അ​നി​യ​നെ പ​ഠി​പ്പി​ക്കണം, അവന് സൈക്കിൾ വാങ്ങണം; എല്ലുമുറിയെ പണിയെടുത്ത് പ​ന്ത്ര​ണ്ടുകാ​രി
Monday, January 15, 2018 5:21 PM IST
അനുജന് വിദ്യാഭ്യാസം നല്കുന്നതിനായി എല്ലുമുറിയെ പണിയെടുക്കുന്ന റോത്ന അക്‌തർ എന്ന പന്ത്രണ്ടുകാരിയാണ് ഇപ്പോൾ സോഷ്യൽ മീഡിയയുടെ പൊന്നോമന. അമ്മയ്ക്കൊപ്പം ഇഷ്ടിക പൊട്ടിക്കുന്ന ജോലിയിൽ ഏർപ്പെട്ടിരിക്കുന്ന ചിത്രമടക്കമുള്ള റോത്നയുടെ കഥ സോഷ്യൽ മീഡിയയിലൂടെയാണ് ലോകമറിഞ്ഞത്.

റോ​ത്ന​യ്ക്ക് ആ​റു​വ​യ​സു​ള്ള​പ്പോ​ഴാ​ണ് പി​താ​വ് മ​ര​ണ​മ​ട​ഞ്ഞ​ത്. റോ​ത്ന​യ്ക്കും അ​നു​ജ​നും മി​ക​ച്ച വി​ദ്യാ​ഭ്യാ​സം ന​ൽ​ക​ണ​മെ​ന്ന ആ​ഗ്ര​ഹം ബാ​ക്കി​വെ​ച്ചാ​ണ് അ​ദ്ദേ​ഹം ഇ​ഹ​ലോ​ക​വാ​സം വെടിഞ്ഞ​ത്. റോത്നയുടെ അമ്മയ്ക്ക് ഇഷ്ടിക പൊട്ടിക്കുന്ന ജോലിയായിരുന്നു. പിതാവ് മരിച്ചതോടെ കു​ടും​ബം പുലർത്താനും ഇ​രു​വ​രു​ടെ​യും പ​ഠ​നം ന​ട​ത്തു​ന്ന​തി​നും അ​മ്മ​യു​ടെ വ​രു​മാ​നം മ​തി​യാ​കു​ന്നി​ല്ലെ​ന്നു മ​ന​സി​ലാ​ക്കി​യ റോ​ത്ന ത​ന്‍റെ പ​ഠ​നം അ​വ​സാ​നി​പ്പി​ച്ച് അ​മ്മ​യോ​ടൊ​പ്പം ജോ​ലി​ക്കു പോ​കു​വാ​ൻ ആ​രം​ഭി​ക്കു​ക​യാ​യി​രു​ന്നു.



റോ​ത്ന​യു​ടെ വാ​ക്കു​ക​ളി​ലേ​ക്ക്- "​ആ​ദ്യ ദി​വ​സം ഞാ​ൻ ഇഷ്ടിക​പൊ​ട്ടി​ക്കു​ന്ന ജോ​ലി​ക്കു പോ​യ​പ്പോ​ൾ എ​ന്നെ നെ​ഞ്ചോ​ട് ചേ​ർ​ത്തു പി​ടി​ച്ച് അ​മ്മ ക​ര​യു​ക​യാ​യി​രു​ന്നു. ഈ ​ജോ​ലി​ക്ക് ഞാ​ൻ പോ​കു​ന്ന​ത് അ​മ്മ​യ്ക്ക് ഇ​ഷ്ട​മി​ല്ലാ​യി​രു​ന്നു. ആ​ദ്യ​മൊ​ക്കെ മു​പ്പ​ത് ക​ല്ലു​ക​ൾ മാ​ത്ര​മെ എ​നി​ക്ക് പൊ​ട്ടി​ക്കാ​ൻ സാ​ധി​ച്ചി​രു​ന്നു​ള്ളു. അ​തി​നു പ്ര​തി​ഫ​ല​മാ​യി മു​പ്പ​ത് താക്ക​യാ​ണ് ല​ഭി​ച്ചി​രു​ന്ന​ത്. പ​ക്ഷെ ഇ​പ്പോ​ൾ ദി​വ​സേ​ന 125 ഇഷ്ടികക​ൾ വ​രെ എ​നി​ക്കു പൊ​ട്ടി​ക്കാ​ൻ സാ​ധി​ക്കു​ന്നു​ണ്ട് അ​ങ്ങ​നെ 125 ത​ക്ക ഞാ​ൻ ഇ​പ്പോ​ൾ പ്ര​തി​ഫ​ല​മാ​യി നേ​ടു​ന്നു​മു​ണ്ട്. ഈ ​പ​ണം ഞാ​ൻ എ​ന്‍റെ സ​ഹോ​ദ​ര​ൻ റാ​ണ​യു​ടെ വി​ദ്യാ​ഭ്യാ​സ​ത്തി​നാ​ണ് ഉ​പ​യോ​ഗി​ക്കു​ന്ന​ത്. പ​ഠ​ന​ത്തി​ൽ അ​വ​ൻ മി​ടു​ക്ക​നാ​ണ്. മാ​ത്ര​മ​ല്ല പ​ഠ​ന​ത്തി​ൽ ക്ലാ​സി​ൽ അ​വ​ന് ര​ണ്ടാം സ്ഥാ​ന​മാ​ണ്.

