Home
|
Editorial
|
Leader Page Article
|
Local News
|
Kerala
|
National
|
International
|
Business
|
Sports
|
Obituary
|
NRI News
|
Big Screen
|
Health
Review
Back to home
കടന്പൻ- ക്ലൈമാക്സ് മാത്രം കൊള്ളാം...
കാടുണ്ട്, ഇഫക്ട്സ് ആവശ്യത്തിന് അധികമുണ്ട്, ക്ലീഷേ കഥയുണ്ട്... പിന്നെ തടിമാടനായ ഒരു നായകനുമുണ്ട്... ഇവയെല്ലാം കൂട്ടിച്ചേർത്ത കാട്ടിനുള്ളിലെ കഥയാണ് കടന്പൻ. കാടു കുലുക്കി നടക്കുന്ന കടന്പനായി ആര്യ ചിത്രത്തിൽ നിറഞ്ഞുനിൽക്കുന്നുണ്ടെങ്കിലും കേട്ട് പഴകിയ കഥകളെ കാട്ടിനുള്ളിലേക്ക് വലിച്ചിട്ട് കല്ലുകടിയുള്ള സംഭാഷണങ്ങളും അടിച്ചേൽപ്പിക്കുന്നിടത്താണ് കടന്പൻ വെറുമൊരു കാട്ടിക്കൂട്ടലായി മാറുന്നത്.
ഒന്നുറപ്പാണ് രാഘവ എന്ന സംവിധായകൻ ആര്യയുടെ ശരീര പ്രകൃതവും പിന്നെ സിനിമയോടുള്ള നടന്റെ പ്രതിബദ്ധതയും മുന്നിൽ കണ്ടൊരുക്കിയ ചിത്രമാണ് കടന്പൻ. പുതുമ ഒട്ടും അവകാശപ്പെടാനില്ലാത്ത എഴുത്താണ് കടന്പനെ പ്രേക്ഷകരിൽ നിന്നും അകറ്റുന്നത്. എങ്കിലും ചിത്രത്തിൽ ഉപയോഗിച്ചിരിക്കുന്ന ഇഫക്ടസ് പോരായ്മകൾക്കിടയിലും വേറിട്ട കാഴ്ചകൾ തന്നെയാണ് സമ്മാനിക്കുന്നത്.
നായകനെ പുകഴ്ത്തില്ലെങ്കിൽ പിന്നെ എന്തോന്നു സിനിമ എന്ന മട്ടിലാണ് ചിത്രത്തിന്റെ തുടക്കം. നായകൻ കില്ലാഡിയും വീരനുമാണെന്ന് അറിയിക്കാനായി സംവിധായകൻ നല്ലവണ്ണം വിയർത്തിട്ടുണ്ട്. പുട്ടിന് പീരപോലെ സംഭാഷണങ്ങൾ നൽകി സഹനടൻമാരെ കൊണ്ട് കടന്പനെ പറ്റി വാതോരാതെ സംസാരിപ്പിക്കുന്ന പരിപാടി തന്നെ പാളി.
ചിത്രത്തിന്റെ ആദ്യ പകുതി കടന്നു പോകുന്നത് അത്രയും കടന്പന്റെ വീരത്തരങ്ങളാൽ ഇഴഞ്ഞിഴഞ്ഞാണ്. നഗരത്തെയും കാടിനെയും കൂട്ടിമുട്ടിച്ച് കഥ പറയാൻ ഒരുങ്ങിയ സംവിധായകന് മുന്നിൽ ഒരുപാട് സാധ്യതകളുണ്ടായിരുന്നു. എന്നാൽ പുതുമ തൊട്ടുതീണ്ടാതെ അലഞ്ഞുതിരിഞ്ഞു പോയ രചനയാണ് ചിത്രത്തിന് തിരിച്ചടിയായത്.
കോർപറേറ്റ് ബിസിനസുകാരേയും കാടിനെ ദൈവമായി കണ്ട് ജീവിക്കുന്നവരെയും രണ്ടു തട്ടിൽ നിർത്തി കഥ പറയുന്ന ചിത്രത്തിൽ കാട് സംരക്ഷിക്കാൻ കാട്ടുമക്കൾ തന്നെ വേണമെന്ന് പറയാനാണ് സംവിധായകൻ ശ്രമിക്കുന്നത്. നഗരത്തിലുള്ളവർ കാട്ടിൽ വന്ന് കാട്ടുന്ന ക്രൂരതകളുടെ അടയാളങ്ങൾ ഇടയ്ക്കിടെ കാട്ടിത്തന്നാണ് സംവിധായകൻ ചിത്രം മുന്നോട്ടുകൊണ്ടു പോകുന്നത്.
