വീടു കാവലിന് ഇനി നായ റോബട്ടുകൾ

Thursday, July 26, 2018 9:30 AM IST

വീട്ടുജോലിക്ക് ആളെ കിട്ടുന്നില്ലെന്ന പരാതിയുള്ളവർക്ക് ഒരു സന്തോഷ വാർത്ത. പണംമുടക്കാൻ തയ്യാറാണെങ്കിൽ വീട്ടുപണിക്ക് റോബട്ടുകളെകിട്ടും.നായ റോബട്ടുകളെ. ബോസ്റ്റണ്‍ ഡൈനാമിക്സ് എന്ന അമേരിക്കൻ കന്പനിയാണ് വളർത്തുനായകളെപ്പോലെ പെരുമാറുന്ന റോബട്ടുകൾ നിർമിച്ചിരിക്കുന്നത്.

സ്പോട്ട് മിനി എന്നാണ് ഈ നായ റോബട്ടുകളുടെ പേര്. നാലു കാലിൽ ഓടാനും ചാടാനും സ്റ്റെപ്പുകൾ കയറാനുമൊക്കെ ഇവയ്ക്കു കഴിയും. വീട്ടുടമയുടെ നിർദേശങ്ങൾ സ്വീകരിച്ച് ജോലികൾ ചെയ്യാനുമാകും. സ്പോട്ട് മിനിയുടെ പ്രവർത്തനങ്ങൾ വിശദീകരിച്ചുകൊണ്ടുള്ള വീഡിയോ ദൃശ്യം ബോസ്റ്റണ്‍ ഡൈനാമിക്സ് പുറത്തുവിട്ടു.

നിലവിൽ 50 ഓളം കുടുംബങ്ങളിൽ നായ റോബട്ടുകൾ പരീക്ഷണാടിസ്ഥാനത്തിൽ ജോലിചെയ്യുന്നുണ്ടെന്നും അടുത്തവർഷം മുതൽ വ്യവസായ അടിസ്ഥാനത്തിൽ പുറത്തിറക്കുമെന്നും ബോസ്റ്റണ്‍ ഡൈനാമിക്സ് സ്ഥാകൻ മാർക് റെയ്ബേർട്ട് പറഞ്ഞു. മനുഷ്യന് പ്രവർത്തിക്കാൻ കഴിയാത്ത സാഹചര്യങ്ങളിൽ ദുരിതാശ്വാസ പ്രവർത്തനങ്ങൾക്കുംമറ്റുമായി ഇവയെ ഉപയോഗിക്കാമെന്നും അദ്ദേഹം കൂട്ടിച്ചേർത്തു.

റീച്ചാർജബിൾ ബാറ്ററിയാണ് നായ റോബട്ടുകളിലെ ഉൗർജസ്രോതസ്. ഏകദേശം 29 കിലോഗ്രാം ഭാരമുണ്ട്. വില പ്രഖ്യാപിച്ചിട്ടില്ല

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.