ക​ഴി​ഞ്ഞ കു​റ​ച്ചു മാ​സ​ങ്ങ​ളാ​യി കൂ​ടു​ത​ൽ സ​മ​യം ഞാ​ൻ ജോ​ലി ചെ​യ്യു​ന്നു​ണ്ട്. കാ​ര​ണം എ​ന്‍റെ സ​ഹോ​ദ​ര​ന് ഒ​രു സൈ​ക്കി​ൾ വാ​ങ്ങാ​നാ​യി​രു​ന്നു അ​ത്. ര​ണ്ട് ദി​വ​സ​ങ്ങ​ൾ​ക്കു മു​ന്പ് ഞാ​ൻ എ​ന്‍റെ സ്വ​പ്നം സാ​ക്ഷാ​ത്ക്ക​രി​ച്ചു.​..'

തനി​ക്ക് ജോ​ലി കി​ട്ടി​ക​ഴി​ഞ്ഞാ​ൽ എ​ത്ര ക​ഷ്ട​പ്പാ​ടാ​ണെ​ങ്കി​ലും ചേ​ച്ചി​യെ ജോ​ലി​ക്ക് അ​യ​ക്കി​ല്ലെ​ന്ന റാണയുടെ വാ​ക്കു​ക​ളാ​ണ് ക്ഷീ​ണ​മെ​ല്ലാം അ​ക​റ്റി ത​ന്നെ ഉന്മേ​ഷ​വ​തി​യാ​ക്കു​ന്ന​തെ​ന്ന് റോ​ത്ന പ​റ​യു​ന്നു.

ബം​ഗ്ലാ​ദേ​ശി ഫോ​ട്ടോ​ഗ്രാ​ഫ​റാ​യ ജി.​എം.​ബി. ആ​കാ​ശ് എ​ന്ന​യാ​ളാ​ണ് റോ​ത്ന​യു​ടെ ക​ഥ ഫേ​സ്ബു​ക്ക്, ഇ​ൻ​സ്റ്റ​ഗ്രാം മു​ഖേ​ന പു​റംലോ​ക​ത്തെ അ​റി​യി​ച്ച​ത്. റോ​ത്ന​യു​ടെ കഥയറിഞ്ഞ് അവളുടെ ക​ഠി​നാ​ധ്വാ​ന​ത്തെ പ്ര​കീ​ർ​ത്തി​ച്ച് നി​ര​വ​ധി​യാ​ളു​ക​ളാ​ണ് രം​ഗ​ത്തെ​ത്തി​യി​രി​ക്കു​ന്ന​ത് മാ​ത്ര​മ​ല്ല ഈ ​കു​ട്ടി​യു​ടെ കു​ടും​ബ​ത്തെ സ​ഹാ​യി​ക്കാ​ൻ സ​ന്ന​ദ്ധ​ത കാ​ട്ടി​യും ധാ​രാ​ളം ആ​ളു​ക​ൾ രം​ഗ​ത്തെ​ത്തി​യി​ട്ടു​മു​ണ്ട്.


Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.