ആ​റു​മ​ണി​ക്കൂ​ർ കൊണ്ട് 102 ഭാ​ഷ​കളിൽ ഗാ​നം; 12 വ​യ​സു​കാ​രി​ക്ക് ര​ണ്ട് ഗി​ന്ന​സ് റിക്കാർഡ്
Wednesday, February 21, 2018 2:36 PM IST
തു​ട​ർ​ച്ച​യാ​യി ആ​റു​മ​ണി​ക്കൂ​ർ പ​തി​ന​ഞ്ച് മി​നി​ട്ടു​ക​ൾ​കൊ​ണ്ട് 102 ഭാ​ഷ​ക​ളി​ൽ ഗാ​ന​മാ​ല​പി​ച്ച പ​ന്ത്ര​ണ്ട് വ​യ​സു​കാ​രിക്ക് ര​ണ്ട് ഗി​ന്ന​സ് ലോകറിക്കാർഡു​ക​ൾ. മാ​താ​പി​താ​ക്ക​ൾ​ക്കൊ​പ്പം ദു​ബാ​യി​യിൽ സ്ഥി​ര​താ​മ​സ​മാ​ക്കി​യ ഇ​ന്ത്യ​ൻ വം​ശ​ജ​യാ​യ സു​ചേ​ത സ​തീ​ഷ് ആ​ണ് ഏ​വ​ർ​ക്കും അ​ത്ഭു​ത​മാ​യി മാ​റി​യ​ത്.

ദു​ബാ​യിയി​ലെ ഇ​ന്ത്യ​ൻ ഹൈ​സ്കൂ​ളി​ൽ ഏ​ഴാം ക്ലാ​സ് വി​ദ്യാ​ർ​ഥി​നി​യാ​ണ് സു​ചേ​ത. ഒ​രു വ​ർ​ഷം മു​ന്പാ​ണ് വി​വി​ധ ഭാ​ഷ​ക​ളി​ൽ പാ​ടാ​നു​ള്ള പ​രി​ശീ​ല​നം സു​ചേ​ത ആ​രം​ഭി​ച്ച​ത്. ​നി​ര​വ​ധി ഇ​ന്ത്യ​ൻ ഭാ​ഷ​ക​ളി​ലും കൂ​ടാ​തെ ഇം​ഗ്ലീ​ഷ് ഉ​ൾ​പ്പ​ടെ​യു​ള്ള വി​ദേ​ശ ഭാ​ഷ​ക​ളി​ലുമു​ള്ള ഗാ​ന​മാ​ണ് ഈ ​കു​ട്ടി ആ​ല​പി​ച്ച​ത്.​ക​ഴി​ഞ്ഞ ജ​നു​വ​രി​യി​ൽ ദു​ബാ​യിയി​ലെ ഇ​ന്ത്യ​ൻ കോ​ണ്‍​സു​ലേ​റ്റി​ൽ വച്ചായിരുന്നു റിക്കാർഡു​ക​ൾ സ്വ​ന്ത​മാ​ക്കി​യു​ള്ള സുചേതയുടെ ആ​റു​മ​ണി​ക്കൂ​ർ ഗാ​നാ​ലാ​പ​നം.

നി​ര​വ​ധി സം​ഗീ​ത പ്രേ​മി​ക​ളു​ള്ള ഒ​രു കു​ടും​ബ​ത്തി​ലാ​ണ് സു​ചേ​ത ജ​നി​ച്ച​ത്. സു​ചേ​ത​യ്ക്ക് നാ​ലു വ​യ​സു​ള്ള​പ്പോ​ൾ മു​ത​ൽ ക​ർ​ണാ​ടകസം​ഗീ​ത പ​രി​ശീ​ല​നം ആ​രം​ഭി​ച്ചി​രു​ന്നു. ത​ന്‍റെ എ​ട്ടാ​മ​ത്തെ വ​യ​സി​ൽ ഹി​ന്ദു​സ്ഥാ​നി സം​ഗീ​ത​വും പ​രി​ശീ​ലി​ക്കാ​ൻ ആ​രം​ഭി​ച്ചു. എ​ന്നാ​ൽ 2016 മു​ത​ലാ​ണ് വി​ദേ​ശ ഭാ​ഷ​ക​ളി​ലു​ള്ള സം​ഗീ​തം സ്വാ​യ​ത്ത​മാ​ക്കാ​ൻ സുചേത പ​രി​ശീ​ല​നം ആ​രം​ഭി​ച്ച​ത്. ജാ​പ്പ​നീ​സ് ഭാ​ഷ​യി​ലു​ള്ള ഒ​രു ഗാ​ന​മാ​ണ് ആ​ദ്യം പ​ഠി​ച്ചെ​ടു​ത്ത​ത്.