വനത്തിൽ താമസിക്കുന്ന 150 ഓളം കുടുംബങ്ങളെ തുരത്താൻ കോർപറേറ്റ് ബിസിനസുകാർ തീരുമാനിക്കുന്നതോടെയാണ് കാടും നഗരവും തമ്മിലുള്ള ഏറ്റുമുട്ടലിന് കളം ഒരുങ്ങുന്നത്. ആദ്യ പകുതിയിലെ കാമുകി രണ്ടാം പകുതിയിൽ പോരാളിയായി മാറി നായിക കാതറിൻ ട്രീസ തരക്കേടില്ലാത്ത പ്രകടനം തന്നെയാണ് ചിത്രത്തിൽ കാഴ്ചവയ്ക്കുന്നത്.
വനത്തിനുള്ളിലെ കാഴ്ചകൾ പകർത്തി ഛായാഗ്രാഹകൻ സതീഷ് കുമാർ ബിഗ് സ്ക്രീനിൽ എത്തിച്ചപ്പോൾ കണ്ണിലുടക്കിയ കാഴ്ചകൾക്ക് പകിട്ടേറെയായിരുന്നു. കാടിനെ വേണ്ടുവോളം ഉപയോഗിച്ച സിനിമയിൽ അടിത്തറയുള്ള തിരക്കഥ കൂടി ഉണ്ടായിരുന്നുവെങ്കിൽ കടന്പൻ വേറിട്ടൊരു ചിത്രമാകുമായിരുന്നു. കടന്പന്റെ സുഹൃത്തുക്കളായി എത്തുന്ന ആടുകളം മുരുകദോസും സംഘവും ഭേദപ്പെട്ട പ്രകടനം തന്നെയാണ് നടത്തുന്നത്.
കടന്പൻ ആര്യയുടെ വേറിട്ട വേഷങ്ങളിൽ ഒന്നു തന്നെയാണ്. എന്നാൽ ഏറ്റവും മികച്ചതെന്ന് പറയാൻ കഴിയില്ലായെന്നു മാത്രം. വെല്ലുവിളികൾ വേണ്ടുവോളം ഉയർത്തുന്ന കഥാപാത്രത്തെ തന്റെ ശരീരം കൊണ്ട് നേരിടാനാണ് ആര്യ ഒരുങ്ങിയത്. അതിനായി പെരുപ്പിച്ചെടുത്ത മസിലിന്റെ കരുത്തിലാണ് ചിത്രം ബാലൻസ് ചെയ്ത് നിൽക്കുന്നത്. കാട് കീഴടക്കാൻ കോർപറേറ്റ് മുതലാളിയുടെ കിങ്കരൻമാർ ശ്രമിക്കുന്നതും പിന്നെ കൂട്ടമായുള്ള ആക്രമണവുമെല്ലാം ത്രില്ലിംഗ് മൂഡിലേക്ക് ചിത്രത്തെ കൊണ്ടുവരുന്നുണ്ട്.
ഒന്നാം പകുതിയിലെ ഇഴച്ചിലിൽ നിന്നും രണ്ടാം പകുതിയിലേക്ക് എത്തുന്പോൾ ചിത്രം അടിമുടി മാറുന്നുണ്ട്. വേഗ കാഴ്ചകളിലൂടെയാണ് രണ്ടാം പകുതിയുടെ പോക്ക്. കാട്ടറിവുകളുടെ ബലത്തിൽ കാടിന്റെ മക്കൾ കാട്ടുന്ന പോരാട്ട വീര്യം ഏറ്റുമുട്ടൽ രംഗങ്ങൾക്ക് ചന്തം കൂട്ടുന്നുണ്ട്. കാടിന് ഇണങ്ങും വിധമുള്ള പശ്ചാത്തല സംഗീതം തന്നെയാണ് ചിത്രത്തിനായി ഒരുക്കിയിരിക്കുന്നത്. മുറ തെറ്റാതെ പാട്ടുകൾ കടന്നു വരുന്നുണ്ടെങ്കിലും കേൾവി സുഖം നൽകാതെ അവയെല്ലാം കാട്ടിലേക്ക് വഴിതെറ്റി വന്നപോലെ അലയുകയായിരുന്നു.
