മ​ഞ്ജു​വ​ല്ല, മ​ഞ്ജു​ലു​ദ്ദീ​ൻ....! ആ​മി​യാ​കു​ന്ന മ​ഞ്ജു​വി​ന് ഫേ​സ്ബു​ക്കി​ൽ ചീ​ത്തവിളി
കമൽ സംവിധാനം ചെയ്യുന്നു എന്നതിന്‍റെ പേരിൽ അടുത്തിടെ ഏറ്റവും അധികം വിവാദമുണ്ടാക്കിയ ചിത്രമാണ് "ആമി'. ചലച്ചിത്ര മേളയിലെ ദേശീയഗാന വിവാദവും തുടർന്ന് ആമിയാകേണ്ടിയിരുന്ന വിദ്യാ ബാലന്‍റെ പിൻമാറ്റവും എല്ലാം വാർത്തകളിൽ സ്ഥാനം പിടിച്ചിരുന്നു. വിദ്യാ ബാലൻ പിൻമാറിയ ശേഷം കമൽ കണ്ടെത്തിയ പുതിയ ആമി മഞ്ജു വാര്യർക്കെതിരേയാണ് ഇപ്പോൾ സൈബർ ആക്രമണം. തന്‍റെ ആമിയാകുന്നത് മഞ്ജുവാണെന്ന് കമൽ പ്രഖ്യാപിച്ചതിന് പിന്നാലെ "കമൽ വിരോധികൾ' എല്ലാം കൂടി സംഘമായി രംഗപ്രവേശനം ചെയ്യുകയായിരുന്നു. മഞ്ജുവിന്‍റെ ഫേസ്ബുക്ക് പേജ് നിറയെ അസഭ്യവും ഭീഷണിയും. അങ്ങനെ കമലും അതുവഴി ആമിയും വീണ്ടും വാർത്തകളിൽ നിറഞ്ഞിരിക്കുകയാണ്.

ആമിയുടെ പ്രഖ്യാപനത്തിന് ശേഷം മഞ്ജു ഫേസ്ബുക്ക് പേ​ജി​ൽ പോ​സ്റ്റ് ചെ​യ്ത കെ​യ​ർ ഓ​ഫ് സൈ​റാ ബാ​നു എ​ന്ന ചി​ത്ര​ത്തി​ന്‍റെ പോ​സ്റ്റ​റി​നു താ​ഴെ​യും കമൽ വിരോധികളുടെ ക​മ​ന്‍റു​ക​ളെ​ത്തി. മ​ഞ്ജു വാ​ര്യ​ര​ല്ല, മ​ഞ്ജു​ലു​ദ്ദീ​ൻ എ​ന്നും ക​മ​ന്‍റ് ചെ​യ്താ​ണ് ചി​ല​ർ മ​ഞ്ജു​വി​നെ​തി​രേ ആ​ക്ര​മ​ണ​മ​ഴി​ച്ചു​വി​ട്ട​ത്. ആ​മി​യി​ലെ വേ​ഷം മ​ഞ്ജു ഏ​റ്റെ​ടു​ത്താ​ൽ ഉ​ണ്ടാ​കു​ന്ന ഭ​വി​ഷ്യ​ത്തു​ക​ളെ​ക്കു​റി​ച്ചും പ​ല​രും ഓർമിപ്പിക്കുന്നുണ്ട്. വ​ർ​ഗീ​യ​ത സൃ​ഷ്ടി​ക്കു​ന്ന ക​മ​ലി​ന്‍റെ ചി​ത്ര​ങ്ങ​ൾ ആ​രും കാ​ണ​രു​തെ​ന്നാണ് ചില സംഘപരിവാറുകാരുടെ ഉപദേശം.

ബി​ജെ​പി​ക്ക് എ​തി​രേ​യു​ള്ള ക​മ​ലി​ന്‍റെ വി​മ​ർ​ശ​ന​ങ്ങ​ളെ പി​ന്തു​ണ​ച്ച​തി​ന് മ​ഞ്ജു​വി​നു കി​ട്ടി​യ കൂ​ലി​യാ​ണ് മാ​ധ​വി​ക്കു​ട്ടി​യു​ടെ വേ​ഷ​മെ​ന്നാണ് ചിലരുടെ കണ്ടെത്തൽ. മ​ഞ്ജു​വി​ന്‍റെ വ്യ​ക്തി​ജീ​വി​ത​ത്തെ​യും ചേ​ർ​ത്ത് തെ​റി​വി​ളി​യു​മു​ണ്ടാ​യി. മഞ്ജുവിന് ആമിയുടെ വേഷം നൽകിയതിന് പിന്നാലെ മുൻ ഭർത്താവ് ദിലീപ് സംവിധായകൻ കമലിനെ വിളിച്ച് ഭീഷണിപ്പെടുത്തിയെന്നും ആരോപണങ്ങളുണ്ട്.

ഇ​തോ​ടെ പ്ര​തി​ക​ര​ണ​വു​മാ​യി മ​ഞ്ജു ത​ന്നെ രം​ഗ​ത്തെ​ത്തി. സം​വി​ധാ​യ​ക​ൻ ക​മ​ലി​നെ ചു​റ്റി​പ്പ​റ്റി​യു​ള​ള രാ​ഷ്ട്രീ​യ​ച​ർ​ച്ച​ക​ളി​ലെ പ​ക്ഷം​ചേ​ര​ലാ​യി ഇ​തി​നെ വ്യാ​ഖ്യാ​നി​ക്ക​രു​തെ​ന്നും ത​ന്‍റെ രാ​ഷ്ട്രീ​യ​ത്തി​ന്‍റെ പ്ര​ഖ്യാ​പ​ന​മ​ല്ല ആമിയെന്നും മ​ഞ്ജു ഫേ​സ്ബു​ക്ക് പോ​സ്റ്റി​ൽ അ​റി​യി​ച്ചു.

മ​ഞ്ജു​വി​ന്‍റെ ഫേ​സ്ബു​ക്ക് പോ​സ്റ്റ്: