‘ഗേൾസ്’ ഒൺലി..! തുളസീദാസിന്റെ തിരിച്ചുവരവ് : Deepika.com Cinema News

Home |

Editorial |

Leader Page Article |

Local News |

Star Chat

‘ഗേൾസ്’ ഒൺലി..! തുളസീദാസിന്റെ തിരിച്ചുവരവ്

ഹിറ്റ്മേക്കർ തുളസീദാസ് മടങ്ങിയെത്തുന്നു, ‘ഗേൾസു’മായി. സ്ത്രീകഥാപാത്രങ്ങൾ മാത്രമുള്ള സസ്പെൻസ് ത്രില്ലറാണ് ഗേൾസ്. ‘‘ഒരു ഫ്രയിമിൽ പോലും പുരുഷ കഥാപാത്രങ്ങൾ വരുന്നില്ല. അതാണ് ഗേൾസിന്റെ വ്യത്യസ്തത. ചിത്രത്തിൽ ഹ്യൂമറുണ്ട്, ഫാമിലി പശ്ചാത്തലമുണ്ട്. ആക്ഷനും സെന്റിമെന്റ്സും ഹെവി സസ്പെൻസുമുണ്ട്. കുടുംബ പ്രേക്ഷകരുൾപ്പെടെ എല്ലാവർക്കും രസിക്കുന്ന സിനിമയാണു ഗേൾസ്....’’ വെള്ളിയാഴ്ച തീയറ്ററുകളിലെത്തിയ ഗേൾസിന്റെ വിശേഷങ്ങളുമായി സംവിധായകൻ തുളസീദാസ് ദീപിക ഡോട്ട് കോമുമായി സംസാരിക്കുന്നു...

ഗേൾസിൽ ആറ് നായികമാർ

നദിയ മൊയ്തു, ഇനിയ, മാനസപുത്രി സീരിയൽ ഫെയിം അർച്ചന, തമിഴ് കോമഡി താരം ആർതി, സുഭിക്ഷ, ഈഡൻ, രേഷ്മ... തുടങ്ങി തമിഴിലെയും മലയാളത്തിലെയും താരനിര ഗേൾസിലുണ്ട്. ആറു നായികമാരാണ് ഗേൾസിൽ. മുഖ്യകഥാപാത്രത്തെ അവതരിപ്പിക്കുന്നത് ഇനിയ. ഒരു നായികയെ കേന്ദ്രീകരിച്ചാണു കഥ മുന്നോട്ടുപോകുന്നതെങ്കിലും എല്ലാവർക്കും പ്രാധാന്യമുണ്ട്. മനോജ്, രഞ്ജിത്ത് എന്നീ പുതുമുഖങ്ങളാണ് ഗേൾസിന്റെ കഥയും തിരക്കഥയും ഒരുക്കിയത്. നാലു പാട്ടുകൾ. രാജീവ് ആലുങ്കൽ, പൂവച്ചൽ ഖാദർ തുടങ്ങിയവരുടെ വരികൾക്ക് എം.ജി.ശ്രീകുമാറിന്റെ സംഗീതം.

തിരയ്ക്കു വരാതെ കതൈ

തമിഴിൽ ഒരു സിനിമ ചെയ്യാനുള്ള തയാറെടുപ്പിലിടെയാണ് ഗേൾസിന്റെ കഥയിലെത്തുന്നത്. നേറ്റിവിറ്റി പ്രശ്നമുള്ള കഥയല്ല ഗേൾസിന്റേത്. നായികാപ്രാധാന്യമുള്ളതിനാൽ തമിഴിലും മലയാളത്തിലും നായികമാർ ഒന്നുതന്നെ. മലയാളി നായികമാരെ തമിഴകവും തമിഴ്നായികമാരെ മലയാളവും സ്വീകരിക്കുന്നുമുണ്ട്. അങ്ങനെയാണു തമിഴിലും മലയാളത്തിലും ചെയ്യാൻ തീരുമാനിച്ചത്. ഇരുഭാഷകളിലും പ്രത്യേകം ഷൂട്ട് ചെയ്തു. തമിഴ് നിർമാതാവിനു പുറമേ കൊടുങ്ങല്ലൂർ സ്വദേശി ജലീലും നിർമാണത്തിൽ പങ്കാളിയായി. ഗേൾസ് തമിഴിൽ തിരയ്ക്കു വരാതൈ കതൈ എന്ന പേരിൽ ദീപാവലിക്കു റിലീസായി. ചിത്രം മികച്ച അഭിപ്രായം നേടി.

