Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
Star Chat
Back to home
"സു​ഹൃ​ത്തു​ക്ക​ളി​ല്ലാ​യി​രു​ന്നെ​ങ്കി​ൽ സി​നി​മ​യി​ലെ​ത്തി​ല്ലാ​യി​രു​ന്നു'
മ​ഹേ​ഷി​ന്‍റെ പ്ര​തി​കാ​ര​ത്തി​ലെ ആ​ർ​ട്ടി​സ്റ്റ് ബേ​ബി, കി​സ്മ​ത്തി​ലെ സെ​യ്ദ് ബാ​വ ത​ങ്ങ​ൾ, ഗ​പ്പി​യി​ലെ പാ​പ്പ​ൻ. പ്രേ​ക്ഷ​ക​ർ​ക്ക് ഒ​പ്പം​കൂ​ടി​യ അ​ല​ൻ​സി​യ​ർ ക​ഥാ​പാ​ത്ര​ങ്ങ​ൾ ഇ​നി​യു​മേ​റെ. സി​ന്ധു​രാ​ജി​ന്‍റെ ര​ച​ന​യി​ൽ ജി​ബു​ജേ​ക്ക​ബ് സം​വി​ധാ​നം ചെ​യ്ത മു​ന്തി​രി​വ​ള്ളി​ക​ൾ ത​ളി​ർ​ക്കു​ന്പോ​ൾ എ​ന്ന സി​നി​മ​യി​ൽ ജേ​ക്ക​ബ്ചേ​ട്ട​ൻ എ​ന്ന ക​ഥാ​പാ​ത്ര​മാ​യി അ​ല​ൻ​സി​യ​ർ പ്രേ​ക്ഷ​ക​രി​ലേ​ക്ക് വീ​ണ്ടു​മെ​ത്തു​ന്നു.

പ്ര​തി​ഷേ​ധ​ത്തി​ന​പ്പു​റം പ്ര​തി​രോ​ധ​മാ​ണ് ഇ​ന്ന​ത്തെ സാ​മൂ​ഹി​ക രാ​ഷ്ട്രീ​യ ചു​റ്റു​പാ​ടു​ക​ളി​ൽ ഒ​രു ക​ലാ​കാ​ര​ൻ സ്വീ​ക​രി​ക്കേ​ണ്ട​തെ​ന്ന് അ​ല​ൻ​സി​യ​ർ എ​ന്ന ന​ട​ന്‍റെ പ​ച്ച​യാ​യ ജീ​വി​തം വി​ളി​ച്ചു​പ​റ​യു​ന്നു. സം​വി​ധാ​യ​ക​ൻ ക​മ​ലി​നെ നാ​ടു​ക​ട​ത്ത​ണ​മെ​ന്ന ത​ര​ത്തി​ൽ ഒ​രു പാ​ർ​ട്ടി​യു​ടെ നേ​താ​വി​ൽ നി​ന്നു വ​ന്ന അ​ഭി​പ്രാ​യ​ത്തോ​ട് അ​ല​ൻ​സി​യ​ർ പ്ര​തി​രോ​ധം തീ​ർ​ത്ത​ത് കാ​സ​ർ​ഗോ​ഡ് ബ​സ് സ്റ്റാ​ൻ​ഡി​ൽ ആ​ക്സി​ഡ​ന്‍​റ​ൽ നാ​ട​കാ​വ​ത​ര​ണ​ത്തി​ലൂ​ടെ​യാ​യി​രു​ന്നു. ക​മ​ലി​ന്‍റെ ദേ​ശ​സ്നേ​ഹ​ത്തെ ചോ​ദ്യം ചെ​യ്ത​വ​ർ​ക്കെ​തി​രേ​യു​ള്ള അ​ല​ൻ​സി​യ​റു​ടെ പ്ര​തി​രോ​ധം സ​മൂ​ഹ​ത്തി​ലും സാ​മൂ​ഹി​ക​മാ​ധ്യ​മ​ങ്ങ​ളി​ലും ച​ർ​ച്ച​യും സം​വാ​ദ​വു​മാ​യി നി​റ​ഞ്ഞു. ഈ ​പ​ശ്ചാ​ത്ത​ല​ത്തി​ൽ അ​ല​ൻ​സി​യ​ർ സം​സാ​രി​ക്കു​ന്നു. ​പു​തി​യ സി​നി​മ​ക​ളെ​ക്കു​റി​ച്ച്, ത​ന്‍റെ പാ​ഷ​നാ​യ നാ​ട​ക​ത്തെ​ക്കു​റി​ച്ച്, ത​ന്നെ സി​നി​മ​യി​ലെ​ത്തി​ച്ച സൗ​ഹൃ​ദ​വ​ഴി​ക​ളെ​ക്കു​റി​ച്ച്, ഒ​ടു​വി​ൽ കാ​സ​ർ​ഗോ​ഡ് സാ​ക്ഷ്യം​വ​ഹി​ച്ച ഒ​റ്റ​യാ​ൾ പ്ര​തി​രോ​ധ​ത്തി​ന്‍റെ പ്ര​ചോ​ദ​ന​ത്തെ​ക്കു​റി​ച്ച്....



മ​മ്മൂ​ട്ടി​ക്കൊ​പ്പം ക​സ​ബ, തോ​പ്പി​ൽ ജോ​പ്പ​ൻ. മോ​ഹ​ൻ​ലാ​ലി​നൊ​പ്പം മു​ന്തി​രി​വ​ള്ളി​ക​ൾ ത​ളി​ർ​ക്കു​ന്പോ​ൾ. സൂ​പ്പ​ർ​താ​ര​ങ്ങ​ൾ​ക്ക് ഒ​പ്പ​മു​ള്ള അ​നു​ഭ​വ​ങ്ങ​ൾ...

ലാ​ലേ​ട്ട​ന്‍റെ കൂ​ടെ ഞാ​ൻ ആ​ദ്യ​മാ​യി അ​ഭി​ന​യി​ക്കു​ന്ന പ​ട​മാ​ണ് മു​ന്തി​രി​വ​ള്ളി​ക​ൾ ത​ളി​ർ​ക്കു​ന്പോ​ൾ. ലാ​ലേ​ട്ട​നെ സി​നി​മ​യി​ല​ല്ലാ​തെ ജീ​വി​ത​ത്തി​ൽ മു​ന്പു ഞാ​ൻ നേ​രി​ട്ടു​ക​ണ്ടി​ട്ടു​ണ്ടാ​യി​രു​ന്നി​ല്ല. മ​മ്മൂ​ക്ക​യെ​യും അ​ങ്ങ​നെ​ത​ന്നെ. ഒ​രു സെ​റ്റി​ൽ വ​ച്ചോ അ​വ​രു​ടെ ഒ​രു ഷോ ​ന​ട​ക്കു​ന്ന സ്ഥ​ല​ത്തു​വ​ച്ചോ പോ​ലും ഇ​വ​രെ ര​ണ്ടു​പേ​രെ​യും നേ​രി​ട്ടു ക​ണ്ടി​രു​ന്നി​ല്ല. പി​ന്നെ ഇ​വ​രു​ടെ ഇ​ന്‍​റ​ർ​വ്യൂ​സ് ശ്ര​ദ്ധി​ച്ചി​രു​ന്നു. ഇ​വ​ർ ര​ണ്ടു​പേ​രു​ടെ​യും കൂ​ടെ അ​ഭി​ന​യി​ക്കു​ന്പോ​ഴാ​ണു നേ​രി​ട്ടു കാ​ണു​ന്ന​തും പ​രി​ച​യ​പ്പെ​ടു​ന്ന​തും. ര​സ​ക​ര​മാ​യ എ​ക്സ്പീ​രി​യ​ൻ​സ് ആ​യി​രു​ന്നു അ​ത്.



പ​റ​ഞ്ഞു​കേ​ട്ട​തി​ന​പ്പു​റം ഇ​വ​രെ ര​ണ്ടാ​ളെ​യും അ​റി​യി​ല്ലാ​യി​രു​ന്നു. പ​ക്ഷേ, സി​നി​മ​യി​ലെ​ത്തി ഇ​വ​രോ​ടൊ​പ്പം അ​ഭി​ന​യി​ക്കു​ന്പോ​ഴാ​ണ് കൂ​ടെ അ​ഭി​ന​യി​ക്കു​ന്ന​വ​ർ​ക്ക് ഏ​റെ കെ​യ​ർ ത​രു​ന്ന ര​ണ്ടു ന​ടന്മാ​രാ​ണ് ഇ​വ​രെ​ന്ന് ക​സ​ബ​യി​ൽ നി​ന്നു മ​മ്മൂ​ക്ക​യെ​ക്കു​റി​ച്ചും മു​ന്തി​രി​വ​ള്ളി​ക​ൾ ത​ളി​ർ​ക്കു​ന്പോ​ൾ എ​ന്ന പ​ട​ത്തി​ൽ നി​ന്നു ലാ​ലേ​ട്ട​നെ​ക്കു​റി​ച്ചും മ​ന​സി​ലാ​യ​ത്.

