ഇനി മേലിൽ സാമൂഹ്യസേവനത്തിന് ഇറങ്ങില്ല: ചങ്കുതകർന്ന് ജൂഡിന്‍റെ ഫേസ്ബുക്ക് പോസ്റ്റ്

Wednesday, April 5, 2017 9:47 PM IST

കൊച്ചി മേയർ സൗമിനി ജെയിനെ ഭീഷണിപ്പെടുത്തിയെന്ന ആരോപണത്തിൽ വിശദീകരണവുമായി സംവിധായകൻ ജൂഡ് ആന്‍റണി ജോസഫ്. ഫേസ്ബുക്ക് പോസ്റ്റിലൂടെയാണ് അദ്ദേഹം തന്‍റെ ഭാഗം വിശദീകരിക്കുന്നത്. കേസിൽ ബുധനാഴ്ച രാത്രി അറസ്റ്റിലായ ജൂഡ് വൈകാതെ തന്നെ ജാമ്യത്തിലിറങ്ങിയിരുന്നു. ഇതിനു പിന്നാലെയാണ് ഹൃദയഭേദകമായ ഫേസ്ബുക്ക് പോസ്റ്റ്. ചങ്കു തകർന്നാണ് താൻ ഈ കുറിപ്പെഴുതുന്നതെന്ന ആമുഖത്തോടെയാണ് ജൂഡ് പോസ്റ്റ് തുടങ്ങുന്നത്.

നിവിൻ പോളി അഭിനയിക്കുന്ന, കുട്ടികൾക്കെതിരേയുള്ള അതിക്രമങ്ങളെക്കുറിച്ച് ബോധവത്കരണം നൽകുന്ന ഷോർട്ട് ഫിലിമിന്‍റെ ഷൂട്ടിങ്ങിനായാണ് സുഭാഷ് പാർക്ക് ആവശ്യപ്പെട്ടത്. എന്നാൽ പാർക്ക് വിട്ടുനൽകില്ലെന്ന നിലപാടിലായിരുന്നു മേയർ. കാലികപ്രസക്തിയുള്ള വിഷയവുമായി ബന്ധപ്പെട്ട ചിത്രമായതിനാൽ മന്ത്രിയടക്കമുള്ളവർ പാർക്ക് ഷൂട്ടിംഗിന് നൽകണമെന്ന് മേയറോട് ആവശ്യപ്പെട്ടിരുന്നുവെന്നും എന്നാൽ പാർക്ക് വിട്ടുനൽകില്ലെന്ന കടുത്ത നിലപാടാണ് മേയർ സ്വീകരിച്ചതെന്നും ജൂഡ് പറയുന്നു. മോശമായി പെരുമാറിയെന്നു കാട്ടി അന്നു തന്നെ മേയർ കേസ് നല്കി. ഇതേത്തുടർന്ന് സംഭവത്തിൽ മാപ്പ് പറയാൻ തയാറായി ഒാഫീസിൽ എത്തിയെങ്കിലും മേയർ പരാതിയുമായി മുന്നോട്ടുപോകുകയായിരുന്നുവെന്നും ജൂഡ് പറഞ്ഞു.

ബോധിനിയുടെ സഹകരണത്തോടെ നിർമിക്കുന്ന ഷോർട്ട് ഫിലിമിൽ പ്രതിഫലം മേടിക്കാതെയാണ് നിവിൻ പോളിയും താനും പങ്കുചേർന്നത്. പാർക്ക് ലഭിക്കാത്തതിനെത്തുടർന്ന് മറ്റൊരു സ്ഥലത്ത് ചിത്രത്തിന്‍റെ ഷൂട്ടിംഗ് പൂർത്തിയാക്കിയെന്നും ജൂഡ് പറയുന്നു.

ജൂഡ് ആന്‍റണിയുടെ ഫേസ്ബുക്ക് പോസ്റ്റ്:

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.