സിനിമയ്ക്കുള്ളിൽ സിനിമ

ഫിലിം ഇൻസ്റ്റിറ്റ്യൂട്ടിലെ ആറു പെൺകുട്ടികൾ അവരുടെ ഡിപ്ലോമ ഫിലിം ഷൂട്ട് ചെയ്യാൻ ഒരു ഹിൽ ഏരിയയിൽ പോകുന്നു. അവിടെ അവർ നേരിടുന്ന ചില വെല്ലുവിളികളും അതിനെ അവർ എങ്ങനെ അതിജീവിക്കുന്നു എന്നതുമാണ് ഗേൾസിന്റെ പശ്ചാത്തലം. നായികാനായക സങ്കല്പം ചിത്രത്തിലില്ല. എന്നാൽ ഗേൾസിൽ പ്രേമമുണ്ട്, ജീവിതത്തിന്റെ മറ്റ് അവസ്‌ഥകളുണ്ട്. അതാണ് ചിത്രത്തിന്റെ പുതുമ.

നായകനില്ലേ, ഞങ്ങളില്ല..!

നായകനില്ലാത്തതിനാൽ മലയാളത്തിലെ മികച്ച നടിമാരിൽ ചിലർ ഗേൾസിൽ നിന്നു പിന്മാറിയിരുന്നു. ഒരു കഥയോ പശ്ചാത്തലമോ അല്ല അവർക്കു മുഖ്യം. കഥ കേട്ട് ഇഷ്‌ടമായിട്ടും നായികമാർ മാത്രമുള്ള സിനിമയാണെന്നു കേട്ടപ്പോൾ ആലോചിച്ചു മറുപടി പറയാം എന്നു പറഞ്ഞ് പിന്മാറി. സ്ത്രീകഥാപാത്രങ്ങൾക്ക് സംവിധായകർ പ്രാധാന്യം കൊടുക്കുന്നില്ല എന്നും മറ്റും അഭിമുഖങ്ങളിൽ പരാതി പറയുന്നവരാണ് നായകനില്ല എന്ന കുറ്റം പറഞ്ഞു പിന്മാറിയത്. അവർ സ്വന്തം കഴിവിൽ വിശ്വാസമില്ലാത്തവരാണ് എന്ന് എനിക്കു തോന്നുന്നു. ഒരു നായകന്റെ ചുവടുപിടിച്ചു മാത്രമേ ഇവർക്കൊക്കെ നില്ക്കാനാകൂ എന്നു തോന്നിയതുകൊണ്ടാവണം അവർ അവഗണിച്ചത്. മറ്റു നായികമാർക്കൊപ്പം ഒരുമിച്ച് അഭിനയിക്കാൻ താത്പര്യമില്ല എന്നു പറഞ്ഞ് പിന്മാറിയ ഒരു നടിയുമുണ്ട്. താൻ അവരെക്കാൾ ചെറുതായിപ്പോകുമോ, പെർഫോമൻസിൽ പിന്നിലായിപ്പോകുമോ എന്നൊക്കെ തോന്നുന്നതുകൊണ്ടാവണം അവർ പിന്മാറിയത്.