ഞാ​ൻ ലാ​ലേ​ട്ട​നെ​ക്കാ​ളും പ്രാ​യം കു​റ​ഞ്ഞ​യാ​ളാ​ണ്. പ​ക്ഷേ, ലാ​ലേ​ട്ട​ൻ പ​ല​പ്പോ​ഴും എ​ന്നെ ചേ​ട്ടാ എ​ന്നാ​ണു വി​ളി​ക്കു​ന്ന​ത്. ഞാ​ൻ ഞെ​ട്ടി​പ്പോ​യി​ട്ടു​ണ്ട്. അ​ത് എ​ന്തി​നാ​ണെ​ന്ന് ഇ​നി​യും മ​ന​സി​ലാ​യി​ട്ടി​ല്ല. എ​ന്‍റെ പ്രാ​യം കൂ​ട്ടി അ​ദ്ദേ​ഹ​ത്തി​നു ചെ​റു​പ്പ​മാ​കാ​നു​ള്ള ശ്ര​മ​മാ​വാം. മ​മ്മൂ​ക്ക​യ്ക്കൊ​പ്പം തോ​പ്പി​ൽ ജോ​പ്പ​നി​ലും അ​ഭി​ന​യി​ച്ചു. അ​ദ്ദേ​ഹം ഇ​പ്പോ​ൾ ചെ​യ്തു​കൊ​ണ്ടി​രി​ക്കു​ന്ന ര​ഞ്ജി​ത്തേ​ട്ട​ന്‍റെ പു​ത്ത​ൻ പ​ണം എ​ന്ന പ​ട​ത്തി​ലും ഒ​ന്നി​ച്ച് അ​ഭി​ന​യി​ക്കേ​ണ്ട​താ​യി​രു​ന്നു. ആ ​സ​മ​യ​ത്താ​ണ് മ​ഹേ​ഷി​ന്‍റെ പ്ര​തി​കാ​രം ടീ​മി​ന്‍റെ ര​ണ്ടാ​മ​ത്തെ പ​ട​ത്തി​ലേ​ക്കു പോ​കേ​ണ്ടി​വ​ന്ന​ത്. ര​ഞ്ജി​ത്ത് സാ​റി​ന്‍റെ പ​ട​ത്തി​ലേ​ക്കു വി​ളി​ക്കു​ന്ന​തി​നു മു​ന്പു​ത​ന്നെ ഞാ​ൻ അ​തി​ൽ ക​മി​റ്റ് ആ​യി​രു​ന്നു. അ​തി​നാ​ൽ മ​മ്മൂ​ക്ക​യ്ക്കൊ​പ്പം മൂ​ന്നാ​മ​ത്തെ പ​ട​ത്തി​ൽ അ​ഭി​ന​യി​ക്കാ​നാ​യി​ല്ല. ഇ​നി​യും പ​ട​ങ്ങ​ൾ വ​രു​മ​ല്ലോ.



പു​തി​യ റി​ലീ​സ് മു​ന്തി​രി​വ​ള്ളി​ക​ൾ ത​ളി​ർ​ക്കു​ന്പോ​ൾ ആ​ണ​ല്ലോ. അ​തി​ലെ ക​ഥാ​പാ​ത്ര​ത്തെ​ക്കു​റി​ച്ച്...

സ​ർ​ക്കാ​ർ ജീ​വ​ന​ക്കാ​ർ താ​മ​സി​ക്കു​ന്ന ഫ്ളാ​റ്റ് സ​മു​ച്ച​യ​ത്തി​ലെ ഒ​രു ക്വാ​ർ​ട്ടേ​ഴ്സി​ൽ താ​മ​സി​ക്കു​ന്ന​യാ​ളാ​ണ് എ​ന്‍റെ ക​ഥാ​പാ​ത്രം ജേ​ക്ക​ബ് ചേ​ട്ട​ൻ. ലാ​ലേ​ട്ട​ൻ അ​വ​ത​രി​പ്പി​ക്കു​ന്ന ഉ​ല​ഹ​ന്നാ​ൻ എ​ന്ന ക​ഥാ​പാ​ത്ര​ത്തി​ന്‍റെ സു​ഹൃ​ത്ത്. എ​ന്‍റെ ക​ഥാ​പാ​ത്ര​ത്തി​നു സ​സ്പെ​ൻ​സൊ​ന്നു​മി​ല്ല. അ​തു തു​റ​ന്ന പു​സ്ത​ക​മാ​ണ്. ചി​ല​രു​ടെ​യൊ​ക്കെ അ​ട​ഞ്ഞ പു​സ്ത​ക​മാ​ണ്. ലാ​ലേ​ട്ട​നൊ​പ്പം കു​റേ സീ​നു​ക​ളി​ലു​ണ്ട്. ഞാ​ൻ അ​ഭി​ന​യി​ക്കു​ന്ന സീ​നു​ക​ളെ​ല്ലാം ലാ​ലേ​ട്ട​നൊ​പ്പ​മാ​ണ്.



ലാ​ലേ​ട്ട​നൊ​പ്പം അ​ഭി​ന​യി​ക്കു​ന്പോ​ൾ ഏ​റെ കം​ഫ​ർ​ട്ടാ​യി​രു​ന്നു. ലാ​ലേ​ട്ട​ൻ ചെ​യ്യു​ന്ന ക​ഥാ​പാ​ത്ര​ത്തി​നൊ​പ്പം സ​ഞ്ച​രി​ക്കു​ന്ന ക​ഥാ​പാ​ത്ര​ങ്ങ​ളാ​ണ് ഞാ​ൻ, ക​ലാ​ഭ​വ​ൻ ഷാ​ജോ​ണ്‍, അ​നൂ​പ് മേ​നോ​ൻ തു​ട​ങ്ങി​യ​വ​ർ ചെ​യ്യു​ന്ന ക​ഥാ​പാ​ത്ര​ങ്ങ​ൾ. അ​നൂ​പ് മേ​നോ​നാ​ണ് ഉ​ല​ഹ​ന്നാ​ന്‍റെ അ​ടു​ത്ത സു​ഹൃ​ത്ത് വേ​ണു​ക്കു​ട്ട​നാ​യി വേ​ഷ​മി​ടു​ന്ന​ത്. വേ​ണു​ക്കു​ട്ട​നോ​ടാ​ണ് ഉ​ല​ഹ​ന്നാ​ൻ പ​ല സ്വ​കാ​ര്യ​ത​ക​ളും പ​ങ്കു​വ​യ്ക്കു​ന്ന​ത്.

മു​ന്തി​രി​വ​ള്ളി​ക​ൾ ത​ളി​ർ​ക്കു​ന്പോ​ൾ എ​ന്ന സി​നി​മ​യെ​ക്കു​റി​ച്ച്...

ഒ​രു സി​നി​മ​യി​ൽ വ​ർ​ക്ക് ചെ​യ്യു​ന്പോ​ൾ ഉ​ള്ളി​ലു​ള്ള പ്രേ​ക്ഷ​ക​നു മ​ന​സി​ലാ​വും ആ ​സി​നി​മ​യെ ആ​ളു​ക​ൾ എ​ങ്ങ​നെ​യാ​വും സ്വീ​ക​രി​ക്കു​ക​യെ​ന്ന്. തു​ട​ക്കം മു​ത​ൽ ത​ന്നെ ഈ ​സി​നി​മ​യി​ൽ അ​ഭി​ന​യി​ക്കു​ന്പോ​ൾ ആ​ളു​ക​ൾ ഇ​ഷ്ട​പ്പെ​ടു​ന്ന, സ്വീ​ക​രി​ക്കു​ന്ന ഒ​രു സി​നി​മ​യാ​യി​രി​ക്കും, ലാ​ലേ​ട്ട​ന്‍റെ മ​റ്റൊ​രു ഹി​റ്റാ​യി​രി​ക്കും എ​ന്നൊ​ക്കെ തോ​ന്നി​യി​ട്ടു​ണ്ട്.

ലാ​ലേ​ട്ട​ൻ പ​ണ്ട് ചെ​യ്ത വേ​ഷ​ങ്ങ​ൾ അ​ന്ന​ത്തെ ഗ്രാ​മീ​ണ​ശൈ​ലി​യി​ൽ. അ​ത് അ​ന്ന​ത്തെ കാ​ലം. ഇ​തു പു​തി​യ കാ​ല​മാ​ണ്. ഈ ​പു​തി​യ​കാ​ല​ത്ത് ലാ​ലേ​ട്ട​നും ഒ​രു​പാ​ടു മാ​റ്റം ഉ​ണ്ടാ​യി. ന​മ്മു​ടെ കാ​ലം മാ​റി. ആ ​മാ​റ്റം ആ​ക്ട​റി​നും സം​ഭ​വി​ക്കും. അ​തു മ​റ്റൊ​ന്നി​ന്‍റെ അ​നു​ക​ര​ണ​മാ​യി​രി​ക്കി​ല്ല. ചി​ല​പ്പോ​ൾ അ​തു മ​റ്റൊ​ന്നി​ന്‍റെ തു​ട​ർ​ച്ച​യാ​രി​ക്കും. ആ​ക്ഷ​ൻ പ​റ​ഞ്ഞു ക​ട്ട് പ​റ​യു​ന്ന​തി​നി​ടെ ചെ​യ്യു​ന്ന​ത് വീ​ണ്ടും ഒ​ന്നു​കൂ​ടി ചെ​യ്താ​ൽ ഒ​രാ​ക്ട​റി​നും അ​തേ​പോ​ലെ റി​പ്പീ​ച്ച് ചെ​യ്യാ​നാ​വി​ല്ല. ഒ​രു ന​ല്ല ന​ട​നെ സം​ബ​ന്ധി​ച്ചി​ട​ത്തോ​ളം അ​ത് അ​തേ​പ​ടി കാ​ണി​ക്കാ​നാ​വി​ല്ല. അ​തു വേ​റെ ഒ​രു രീ​തി ആ​യി​രി​ക്കും.



ഈ ​സി​നി​മ​യി​ലും സം​ഭ​വി​ക്കു​ന്ന​തു ലാ​ലേ​ട്ട​ന്‍റെ മ​റ്റൊ​രു ഗ്രാ​മീ​ണ​ജീ​വി​ത​മാ​യി​രി​ക്കും. നാ​ട്ടി​ൻ​പു​റ​ത്തു​കാ​ര​ന്‍റെ, ഒ​രു പ​ഞ്ചാ​യ​ത്ത് സെ​ക്ര​ട്ട​റി​യു​ടെ മാ​ന​റി​സ​ങ്ങ​ൾ ന​മ്മ​ൾ ഇ​തു​വ​രെ ക​ണ്ടി​ട്ടി​ല്ലാ​ത്ത ത​ര​ത്തി​ലാ​ണു ലാ​ലേ​ട്ട​ൻ അ​വ​ത​രി​പ്പി​ച്ചി​രി​ക്കു​ന​ത് എ​ന്നാ​ണ് എ​നി​ക്കു തോ​ന്നി​യ​ത്. അ​തു​കൊ​ണ്ടു​ത​ന്നെ ഏ​റെ വ്യ​ത്യ​സ്ത​മാ​യ, കു​ടും​ബം ഒ​രു​മി​ച്ചി​രു​ന്നു​കാ​ണാ​ൻ ഇ​ഷ്ട​പ്പെ​ടു​ന്ന ഒ​രു സി​നി​മ​യി​യി​രി​ക്കും ഇ​ത്. വാ​സ്ത​വ​ത്തി​ൽ ഇ​തു ദ​ന്പ​തി​ക​ൾ​ക്കും കു​ടും​ബ​ത്തി​നും വേ​ണ്ടി​യി​ള്ള ഒ​രു സി​നി​മ​യാ​ണ്. സി​നി​മ ക​ഥ പ​റ​ഞ്ഞു കേ​ൾ​പ്പി​ക്കേ​ണ്ട ഒ​ന്ന​ല്ല എ​ന്നു വി​ശ്വ​സി​ക്കു​ന്ന ഒ​രാ​ളാ​ണു ഞാ​ൻ. സി​നി​മ ക​ണ്ട് അ​നു​ഭ​വി​ക്ക​ണം.

