ജീവിതം മാറും, ഏപ്രിൽ ഒന്നു മുതൽ..!
Thursday, March 30, 2017 10:49 PM IST
ശനിയാഴ്ച ഏ​പ്രി​ൽ ഒ​ന്ന്. പു​തി​യ ധ​ന​കാ​ര്യ വ​ർ​ഷം പി​റ​ക്കു​ന്നു. നിത്യജീവിതത്തെ ബാധിക്കുന്ന നി​ര​വ​ധി മാ​റ്റ​ങ്ങ​ൾ​ക്കു തു​ട​ക്കം കു​റി​ക്കു​ന്നു.

പ​ണ​മി​ട​പാ​ടി​നു പ​രി​ധി


ശനിയാഴ്ച മു​ത​ൽ പ്ര​തി​ദി​ന പ​ണ​മി​ട​പാ​ടി​നു ര​ണ്ടു ല​ക്ഷം രൂ​പ പ​രി​ധി ഉ​ണ്ട്. ബ​ജ​റ്റി​ൽ മൂ​ന്നു ല​ക്ഷം പ​റ​ഞ്ഞ​തു പി​ന്നീ​ട് ര​ണ്ടു ല​ക്ഷ​മാ​യി കു​റ​ച്ചു. വ്യ​വ​സ്ഥ ലം​ഘി​ച്ചാ​ൽ ഇ​ട​പാ​ടു​ തു​ക​യോ​ളം പി​ഴ​ ഈ​ടാ​ക്കും. ഒ​രു ദി​വ​സം ഒ​രു കാ​ര്യ​ത്തി​നാ​യു​ള്ള ഇ​ട​പാ​ടി​നാ​ണു പ​രി​ധി. കൂ​ടു​ത​ൽ തു​ക​യ്ക്കു​ള്ള ഇ​ട​പാ​ടി​ന് അ​ക്കൗ​ണ്ട് പേ​യീ ചെ​ക്ക്, ഡി​മാ​ൻ​ഡ് ഡ്രാ​ഫ്റ്റ്, ഇ​ല​ക്‌​ട്രോ​ണി​ക് ട്രാ​ൻ​സ്‌​ഫ​ർ തു​ട​ങ്ങി​യ​വ ഉ​പ​യോ​ഗി​ക്കാം.

എ​സ്ബി​ടി ഇ​നി​യി​ല്ല

ശനിയാഴ്ച ​മു​ത​ൽ സ്റ്റേ​റ്റ് ബാ​ങ്ക് ഓ​ഫ് ട്രാ​വ​ൻ​കൂ​ർ നി​ല​വി​ലി​ല്ല. എ​സ്ബി​ടി ശാ​ഖ​ക​ളും ഓ​ഫീ​സു​ക​ളും സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ ഓ​ഫീ​സു​ക​ളാ​കും. ഇ​ട​പാ​ടു​കാ​ർ പ്ര​ത്യേ​ക​മാ​യി ഒ​ന്നും ശ്ര​ദ്ധി​ക്കേ​ണ്ട​തി​ല്ല. പ​തി​വു​പോ​ലെ ഇ​ട​പാ​ടു​ക​ൾ തു​ട​രാം. പു​തി​യ എ​ടി​എം കാ​ർ​ഡും ചെ​ക്ക് ബു​ക്കും പാ​സ് ബു​ക്കും എ​ത്തും​വ​രെ പ​ഴ​യ​വ ഉ​പ​യോ​ഗി​ക്കാം. പു​തി​യ​വ മൂന്നു മാസത്തിനകം എ​ത്തും. ക്ര​മേ​ണ ചി​ല ശാ​ഖ​ക​ൾ നി​ർ​ത്ത​ലാ​ക്കു​ന്പോ​ൾ അ​ടു​ത്ത ശാ​ഖ​യി​ലേ​ക്ക് ഇ​ട​പാ​ട് മാ​റും. നി​ക്ഷേ​പ​ പ​ലി​ശ​യി​ലോ വാ​യ്പാ​ പ​ലി​ശ​യി​ലോ മാ​റ്റ​മി​ല്ല. അ​ക്കൗ​ണ്ട് ന​ന്പ​രി​ലും ഐ​എ​ഫ്എ​സ്‌​സി കോ​ഡി​ലും മാ​റ്റ​മി​ല്ല.