നദിയ മൊയ്തുവിനോട് ബഹുമാനം

ഗേൾസിന്റെ കഥ കേട്ടപ്പോൾത്തന്നെ നദിയ മൊയ്തു ചിത്രത്തിൽ സഹകരിക്കാമെന്ന് അറിയിച്ചു. തന്റെ കഥാപാത്രത്തിന് ഇത്രയും പ്രാധാന്യമുണ്ടാകും എന്ന് കരുതിയില്ല എന്നാണ് ഷൂട്ടിംഗ് പൂർത്തിയായപ്പോൾ അവർ പറഞ്ഞത്. ബോൾഡാണ് നദിയയുടെ കഥാപാത്രം. പോലീസ് എസ്പിയുടെ വേഷം. സ്ത്രീകൾക്കു പ്രാധാന്യമുള്ള ഇത്തരം വേഷങ്ങൾ ഇപ്പോൾ കിട്ടാറില്ല എന്നാണ് നദിയ പറഞ്ഞത്. ഇത്ര സീനിയറായ ആർട്ടിസ്റ്റായിട്ടും സെറ്റിൽ എളിമയോടെ വർക്ക് ചെയ്യുന്നതു കാണുമ്പോൾ പഴയ ആർട്ടിസ്റ്റുകളോടു ബഹുമാനമാണു തോന്നുന്നത്; അവർക്ക് അവരുടെ കഴിവിൽ വിശ്വാസമുണ്ട്.

സ്ത്രീപക്ഷ സിനിമയല്ല

ഗേൾസ് സ്ത്രീപക്ഷ സിനിമയല്ല. പുരുഷനോട് എതിർപ്പോ വെറുപ്പോ ഉണ്ടാക്കാൻ വേണ്ടിയുള്ള സിനിമയല്ല. ഇതു സ്ത്രീകൾ കൈകാര്യം ചെയ്യേണ്ട ഒരു വിഷയം. സ്ത്രീകളെ മാത്രം ഉൾപ്പെടുത്തിയ ഒരു സിനിമ. കഥയിൽ ഫെമിനിസമൊക്കെ കടന്നുപോകുമ്പൊഴും അതു പ്രൊമോട്ട് ചെയ്യാനുള്ള സിനിമയുമല്ല. ചില കഥാപാത്രങ്ങൾക്ക് നെഗറ്റീവ് ടച്ചുണ്ട്.

ഒത്തിരി സിനിമ ചെയ്യുന്നതിലല്ല കാര്യം

കില്ലാടിരാമൻ ആ സമയം ചെയ്യേണ്ടിയിരുന്നില്ല എന്നു പിന്നീടു തോന്നി. അത് നേരത്തേയുള്ള എന്റെ സിനിമകളുടെ പാറ്റേണായിപ്പോയി. മലപ്പുറം ഹാജി മഹാനായ ജോജി, കിലുകിൽപമ്പരം പോലെയുള്ള സിനിമകൾ ചെയ്താൽ രണ്ടു കയ്യും നീട്ടി സ്വീകരിക്കുമെന്നു പലരും അഭിപ്രായപ്പെട്ടിരുന്നു. അങ്ങനെയിരിക്കെ ഒരു കോമഡിസ്ക്രിപ്റ്റ് വന്നപ്പോഴാണ് കില്ലാടിരാമൻ ചെയ്തത്. ഇത്രയും നല്ല സിനിമയായിട്ടും അത് എന്തുകൊണ്ട് ഓടിയില്ല എന്ന് പിന്നീടു ടിവിയിൽ വന്നപ്പോൾ കണ്ടിട്ടു പലരും ചോദിച്ചിട്ടുണ്ട്. ചില സിനിമകൾ അങ്ങനെയാണ്. നല്ല സിനിമകളാണ്; പക്ഷേ, തിയറ്ററുകളിൽ അവ വിഷമം നല്കിയിട്ടുണ്ട്. ഒത്തിരി സിനിമ ചെയ്യുന്നതിലല്ല കാര്യം, വർഷം നല്ല ഒരു സിനിമ ചെയ്താൽ മതി എന്ന തീരുമാനത്തിലെത്തി. അതിനുവേണ്ടിയുള്ള കാത്തിരിപ്പിലായിരുന്നു.