മ​ഹ​ത്താ​യ സി​നി​മ​യെ​ക്കു​റി​ച്ചു​ള്ള കാ​ഴ്ച​പ്പാ​ട് എ​ന്താ​ണ്...

100 ദി​വ​സം, 200 ദി​വ​സം ഓ​ടി​യ ഒ​രു സി​നി​മ ചി​ല​പ്പോ​ൾ ആ​ഘോ​ഷ​മാ​യി​പ്പോ​വാം. എ​ന്നാ​ൽ കാ​ല​ത്തി​ന​പ്പു​റം നി​ല​നി​ൽ​ക്കു​ന്ന സി​നി​മ​ക​ളാ​ണ് ഏ​റ്റ​വും പ്ര​സ​ക്ത​മാ​യ​തും ക​ല​യോ​ട് അ​ടു​ത്തു നി​ൽ​ക്കു​ന്ന​തും. വീ​ണ്ടും​വീ​ണ്ടും കാ​ണും​തോ​റും നി​ങ്ങ​ളെ അ​ത് ഉ​ത്തേ​ജി​പ്പി​ക്കു​ക​യും നി​ങ്ങ​ൾ​ക്കു പു​തി​യ ചി​ന്ത​ക​ളും ആ​ലോ​ച​ന​ക​ളും ത​രി​ക​യും ചെ​യ്യു​ന്നു​ണ്ടെ​ങ്കി​ൽ ആ ​സി​നി​മ മ​ഹ​ത്താ​യ സൃ​ഷ്ടി​യാ​ണ്.



ഇ​ത് എ​ന്‍റെ മാ​ത്രം കാ​ഴ്ച​പ്പാ​ട​ല്ല, എ​ല്ലാ​വ​ർ​ക്കും അ​ത് അ​ങ്ങ​നെ​ത​ന്നെ​യാ​ണെ​ന്നു തോ​ന്നു​ന്നു. ഷേ​ക്സ്പി​യ​ർ നാ​ട​കം ക​ളി​ച്ച കാ​ല​ത്ത് അ​ദ്ദേ​ഹ​ത്തി​ന്‍റെ നാ​ട​ക​ങ്ങ​ൾ വ​ലി​യ വേ​ദി​ക​ളി​ൽ ഓ​ടു​ക​യോ കൂ​ടു​ത​ൽ ക​ള​ക്ഷ​ൻ നേ​ടു​ക​യോ ചെ​യ്ത​വ ആ​യി​രു​ന്നി​ല്ല. ഷേ​ക്സ്പി​യ​ർ ദ​രി​ദ്ര​നാ​യി പ​ല പ്ര​ഭ്വി​ക​ളു​ടെ​യും പ​ക്ക​ൽ നി​ന്നു ക​ടം വാ​ങ്ങി​യി​ട്ടാ​ണ് നാ​ട​കം ചെ​യ്തു​കൊ​ണ്ടി​രു​ന്ന​തെ​ന്നാ​ണു കേ​ട്ടി​ട്ടു​ള്ള​ത്. പി​ന്നെ​ന്താ​യി. ലോ​കം മു​ഴു​വ​നും ഇ​ന്നു ഷേ​ക്സ്പി​യ​റി​നെ​യാ​ണു ച​ർ​ച്ച ചെ​യ്യു​ന്ന​ത്.

അ​ന്ന് എ​ഴു​ത്തി​ലൂ​ടെ സ​ന്പ​ന്ന​രാ​യി നാ​ട​ക​വേ​ദി​ക​ളി​ൽ നി​റ​ഞ്ഞു​നി​ന്ന​വ​രെ ഇ​ന്നു ന​മു​ക്ക​റി​യി​ല്ല. അ​ന്ന​ത്തെ​ക്കാ​ല​ത്ത് ആ​ളു​ക​ളെ ര​സി​പ്പി​ച്ചു​പോ​യ, അ​ന്നു നി​റ​ഞ്ഞാ​ടി​യ പ​ല നാ​ട​ക​ങ്ങ​ളു​ടെ​യും നാ​ട​ക​കൃ​ത്തു​ക്ക​ളെ​യോ സം​വി​ധാ​യ​ക​രെ​യോ ന​മു​ക്ക​റി​യി​ല്ല. അ​ന്ന് ആ​രും കാ​ണാ​തെ​പോ​യ ഷേ​ക്സ്പി​യ​റി​നെ കാ​ലം തി​രി​ച്ച​റി​യു​ന്നു​ണ്ട്. അ​താ​ണ് ഒ​രു ക​ലാ​കാ​ര​ന്‍റെ ഐ​ഡ​ന്‍റി​റ്റി എ​ന്നു വി​ശ്വ​സി​ക്കു​ന്ന​യാ​ളാ​ണു ഞാ​ൻ. അ​താ​ണു ന​ല്ല സി​നി​മ​യും ന​ല്ല ക​ല​യും. കാ​ലാ​തീ​ത​മാ​ണ് ഉ​ത്ത​മ​ക​ല.

മ​ഹേ​ഷി​ന്‍റെ പ്ര​തി​കാ​രം ഓ​രോ ത​വ​ണ കാ​ണു​ന്പോ​ഴും അ​തു പു​തി​യ അ​നു​ഭ​വ​മാ​ണു ന​ല്കു​ന്ന​ത്....

അ​തി​ന്‍റെ മു​ഴു​വ​ൻ മാ​ജി​ക്, ഞ​ങ്ങ​ളെ ആ​ക്ടേ​ഴ്സ് എ​ന്ന നി​ല​യി​ൽ ഇ​ൻ​ഡ​സ്ട്രി​യും പ്രേ​ക്ഷ​ക​രും സ്വീ​ക​രി​ക്കു​ക​യും ചെ​യ്ത​തി​ന്‍റെ മു​ഴു​വ​ൻ ക്ര​ഡി​റ്റും അ​തി​ന്‍റെ സ്ക്രി​പ്റ്റ് റൈ​റ്റ​ർ ശ്യാം ​പു​ഷ്ക​ര​നും ഡ​യ​റ​ക്ട​ർ ദി​ലീ​ഷ് പോ​ത്ത​നും ത​ന്നെ​യാ​ണ്. വാ​സ്ത​വ​ത്തി​ൽ ഞ​ങ്ങ​ൾ ആ​ക്ടേ​ഴ്സ് വെ​റും ടൂ​ൾ ആ​യി​രു​ന്നു. ഫി​ലിം​മേ​ക്ക​റു​ടെ രീ​തി എ​ന്ന പ​റ​യു​ന്ന ത​ല​ത്തി​ലേ​ക്കു സി​നി​മ കൊ​ണ്ടു​പോ​യി​ട്ടു​ള്ള​ത് ദി​ലീ​ഷ് പോ​ത്ത​നാ​ണ്. ഞ​ങ്ങ​ളെ​യൊ​ക്കെ അ​തി​ന് ഉ​പ​യോ​ഗി​ക്കു​ക​യാ​ണു ചെ​യ്ത​ത്.



ആ​ക്ടേ​ഴ്സ് എ​ന്ന നി​ല​യി​ൽ ഞ​ങ്ങ​ൾ ഞ​ങ്ങ​ളു​ടെ പ​ങ്കു വ​ഹി​ച്ചി​ട്ടു​ണ്ടെ​ങ്കി​ലും അ​തി​ലേ​ക്കു ഞ​ങ്ങ​ളെ എ​ത്തി​ച്ച​ത് ഡ​യ​റ​ക്ട​ർ എ​ന്ന നി​ല​യി​ൽ ദി​ലീ​ഷ് പോ​ത്ത​നാ​ണ്. ദി​ലീ​ഷ് പോ​ത്ത​ന്‍റെ ര​ണ്ടാ​മ​ത്തെ ചി​ത്ര​മാ​യ തൊ​ണ്ടി​മു​ത​ലും ദൃ​ക്സാ​ക്ഷി​യും എ​ന്ന പ​ട​ത്തി​ലാ​ണ് ഇ​പ്പോ​ൾ അ​ഭി​ന​യി​ക്കു​ന്ന​ത്.

തൊ​ണ്ടി​മു​ത​ലും ദൃ​ക്സാ​ക്ഷി​യും എ​ന്ന സി​നി​മ​യു​ടെ വി​ശേ​ഷ​ങ്ങ​ൾ...

സ്ക്രി​പ്റ്റ് സ​ജി​വ് പാ​ഴൂ​ർ. കാ​മ​റ രാ​ജീ​വ് ര​വി. മ​ഹേ​ഷി​ന്‍റെ പ്ര​തി​കാ​ര​ത്തി​ന്‍റെ സ്ക്രി​പ്റ്റ് റൈ​റ്റ​ർ ശ്യാം ​പു​ഷ്ക​ര​ൻ ഈ ​സി​നി​മ​യി​ൽ ക്രി​യേ​റ്റീ​വ് കോ​ണ്‍​ട്രി​ബ്യൂ​ട്ട​റാ​ണ്. മ​ഹേ​ഷി​ന്‍റെ പ്ര​തി​കാ​ര​ത്തി​ലു​ണ്ടാ​യി​രു​ന്ന സം​വി​ധാ​ന സ​ഹാ​യി​ക​ളെ​ല്ലാം ഇ​തി​ലും ഉ​ണ്ട്. ഞാ​നും ഫ​ഹ​ദും സു​രാ​ജ് വെ​ഞ്ഞാ​റ​മൂ​ടു​മാ​ണ് ഈ ​സി​നി​മ​യി​ലു​ള്ള ഇ​ൻ​ഡ​സ്ട്രി​യി​ൽ അ​റി​യു​ന്ന ആ​ക്ടേ​ഴ്സ്. ഞ​ങ്ങ​ൾ​ക്കൊ​പ്പം അ​ഭി​ന​യി​ക്കു​ന്ന​വ​രെ​ല്ലാം പു​തി​യ ആ​ളു​ക​ളാ​ണ്.

