ഒരു പിയാനോ വായിച്ച് 20 പേർ; പിന്നാലെ ഗിന്നസ് റിക്കാർഡ്
Wednesday, December 13, 2017 5:53 AM IST
ഒ​രു പി​യാ​നോ​യി​ൽ ഒ​രേ സ​മ​യം ഇ​രു​പ​തു പേ​രു​ടെ വി​ര​ലു​ക​ൾ ച​ലി​ച്ച​പ്പോ​ൾ സ്വ​ന്ത​മാ​യ​ത് ആ​രും നേ​ടി​യെ​ടു​ക്കാ​ൻ കൊ​തി​ക്കു​ന്ന ഗി​ന്ന​സ് വേ​ൾ​ഡ് റെ​ക്കോ​ഡ്. ബോ​സ്നി​യ​യി​ലെ പ​തി​നെ​ട്ട് വി​ദ്യാ​ർ​ഥി​ക​ളും ര​ണ്ട് അ​ധ്യാ​പ​ക​രും ചേ​ർ​ന്നാ​ണ് ഈ ​അ​പൂ​ർ​വ നേ​ട്ടം സ്വ​ന്ത​മാ​ക്കി​യ​ത്.

പ​ത്തൊ​ന്പ​താം നൂ​റ്റാ​ണ്ടി​ൽ ജീ​വി​ച്ചി​രു​ന്ന ഫ്ര​ഞ്ച് സംഗീതജ്ഞൻ ആ​ൽ​ബ​ർ​ട്ട് ല​വി​നാ​ക് ഒരുക്കി​യ ഗ​ലോ​പ് മാ​ർ​ഷെ എ​ന്ന ഈ​ണ​മാ​ണ് മൂ​ന്നു മാ​സ​ത്തെ പ​രി​ശീ​ല​ന​ത്തി​നു ശേ​ഷം ഇ​വ​ർ ഒരുമിച്ചു വാ​യി​ച്ച​ത്. ഒ​ന്പ​തും പ​തി​ന​ഞ്ചി​നും ഇ​ട​യി​ൽ പ്രാ​യ​മു​ള്ള കു​ട്ടി​ക​ളാ​ണ് ഈ ​അ​പൂ​ർ​വ നേ​ട്ടം സ്വ​ന്ത​മാ​ക്കാ​ൻ നാ​ളു​ക​ൾ നീ​ണ്ട പ​രി​ശീ​ല​നം ന​ട​ത്തി​യ​ത്.

1992-1995 ലെ ​ബോ​സ്നി​യ​ൻ യു​ദ്ധ​ത്തി​ൽ ത​ക​ർ​ക്ക​പ്പെ​ട്ട​തി​നു ശേ​ഷം പു​ന​ർ​നി​ർ​മി​ച്ച സ​റാ​ജേ​വോ സി​റ്റി ഹാ​ളി​നു​ള്ളി​ൽ വെ​ച്ചാ​ണ് കു​ട്ടി​ക​ളും അ​ധ്യാ​പ​ക​രും ഒ​രു​മി​ച്ച് പി​യാ​നോ വാ​യി​ച്ച​ത്. ഒ​രോ​രു​ത്ത​രും ത​ങ്ങ​ളു​ടെ ഒ​രു കൈ ​മാ​ത്രം ഉ​പ​യോ​ഗി​ച്ച് പി​യാ​നോ വാ​യി​ച്ച​പ്പോ​ൾ ത​ക​ർ​ക്ക​പ്പെ​ട്ട​ത് 2004ൽ ​ഇ​റ്റ​ലി സ്വ​ദേ​ശി​ക​ളാ​യ പ​തി​നെ​ട്ട് പേ​ർ പി​യാ​നോ വാ​യി​ച്ച് എ​ഴു​തി​ചേ​ർ​ത്ത റിക്കാർഡാണ്.

സ​മാ​ധാ​നം, സ്നേ​ഹം, സു​ഹൃ​ത്ത് ബ​ന്ധം എ​ന്നീ സ​ന്ദേ​ശം മ​റ്റു​ള്ള​വ​രി​ലേ​ക്ക് പ​ക​ർ​ന്നു ന​ൽ​കു​ക​യെ​ന്ന​താ​ണ് ത​ങ്ങ​ളു​ടെ ല​ക്ഷ്യ​മെ​ന്ന് ഈ ​പ​രി​പാ​ടി​യു​ടെ സം​ഘാ​ട​ക​രി​ലൊ​രാ​ളാ​യ അ​ധ്യാ​പി​ക ഇ​വാ പാ​സി​ക് പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.