ഇടവേളയിൽ

കില്ലാടിരാമനു ശേഷമുള്ള ഇടവേളയിൽ ധാരാളം വായിച്ചു. യാത്രകൾ പോയി. സ്ക്രിപ്റ്റുകൾ പഠിച്ചു. ഏഷ്യാനെറ്റിനു വേണ്ടി സ്വാമി അയ്യപ്പൻ, ദേവീമാഹാത്മ്യം എന്നീ സീരിയലുകൾ ചെയ്തു. നല്ല സിനിമകൾ കണ്ടു. സിനിമകൾക്കു വേണ്ടി ചിന്തിച്ചു, കഥകളുണ്ടാക്കി.

കാലത്തിനനുസരിച്ച് സിനിമ

കാലത്തിനനുസരിച്ചു സിനിമ ചെയ്യുന്നയാളാണു ഞാൻ. എല്ലാ പാറ്റേണിലുമുള്ള സിനിമകൾ ചെയ്തിട്ടുണ്ട്. ഒന്നിനു പുറകേ മറ്റൊന്ന് എന്ന ആദ്യ സിനിമ ആക്ഷനും സസ്പെൻസും നിറഞ്ഞതായിരുന്നു. പിന്നീടു കുടുംബപശ്ചാത്തലത്തിൽ കോമഡി ട്രാക്കിൽ കൗതുകവാർത്തകൾ. കാസർകോട് കാദർഭായ്, കൺഗ്രാജുലേഷൻസ് മിസ് അനിതാമേനോൻ, ആയിരം നാവുള്ള അനന്തൻ, കുങ്കുമച്ചെപ്പ്, ദോസ്ത്, മിസ്റ്റർ ബ്രഹ്മചാരി, കോളജ്കുമാരൻ... എല്ലാം വ്യത്യസ്തയുള്ള സിനിമകൾ. ഈ കാലഘട്ടത്തിനും തലമുറയ്ക്കും രസിക്കാൻ പറ്റുന്ന സിനിമയാണു ഗേൾസ്.

സിനിമയിലെ സീരിയൽ ഡയറക്ടർ..!

കണ്ണൻ താമരക്കുളം സംവിധാനം ചെയ്ത തിങ്കൾ മുതൽ വെള്ളി വരെ എന്ന ചിത്രത്തിൽ തുളസിദാസ് എന്ന പേരിൽത്തന്നെ സീരിയൽ ഡയറക്ടറായി അഭിനയിച്ചിരുന്നു. ജയറാമും റിമിടോമിയുമൊക്കെയുള്ള കോമ്പിനേഷനിൽ ചില സ്വീകൻസുകൾ. സിനിമയിൽ മുഖം കാണിക്കുന്നത് ആദ്യമായല്ല. പാരലൽ കോളജ്, ഏഴരപ്പൊന്നാന, ശുദ്ധമദ്ദളം, കൺഗ്രാജുലേഷൻസ് മിസ് അനിതാമേനോൻ തുടങ്ങിയ എന്റെ ചില സിനിമകളിലൊക്കെ മുമ്പു ചെറിയ വേഷങ്ങൾ ചെയ്തിട്ടുണ്ട്. പലപ്പോഴും ജയറാമൊക്കെ നിർബന്ധിച്ചിട്ടാണ് അതു ചെയ്തത്. അഭിനയ മോഹവുമായാണ് സിനിമയിലെത്തിയതെങ്കിലും അത് എനിക്കു പറ്റിയതല്ലെന്നു തോന്നിയതുകൊണ്ടാണ് സംവിധാനം പഠിച്ചത്.

പുതുമയുള്ള സിനിമ

എന്റെ 34–ാമത്തെ സിനിമയാണു ഗേൾസ്. ഇതൊരു ചെറിയ സിനിമയാണ്. എന്റെ എല്ലാ സിനിമകളെയും ഞാൻ അങ്ങനെയാണു കാണുന്നത്. അതിനെ വലുതാക്കുന്നതും വീണ്ടും ചെറുതാക്കുന്നതുമൊക്കെ പ്രേക്ഷകരാണ്. ഇതുവരെയുള്ള എന്റെ സിനിമകളെ സ്വീകരിച്ച പ്രേക്ഷകർ ഗേൾസിനെയും സ്വീകരിക്കുമെന്ന പ്രതീക്ഷയിലാണ്. പുതുമയുള്ള സിനിമ എന്ന വിലയിരുത്തൽ ഗേൾസിനെക്കുറിച്ചുണ്ടാകും എന്ന കാര്യത്തിൽ സംശയമില്ല.