കാ​സ​ർ​ഗോ​ട്ടെ ഒ​രു പോ​ലീ​സ് സ്റ്റേ​ഷ​നി​ലാ​ണ് ഇ​തി​ലെ പ്ര​ധാ​ന സം​ഭ​വ​ങ്ങ​ൾ അ​ര​ങ്ങേ​റു​ന്ന​ത്. ഞാ​നൊ​രു പോ​ലീ​സു​കാ​ര​നാ​യാ​ണ് അ​ഭി​ന​യി​ക്കു​ന്ന​ത്. നാ​യി​ക നി​മി​ഷ. മും​ബൈ മ​ല​യാ​ളി. അ​പ​ർ​ണ​യും ലി​ജോ​മോ​ളും മ​ഹേ​ഷി​ന്‍റെ പ്ര​തി​കാ​ര​ത്തി​ലൂ​ടെ മ​ല​യാ​ള​സി​നി​മ​യി​ൽ എ​ത്തി​പ്പെ​ട്ട​തു​പോ​ലെ നി​മി​ഷ​യും ദി​ലീ​ഷ് പോ​ത്ത​ൻ മു​ന്നോ​ട്ടു​വ​യ്ക്കു​ന്ന ന​ല്ല ഒ​രു നടിയാ​ണ്.

കാ​സ​ർ​ഗോ​ഡ് പോ​ലീ​സ് ഡി​പ്പാ​ർ​ട്ട്മെ​ന്‍​റി​ൽ ജോ​ലി​ചെ​യ്യു​ന്ന പോ​ലീ​സു​കാ​ർ ത​ന്നെ​യാ​ണ് ഇ​തി​ൽ പോ​ലീ​സ് വേ​ഷം ചെ​യ്തു​കൊ​ണ്ടി​രി​ക്കു​ന്ന​ത്. ഇ​തി​ൽ എ​സ്ഐ​യാ​യി അ​ഭി​ന​യി​ക്കു​ന്ന​യാ​ൾ കാ​സ​ർ​ഗോ​ട്ടു ത​ന്നെ​യു​ള്ള സി​ബി എ​ന്ന സ​ർ​ക്കി​ൾ ഇ​ൻ​സ്പെ​ക്ട​റാ​ണ്. വ​നി​താ പോ​ലീ​സ് ആ​ക​ട്ടെ, കോ​ണ്‍​സ്റ്റ​ബി​ൾ​സ് ആ​ക​ട്ടെ പോ​ലീ​സ് ആ​യി അ​ഭി​ന​യി​ക്കു​ന്ന​വ​രി​ൽ പോ​ലീ​സ് അ​ല്ലാ​തെ വേ​ഷം കെ​ട്ടു​ന്ന ഒ​രാ​ൾ ഞാ​ൻ മാ​ത്ര​മേ​യു​ള്ളു. എ​ന്നെ സം​ബ​ന്ധി​ച്ചി​ട​ത്തോ​ളം വ​ള​രെ സ​ന്തോ​ഷ​ത്തോ​ടെ​യാ​ണ് ഈ ​സെ​റ്റി​ൽ നി​ൽ​ക്കു​ന്ന​ത്.



പു​തി​യ സി​നി​മ​യി​ലും പാ​ട്ടു​ക​ൾ​ക്കു പ്രാ​ധാ​ന്യ​മു​ണ്ടോ....?

തൊ​ണ്ടി മു​ത​ലും ദൃ​ക്സാ​ക്ഷി​യി​ലും പാ​ട്ടു​ക​ളു​ണ്ട്. പ​ക്ഷേ, പാ​ട്ട് പാ​ട്ടി​നു വേ​ണ്ടി​യ​ല്ല. ക​ഥാ​ഗ​തി​ക്ക് അ​നു​സ​രി​ച്ചു​ള്ള പാ​ട്ടു​ക​ളാ​ണ്. മ​ഹേ​ഷി​ന്‍റെ പ്ര​തി​കാ​ര​ത്തി​ലും അ​ത് അ​ങ്ങ​നെ​ത​ന്നെ ആ​യി​രു​ന്നു. ക​ഥാ​പ​രി​സ​ര​വു​മാ​യി ചേ​ർ​ന്നു നി​ൽ​ക്കു​ന്ന പാ​ട്ടു​ക​ളാ​ണു​ള്ള​ത്. ക​മ്മ​ട്ടി​പ്പാ​ട​ത്തി​ലും പാ​ട്ടു​ണ്ടാ​യി​രു​ന്നു. ക​ഥ​യ്ക്കു പു​റ​മേ​യു​ള്ള പാ​ട്ട​ല്ല. ക​ഥ​യ്ക്കു​ള്ളി​ലു​ള്ള പാ​ട്ടാ​ണ്. പാ​ട്ടു​ക​ളൊ​ക്കെ അ​തി​ന് ഒ​രു​ത​രം ഉൗ​ർ​ജം കൊ​ടു​ക്കു​ന്ന നി​ല​യി​ലാ​ണ്.

കാ​ണി​ക​ളെ റി​ലാ​ക്സ് ചെ​യ്യി​പ്പി​ച്ചു പു​റ​ത്തു​കൊ​ണ്ടു​പോ​യി ചി​പ്സോ ഡ്രിം​ഗ്സോ വാ​ങ്ങി​ക്കാ​ൻ വേ​ണ്ടി​യി​ട്ടു​ള്ള പാ​ട്ടു​ക​ള​ല്ല. അ​തു സി​നി​മ​യു​ടെ ഭാ​ഗ​മാ​ണ്. സ​മ​യം തി​ക​യ്ക്കാ​നു​ള്ള പാ​ട്ടു​ക​ള​ല്ല ഇ​തി​ൽ. ഉ​റ​പ്പാ​യും ര​സ​ക​ര​മാ​യ അ​നു​ഭ​വം ത​ന്നെ​യാ​വും തൊ​ണ്ടി​മു​ത​ലും ദൃ​ക്സാ​ക്ഷി​യും എ​ന്ന കാ​ര്യ​ത്തി​ൽ എ​നി​ക്കു സം​ശ​യ​മി​ല്ല.



ഇ​പ്പോ​ൾ സി​നി​മ​യി​ൽ തി​ര​ക്കു​ള്ള ന​ട​നാ​ണ​ല്ലോ. ഈ ​ജീ​വി​ത​ത്തെ​ക്കു​റി​ച്ച് എ​ന്തു തോ​ന്നു​ന്നു?

നാ​ട​ക​ത്തി​ൽ അ​ഭി​ന​യി​ക്കു​ന്ന കാ​ലം​തൊ​ട്ട് അ​ഭി​ന​യം എ​നി​ക്കു വ​ലി​യ ഇ​ഷ്ട​മാ​ണ്. എ​ത്ര​യോ കാ​ലം റി​ഹേ​ഴ്സ​ൽ എ​ടു​ത്ത​ശേ​ഷ​മാ​ണ് ഒ​രു നാ​ട​ക​ത്തി​ന്‍റെ അ​ര​ങ്ങേ​റ്റം. ആ ​റി​ഹേ​ഴ്സ​ൽ എ​ന്ന പ്ര​ക്രി​യ​യി​ലൂ​ടെ ക​ട​ന്നു​പോ​വു​ക എ​ന്ന​തു ജീ​വി​ത​ത്തെ സം​ബ​ന്ധി​ച്ചി​ട​ത്തോ​ളം വ​ലി​യ ആ​ന​ന്ദ​മാ​ണ്. പ​ക്ഷേ, സി​നി​മ​യി​ലെ​ത്തി തി​ര​ക്കാ​യ​പ്പോ​ൾ റെ​സ്റ്റെ​ടു​ക്കു​ക എ​ന്നു പ​റ​യു​ന്ന പ​രി​പാ​ടി​യൊ​ന്നു​മി​ല്ല. എ​ല്ലാ ദി​വ​സ​വും ഒ​രു സെ​റ്റി​ൽ നി​ന്നു മ​റ്റൊ​രു സെ​റ്റി​ലേ​ക്കു പോ​കു​ന്പോ​ൾ എ​നി​ക്കു​ത​ന്നെ തോ​ന്നി​യി​ട്ടു​ണ്ട് ഒ​രു ജോ​ലി പോ​ലെ ഇ​തൊ​രു ബോ​റ​ൻ പ​രി​പാ​ടി​യാ​യി മാ​റു​ന്നു​ണ്ടോ എ​ന്ന്. സ​ർ​ക്കാ​ർ ഉ​ദ്യോ​ഗ​ത്തി​നു പോ​കു​ന്ന​തു​പോ​ലെ ഒ​രു പ​രി​പാ​ടി​യാ​യി മാ​റു​ന്നു​ണ്ടോ എ​ന്നു ഞാ​ൻ സ്വ​യം​വി​മ​ർ​ശ​നം പോ​ലെ ആ​ലോ​ചി​ക്കാ​റു​ണ്ട്. പ​ക്ഷേ, ഇ​നി അ​ങ്ങ​നെ​യു​ള്ള ആ​ലോ​ച​ന​ക​ൾ​ക്കു പ്ര​സ​ക്തി​യി​ല്ലെ​ന്നും ഞാ​ൻ തി​രി​ച്ച​റി​യാ​റു​ണ്ട്.

കാ​സ​ർ​ഗോ​ഡ് സാ​ക്ഷ്യം​വ​ഹി​ച്ച നാ​ട​ക​രൂ​പ​ത്തി​ലു​ള്ള താ​ങ്ക​ളു​ടെ പ്ര​തി​ഷേ​ധ​ത്തി​നു പി​ന്നി​ൽ....

