പാർഥിപനെ തോല്പിക്കാനാവില്ല..! ആ​ദ്യ ബി​രു​ദപ​രീ​ക്ഷ​യി​ൽ തോറ്റു; പി​ന്നീ​ട് നേ​ടി​യ​ത് 145 ബി​രു​ദ​ങ്ങ​ൾ
Wednesday, September 20, 2017 5:39 AM IST
ജീ​വി​ത​ത്തി​ലു​ണ്ടാ​കു​ന്ന ഒ​രു പ​രാ​ജ​യ​മാ​യി​രി​ക്കും പി​ന്നീ​ടു​ള്ള വ​ലി​യ വി​ജ​യ​ങ്ങ​ൾ ക​ര​സ്ഥ​മാ​ക്കാ​ൻ ഓ​രോ​രു​ത്ത​ർ​ക്കും പ്ര​ചോ​ദ​ന​മാ​യി മാ​റു​ന്ന​ത്. അ​തി​നു​ള്ള ഏ​റ്റ​വും വ​ലി​യ ഉ​ദാ​ഹ​ര​ണ​മാ​ണ് ചെന്നൈ സ്വദേശിയായ പ്രഫ. വി.​എ​ൻ. പാ​ർ​ഥി​പന്‍റെ ജീ​വി​തം. ത​ന്‍റെ ആദ്യ ഡി​ഗ്രി പ​രീ​ക്ഷ​യി​ൽ പ​രാ​ജി​ത​നാ​യ അ​ദ്ദേ​ഹം പി​ന്നീ​ടു സ്വ​ന്ത​മാ​ക്കി​യ​ത് 145 ഡി​ഗ്രി​ക​ളാ​ണ്. ക​ഴി​ഞ്ഞ 30 വ​ർ​ഷ​ത്തെ പ്ര​യ​ത്ന​ത്തി​ന്‍റെ ഫ​ല​മാ​യാ​ണ് സ്വ​പ്നതുല്യമായ ഈ അ​മൂ​ല്യ​മാ​യ നേ​ട്ടം കൈ​വ​രി​ക്കാ​ൻ അ​ദ്ദേ​ഹ​ത്തി​നാ​യ​ത്. ചെന്നൈ ആർകെഎം വിവേകാനന്ദ കോളജിലെ കൊമേഴ്സ് വിഭാഗം സീനിയർ ലക്ചററാണ് പാർഥിപൻ.

ഒ​രു ശ​രാ​ശ​രി നി​ല​വാ​രം മാ​ത്ര​മു​ള്ള വി​ദ്യാ​ർ​ഥി​യാ​യി​രു​ന്ന അ​ദ്ദേ​ഹ​ത്തി​ന് ത​ന്‍റെ ആ​ദ്യ ഡി​ഗ്രി പ​രീ​ക്ഷ​യി​ൽ പ​രാ​ജ​യ​മാ​യി​രു​ന്നു ഫ​ലം. അ​വ​സാ​നം ഒ​രു വി​ധ​ത്തി​ൽ ഡി​ഗ്രി പാ​സാ​യ പാ​ർ​ഥി​പ​ന് നീ​തി​ന്യാ​യ വ​കു​പ്പി​ൽ ജോ​ലി ല​ഭി​ക്കു​ക​യും ചെ​യ്തു.

എ​ന്നാ​ൽ ഇ​നി​യും മു​ന്നോട്ട് പ​ഠി​ക്ക​ണം എ​ന്ന ആ​ഗ്ര​ഹം അ​ദ്ദേ​ഹ​ത്തി​ന്‍റെ മ​ന​സി​ൽ ശ​ക്തി​പ്രാ​പി​ക്കുക​യാ​യി​രു​ന്നു. തു​ട​ർ​ന്നും ബിദുദപഠനത്തിന് തീ​രു​മാ​നി​ച്ച അ​ദ്ദേ​ഹം പ​ല വി​ഷ​യ​ങ്ങ​ളി​ൽ ബിരുദങ്ങൾ സ്വ​ന്ത​മാ​ക്കി. ഇ​പ്പൊ​ഴി​താ അവയുടെ എ​ണ്ണം വ​ർ​ധി​ച്ച് വ​ന്ന് നി​ൽ​ക്കു​ന്ന​ത് 145ൽ ​ആ​ണ്.