ടി.ജി.ബൈജുനാഥ്

വർഷങ്ങൾക്ക് ശേഷം സംഭവിച്ചത്

വടക്കന്‍ മലബാറിലെ ഒരു ഗ്രാമത്തില്‍നിന്നു രണ്ടു കൂട്ടുകാര്‍ സിനിമയോടുള്ള ആഗ്രഹം കൊണ്ടു മദിരാശിയിലേക്കു പോകുന്നതും അവിടെ അവര്‍ നേരിടുന്ന വെല്ലുവിളികളും അവ

വെക്കേഷന്‍ കളറാക്കാന്‍ ജയ്ഗണേഷ്

പകല്‍ ഗ്രാഫിക് ഡിസൈനര്‍, രാത്രി പാര്‍ട്ട് ടൈം ഡിറ്റക്ടീവ്. ജീവിതം ഫുള്‍ടൈം വീല്‍ചെയറില്‍! ഗണേഷ് എന്ന ചെറുപ്പക്കാരന്‍റെ ത്രില്ലിംഗ് ലൈഫ് പറയുകയാണ് കരിയറിലെ 15

ഹക്കിം ദാ ഇവിടെയുണ്ട്

‘ഇബ്രാഹിം, എന്തെങ്കിലും ഒന്ന് ചെയ്യൂ. എന്‍റെ ഹക്കിം എന്‍റെ ഹക്കിം, അവനിപ്പോ ചാവും’... ലോകമെമ്പാടുമുള്ള വായനക്കാര്‍ ശ്വാസം അടക്കിപ്പിടിച്ചിരുന്നു വായിച്ചു തീര്‍ത്ത

രണ്ടാം വരവായി ശങ്കരാഭരണം

കമ്മട്ടിപ്പാടത്തിലെ ബാലന്‍ചേട്ടനുശേഷം ഉല്ലാസ് ചെമ്പന്‍ സിനിമ അഞ്ചക്കള്ള കോക്കാനിലെ ശങ്കരാഭരണത്തിലൂടെ നടന്‍ മണികണ്ഠന്‍ ആചാരിക്കു വീണ്ടും കരിയര്‍ ഹിറ്റ്. 2

ഈസ്റ്റർ സ്പെഷലായിട്ട് പറയുവാ

നാലര പതിറ്റാണ്ടായി നിറഞ്ഞ ചിരിയുമായി മലയാളിയുടെ ചാരത്തുണ്ട് ലാലു അലക്സ്. 1979ല്‍ പുറത്തിറങ്ങിയ പ്രേംനസീര്‍ നായകനായ "ഈ ഗാനം മറക്കുമോ' എന്ന ചിത്രത്തില്‍ വില

നോവലിന്‍റെ തനിപകർപ്പല്ല ആടുജീവിതം

നോവല്‍ അതേപടി പകര്‍ത്തിയതല്ല ആടുജീവിതമെന്നും സിനിമയ്ക്ക് അതിന്‍റേതായ ഐഡന്‍റിറ്റിയുണ്ടെന്നും സംവിധായകന്‍ ബ്ലെസി. 'ബെന്യാമിന്‍ നോവലില്‍ പറയാതെ പോയ കാര്യങ്

സീക്രട്ട് തുറന്ന് അനുമോഹന്‍

കൊട്ടാരക്കരയുടെ ചെറുമകന്‍. നാടകപ്രവര്‍ത്തകൻ മോഹന്‍റെയും അഭിനേത്രി ശോഭാ മോഹന്‍റെയും മകന്‍. സായികുമാറിന്‍റെ സഹോദരീപുത്രന്‍. വിനു മോഹന്‍റെ സഹോദരന്‍... കു

അടിപൊളി ജീവിതം

ചെറുപ്പത്തിൽ സിനിമാക്കാർ എന്നു പറഞ്ഞാൽ തങ്ങളുടെ വെള്ളത്തൂവൽ ഗ്രാമത്തിൽ ഷൂട്ടിംഗ് ലൊക്കേഷനുകൾ തേടിവരുന്നവർ എന്നതായിരുന്നു റെക്സന്‍റെ ആകെയുള്ള അറിവ്. അങ്ങ

അർഥനയായി അഭിനയം!