വാ​സ്ത​വ​ത്തി​ൽ അ​ടി​സ്ഥാ​ന​പ​ര​മാ​യി ഞാ​നൊ​രു നാ​ട​ക​പ്ര​വ​ർ​ത്ത​ക​നാ​ണ്. നാ​ട​കം ക​ല​യ്ക്കു വേ​ണ്ടി മാ​ത്ര​മു​ള്ള​താ​യി കാ​ണു​ന്ന ഒ​രാ​ള​ല്ല. ഇ​ന്നു മാ​ത്ര​മ​ല്ല ഇ​തി​നു മു​ന്പും ഇ​ത്ത​രം നാ​ട​ക​രീ​തി​ക​ൾ ഉ​പ​യോ​ഗി​ച്ചി​ട്ടു​ണ്ട്. നാ​ട​ക​ത്തി​നു പ​ല അ​വ​ത​ര​ണ​രീ​തി​ക​ളു​ണ്ട്. നാ​ട​കം ഒ​രു രാ​ഷ്ട്രീ​യ ആ​യു​ധം കൂ​ടി​യാ​ണെ​ന്നു വി​ശ്വ​സി​ക്കു​ന്ന​യാ​ളാ​ണു ഞാ​ൻ.

ന​മ്മു​ടെ സ്വ​യം​സം​തൃ​പ്തി​ക്കു​വേ​ണ്ടി മാ​ത്രം ഉ​പ​യോ​ഗി​ക്കാ​ൻ പ​റ്റു​ന്ന സാ​ധ​ന​മ​ല്ല നാ​ട​കം. അ​വ​ന​വ​ന്‍റെ ആ​ന​ന്ദ​ത്തി​നു വേ​ണ്ടി മാ​ത്ര​മ​ല്ല അ​ത്. ക​ലാ​കാ​ര​ന്‍റെ ഏ​റ്റ​വും ശ​ക്ത​മാ​യ ആ​യു​ധ​മാ​ണ് തി​യ​റ്റ​റും സി​നി​മ​യു​മൊ​ക്കെ. ഓ​രോ​രു​ത്ത​ർ​ക്കും ഓ​രോ മീ​ഡി​യം ഉ​ണ്ട്. ഞാ​നൊ​രു നാ​ട​ക​ക്കാ​ര​നെ​ന്ന രീ​തി​യി​ൽ എ​ന്‍റെ മാ​ധ്യ​മം നാ​ട​ക​മാ​ണ്. അ​തി​ന്‍റെ മാ​ധ്യ​മം എ​ന്ന​ത് എ​ന്‍റെ ശ​രീ​ര​മാ​ണ്.



എ​ന്‍റെ നാ​ട്ടി​ൽ ന​ട​ക്കു​ന്ന ചി​ല ഇ​ഷ്യൂ​സി​ൽ ഒ​രു ന​ട​നെ​ന്ന രീ​തി​യി​ൽ ഞാ​ൻ റി​യാ​ക്ട് ചെ​യ്യും. ഇ​തി​നെ ആ​ക്സി​ഡ​ന്‍​റ​ൽ തി​യ​റ്റ​ർ എ​ന്നും ഗ​റി​ല്ലാ തി​യ​റ്റ​ർ എ​ന്നു​മൊ​ക്കെ വി​ളി​ക്കാ​റു​ണ്ട്. അ​തൊ​ന്നും പൂ​ർ​ണ​മാ​യും സൗ​ന്ദ​ര്യാ​ത്മ​ക​മാ​യ ഒ​രു ക​ലാ​രൂ​പം ആ​യി​രി​ക്കി​ല്ല. പ​റ​യാ​ൻ ഉ​ദ്ദേ​ശി​ക്കു​ന്ന ഒ​രു വി​ഷ​യ​ത്തെ ആ​ളു​ക​ളു​ടെ ഇ​ട​യി​ലേ​ക്ക് വ​ള​രെ ശ​ക്ത​മാ​യി പെ​ട്ടെ​ന്ന് എ​ങ്ങ​നെ എ​ത്തി​ക്കാം എ​ന്ന​തി​ലാ​ണു ശ്ര​ദ്ധ. പെ​ട്ടെ​ന്നു വ​ന്നു പെ​ട്ടെ​ന്നു പ​റ​ഞ്ഞു​പോ​കു​ന്ന ഒ​രു രീ​തി​യാ​ണ്.

ആ ​രീ​തി ഇ​തി​നു മു​ന്പു ഞാ​ൻ പ​ല​ത​വ​ണ ഉ​പ​യോ​ഗി​ച്ചി​ട്ടു​ണ്ട്. എ​ന്‍റെ നാ​ടി​ന്‍റെ ഇ​ഷ്യൂ​സ്, എ​ന്‍റെ രാ​ജ്യ​ത്തി​ന്‍റെ ഇ​ഷ്യൂ​സ്... നാ​ട​ക​ക്കാ​ര​നെ​ന്ന രീ​തി​യി​ൽ ഞാ​ൻ അ​ന്നു പ​റ​ഞ്ഞ​ത് ആ​രും ശ്ര​ദ്ധി​ച്ചി​ല്ല. ന​മ്മു​ടെ നാ​ട്ടി​ൽ സി​നി​മാ​ക്കാ​ര​ന്‍റെ വാ​ക്കി​നാ​ണ​ല്ലോ വ​ലി​യ വി​ല. അ​വ​രെ ബി​ഗ് സ്ക്രീ​നി​ൽ കാ​ണു​ന്ന​തു​കൊ​ണ്ട്, ന​മ്മ​ളെ​ക്കാ​ൾ വ​ലു​പ്പ​ത്തി​ൽ കാ​ണു​ന്ന​തു​കൊ​ണ്ട് അ​വ​ർ പ​റ​യു​ന്ന​തി​നു വ​ലി​യ റീ​ച്ച്ഒൗ​ട്ട് കി​ട്ടു​ക​യും ചെ​യ്യും. ആ​ളു​ക​ൾ അ​തു ശ്ര​ദ്ധി​ക്കും. അ​തു​ത​ന്നെ​യാ​ണ് ഒ​രു സി​നി​മാ​ക്കാ​ര​നെ​ന്ന രീ​തി​യി​ൽ ഈ ​വി​ഷ​യ​ത്തി​ൽ ക​മ​ലി​നെ ഇ​വി​ട​ന്നു നാ​ടു​ക​ട​ത്ത​ണ​മെ​ന്നു പ​റ​യു​ന്പോ​ൾ ഞാ​ൻ തെ​രു​വി​ലേ​ക്കി​റ​ങ്ങി ഇ​തു ചെ​യ്യാ​നു​ള്ള പ്ര​ധാ​ന കാ​ര​ണം.

ഒ​ര​ഭി​പ്രാ​യം പ​റ​ഞ്ഞ​തി​ന്‍റെ പേ​രി​ൽ ഒ​രു ക​ലാ​കാ​ര​നെ അ​തും അ​യാ​ളു​ടെ മ​തം നോ​ക്കി​യി​ട്ട് ക​മ​ൽ എ​ന്ന​തി​നെ ക​മാ​ലു​ദ്ദീ​ൻ ആ​ക്കി​യി​ട്ട് അ​യാ​ളെ പാ​ക്കി​സ്ഥാ​നി​ലേ​ക്കു ക​ട​ക്കി​ക്ക​ള​യും എ​ന്നാ​ണു പ​റ​ഞ്ഞ​ത്. അ​തി​ൽ ഒ​രു ദു​സ്സൂ​ച​ന​യു​ണ്ട്. ഇ​തു ഹി​റ്റ്ല​റി​ന്‍റെ കാ​ല​ത്തും മ​റ്റും സം​ഭ​വി​ച്ചി​ട്ടു​ണ്ട്. ഫാ​സി​സം വ​രു​ന്ന​ത് ഇ​ങ്ങ​നെ​യാ​ണ്. വാക്കുകൾ കൊണ്ടായാലും ആയുധം കൊണ്ടായാലും എതിരഭിപ്രായം പറ‍യുന്നവരെ നാടുകടത്തുമെന്നു പറയുന്നതും കൊന്നുകളയുന്നതും ഫാസിസം തന്നെയാണ്. അത് ഏതു രാഷ്ട്രീയകക്ഷികൾ ചെയ്താലും.

ചെ​റി​യ ചെ​റി​യ സൂ​ച​ന​ക​ൾ ന​മ്മ​ൾ മ​ന​സി​ലാ​ക്കി​യി​ല്ലെ​ങ്കി​ൽ, ന​മ്മ​ൾ മൗ​നി​ക​ളാ​യി ഇ​രു​ന്നാ​ൽ അ​വ​ർ ന​മ്മു​ടെ നാ​വ​രി​ഞ്ഞു​കൊ​ണ്ടു​പോ​കും. ക​ഴു​ത്ത​രി​ഞ്ഞു​കൊ​ണ്ടു​പോ​കും. ന​മ്മ​ൾ ശ​ബ്ദി​ക്ക​ണം. നി​ങ്ങ​ളെ മി​ണ്ടി​ക്കി​ല്ല നി​ങ്ങ​ളു​ടെ നാ​വ​രി​യും എ​ന്നു പ​റ​യു​ന്നി​ട​ത്തു ന​മ്മ​ൾ ശ​ബ്ദി​ക്ക​ണം, ന​മ്മ​ൾ വ​ർ​ത്ത​മാ​നം പ​റ​യ​ണം, ന​മ്മ​ൾ ച​ർ​ച്ച ചെ​യ്യ​ണം. അ​തു മാ​ത്ര​മേ ഞാ​ൻ ഉ​ദ്ദേ​ശി​ച്ചു​ള്ളൂ. ആ ​ച​ർ​ച്ച ന​ട​ന്നു. കേ​ര​ള​സ​മൂ​ഹ​ത്തി​ൽ അ​തു യു​വ​ത​ല​മു​റ ഏ​റ്റെ​ടു​ത്തു. അ​ത് അ​ങ്ങോ​ട്ടു​മി​ങ്ങോ​ട്ടു​മു​ള്ള സം​വാ​ദ​മാ​യി. ആ ​അ​ഭി​പ്രാ​യം പ​റ​ഞ്ഞ നേ​താ​വി​ന്‍റെ പാ​ർ​ട്ടി​ക്കു​ള്ളി​ൽ​ത്ത​ന്നെ അ​ദ്ദേ​ഹ​ത്തി​ന്‍റെ അ​ഭി​പ്രാ​യ​ത്തി​നു വി​രു​ദ്ധ​മാ​യ അ​ഭി​പ്രാ​യ​ങ്ങ​ൾ വ​ന്നു. അ​ങ്ങ​നെ​യാ​വ​ണം ജ​നാ​ധി​പ​ത്യം. ഏ​ക​സ്വ​ര​മ​ല്ല, ബ​ഹു​സ്വ​ര​മാ​ണു ന​മ്മു​ടെ രാ​ഷ്ട്രം.



