നായയുടെ ചെവിക്ക് ട്രംപിന്‍റെ രൂപം! ചിത്രം വൈറൽ

Wednesday, November 8, 2017 4:38 AM IST

അമേരിക്കക്കാരിയായ ജെയ്ഡ് റോബിൻസന്‍റെ ചീഫ് എന്ന നായ കഴിഞ്ഞ കുറേദിവസങ്ങളായി അസ്വസ്ഥയായിരുന്നു. ചെവിയിലെ പഴുപ്പാണ് ചീഫിനെ അസ്വസ്ഥനാക്കുന്നതെന്ന് മനസിലാക്കിയ ജെയ്ഡ് വെറ്റനറി ഡോക്ടറെ കാണിക്കുന്നതിനായി ചീഫിന്‍റെ ചെവിയുടെ ഒരു ചിത്രമെടുത്തു.

ഈ ചിത്രം കണ്ട ജെയ്ഡിന്‍റെ സുഹൃത്തിന് ഒരു സംശയം. ചീഫിന്‍റെ ചെവിയിൽ പ്രസിഡന്‍റ് ഡോണൾഡ് ട്രംപ് കയറിയോ? കാരണം നായയുടെ ചെവിക്കുള്ളിലെ ചുളിവുകൾ കണ്ടാൽ ഡോണൾഡ് ട്രംപിന്‍റെ മുഖംപോലെ തന്നെയിരിക്കുന്നു. ചെവിക്കുള്ളിലെ രോമങ്ങളാകട്ടെ ട്രംപിന്‍റെ തലമുടി പോലെയും. തനിക്ക് മാത്രമാണോ ഇങ്ങനെ തോന്നിയതെന്ന് അറിയാൻ ജെയ്ഡിന്‍റെ സുഹൃത്ത് ഈ ഫോട്ടോ ഇന്‍റർനെറ്റിൽ പങ്കുവച്ചു.

മണിക്കൂറുകൾക്കുള്ളിൽത്തന്നെ ചിത്രം വൈറലായി. ഇത് ഒരു നായയുടെ ചെവിയുടെ ഉൾവശമാണെന്ന് ആളുകൾ വിശ്വസിക്കുന്നില്ല. മറിച്ച് ട്രംപിന്‍റെ മുഖമാണെന്നാണ് എല്ലാവരും പറയുന്നത്.

ചിത്രത്തിന് ലഭിക്കുന്ന കമന്‍റുകളും വളരെ രസകരമാണ്. ട്രംപിന്‍റെ മുഖം നിന്‍റെ ചെവിക്കുള്ളിൽ വന്നതിൽ സങ്കടമുണ്ട്. എങ്കിലും സാരമില്ല. നിനക്കത് ചികിത്സിച്ചു ഭേദമാക്കാം. ഞങ്ങളെപ്പോലെ നാലു വർഷം സഹിക്കേണ്ടതില്ല - ഒരു അമേരിക്കക്കാരന്‍റെ കമന്‍റാണിത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.