പതിനൊന്നാം ക്ലാസില്‍ പഠിക്കുമ്പോള്‍ ടെലിവിഷന്‍ അവതാരകയായിട്ടായിരുന്നു അര്‍ഥന ബിനുവിന്‍റെ തുടക്കം. ഒരു അഭിനേത്രിയാകണം എന്ന മോഹം ചെറുപ്പത്തിലേയുണ്ട്. നിരവ

നൊന്ത നാടിന്‍റെ പേരല്ലോ തങ്കമണി

1986 ഒക്ടോബര്‍ 21ന് ഇടുക്കിയിലെ കുടിയേറ്റ മലയോരഗ്രാമം തങ്കമണിയില്‍ എലൈറ്റ് ബസ് സര്‍വീസുമായി ബന്ധപ്പെട്ടുണ്ടായ ഒരു തര്‍ക്കം നാടിന്‍റെ മനഃസാക്ഷിയെ പിടിച്ചുല

ചിൽ ത്രിൽ മഞ്ഞുമ്മൽ

ഞങ്ങള്‍ക്കും ഒരു സര്‍വൈവല്‍ ത്രില്ലറായിരുന്നു ഇതിന്‍റെ ഷൂട്ടിംഗ്! കൊടൈക്കനാലിലെ തണുപ്പില്‍ സൈക്കോളജിക്കലായും ഫിസിക്കലായും ഏറെ ആയാസപ്പെട്ട ദിനങ്ങൾ. അത്രയും

മുബിൻ-റാഫിയുടെ മകൻ

കോമഡി രാജാക്കന്മാരായ റാഫിയും നാദിര്‍ഷയും ആദ്യമായി ഒന്നിക്കുമ്പോള്‍ സമ്പൂര്‍ണ ചിരിപ്പടം പ്രതീക്ഷിക്കുക സ്വാഭാവികം. പക്ഷേ, ഇത്തവണ റൂട്ടൊന്നു മാറ്റിപ്പിടിക്കുക

കപ്പടിക്കാൻ കാർത്തിക് വിഷ്ണു

വര്‍ഷങ്ങള്‍ക്കു മുമ്പ് സത്യം ശിവം സുന്ദരം എന്ന സിനിമയുടെ ഷൂട്ടിംഗ് നടക്കുമ്പോള്‍ എറണാകുളം കാക്കനാട് സ്വദേശിയായ കാര്‍ത്തിക് വിഷ്ണു എന്ന കുട്ടിയുമായി മാതാപിതാ

ശങ്കർ വണ്ടർഫുൾ

ഒരിടവേളയ്ക്കു ശേഷം എണ്‍പതുകളിലെ റൊമാന്‍റിക് ഹീറോ ശങ്കര്‍ പണിക്കർ ഒരുവാതില്‍ കോട്ടൈ എന്ന ചിത്രത്തിലൂടെ അഭിനയരംഗത്തേക്കു തിരിച്ചെത്തുന്നു.

പോസ്റ്റ് പ്രൊ

മമിതലു പ്രേമലു

മമിത ബൈജു-നസ്‌ലെന്‍ പെയര്‍ ആദ്യമായി സ്ക്രീനിലെത്തിയ ചിത്രമാണ് ഗിരീഷ് എ.ഡി. സംവിധാനം ചെയ്ത, ഭാവനാ സ്റ്റുഡിയോസിന്‍റെ ‘പ്രേമലു’.