ക്ലൈമാക്സിന്റെ15 മിനിറ്റാണ് കടന്പനിലെ ഹൈലൈറ്റ്. സ്പെഷൽ ഇഫക്ട്സ് പാകത്തിന് ചേർത്ത് ഒരുക്കിയ ക്ലൈമാക്സ് രംഗങ്ങൾ ഏവരേയും തൃപ്തിപ്പെടുത്തുമെന്നതിൽ സംശയമില്ല. പക്ഷേ, ക്ലൈമാക്സിനായി മാത്രം രണ്ട് മണിക്കൂറിലേറെ തീയറ്ററിൽ തള്ളിവിടുകയെന്ന ശ്രമകരമായ ദൗത്യമാണ് ഓരോ പ്രേക്ഷകനെയും കാത്തിരിക്കുന്നത്.
വി.ശ്രീകാന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
"മലൈക്കോട്ടൈ' കുലുങ്ങിയില്ല; പക്ഷേ വാലിബന് മോശമാക്കിയില്ല
അങ്ങനെ മലയാളത്തിന്റെ മോഹന്ലാല് അവതരിച്ച ലിജോ ജോസ് പെല്ലിശേരിയുടെ "മലൈക്കോ
ഏഴു സമുദ്രങ്ങള്ക്കപ്പുറത്തെവിടെയോ മനുവിന്റെ പ്രണയവിരഹം; ഒപ്പം നമ്മളും
പ്രണയം ഒരു കടല് ആണെങ്കില് നോവ് അതിന്റെ കരയാണ്. ഹൃദയം ഒരു ശംഖായി ആ കരയില്
ചാവേറുകളുടെ കറുത്ത രാഷ്ട്രീയം
കൊല്ലാനും ചാകാനും മടിയില്ലാത്ത ഒരുകൂട്ടം പേരുടെ ചില മണിക്കൂറുകൾ നീണ്ട അനുഭവങ
പഴയ "ജവാൻ' പുതിയ കുപ്പിയിൽ
മൂന്ന് മണിക്കൂറോളം നീളമുള്ള ഒരു സിനിമ മുഴുവൻ "ഫ്ലാഷ്ബാക്ക് മോഡി'ൽ പോയാൽ എന്താക
തീയറ്ററുകളിൽ ഓണത്തല്ല്; ബോക്സ് ഓഫീസ് കീഴടക്കി "ആർഡിഎക്സ്'
അജഗജാന്തരം, തല്ലുമാല എന്നീ സിനിമകൾ ആക്ഷൻ രംഗങ്ങളുടെ മാസ് ഇഫക്ടാണ് പ്രേക്ഷക
വയലന്റ് രജനിയുടെ മാസ് "ജയിലർ'
ആരാധകരെയും പ്രേക്ഷകരെയും തെറ്റായ രീതിയിൽ സ്വാധീനിക്കുമെന്ന ഭീതിയിൽ, തല്ലിച്ച
അങ്ങോട്ടോ ഇങ്ങോട്ടോ? കൺഫ്യൂഷനിൽ "കുറുക്കൻ'
സുന്ദരിയായ ഒരു യുവതി കൊല്ലപ്പെടുന്ന വളരെ "വ്യത്യസ്തമായ' കഥാപശ്ചാത്താലവുമായി
കേരള ക്രൈം ഫയൽസ്: പതിഞ്ഞ താളത്തിൽ നീങ്ങുന്ന അന്വേഷണം
എഐ കാമറയെപ്പറ്റി മലയാളികൾക്ക് കേട്ടുകേൾവി പോലുമില്ലാത്ത, മലമ്പുഴയുടെ വിപ്ല
പോരാട്ടം തൊഴിലാക്കിയവരുടെ സൂപ്പർ ത്രില്ലർ
സൈക്കോ കില്ലറെ പിടിക്കാൻ നടക്കുന്ന പോലീസ് കഥാപാത്രങ്ങൾ കഴിഞ്ഞ കുറച്ച് വർഷങ്ങ
പ്രേക്ഷകന്റെ നെഞ്ചിലേക്ക് വെടിവയ്ക്കുന്ന "ഏജന്റ്'
ആദ്യ ഫ്രെയിം കാണുന്നതിന് മുമ്പ് തന്നെ ചില ചിത്രങ്ങളുടെ വിധി സ്ക്രീനിൽ തെളിഞ്ഞ് കാ