നി​കു​തി കു​റ​യും

ശനിയാഴ്ച മു​ത​ലു​ള്ള വ​രു​മാ​ന​ത്തി​ന് ആദായ നി​കു​തി കു​റ​യും. 2.5 ല​ക്ഷം രൂ​പ​ മു​ത​ൽ അ​ഞ്ചു​ ല​ക്ഷം രൂ​പ വ​രെ വ​രു​മാ​ന​മു​ള്ള​വ​ർ​ക്ക് 10 ശ​ത​മാ​ന​മാ​യി​രു​ന്ന ആ​ദാ​യ​നി​കു​തി അ​ഞ്ചു ശ​ത​മാ​ന​മാ​ക്കി. ഒ​പ്പം മൂ​ന്ന​ര​ല​ക്ഷം രൂ​പ ​വ​രെ വ​രു​മാ​ന​മു​ള്ള​വ​ർ​ക്ക് മു​ൻ വ​ർ​ഷ​മ​നു​വ​ദി​ച്ച ടാ​ക്സ് റി​ബേ​റ്റ് 5000 രൂ​പ​യി​ൽ​നി​ന്ന് 2500 രൂ​പ​യാ​യി കു​റ​ച്ചു. തന്മൂലം 3.5 ല​ക്ഷം രൂ​പ​വ​രെ വ​രു​മാ​ന​മു​ള്ള​വ​ർ​ക്കു നി​കു​തി ന​ൽ​കേ​ണ്ട​. അ​ഞ്ചു ല​ക്ഷം രൂ​പ വ​രെ വ​രു​മാ​ന​മു​ള്ള​വ​ർ​ക്ക് നി​കു​തി പ​കു​തി​യാ​കും. കൂ​ടു​ത​ൽ വ​രു​മാ​ന​മു​ള്ള​വ​ർ​ക്കു 12500 രൂ​പ​വ​രെ നി​കു​തി കു​റ​യും.

പു​തി​യ സ​ർ​ചാ​ർ​ജ്

50 ല​ക്ഷ​ത്തി​നും ഒ​രു കോ​ടി​ക്കു​മി​ട​യി​ൽ വ​രു​മാ​ന​മു​ള്ള​വ​ർ​ക്ക് നി​കു​തി​യു​ടെ പ​ത്തു​ ശ​ത​മാ​നം സ​ർ​ചാ​ർ​ജ് ചു​മ​ത്തി. ഒ​രു കോ​ടി​ക്കു​ മു​ക​ളി​ലു​ള്ള​വ​രു​ടെ 15 ശ​ത​മാ​നം സ​ർ​ചാ​ർ​ജ് തു​ട​രും.

ഒ​രു പേ​ജി​ൽ റി​ട്ടേ​ൺ

50 ല​ക്ഷം രൂ​പ വ​രെ ശ​ന്പ​ള​ വ​രു​മാ​ന​മു​ള്ള​വ​ർ​ക്ക് ഇ​നി ഒ​രു പേ​ജി​ലു​ള്ള ല​ളി​ത​മാ​യ ആ​ദാ​യ​ നി​കു​തി റി​ട്ടേ​ൺ ഫോം. ​അ​ഞ്ചു​ ല​ക്ഷം വ​രെ എ​ന്ന ബ​ജ​റ്റ് വാ​ഗ്ദാ​ന​മാ​ണു വി​പു​ല​മാ​ക്കി​യ​ത്. ശ​ന്പ​ള​ത്തി​നു പു​റ​മേ ഒ​രു കെ​ട്ടി​ട​ത്തി​ന്‍റെ വാ​ട​ക​വ​രു​മാ​ന​മേ ഉ​ണ്ടാ​കാ​വൂ. റി​ട്ടേ​ൺ യഥാസ​മയം ന​ൽ​കി​യി​ല്ലെ​ങ്കി​ൽ 10000 രൂ​പ വ​രെ​പി​ഴ.




