ആംബുലൻസിന് കടന്നുപോകാൻ രാഷ്ട്രപതിയുടെ വാഹനം തടഞ്ഞു; പോലീസുകാരന് അഭിനന്ദനപ്രവാഹം

Tuesday, June 20, 2017 4:49 AM IST

രാഷ്ട്രപതി പ്രണാബ് മുഖർജിയുടെ വാഹനവ്യൂഹം തടഞ്ഞ് ആംബുലൻസ് കടത്തി വിട്ട പോലീസ് ഉദ്യോഗസ്ഥന് അഭിനന്ദനപ്രവാഹം. ട്രാഫിക് പൊലീസ് സബ് ഇൻസ്പെകടർ എം.എൽ.നിജലിംഗപ്പയുടെ നടപടിക്കാണ് കൈയ്യടി ലഭിച്ചത്. കഴിഞ്ഞ ശനിയാഴ്ച ബംഗളൂരുവിലെ ട്രിനിറ്റി സർക്കിളിലെ തിരക്കേറിയ റോഡിലൂടെ എത്തിയ രാഷ്ട്രപതിയുടെ വാഹനവ്യൂഹം നിജലിംഗപ്പ തടഞ്ഞ ശേഷം ആംബുലൻസ് കടത്തിവിടുകയായിരുന്നു. സംഭവത്തിന്‍റെ വീഡിയോ അടക്കം സോഷ്യൽ മീഡിയയിൽ എത്തിയതോടെ നിജലിംഗപ്പ താരമാകുകയായിരുന്നു.

മെട്രോ ഗ്രീൻ ലൈൻ ഉദ്ഘാടനത്തിനായി എത്തിയ രാഷ്ട്രപതിയുടെ വാഹനവ്യൂഹം രാജ്ഭവനിലേക്ക് പോകുന്പോൾ ആംബുലൻസ് എത്തുകയായിരുന്നു. ഇക്കാര്യം ശ്രദ്ധയിൽപ്പെട്ട നിജലിംഗപ്പ വാഹനവ്യൂഹത്തെ അൽപസമയം വഴിയിൽ തടഞ്ഞിട്ട ശേഷം ആംബുല ൻസിനെ കടത്തുപോകാൻ അനുവദിക്കുകയായിരുന്നു. എച്ച്എഎൽ സ്വകാര്യ ആശുപത്രിയിലേക്കാണ് ആംബുലൻസ് പോയത്.

രോഗിയുടെ ജീവന്‍ രക്ഷിക്കാൻ രാഷ്ട്രപതിയുടെ വാഹനവ്യൂഹം തടഞ്ഞ നിജലിംഗപ്പയെ പ്രശംസിച്ച് ട്രാഫിക് ഈസ്റ്റ് ഡിസിപിയും കമ്മിഷണർ പ്രവീൺ സൂദ് ഐപിഎസും അടക്കമുള്ളവർ രംഗത്തെത്തിയിട്ടുണ്ട്. പോലീസ് ഉദ്യോഗസ്ഥന് പ്രതിഫലവും പ്രഖ്യാപിച്ചിട്ടുണ്ട്.

PSI Sh Nijlingappa is rewarded for deftly allowing the ambulance before the 1st citizen of India. @blrcitytraffic gives way to 🚑, do you? pic.twitter.com/KoI2nap14N
— DCP Traffic East (@DCPTrEastBCP) June 18, 2017

The policeman who took such initiative to be rewarded. Well done! @AddlCPTraffic 👍👍 https://t.co/GJhFVBrAap
— Praveen Sood IPS (@CPBlr) June 18, 2017

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.