ഒ​രു സി​നി​മാ​താ​ര​മെ​ന്നു​ള്ള പ​ബ്ളി​സി​റ്റി... ഞാ​ൻ തെ​രു​വി​ലി​റ​ങ്ങു​ന്പോ​ൾ മാ​ധ്യ​മ​ങ്ങ​ൾ എ​ന്നെ ശ്ര​ദ്ധി​ക്കു​മെ​ന്ന് എ​നി​ക്കു ന​ല്ല ഉ​റ​പ്പു​ണ്ടാ​യി​രു​ന്നു. അ​തി​ന്‍റെ തു​ട​ർ​ച്ച​യാ​യി ആ​ളു​ക​ൾ ഇ​തി​നെ​ക്കു​റി​ച്ചു സം​സാ​രി​ക്ക​ണ​മെ​ന്നും ച​ർ​ച്ച ചെ​യ്യ​ണ​മെ​ന്നും എ​നി​ക്ക് ആ​ഗ്ര​ഹ​മു​ണ്ടാ​യി​രു​ന്നു. ഞാ​ൻ ഉ​ന്ന​യി​ച്ച വി​ഷ​യം കൃ​ത്യ​മാ​യി ആ​ളു​ക​ളി​ലേ​ക്ക് എ​ത്തു​ക​യും ആ​ളു​ക​ൾ അ​തു ച​ർ​ച്ച ചെ​യ്യു​ക​യും ചെ​യ്തു. അ​തി​ന് എ​തി​ര​ഭി​പ്രാ​യം ഉ​ണ്ടാ​വാം. അ​നൂ​കൂ​ല അ​ഭി​പ്രാ​യം ഉ​ണ്ടാ​വാം. അ​ങ്ങ​നെ ച​ർ​ച്ച ചെ​യ്യ​ണം. അ​ങ്ങ​നെ സം​വാ​ദ​ത്തി​ലൂ​ടെ​യാ​ണ്, അ​ല്ലാ​തെ നാ​ടു​ക​ട​ത്തി​ക്ക​ള​ഞ്ഞി​ട്ട​ല്ല ഒ​രു കാ​ര്യ​ത്തി​നു തീ​രു​മാ​ന​മു​ണ്ടാ​ക്കേ​ണ്ട​ത്.

അ​ഭി​പ്രാ​യം തു​റ​ന്നു പ​റ​യാ​നു​ള്ള സ്വാ​ത​ന്ത്ര്യം ആ​രു​ടെ​യും ഒൗ​ദാ​ര്യ​മ​ല്ല. അ​തു ഭ​ര​ണ​ഘ​ട​ന ത​രു​ന്ന അ​വ​കാ​ശ​മാ​ണ്. ഹി​ന്ദു എ​ന്നു പ​റ​യു​ന്ന​ത് ഒ​രു മ​ത​മാ​യി വി​ശ്വ​സി​ക്കു​ന്നി​ല്ല, ഒ​രു സം​സ്കാ​ര​മാ​യി കാ​ണു​ന്ന​യാ​ളാ​ണു ഞാ​ൻ. ഞാ​ൻ ഹി​ന്ദു​വാ​ണ​ന്നു പ​റ​യും. എ​നി​ക്ക​ഭി​മാ​ന​മു​ണ്ട്. എ​ന്‍റെ അ​ച്ഛ​നും അ​മ്മ​യും ക്രി​സ്തു​മ​ത​ത്തി​ലാ​യി​പ്പോ​യ​തു​കൊ​ണ്ട് എ​നി​ക്ക് അ​വ​ർ അ​ങ്ങ​നെ ഒ​രു പേ​രി​ട്ട​തു​കൊ​ണ്ട് ഞാ​ൻ ഹി​ന്ദു അ​ല്ലാ​താ​കു​ന്നി​ല്ല. ഞാ​ൻ ഇ​ന്ത്യ​ക്കാ​ര​ൻ അ​ല്ലാ​താ​കു​ന്നി​ല്ല.

ഹി​ന്ദു എ​ന്ന​ത് ഒ​രു രാ​ഷ്ട്രീ​യ​ക​ക്ഷി​ക്കും ദേ​ശീ​യ​ത എ​ന്നു​പ​റ​യു​ന്ന​ത് ഒ​രു രാ​ഷ്ട്രീ​യ പാ​ർ​ട്ടി​യു​ടെ കൊ​ടി​ക്കീ​ഴി​ലും ഒ​രു ചി​ഹ്ന​ത്തി​ന്‍റെ കൊ​ടി​ക്കീ​ഴി​ലും കൊ​ടു​ക്കാ​ൻ പ​റ്റു​ന്ന സാ​ധ​ന​മ​ല്ല. അ​വ​രാ​രാ​ണ് ന​മ്മു​ടെ ദേ​ശ​സ്നേ​ഹ​ത്തെ​ക്കു​റി​ച്ചു ചോ​ദി​ക്കാ​ൻ. ഇ​വ​രു​ടെ സ​ർ​ട്ടി​ഫി​ക്ക​റ്റ് വേ​ണോ എ​ന്‍റെ ദേ​ശ​സ്നേ​ഹം കാ​ണി​ച്ചു​കൊ​ടു​ക്കാ​ൻ. അ​തു​കൊ​ണ്ടു മാ​ത്ര​മാ​ണ് അ​ങ്ങ​നെ​യൊ​രു പ്ര​തി​ഷേ​ധം... പ്ര​തി​ഷേ​ധ​മ​ല്ല പ്ര​തി​രോ​ധം തീ​ർ​ക്ക​ണ​മെ​ന്നാ​ണു ഞാ​ൻ പ​റ​ഞ്ഞ​ത്. പ്ര​തി​ഷേ​ധ​പ്ര​ക​ട​ന​ങ്ങ​ളും പ്ര​തി​ഷേ​ധ​വും വാ​ചാ​ല​മാ​ണ്. പ്ര​തി​രോ​ധി​ക്ക​ണ​മെ​ന്നാ​ണു ഞാ​ൻ പ​റ​ഞ്ഞ​ത്.

അ​ന്യ​നാ​ടി​നെ​യും ഇ​നി ബ​ഹു​മാ​നി​ക്കാ​ൻ പ​ഠി​ക്ക​ണം. പാ​ക്കി​സ്ഥാ​ൻ എ​ന്താ ന​ര​ക​മാ​ണോ പാ​ക്കി​സ്ഥാ​നി​ലേ​ക്കു ക​ട​ത്തി​ക്ക​ള​യാ​ൻ. സി.​കെ പ​ത്മ​നാ​ഭ​ൻ ഇ​തേ തു​ട​ർ​ന്നു പ​റ​ഞ്ഞ​ത് ഇ​ങ്ങ​നെ​യാ​ണ്- ആ ​രാ​ജ്യം ന​മ്മു​ടെ സ​ഹോ​ദ​ര​രാ​ജ്യ​മാ​ണ്. അ​തു ന​മ്മ​ളോ​ടു ചേ​ർ​ത്തു​പി​ടി​ക്കാ​നാ​ണ് ന​മ്മ​ൾ ഇ​പ്പോ​ൾ ശ്ര​മി​ച്ചു​കൊ​ണ്ടി​രി​ക്കു​ന്ന​ത്.

അ​താ​ണു വേ​ണ്ട​ത്. അ​ല്ലാ​തെ അ​വ​രെ ശ​ത്രു​വാ​യി കാ​ണു​ക​യ​ല്ല. അ​തി​രു​ക​ളി​ല്ലാ​ത്ത ഒ​രു ലോ​ക​ത്തെ​ക്കു​റി​ച്ചാ​ണു ഞാ​ൻ സ്വ​പ്നം കാ​ണു​ന്ന​ത്. പാ​സ്പോ​ർ​ട്ടും വീ​സ​യു​മൊ​ന്നു​മി​ല്ലാ​തെ പ​ക്ഷി​ക​ൾ അ​ങ്ങോ​ട്ടു​മി​ങ്ങോ​ട്ടും പ​റ​ന്നു​പോ​കു​ന്നു​ണ്ട്. അ​തി​നെ​യാ​രും വെ​ടി​വ​ച്ചി​ട്ടി​ല്ല. അ​ങ്ങ​നെ മ​നു​ഷ്യ​രും ആ​ക​ണ​മെ​ന്നു വി​ചാ​രി​ക്കു​ന്ന ഒ​രാ​ളാ​ണു ഞാ​ൻ. അ​വി​ട​യേ സ്വ​ർ​ഗ​മു​ണ്ടാ​കൂ.

ലോ​ക​ത്ത് ഭ​ര​ണാ​ധി​കാ​രി​ക​ൾ ഇ​ല്ലാ​തെ​യാ​ക​ണം. ഭ​ര​ണ​കൂ​ട​ങ്ങ​ൾ ഇ​ല്ലാ​താ​കു​ന്നി​ട​ത്തു മ​നു​ഷ്യ​ർ​ക്ക് സ്വ​ത​ന്ത്ര​മാ​യി അ​ങ്ങോ​ട്ടു​മി​ങ്ങോ​ട്ടും സ്നേ​ഹ​ത്തോ​ടെ സ​ഞ്ച​രി​ക്കാ​നും അ​തി​രു​ക​ളി​ല്ലാ​ത്ത മ​നു​ഷ്യ​സ്നേ​ഹം പ​ങ്കു​വ​യ്ക്കാ​നും ക​ഴി​യ​ണം, മ​ത​വും ജാ​തി​യും ഒ​ന്നു​മി​ല്ലാ​തെ. മ​നു​ഷ്യ​രാ​ണ്, മൃ​ഗ​ങ്ങ​ള​ല്ല ക​ണ്ടാ​ൽ ക​ടി​ച്ചു​കീ​റാ​ൻ. ഒ​രു​ത്ത​നെ കൊ​ന്നു​തി​ന്നി​ട്ട​ല്ല​ല്ലോ മ​നു​ഷ്യ​ൻ ജീ​വി​ക്കേ​ണ്ട​ത്. ഇ​പ്പോ​ൾ മൃ​ഗ​ങ്ങ​ൾ അ​തു ചെ​യ്യാ​റു​ണ്ട്. പ​ക്ഷേ, ഇ​പ്പോ​ൾ മ​നു​ഷ്യ​ർ മ​നു​ഷ്യ​രെ ത​ന്നെ കൊ​ന്നു​തി​ന്നു ജീ​വി​ക്കാ​ൻ ശ്ര​മി​ച്ചു​കൊ​ണ്ടി​രി​ക്കു​ക​യാ​ണ്.