പി​ന്നീ​ട് വി​വി​ധ ഭാ​ഷ​ക​ളി​ലു​ള്ള ഓ​രോ പാ​ട്ടു​ക​ളും ഓ​രോ ആ​ഴ്ച​കൊ​ണ്ട് സുചേത മ​നഃപാ​ഠ​മാ​ക്കു​ക​യാ​യി​രു​ന്നു. തു​ട​ർ​ന്നാ​ണ് ഗി​ന്ന​സ് റിക്കാർഡ് സ്വ​ന്ത​മാ​ക്കാ​നു​ള്ള ശ്ര​മം ന​ട​ത്തി​യ​ത്. ഫ്ര​ഞ്ച്, ഹം​ഗേ​റി​യ​ൻ, ജ​ർ​മ​ൻ ഭാ​ഷ​ക​ളി​ലു​ള്ള പാ​ട്ടു​ക​ളാ​ണ് പ​ഠി​ച്ചെ​ടു​ക്കാ​ൻ ബു​ദ്ധി​മു​ട്ട് തോ​ന്നി​യ​തെ​ന്ന് സുചേത പ​റ​യു​ന്നു. മാ​വോ​റി, അ​ർ​മേ​നി​യ​ൻ, സ്ലൊ​വേ​ക്യ​ൻ ഭാ​ഷ​ക​ളി​ലെ പാ​ട്ടു​ക​ളാ​ണ് സു​ചേ​ത​യ്ക്ക് ഏ​റ്റ​വും ഇ​ഷ്ട​പ്പെ​ട്ട​ത്.

ഇതിനു മുന്പ് ​കേ​സി​രാ​ജു ശ്രീ​നി​വാ​സ് (ഗ​സ​ൽ ശ്രീ​നി​വാ​സ്) എ​ഴു​പ​ത്തി​യാ​റ് ഭാ​ഷ​ക​ളി​ലും പി​ന്നീ​ട് എ​ണ്‍​പ​ത്തി​യ​ഞ്ച് ഭാ​ഷ​ക​ളി​ലും പാ​ട്ടു​പാ​ടി​യി​രു​ന്നു. ഒ​രേ സ​മ​യം വി​വി​ധ ഭാ​ഷ​ക​ളി​ൽ പാ​ട്ടു​പാ​ടി​യ​യാ​ൾ, ഒ​രു കു​ട്ടി അ​വ​ത​രി​പ്പി​ച്ച ദൈ​ർ​ഘ്യ​മേ​റി​യ പ​രി​പാ​ടി എ​ന്നീ ര​ണ്ടു ഗി​ന്ന​സ് ലോകറിക്കാർഡു​ക​ളാ​ണ് സു​ചേ​ത സ്വ​ന്ത​മാ​ക്കി​യി​രി​ക്കു​ന്ന​ത്. ഇ​തി​നു മു​ന്പ് റൊ​മാ​നി​യ സ്വ​ദേ​ശി​നി​യാ​യ ആ​ൻ​ഡ്ര ഗോ​ഗ​ൻ മൂ​ന്നു മ​ണി​ക്കൂ​ർ ഇ​രു​പ​ത് മി​നി​ട്ട് ദൈ​ർ​ഘ്യ​ത്തി​ൽ പാ​ട്ടു​പാ​ടി സ്ഥാ​പി​ച്ച ഗി​ന്ന​സ് റിക്കാർഡാ​ണ് സു​ചേ​ത തി​രു​ത്തി​യെ​ഴു​തി​യ​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.