പ​ഞ്ച​വ​ത്സ​രം മാ​റി, ത്രി​വ​ത്സ​ര​മാ​യി

ആ​സൂ​ത്ര​ണ ക​മ്മീ​ഷ​ൻ നി​ർ​ത്ത​ലാ​ക്കി​യ​തോ​ടെ പ​ഞ്ച​വ​ത്സ​ര പ​ദ്ധ​തി​ക​ൾ അ​വ​സാ​നി​ച്ചു. 12-‌ാം പ​ദ്ധ​തി ഇ​ന്നു പൂ​ർ​ത്തി​യാ​കും. ക​മ്മീ​ഷ​നു പ​ക​രം​വ​ന്ന നീ​തി ആ​യോ​ഗ് ത്രി​വ​ത്സ​ര ക​ർ​മ പ​രി​പാ​ടി നാ​ളെ മു​ത​ൽ ന​ട​പ്പാ​ക്കും. സ​മ​യ​ബ​ന്ധി​ത​മാ​കും പ​രി​പാ​ടി. ഓ​രോ ​ഘ​ട്ട​വും പൂ​ർ​ത്തീ​ക​രി​ച്ചി​ട്ടേ അ​ടു​ത്ത​തി​നു പ​ണം അ​നു​വ​ദി​ക്കൂ.




ഇ​നി ബി​എ​സ് -4 മാ​ത്രം

മ​ലി​നീ​ക​ര​ണ നി​യ​ന്ത്ര​ണം ക​ർ​ശ​ന​മാ​ക്കു​ന്ന​തി​ന്‍റെ ഭാ​ഗ​മാ​യി രാ​ജ്യ​ത്തു ബി​എ​സ്-4 മ​ാന​ദ​ണ്ഡം പാ​ലി​ക്കു​ന്ന വാ​ഹ​ന​ങ്ങ​ളേ വി​ല്ക്കാ​വൂ എ​ന്ന ച​ട്ടം നാ​ളെ പ്രാ​ബ​ല്യ​ത്തി​ലാ​കു​ന്നു. ബി​എ​സ്-3 ലുള്ള എ​ട്ട​ര​ല​ക്ഷ​ത്തോ​ളം വാ​ഹ​ന​ങ്ങ​ൾ വി​ല്ക്കാ​തെ ശേ​ഷി​ക്കു​ന്നു​ണ്ട്. ഇ​ന്നു​വ​രെ വി​റ്റ ബി​എ​സ് -3 വാ​ഹ​ന​ങ്ങ​ൾ ഏ​പ്രി​ലി​ൽ ര​ജി​സ്റ്റ​ർ ചെ​യ്യാം.



ഇ​ന്ധ​ന​വി​ല കു​റ​യും, ഇ​ൻ​ഷ്വ​റ​ൻ​സ് കൂ​ടും

പു​തി​യ ധ​ന​കാ​ര്യ​വ​ർ​ഷം വാ​ഹ​ന ഉ​ട​മ​ക​ൾ​ക്ക് ആ​ശ്വാ​സ​വും ഒ​പ്പം ഭാ​ര​വും ന​ല്കും. പെ​ട്രോ​ൾ, ഡീ​സ​ൽ വി​ല​ക​ൾ കു​റ​യും. വി​ദേ​ശ​ത്തു ഡീ​സ​ൽ വില പ​ത്തും പെ​ട്രോ​ൾ വി​ല അ​ഞ്ച​ര​യും ശ​ത​മാ​നം കു​റ​ഞ്ഞു. പെ​ട്രോ​ൾ ലി​റ്റ​റി​നു ര​ണ്ടും ഡീ​സ​ലി​നു മൂ​ന്നും രൂ​പ കു​റ​യ്ക്കാ​നാ​കു​മെ​ന്നാ​ണു പ്ര​തീ​ക്ഷ.ഇ​തേ​സ​മ​യം, തേ​ഡ് പാ​ർ​ട്ടി ഇ​ൻ​ഷ്വ​റ​ൻ​സ് പ്രീ​മി​യം കൂ​ടും. ചെ​റു​വാ​ഹ​ന​ങ്ങ​ൾ​ക്കു വ​ർ​ധ​ന​യി​ല്ല. സാ​ധാ​ര​ണ വാ​ഹ​ന ഇ​ൻ​ഷ്വ​റ​ൻ​സ് നി​ര​ക്ക് അ​ഞ്ചു​ ശ​ത​മാ​നം വ​രെ കൂ​ടും.