നാ​ട​ക​ത്തി​ലൂ​ടെ​യു​ള്ള പ്ര​തി​രോ​ധ​ത്തി​നു സി​നി​മാ​ലോ​ക​ത്തി​ന്‍റെ പി​ന്തു​ണ​യു​ണ്ടാ​യി​രു​ന്നോ...

ഞാ​ൻ നാ​ട​ക​ക്കാ​ര​ന​ല്ലേ. ഞാ​നൊ​രു ഇ​ന്ത്യ​ൻ പൗ​ര​നാ​ണ്. പ്ര​തി​ക​രി​ക്ക​ണ​മെ​ന്നു തോ​ന്നു​ന്പോ​ഴൊ​ക്കെ പ്ര​തി​ക​രി​ക്കു​ന്ന​ത് എ​ന്‍റെ മാ​ത്രം തീ​രു​മാ​ന​മാ​ണ്. ഞാ​നി​തു മു​ന്പും ചെ​യ്തി​ട്ടു​ണ്ട്. അ​വ​ർ എ​ന്തു​കൊ​ണ്ടു വ​ന്നി​ല്ല എ​ന്ന​ത് അ​വ​രോ​ടു ചോ​ദി​ക്ക​ണം. മ​മ്മൂ​ക്ക​യ്ക്കോ മോ​ഹ​ൻ​ലാ​ലി​നോ എ​ന്നെ​പ്പോ​ലെ തെ​രു​വി​ലി​റ​ങ്ങി ഇ​തു​പോ​ലെ ഒ​രു തെ​രു​വു​നാ​ട​കം ക​ളി​ക്കാ​ൻ പ​റ്റി​ല്ല. അ​തി​ന്‍റെ ആ​വ​ശ്യ​വു​മി​ല്ല. ഞാ​ൻ ചെ​യ്യു​ന്ന​തു​പോ​ലെ അ​വ​ർ ചെ​യ്യ​ണ​മെ​ന്ന് ഒ​രു നി​ർ​ബ​ന്ധ​വു​മി​ല്ല. അ​തി​ന്‍റെ കാ​ര്യ​മേ​യി​ല്ല അ​വ​ർ​ക്ക്. അ​വ​ർ പ്ര​തി​ഷേ​ധി​ക്കു​ന്നു​ണ്ടാ​വും പ്ര​തി​രോ​ധി​ക്കു​ന്നു​ണ്ടാ​വും പ​റ​യേ​ണ്ട സ്ഥ​ല​ങ്ങ​ളി​ൽ, പ​റ​യേ​ണ്ട ഇ​ട​ങ്ങ​ളി​ലൊ​ക്കെ അ​വ​രു​ടെ പ്ര​തി​ഷേ​ധം അ​റി​യി​ക്കു​ന്നു​ണ്ടാ​വും.

ആ​ർ​ജ​വ​മു​ള്ള ഒ​രു ക​ലാ​കാ​ര​നും ഒ​രാ​ൾ ഒ​ര​ഭി​പ്രാ​യം പ​റ​ഞ്ഞു എ​ന്ന​തി​ന്‍റെ പേ​രി​ൽ അ​യാ​ളെ നാ​ടു​ക​ട​ത്തി​ക്ക​ള​യും നാ​വ​രി​ഞ്ഞു​ക​ള​യും എ​ന്നൊ​ക്കെ പ​റ​യു​ന്ന​തി​നോ​ടു യോ​ജി​ക്കു​മെ​ന്ന്തോ​ന്നു​ന്നി​ല്ല. ഒ​രാ​ൾ അ​ങ്ങ​നെ പ​റ​ഞ്ഞ​തി​നോ​ടു മ​മ്മൂ​ക്ക​യും മോ​ഹ​ൻ​ലാ​ലു​നൊ​ക്കെ യോ​ജി​ക്കു​മെ​ന്ന് എ​നി​ക്കു തോ​ന്നു​ന്നി​ല്ല. അ​വ​രൊ​ക്കെ ന​ല്ല ക​ലാ​കാ​രന്മാരാ​ണ്. സി​നി​മാ​ക്കാ​ർ പ​ല​രും ഫോ​ണി​ൽ വി​ളി​ച്ചി​രു​ന്നു. വാ​ട്ട്സാ​പ്പി​ൽ മെ​സേ​ജ് വ​ന്നി​ട്ടു​ണ്ട്. ഒ​രു​പാ​ടു​പേ​രു​ടെ പി​ന്തു​ണ​യു​ണ്ട്. ഇ​പ്പോ​ൾ മ​മ്മൂ​ക്ക പ​ര​സ്യ​മാ​യി പ്ര​തി​ക​രി​ച്ചാ​ൽ ഉ​ണ്ടാ​കു​ന്ന പ്ര​ശ്നം എ​ന്താ​ണ​ന്ന് അ​റി​യാ​മോ.. ഇ​പ്പോ​ൾ ക​മ​ലി​നു സം​ഭ​വി​ച്ച​തു​പോ​ലെ ത​ന്നെ വ​രും. അ​ദ്ദേ​ഹ​ത്തി​ന്‍റെ മ​ത​ത്തി​ൽ ക​യ​റി​പ്പി​ടി​ക്കും. ഇ​താ​ണു പ്ര​ശ്നം. മോ​ഹ​ൻ​ലാ​ലാ​ണെ​ങ്കി​ലും അ​തു​ത​ന്നെ സം​ഭ​വി​ക്കും.

നാ​ട​ക​ത്തോ​ട് ഇ​ത്ര അ​ഭി​നി​വേ​ശം തോ​ന്നി​യ​ത് എ​ന്തു​കൊ​ണ്ടാ​ണ്. എ​ല്ലാ മ​റു​പ​ടി​ക​ളി​ലും നാ​ട​ക​ത്തെ​ക്കു​റി​ച്ചു പ​റ​യു​ന്നു​ണ്ട​ല്ലോ...

സ്വാ​ത​ന്ത്ര്യ​സ​മ​ര​കാ​ല​ത്ത് പു​ത്ത​ൻ​തോ​പ്പ് എ​ന്ന ഞ​ങ്ങ​ളു​ടെ ഗ്രാ​മ​ത്തി​ൽ അ​വി​ട​ത്തെ ചെ​റു​പ്പ​ക്കാ​ർ അ​വി​ടെ ഒ​രു ഗ്ര​ന്ഥ​ശാ​ല​യു​ണ്ടാ​ക്കി. ജ​യ്ഹി​ന്ദ് എ​ന്നാ​യി​രു​ന്നു അ​തി​ന്‍റെ പേ​ര്. ക്രൈ​സ്ത​വ​ർ ധാ​രാ​ള​മു​ള്ള ആ ​പ്ര​ദേ​ശ​ത്തെ തൊ​ട്ട​ടു​ത്ത ഇ​ട​വ​ക​ളി​ലൊ​ക്കെ ഒ​രു വി​ശു​ദ്ധ​ന്‍റെ പേ​രി​ലാ​വും ഇ​ത്ത​രം വാ​യ​ന​ശാ​ല​ക​ൾ ഉ​ണ്ടാ​വു​ക. ഞ​ങ്ങ​ളു​ടെ നാ​ട്ടി​ൽ മാ​ത്ര​മാ​ണു ജ​യ്ഹി​ന്ദ് എ​ന്ന പേ​രി​ൽ ഗ്ര​ന്ഥ​ശാ​ല​യു​ണ്ടാ​യ​ത്.

തൊ​ഴി​ൽ​തേ​ടി മ​ലേ​ഷ്യ​യി​ലേ​ക്കും സിം​ഗ​പ്പൂ​രി​ലേ​ക്കും പോ​യ ആ ​ചെ​റു​പ്പ​ക്കാ​ർ സു​ഭാ​ഷ് ച​ന്ദ്ര​ബോ​സി​നോ​ടു​ള്ള ആ​ഭി​മു​ഖ്യം​കൊ​ണ്ടാ​ണ് അ​വ​രു​ണ്ടാ​ക്കി​യ വാ​യ​ന​ശാ​ല​യ്ക്കു ജ​യ്ഹി​ന്ദ് എ​ന്നു പേ​രി​ട്ട​ത്. അ​ത്ര രാ​ഷ്ട്രീ​യ​ബോ​ധ​മു​ള്ള ഒ​രു ത​ല​മു​റ ഞ​ങ്ങ​ൾ​ക്കു​മു​ന്പ് ഉ​ണ്ടാ​യി​രു​ന്നു. ആ ​വാ​യ​ന​ശാ​ല​യു​ടെ വാ​ർ​ഷി​ക​ങ്ങ​ൾ​ക്കു സം​ഘ​ടി​പ്പി​ക്ക​പ്പെ​ടു​ന്ന നാ​ട​ക​മ​ത്സ​ര​ങ്ങ​ൾ ക​ണ്ടി​ട്ടാ​ണു കു​ട്ടി​ക്കാ​ലം മു​ത​ൽ നാ​ട​ക​ത്തോ​ട് അ​ഭി​നി​വേ​ശം തോ​ന്നി​യ​തും നാ​ട​ക​ങ്ങ​ളി​ൽ അ​ഭി​ന​യി​ക്കാ​ൻ തു​ട​ങ്ങി​യ​തും. അ​ത് എ​ന്‍റെ ജീ​വി​ത​ത്തി​ൽ ഇ​ന്നു​വ​രെ​യും ഞാ​ൻ തു​ട​രു​ന്നു. സി​നി​മ​യി​ലാ​ണെ​ങ്കി​ലും ഞാ​ൻ അ​തു ചെ​യ്യും.

