെ​ങ്കി​ലും, മു​ടി​യി​ല്ലാ​ത്ത കു​റ​ച്ചുകാ​ലം അ​വ​രെ മാ​ന​സി​ക​മാ​യി വ​ള​രെ ത​ള​ർ​ത്തി​യി​രു​ന്നു. അ​വ​ർ​ക്ക് ആ​ത്മ​വി​ശ്വാ​സം ന​ൽ​കു​ന്ന കാ​ര്യ​ങ്ങ​ളാ​ണ് അ​പ്പോ​ൾ ചെ​യ്യേ​ണ്ട​ത്. മു​ടി ന​ഷ്ട​പ്പെ​ട്ട​വ​ർ​ക്ക് സാ​ന്ത്വ​ന​മേ​കാ​ൻ മു​ടി ത​ന്നെ ന​ൽ​ക​ണം. മു​ടി ദാ​നം ചെ​യ്യു​ന്ന​ത് വ​ള​രെ ന​ല്ല മാ​നു​ഷി​ക പ്ര​വ​ർ​ത്ത​ന​മാ​ണെ​ന്ന് എ​നി​ക്ക് തോ​ന്നി.

കേ​ശ​ദാ​ന​ത്തെ​ക്കു​റി​ച്ചും അ​തി​ന്‍റെ ആ​വ​ശ്യ​ക​ത​യെ​ക്കു​റി​ച്ചും വി​വി​ധ മാ​ധ്യ​മ​ങ്ങ​ളി​ൽ ക​ണ്ട വാ​ർ​ത്ത​ക​ളും എ​ന്നെ മു​ടി​ദാ​ന​ത്തി​ന് പ്രേ​രി​പ്പി​ച്ചു. കാ​ൻ​സ​ർ രോ​ഗി​ക​ൾ​ക്ക് സാ​ന്പ​ത്തി​ക സ​ഹാ​യം സ​ന്പ​ത്തു​ള്ള​വ​ർ​ക്കാ​ർ​ക്കും സന്മ​സുണ്ടെ​ങ്കി​ൽ എ​പ്പോ​ഴും സാ​ധ്യ​മാ​ണ്. എ​ന്നാ​ൽ മു​ടി​ ദാ​നം ചെ​യ്യ​ണ​മെ​ങ്കി​ൽ ന​ല്ല മു​ടി​യും ന​ല്ല മ​ന​സുമു​ള്ള സ്ത്രീ​ക​ൾ​ക്കേ ക​ഴി​യു​ക​യു​ള്ളൂ എ​ന്നോ​ർ​ത്ത​പ്പോ​ൾ എ​ന്‍റെ നീ​ള​മു​ള്ള മു​ടി ന​ൽ​ക​ണം എ​ന്നു തീ​രു​മാ​നി​ച്ചു.

വി​ദ്യാ​ർ​ഥിക​ൾ സാ​മൂ​ഹി​ക പ്ര​തി​ബ​ദ്ധ​ത​യു​ള്ള​വ​രാ​ണ്. ത​ങ്ങ​ളു​ടെ അ​ഴ​കും നീ​ള​വു​മു​ള്ള മു​ടി ദാ​നം ചെ​യ്യാ​ൻ അ​വ​ർ നേ​രി​ട്ടി​റ​ങ്ങു​ന്പോ​ൾ അ​തു സ​മൂ​ഹ​ത്തി​ന് പ്ര​ചോ​ദ​ന​മേ​കു​മെ​ന്ന് ഉ​റ​പ്പാ​ണ്. അ​വ​യ​വ​ദാ​ന​ത്ത​ന്‍റെ അതേ പ്രാ​ധാ​ന്യം ത​ന്നെ​യാ​ണ് മു​ടി ദാ​ന​ത്തി​നും ഉ​ള്ള​തെ​ന്ന് ഞാ​ൻ തി​രി​ച്ച​റി​ഞ്ഞു എ​ന്ന​താ​ണ് ഈ ​പ്രവൃ​ത്തി​കൊ​ണ്ട് നേ​ടി​യ ജ്ഞാ​നം. കൊ​ടു​ക്കുന്പോ​ഴാ​ണ് ഉ​ണ്ടാ​യി​രു​ന്ന​തി​ന് അ​ർ​ഥ​വും പ്രാ​ധാ​ന്യ​വും ഉ​ണ്ടാ​കു​ന്ന​തെ​ന്ന ല​ളി​ത യാ​ഥാ​ർ​ഥ്യം തി​രി​ച്ച​റി​ഞ്ഞ​താ​ണ് മു​ടി ദാ​നം എ​ന്നെ പ​ഠി​പ്പി​ച്ച പാ​ഠം!

ഹേ​മ

എ​ന്‍റെ പേ​ര് ഹേ​മ, ഞാ​ൻ ഒ​രു ബി​രു​ധ വി​ദ്യാ​ർ​ഥി​യാ​ണ്, സ​മൂ​ഹ നന്മയ്ക്കാ​യ് എ​ന്തെ​ങ്കി​ലും ചെ​യ്യ​ണം എ​ന്ന ഉ​ദ്ദേ​ശ​ശു​ദ്ധി​യോ​ടെ​യാ​ണ് ഞാ​ൻ എ​ന്‍റെ മു​ടി ഒ​രു കാ​ൻ​സ​ർ രോ​ഗി​ക്കാ​യി മു​റി​ച്ചു​ന​ൽ​കി​യ​ത്. കൂ​ടാ​തെ എ​ന്‍റെ അ​മ്മ ഒ​രു കാ​ൻ​സ​ർ രോ​ഗി​യാ​ണ്. മൂ​ന്നു വ​ർ​ഷം മു​ന്പ് ചി​കി​ത്സ​യെത്തു​ട​ർ​ന്ന് അ​മ്മ​യു​ടെ മു​ടി​യെ​ല്ലാം പോ​യ​പ്പോ​ൾ രോ​ഗ​ത്തേ​ക്കാ​ൾ ഉ​പ​രി പു​റ​ത്തൊ​ന്നും പോ​കാ​തെ ഭ​യ​ങ്ക​ര മാ​ന​സി​ക വി​ഷ​മ​ത്തി​ലാ​യി​രു​ന്നു.

അ​ങ്ങ​നെ ഒ​രു ദി​വ​സം കീ​മോ​ചെ​യ്യാ​ൻ ഹോ​സ്പി​റ്റ​ലി​ൽ പോ​യ​പ്പോ​ഴാ​ണ് ചെ​ത്തി​പ്പു​ഴ കേ​ന്ദ്ര​മാ​ക്കി പ്ര​വ​ർ​ത്തി​ക്കു​ന്ന സ​ർ​ഗ​ക്ഷേ​ത്ര​യി​ൽ രോ​ഗി​ക​ൾ​ക്കാ​യി വി​ഗ്ഗ് ന​ൽ​കു​ന്ന വി​വ​രം. അ​റി​ഞ്ഞ​ത്. തു​ട​ർ​ന്ന് അ​വ​രു​മാ​യി ബ​ന്ധ​പ്പെ​ട്ട​പ്പോ​ഴാ​ണ്. തീ​ർ​ത്തും സൗ​ജ​ന്യ​മാ​യ വി​ഗ്ഗ് ദാ​ന പ​ദ്ധ​തി​യ​ക്കു​റി​ച്ച് അ​റി​ഞ്ഞ​ത്. സു​മ​ന​സുക​ൾ മു​റി​ച്ചുകൊ​ടു​ക്കു​ന്ന മു​ടി കാ​ൻ​സ​ർ രോ​ഗി​ക​ൾ​ക്കാ​യി വി​ഗ് നി​ർ​മിച്ചു​കൊ​ടു​ക്കു​ക​യാ​ണ്. എ​ന്‍റെ ജീ​വി​ത​ത്തി​ൽ​നി​ന്ന് നേ​രി​ട്ടു​ള്ള അ​നു​ഭ​വ​മാ​ണ് എ​ന്‍റെ മു​ടി മു​റി​ച്ചു​ന​ൽ​കി ഇ​ങ്ങ​നെ​യൊ​രു കാ​രു​ണ്യ​പ്ര​വൃത്തി​യി​ൽ പ​ങ്കാ​ളി​യാ​കാ​ൻ കൂ​ടു​ത​ൽ പ്ര​ചോ​ദ​ന​മാ​യ​ത്.

ജ​യ്ന​മ്മ സൂ​സ​ൻ

ര​ണ്ടാ​മ​ത്തെ കീ​മോ​ചെ​യ്യാ​ൻ ആ​ശു​പ​ത്രി​യി​ലി​രി​ക്കു​ന്പോ​ഴാ​ണ് എ​ന്‍റെ അ​തേ അ​വ​സ്ഥ​യി​ലു​ള്ള ഒ​രു ചേ​ച്ചി സ​ർ​ഗ​ക്ഷേ​ത്ര​യി​ൽ വി​ഗ്ഗ് കൊ​ടു​ക്കു​ന്ന​തി​നെ​ക്കു​റി​ച്ചു പ​റ​ഞ്ഞ​ത്. എ​ന്‍റെ മോൾ​ടെ ഏ​റ്റ​വും വ​ലി​യ​വി​ഷ​മം എ​ന്‍റെ മു​ടി​യി​ല്ലാ​ത്ത രൂ​പം കാ​ണു​ന്ന​താ​ണ്, മാ​ത്ര​മ​ല്ല മു​ടി​യി​ല്ലാ​ത്തതു കാ​ര​ണം പു​റത്തേ​ക്ക് ഇ​റ​ങ്ങാ​നും ബു​ദ്ധി​മു​ട്ടാ​യി​രു​ന്നു.

അ​ങ്ങ​നെ ഞാ​ൻ സ​ർ​ഗ​ക്ഷേ​ത്ര​യു​ടെ ഡ​യ​റ​ക്ട​ർ അ​ച്ച​നു​മാ​യി സം​സാ​രി​ച്ചു. വി​ഗി​നു​ള്ള അ​ള​വ് കൊ​ടു​ത്ത് ര​ണ്ടാ​ഴ്ച​യ്ക്കു​ള്ളി​ൽ എ​നി​ക്ക് വി​ഗ്ഗ് ല​ഭി​ച്ചു. അ​വി​ടെ ചെ​ന്ന​പ്പോ​ഴാ​ണ് ഞ​ങ്ങ​ളെ പോ​ലു​ള്ള അ​ർ​ബൂ​ദ രോ​ഗി​ക​ൾ​ക്കാ​യി മു​ടി ദാ​ന​മാ​യി ന​ൽ​കു​ന്ന ഒ​രു​പാ​ട് ന​ല്ല​യാ​ളു​ക​ൾ ന​മ്മു​ടെ ഇ​ട​യി​ൽ​ഉ​ണ്ട് എ​ന്ന് മ​ന​സി​ലാ​യ​ത്. ഇ​ങ്ങ​നെ​യൊ​രു കാ​രു​ണ്യ​പ്ര​വൃത്തി​ക്കു മു​ന്നി​ട്ടി​റ​ങ്ങി​യ സ​ർ​ഗ​ക്ഷേ​ത്ര​യ്ക്ക് എ​ല്ലാ​വി​ധ പ്രാ​ർ​ഥനാ​മം​ഗ​ള​ങ്ങ​ളും നേ​രു​ന്നു.


Copyright @ 2022 , Rashtra Deepika Ltd.