റെ​യി​ൽ​വേ​യി​ൽ വി​ക​ല്പ്

സാ​ധാ​ര​ണ മെ​യി​ൽ‌‌/എ​ക്സ്പ്ര​സ്/ഫാ​സ്റ്റ് പാ​സ​ഞ്ച​ർ ട്രെ​യി​നു​ക​ളി​ൽ സീ​റ്റ് ബു​ക്കു ചെ​യ്ത് വെ​യി​റ്റിം​ഗ് ലി​സ്റ്റി​ൽ ഉ​ള്ള​വ​ർ​ക്ക് പ്രീ​മി​യം ട്രെ​യി​നു​ക​ളി​ൽ അ​ധി​ക​ച്ചെ​ല​വി​ല്ലാ​തെ പോ​കാ​നു​ള്ള വ​ഴി​യാ​ണി​ത്. ബു​ക്കിം​ഗ് സ​മ​യ​ത്ത് വി​ക​ല്​പി​ൽ താ​ൽ​പ​ര്യ​മു​ണ്ടെ​ന്ന​റി​യി​ക്ക​ണം. രാ​ജ​ധാ​നി​യി​ലോ ശ​താ​ബ്ദി​യി​ലോ സീ​റ്റ് ഉ​ണ്ടെ​ങ്കി​ൽ നി​ങ്ങ​ൾ​ക്ക് എ​സ്എം​എ​സ് വ​രും. അ​ധി​ക​ച്ചെ​ല​വി​ല്ലാ​തെ അ​തി​ൽ പോ​കാം. ത​രം​താ​ണ ട്രെ​യി​നി​ലാ​ണു സീ​റ്റ് കി​ട്ടു​ന്ന​തെ​ങ്കി​ൽ അ​ധി​ക​ചാ​ർ​ജ് മ​ട​ക്കി​ത്ത​രി​ക​യു​മി​ല്ല. തു​ട​ക്ക​ത്തി​ൽ ഓ​ൺ​ലൈ​ൻ ബു​ക്കിം​ഗി​ലേ ഇ​ത​നു​വ​ദി​ക്കൂ. പി​ന്നീ​ട് കൗ​ണ്ട​റി​ലും കി​ട്ടും.

എ​സ്ബി​ഐ​യി​ൽ അ​ധി​ക ചാ​ർ​ജ്

സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ മി​നി​മം ബാ​ല​ൻ​സ് വ്യ​വ​സ്ഥ പു​നഃ​സ്ഥാ​പി​ക്കു​ന്നു. സേ​വിം​ഗ്സ് ബാ​ങ്കി​ൽ മി​നി​മം തു​ക ബാ​ല​ൻ​സി​ല്ലെ​ങ്കി​ൽ 20 രൂ​പ മു​ത​ൽ 100 രൂ​പ വ​രെ പി​ഴ. ക​റ​ന്‍റ് അ​ക്കൗ​ണ്ടി​ൽ പി​ഴ 500 രൂ​പ​യാ​കും. മ​റ്റു ഫീ​സു​ക​ളും കൂ​ടും. എ​ടി​എം ഇ​ട​പാ​ടു​ക​ൾ​ക്കു ചാ​ർ​ജ് വ​രും. 25000 രൂ​പ ബാ​ല​ൻ​സു​ള്ള​വ​ർ​ക്കു ക്രെ​ഡി​റ്റ് കാ​ർ​ഡ് ആ​വ​ശ്യ​പ്പെ​ടാ​തെ ത​ന്നെ ന​ൽ​കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.