എഴുത്താഴം കൊണ്ട് അത്ഭുതപ്പെടുത്തുന്ന "പാച്ചുവും അത്ഭുതവിളക്കും'
ഒരു നവാഗതസംവിധായകൻ തന്റെ ആദ്യ ചിത്രം ഒരുക്കുമ്പോൾ ഏത് തരത്തിലുള്ള കഥ തെരഞ്
കഠിനം, കഠോരം ഈ ഇടം കണ്ടെത്തൽ ശ്രമം
ലോകത്തിൽ സ്വന്തമായി ഒരു ഇടം കണ്ടെത്തുക എന്ന മനുഷ്യന്റെ ആഗ്രഹത്തിന്റെ കഥ പറയു
പ്രേക്ഷകനിലെ പ്രണയിതാവിനെ അളക്കുന്ന "പ്രണയവിലാസം'
"പാടാത്ത പൈങ്കിളി' എന്ന ഒറ്റ നോവലിലൂടെ മലയാളിയുടെ പ്രേമ സങ്കൽപം മാറ്റിയ മുട്ട
കാണുന്നവരിലും "രോമാഞ്ചം' പടർത്തുന്ന ചിരി ചിത്രം
ഒരു കൂട്ടം ചങ്ങാതിമാർ. ഉണ്ടും ഉടുത്തും കൊടുത്തും പരാധീനതകൾക്കിയിലും അവർ ജീവ
"പഠാൻ' പ്രേക്ഷകരെ ഒന്നിപ്പിക്കുന്ന സ്വർണം
"നീയാണ് സ്വർണം; ഞങ്ങളെയെല്ലാം ഒന്നിപ്പിക്കുന്ന, മനോഹരമാക്കുന്ന സ്വർണം'- പഠാൻ എ
തല്ല് തെക്കാണെങ്കിലും കൊണ്ടത് കേരളക്കര മുഴുവൻ!
എൺപതുകളിൽ നടന്ന ഒരു കഥ! അത് ഏത് പ്രായക്കാരേയും രസിപ്പിക്കുന്ന രീതിയിൽ അവതര
ഒറ്റുകൊടുക്കുന്ന "ഒറ്റ്'
ഒറ്റ കാഴ്ചയ്ക്ക് കണ്ടിറങ്ങാനാകുന്ന ചിത്രമല്ല ഒറ്റ്. വീണ്ടും ആലോചിച്ച് ചോദ്യങ്ങൾ
ഫാന്റസിയിൽ രസിപ്പിക്കുന്ന "മഹാവീര്യർ'
നിലവാരമുള്ള തമാശകളും ടൈം ട്രാവലും ഫാന്റസിയും കോടതി വ്യവഹാരങ്ങളും അതിനുമപ്
ചാരക്കേസിന്റെ പുനര്വായനയോ, ശാസ്ത്രജ്ഞന്റെ ആത്മകഥയോ?
നമ്പി നാരായണന്റെ ജീവിതവും വിഖ്യാതമായ ഐഎസ്ആര്ഒ ചാരക്കേസിന്റെ ഭാഗികമായ ചരി
ഹൃദ്യമായ ചിത്രം പന്ത്രണ്ട്
ജേഷ്ഠാനുജന്മാരായ രണ്ടുപേര്. അവര് നയിക്കുന്ന പന്ത്രണ്ട് പേരടങ്ങുന്ന ഒരു സംഘത്തില് നടക്കുന്ന നാടകീ
കരുതലും കരുത്തുമാണ് വരയന്
കലിപ്പക്കര എന്നൊരു കൊച്ചു ഗ്രാമം. ആ ഗ്രാമത്തിന്റെ ഭംഗി കണ്ടാല് ഏതൊരാളും ഒന്നു നോക്കി നിന്നുപോകും.
കനകം മൂലം: വേറിട്ട വഴിയിലൊരു ക്രൈംത്രില്ലർ
സിനിമയുടെ വലിപ്പച്ചെറുപ്പങ്ങള് നിര്ണയിക്കുന്നത് പലപ്പോഴും താരങ്ങളാണ്, താര
മനം കവരുന്നു... ആഗ്രഹ സാക്ഷാത്കാരത്തിന്റെ വാങ്ക്
ചെറിയ ഇഷ്ടങ്ങളും ആഗ്രഹങ്ങളും നേടിയെടുക്കാൻ ഏറെ വെന്പുന്നവരാണ് നാം ഓരോരുത്തര
നമുക്കിടയിലേക്ക് അന്വേഷണം എത്തുമ്പോൾ...