ഓപ്പറേഷന്‍ ജാവ, സൂപ്പര്‍ ശര

വാലിബകഥ‌യിലെ അയ്യനാരാശാൻ

‘നീ കണ്ടതെല്ലാം പൊയ്, ഇനി കാണപ്പോവത് നിജം'- വാലിബകഥയുടെ ആത്മാവെന്നപോലെ വിസ്മയക്കാഴ്ചകളുടെ എല്‍ജെപി ഉത്സവത്തില്‍ ഉടനീളം പടരുന്ന വാക്കുകള്‍. ക്ലൈമാക്‌സില

സചിത്രം സുചിത്ര

നാലു വര്‍ഷം മുമ്പ് സംപ്രേഷണം ചെയ്ത വാനമ്പാടി എന്ന ടെലിവിഷന്‍ പരമ്പരയും അതിലെ പത്മിനി (പപ്പിക്കുട്ടി) എന്ന കഥാപാത്രവും മാത്രം മതി, സുചിത്ര നായര്‍ എന്ന അഭിനേത്ര

ഹിറ്റാണ് ഓസ്‌ലറിലെ ജൂണിയർ ജഗദീഷ്

ഫോര്‍ട്ട് കൊച്ചിയിലെ പിള്ളേരെ പരസ്യചിത്രത്തിലേക്കു വേണമെന്നറിഞ്ഞു പോയതാണ് ഇത്തിരി കലാവാസന കൈമുതലുള്ള മട്ടാഞ്ചേരിയിലെ പത്താം ക്ലാസുകാരന്‍ ശിവരാജ്. സെറ്റില

ജാഫർ ഇടുക്കിയുടെ ഓഫർ

2002ല്‍ ഓകെ ചാക്കോ കൊച്ചിന്‍ മുംബൈ എന്ന സിനിമയിലൂടെ വെള്ളിത്തിരയിലെത്തിയ ജാഫര്‍ ഇടുക്കി ഇന്നു മലയാളത്തിൽ തിരക്കുള്ള നടന്മാരില്‍ ഒരാളായി മാറിയിരിക്കുന്നു. അ

പഴയ കുപ്പിയല്ല ഫ്രഷാണ് വിശാഖ്

ആനന്ദത്തിലെ കുപ്പി എന്ന വേഷത്തിലൂടെ ഹിറ്റായ വിശാഖ് നായര്‍ ആദ്യമായി നായകനാകുന്ന എക്‌സിറ്റും ഫുട്ടേജും റിലീസിനൊരുങ്ങുന്നു. കങ്കണ റണൗത്ത് സംവിധാനം ചെയ്ത ഹിന്ദി

കമൽ അന്നും ഇന്നും വൈറലാണ്

നാലര വര്‍ഷത്തെ ഇടവേളയ്ക്കു ശേഷം സിനിമയിലേക്കു മടങ്ങിയെത്തിയിരിക്കുകയാണ് ജനപ്രിയ സംവിധായകന്‍ കമല്‍. 38 വര്‍ഷത്തിനിടെ 48 ചിത്രങ്ങള്‍ സംവിധാനം ചെയ്ത കമൽ ഒ

സൗഹൃദത്തിന്‍റെ കഥയുമാ‌യി ലാൽജി

ഡോ. ഷാജു, സോണിയ മല്‍ഹാര്‍, ആദിത്യജ്യോതി എന്നിവരെ പ്രധാന കഥാപാത്രങ്ങളാക്കി ലാല്‍ജി ജോര്‍ജ് കഥയും തിരക്കഥയും ഒരുക്കി സംവിധാനം ചെയ്യുന്ന സിനിമ "ഋതം ബിയോണ്‍ഡ്

കളർഫുൾ ജഗദീഷ്

കോമഡി വേഷങ്ങളില്‍നിന്നു സ്വഭാവവേഷങ്ങളിലേക്കു ജഗദീഷിന്‍റെ ചുവടുമാറ്റം രഞ്ജിത്തിന്‍റെ ലീലയിലാണ്. വാണിജ്യസിനിമകളില്‍ ആ പരീക്ഷണത്തിന്‍റെ സമ്പൂര്‍ണവിജയമാ

ഷാജോണിന്‍റെ ആട്ടക്കഥ!