ആ​ദ്യ​ത്തെ ബി​രു​ദം സ്വ​ന്ത​മാ​ക്കി​യ​തി​നു ശേ​ഷം ഡി​ഗ്രി ര​ജി​സ്ട്രേ​ഷ​ന് ട്രാ​ൻ​സ്ഫ​ർ സ​ർ​ട്ടി​ഫി​ക്ക​റ്റ് ആ​വ​ശ്യ​മി​ല്ലാ​ത്ത സ്ഥാ​പ​ന​ങ്ങ​ളി​ൽ അ​ദ്ദേ​ഹം അ​പേ​ക്ഷി​ക്കാ​ൻ ആ​രം​ഭി​ച്ചു. ഒ​രേ സ​മ​യം വ്യ​ത്യ​സ്ത വി​ഷ​യ​ങ്ങ​ൾ പ​ഠി​ക്കാ​നാ​യി​രു​ന്നു അ​ത്. മൂന്ന് എം​എ​സ്‌സി ബി​രു​ദാ​ന​ന്ത​ര ബി​രു​ദ​ങ്ങ​ൾ, നി​യ​മ​ത്തി​ൽ എട്ട് ബി​രു​ദ​ങ്ങ​ൾ, കൊമേഴ്സിൽ എട്ട് ബി​രു​ദാ​ന​ന്ത​ര ബി​രു​ദ​ങ്ങ​ൾ, ബി​സി​ന​സി​ൽ ഒമ്പത് ബി​രു​ദാ​ന​ന്ത​ര ബി​രു​ദ​ങ്ങ​ൾ, ആ​ർ​ട്സ് വിഷയങ്ങളിൽ 10 ബി​രു​ദാ​ന​ന്ത​ര ബി​രു​ദ​ങ്ങ​ൾ, കൂ​ടാ​തെ 12 വി​ഷ​യ​ങ്ങ​ളി​ലാ​യു​ള്ള റി​സ​ർ​ച്ചു​ക​ളു​മ​ട​ക്കം നി​ര​വ​ധി നേ​ട്ട​ങ്ങ​ളാ​ണ് അ​ദ്ദേ​ഹം സ്വ​ന്ത​മാ​ക്കി​യി​രി​ക്കു​ന്ന​ത്.

എ​ന്നാ​ൽ അ​മി​ത​മാ​യ പ​ഠ​നം കാ​ര​ണം അ​ദ്ദേ​ഹം കു​റ​ച്ച് ബു​ദ്ധി​മു​ട്ടു​ക​ളും അ​നു​ഭ​വി​ക്കു​ന്നു​ണ്ട്. പ​രി​ച​യ​പ്പെ​ടു​ന്ന വ്യ​ക്തി​ക​ളെ​യും സ​ഞ്ച​രി​ക്കു​ന്ന വ​ഴി​ക​ളും പെ​ട്ടെ​ന്ന് ഓ​ർ​ത്തെ​ടു​ക്കാ​നു​ള്ള പ്ര​ശ്ന​മാ​ണ് അ​ദ്ദേ​ഹ​ത്തി​ന്‍റെ മു​ന്പി​ൽ വി​ല്ലനാ​യി നി​ൽ​ക്കു​ന്ന​ത്. പ​ക്ഷെ ഈ ​പ്ര​ശ്ന​ങ്ങ​ൾ കൊ​ണ്ടൊ​ന്നും 56 കാ​ര​നാ​യ പാ​ർ​ഥി​പ​ൻ തോ​റ്റ് പിന്മാറാ​ൻ ഒ​രു​ക്ക​മാ​യി​രു​ന്നി​ല്ല. നി​ര​വ​ധി യൂ​ണി​വേ​ഴ്സി​റ്റി​ക​ളി​ൽ വി​വി​ധ വി​ഷ​യ​ങ്ങ​ളി​ൽ ക്ലാ​സെ​ടു​ക്കാ​ൻ അ​ദ്ദേ​ഹം പോ​കാ​റു​ണ്ട്.

ഭാ​ര്യ​യും രണ്ടു കു​ട്ടി​ക​ളു​മ​ട​ങ്ങു​ന്ന​താ​ണ് പാ​ർ​ഥി​പ​ന്‍റെ കു​ടും​ബം. വി​ദ്യാ​ഭ്യാ​സ​ത്തി​ന്‍റെ കാ​ര്യ​ത്തി​ൽ അ​ദ്ദേ​ഹ​ത്തി​ന്‍റെ ഭാ​ര്യ​യും അ​ത്ര മോ​ശ​മ​ല്ല. ഒമ്പത് ബിരുദങ്ങളാ​ണ് ഇ​വ​ർ സ്വ​ന്ത​മാ​ക്കി​യി​രി​ക്കു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.