ചില അന്വേഷണങ്ങൾ നമുക്കിടയിലേക്കുണ്ടാകും. ചെറുതെന്നു നമ്മൾ കരുതുന്ന ഒരു സംഭവ
നാനോ കാറും നാനോയല്ലാത്ത കാഴ്ചകളും; ചിരിയും ചിന്തയുമായി ഗൗതമന്റെ രഥം
ക്യാരക്റ്റര് റോളുകളില് പ്രേക്ഷക ഹൃദയം കവര്ന്ന നീരജ് മാധവനില് നായക വേഷം ഭ
ത്രില്ലടിപ്പിക്കുന്ന പാതിരാ കഥ!
റിലീസാകുന്നതിനു മുന്പു തന്നെ ആവേശം സൃഷ്ടിച്ച അഞ്ചാം പാതിര അതുക്കും മേലെ ബോക്സോ
ക്രിസ്മസ് ആഘോഷമാക്കാന് മാസ് ആക്ഷനുമായി തൃശൂര്പൂരം
ക്രിസ്മസ് അവധിക്കാലം ആഘോഷമാക്കാന് മാസ് എന്ട്രിയുമായി ജയസൂര്യയുടെ തൃശൂര്പ
ആരാധനയുടെയും ആത്മാഭിമാനത്തിന്റെയും ഡ്രൈവിംഗ് ലൈസന്സ്
ആത്മാഭിമാനം ഏതൊരാള്ക്കും വിലപ്പെട്ടതാണ്. അതിന് മുറിവേറ്റാല് ആരായാലും പ്രതി
പകയുടെ കനല് എരിഞ്ഞടങ്ങുന്ന മാമാങ്കം
ചരിത്രക്കഥയ്ക്കപ്പുറം വൈരാഗ്യവും പകയും നിറഞ്ഞ സമകാലിക ലോകത്തിനുള്ള സാരോപദേശ
തിരശീലയ്ക്കപ്പുറം വ്യാഖ്യാനങ്ങള് നല്കുന്ന ചോല
കാട്ടുചോലയിലെ ഒളിഞ്ഞുകിടക്കുന്ന കയങ്ങള്പ്പോലെ ജീവിതത്തില് അപ്രതീക്ഷിതമായി അഭിമുഖികരിക്കേണ്ടിവരുന്ന
മോഹൻലാലിന്റെ "മഹാഭാരത' മലയാളത്തിൽ രണ്ടാമൂഴമായി തന്നെ എത്തും
വിക്രമാദിത്യ രാജാവായി അഭയ് ഡിയോൾ തമിഴിലേക്ക്
പുലിമുരുകൻ രക്ഷിച്ചു, നമിത വീണ്ടും തിരക്കിൽ
അനുഷ്കയുടെ കാരവന് പോലീസ് കസ്റ്റഡിയില്; കാരണം...
കുഞ്ചാക്കോ ബോബൻ "ഒരിക്കലും ചിരിക്കില്ല..!'
അനുഷ്ക ആരാധകർ സന്തോഷിച്ചോളു, ആ വാർത്ത തെറ്റാണ്..!
സോനം കപൂർ തിരക്കിലാണ്
സിനിമ ചിത്രീകരണത്തിനിടെ അജിത്തിനു പരിക്ക്
രജനിയുടെ കാലയിൽ അംബേദ്കറായി മമ്മൂട്ടി?
പുണ്യാളൻ സിനിമാസുമായി ജയസൂര്യയും രഞ്ജിത്ത് ശങ്കറും
പ്രഭാസിനു നായികയായി പൂജ ഹെഗ്ഡെ എത്തുന്നു
കങ്കണയ്ക്ക് വിദ്യാ ബാലന്റെ വക "പണി'
Home
|
Editorial
|
Leader Page
|
Latest News
|
Local News
|
Kerala
|
National
|
International
|
Business
|
Sports
|
NRI News
|
Religion
|
Movies
|
Viral
|
4 wheel
|
Health
|
About Us
Remembrances
|
Today's news
|
Youth Special
|
Cartoons
|
Jeevithavijayam
|
Matrimonial
|
Classifieds
|
Deepika Newspaper
|
Rashtra Deepika
|
Chocolate
University News
|
Sunday Deepika
|
Business Deepika
|
Karshakan
|
Kuttikalude Deepika
|
Career Deepika
|
Sreedhanam
|
Children's Digest
|
Deepika Campus
Rashtra Deepika LTD
Chairman - Dr. Francis Cleetus | MD - Mathew Chandrankunnel | Chief Editor - George Kudilil
Copyright © 2021
, RDL. All rights reserved , To access reprinting rights please contact
[email protected]
Tel: +91 481 2566706,2566707,2566708
Privacy policy
|
Terms of use
Copyright @ 2021 , Rashtra Deepika Ltd.