‘ആട്ട’ത്തില്‍ ആറാടി കലാഭവന്‍ ഷാജോണിന്‍റെ പുതുവർഷത്തുടക്കം. ഗോവ അന്തർദേശീയ ഫിലിം ഫെസ്റ്റിവലിൽ ഓപ്പണിംഗ് സിനിമയായിരുന്നു ആനന്ദ് ഏകര്‍ഷിയുടെ ആട്ടം. ഐഎഫ്എ

നരേന്‍ ഹാപ്പിയാണ്

എറണാകുളം മറൈന്‍ ഡ്രൈവില്‍ കായലിന് അഭിമുഖമായുള്ള ഫ്ലാറ്റിലെത്തുമ്പോള്‍ നടന്‍ നരേന്‍ മകന്‍ ഒരു വയസുകാരന്‍ ഓംങ്കാറുമായി കളിക്കുന്ന തിരക്കിലായിരുന്നു. അച്ച

ആറ് വർഷം മുട്ടി; ഒടുവിൽ സിനിമ വാതിൽ തുറന്നു

പാതി മലയാളിയായ പൂനെക്കാരൻ എന്ന വിശേഷണവുമായി മലയാള സിനിമയിലേക്ക് ചുവടുവച്ച നടനാണ് അർജുൻ രാധാകൃഷ്ണൻ. ഒരു കോർപ്പറേറ്റ് സ്ഥാപനത്തിലെ ജീവനക്കാരനായിരു

വേറിട്ട വേഷങ്ങൾ പകർന്നാടി മെറിൻ

പൂമരത്തിലൂടെ സിനിമയിലെത്തി, ഹാപ്പി സര്‍ദാറിലൂടെ നായികയായ മെറിന്‍ ഫിലിപ്പ് വേറിട്ട വേഷങ്ങളിലൂടെ വീണ്ടും സജീവമാകുന്നു. ഫാമിലി എന്‍റര്‍ടെയ്‌നർ വാതില്‍, റാഹ

ശേഷം സ്ക്രീനില്‍ കല്യാണി!

മലപ്പുറത്തിന്‍റെ ഫുട്ബോള്‍ ആവേശം ഒട്ടും ചോരാതെ നിമിഷങ്ങളെ തീപിടിപ്പിക്കുന്ന മമ്പറത്തിന്‍റെ അനൗണ്‍സര്‍ ഫാത്തിമയായി മലയാളികളുടെ പ്രിയതാരം കല്യാണിപ്രിയദര്‍ശന്‍. ഹൃദയം തൊട്ടുണര്‍ത്തുന്ന ഹിഷാമിന്‍റെ വിസ്മയ

ഇതിഹാസത്തിന്‍റെ നായിക; മഹിമ ഉയരും

ആർഡിഎക്സ് എന്ന സിനിമ വിജയത്തിന്‍റെ ഉഗ്രസ്ഫോടനവുമായി ഓണക്കാലത്തു തിയറ്ററുകൾ പ്രകന്പനം സൃഷ്ടിച്ചപ്പോൾ അതിന്‍റെ മഹിമ നേടിയവരിൽ ഒരു മഹിമയുമുണ്ടായിരുന്നു. നഹാസ് ഹിദായത്ത് കഥയെഴുതി സംവിധാനം ചെയ്ത ആർഡിഎക്സിൽ

ക്ലാസി മാസ് കിംഗ് ഓഫ് കൊത്ത

മാസ് സിനിമകളുടെ ആരാധകരെയും കുടുംബപ്രേക്ഷകരെയും ഒരേപോലെ ആകര്‍ഷിക്കുന്ന രീതിയിലാണ് കിംഗ് ഓഫ് കൊത്ത രൂപപ്പെടുത്തിയതെന്ന് തിരക്കഥാകൃത്ത് അഭിലാഷ് എന്‍. ചന്ദ്രന്‍.

ദുല്‍ഖറിനെ മനസില്‍ കണ്ടുതന്നെയാണ് കഥയെ