സി​നി​മ എ​ന്നു പ​റ​യു​ന്ന​ത് എ​നി​ക്ക് ഒ​രു ഉ​പ​ജീ​വ​ന​മാ​ർ​ഗം മാ​ത്ര​മാ​ണ്. നാ​ട​ക​മെ​ന്ന​ത് എ​നി​ക്ക് ഉ​പ​ജീ​വ​ന​മാ​ർ​ഗം ആ​യി​രു​ന്നി​ല്ല. അ​തെ​ന്‍റെ പാ​ഷ​നാ​ണ്. അ​തു​കൊ​ണ്ടാ​ണു ഞാ​ൻ എ​ന്തു പ​റ​ഞ്ഞാ​ലും നാ​ട​ക​ത്തെ​ക്കു​റി​ച്ചു പ​റ​യു​ന്ന​ത്. ഞാ​ൻ ഇ​നി​യും നാ​ട​കം ചെ​യ്യും. ഞാ​ൻ ഒ​റ്റ​യ്ക്കാ​യാ​ലും നാ​ട​കം ചെ​യ്യും. അ​താ​ണു കാ​സ​ർ​ഗോ​ട്ടു ഞാ​ൻ കാ​ണി​ച്ച​ത്. ചി​ല സാ​ഹ​ച​ര്യ​ങ്ങ​ളി​ൽ, ചി​ല ഘ​ട്ട​ങ്ങ​ളി​ൽ അ​ങ്ങ​നെ വേ​ണ്ടി​വ​രും. ഇ​തൊ​ന്നും റി​ഹേ​ഴ്സ​ൽ ചെ​യ്തു ചെ​യ്യാ​നാ​വി​ല്ല. കു​റേ​പ്പേ​രെ കൂ​ട്ടി ചെ​യ്യ​ണ​മെ​ങ്കി​ൽ അ​തി​നൊ​രു സം​ഘ​മാ​യി റി​ഹേ​ഴ്സ​ലും മ​റ്റു കാ​ര്യ​ങ്ങ​ളും വേ​ണം. ഗ​റി​ല്ലാ തി​യ​റ്റ​ർ സ​ന്പ്ര​ദാ​യ​ത്തി​ൽ സം​ഘ​മാ​യി​ട്ടും ചെ​യ്യാം. അ​വി​ടെ ആ​ളു​ക​ളു​ടെ റി​യാ​ക്ഷ​ൻ വ​രും. അ​തി​ൽ വേ​റെ ആ​ളു​ക​ൾ വ​ന്നു​കൂ​ടും. അ​ങ്ങ​നെ അ​വ​രു​മാ​യു​ള്ള ഇ​ൻ​ട്രാ​ക്ഷ​നാ​ണ് അ​വി​ടെ സം​ഭ​വി​ക്കു​ന്ന​ത്. ഈ ​സ്ഥ​ല​ത്തും അ​താ​ണു സം​ഭ​വി​ച്ച​ത്.

ബ​സി​ൽ യാ​ത്ര​ചെ​യ്യു​ന്ന യാ​ത്ര​ക്കാ​ര​നു​മാ​യി​ട്ടാ​യി​രു​ന്നു എ​ന്‍റെ സം​വാ​ദം. അ​വി​ടെ എ​ന്നെ​ക്കാ​ണാ​ൻ ഓ​ടി​ക്കൂ​ടി​യ ആ​ളു​ക​ളു​ടെ ഇ​ട​യി​ലാ​യി​രു​ന്നു ഞാ​ൻ ച​ർ​ച്ച​യാ​ക്കാ​നു​ദ്ദേ​ശി​ച്ച വി​ഷ​യം അ​വ​ത​രി​പ്പി​ച്ച​ത്. ഇ​റ​ങ്ങി​ത്തി​രി​ക്കു​ന്ന​തി​ന് ഉ​ച്ച​യോ​ടു മു​ന്പ് ഒ​രു ത​യാ​റെ​ടു​പ്പ് ഉ​ണ്ടാ​യി​രു​ന്നു. ചി​ല കാ​ര്യങ്ങ​ൾ കേ​ൾ​ക്കു​ന്പോ​ൾ അ​ങ്ങ​നെ തോ​ന്നാ​റു​ണ്ട്. അ​ത് എ​ന്തു​കൊ​ണ്ടാ​ണെ​ന്ന് അ​റി​യി​ല്ല. അ​തു ചി​ല​പ്പോ​ൾ ഭ്രാ​ന്താ​യി​രി​ക്കാം. സ​മൂ​ഹം അ​ങ്ങ​നെ കാ​ണു​മാ​യി​രി​ക്കും. അ​ങ്ങ​നെ ഭ്രാ​ന്തു​ള്ള ഒ​രാ​ളാ​ണു ഞാ​ൻ. ഇ​ത്ത​രം ഭ്രാ​ന്തു​ള്ള ആ​ളു​ക​ൾ​ക്കു മാ​ത്ര​മേ ഇ​ത്ത​ര​ത്തി​ലു​ള്ള ക​ലാ​പ്ര​ക​ട​നം ന​ട​ത്താ​ൻ പ​റ്റൂ.

സി​നി​മ​ക​ളെ എ​ങ്ങ​നെ കാ​ണു​ന്നു..​ന​ല്ല സി​നി​മ​യും മോ​ശം സി​നി​മ​യും ഉ​ണ്ടോ..?

ന​ല്ല സി​നി​മ​യും മോ​ശം സി​നി​മ​യും ഉ​ണ്ട് എ​ന്ന കാ​ര്യ​ത്തി​ൽ സം​ശ​യ​മി​ല്ല. ചി​ല സി​നി​മ​ക​ൾ മൂ​ന്നാം ക്ലാ​സു​കാ​ർ​ക്കു​വേ​ണ്ടി​യു​ള്ള സി​നി​മ​ക​ളാ​യി​രി​ക്കും. മൂ​ന്നാം ക്ലാ​സു​കാ​രാ​ണ് ന​മ്മു​ടെ​യി​ട​യി​ൽ ഭൂ​രി​പ​ക്ഷം. അ​തു​കൊ​ണ്ട് ആ ​സി​നി​മ​ക​ൾ ഹി​റ്റാ​വും. നൂ​റു ദി​വ​സം ഓ​ടും. സി​നി​മ​യെ മ​ന​സി​ലാ​ക്കാ​നും ആ ​ക​ല എ​ന്താ​ണെ​ന്ന് അ​റി​യാ​നും പ്രാ​പ്തി​യു​ള്ള പ്രേ​ക്ഷ​ക​ർ​ക്കു വേ​ണ്ടി​യും സി​നി​മ​ക​ളു​ണ്ടാ​വും. ന​മ്മു​ടെ പ്രേ​ക്ഷ​ക​ർ അ​ത്ത​രം ബൗ​ദ്ധി​ക​നി​ല​വാ​ര​ങ്ങ​ളി​ലേ​ക്ക് ഉ​യ​രാ​ത്തി​ട​ത്തോ​ളം കാ​ലം വെ​റൊ​ന്നും ചെ​യ്യാ​നാ​വി​ല്ല.

ഇ​നി ഞാ​ൻ ബു​ദ്ധി​ജീ​വി സി​നി​മ​ക​ളി​ൽ മാ​ത്രം അ​ല്ലെ​ങ്കി​ൽ ഡി​ഗ്രി ക​ഴി​ഞ്ഞ​വ​ർ​ക്കു വേ​ണ്ടി​യി​ട്ടു​ള്ള സി​നി​മ, ഡോ​ക്ട​റേ​റ്റ് എ​ടു​ത്ത​വ​ർ​ക്കു മാ​ത്ര​മു​ള്ള സി​നി​മ എ​ന്നി​വ​യി​ൽ മാ​ത്ര​മേ അ​ഭി​ന​യി​ക്കൂ എ​ന്നു പ​റ​ഞ്ഞി​രു​ന്നാ​ൽ എ​നി​ക്കി​നി അ​ധി​ക​കാ​ലം മു​ന്നോ​ട്ടും പോ​കാ​നി​ല്ല. ഞാ​നൊ​രു സാ​ധാ​ര​ണ​മ​നു​ഷ്യ​നാ​ണ്. എ​ന്‍റെ ലൈ​ഫ് മു​ന്നോ​ട്ടു​കൊ​ണ്ടു​പോ​ക​ണ​മെ​ന്നേ​യു​ള്ളൂ.

റോ​ളു​ക​ൾ സെ​ല്ക​ട് ചെ​യ്യു​ന്പോ​ൽ എ​ന്താ​ണു ശ്ര​ദ്ധി​ക്കു​ക..

എ​നി​ക്ക് എ​ന്തെ​ങ്കി​ലും ചെ​യ്യാ​നു​ണ്ടാ​ക​ണം. ഒ​രു സീ​ൻ ആ​യാ​ൽ​പ്പോ​ലും ഒ​രു ആ​ക്ട​ർ എ​ന്ന രീ​തി​യി​ൽ എ​ന്‍റെ ഐ​ഡ​ന്‍റി​റ്റി ഉ​ണ്ടാ​ക​ണ​മെ​ന്നേ ഞാ​ൻ നോ​ക്കാ​റു​ള്ളു. ഒ​രു സീ​ൻ ആ​യാ​ലും പ്ര​ശ്ന​മി​ല്ല. മു​ഴു​നീ​ള റോ​ൾ ആ​യാ​ലും അ​ങ്ങ​നെ​ത​ന്നെ. അ​തി​ന്‍റെ സ​ബ്ജ​ക്ടി​ൽ ഒ​രു ന​ട​നെ​ന്ന രീ​തി​യി​ൽ ഇ​ട​പെ​ടാ​ൻ എ​ന്നെ​ക്കൊ​ണ്ടാ​വി​ല്ല. അ​ത് എ​ന്‍റെ ഡ്യൂ​ട്ടി​യ​ല്ല. ഞാ​ൻ ഒ​രു ആ​ക്ട​റാ​ണ്.

ഇ​ക്കാ​ര്യ​ത്തി​ൽ ജ​ഗ​തി​ച്ചേ​ട്ട​ൻ പ​റ​ഞ്ഞ ഒ​രു ഡ​യ​ലോ​ഗ് ഓ​ർ​മ​വ​രു​ന്നു. അ​ത് ഇ​ങ്ങ​നെ​യാ​ണ്- സി​നി​മാ​ഭി​ന​യം ഒ​രു തൊ​ഴി​ലാ​യി​ട്ടാ​ണു സ്വീ​ക​രി​ച്ചി​ട്ടു​ള്ള​തെ​ങ്കി​ൽ അ​തു കൂ​ലി​പ്പ​ണി പോ​ലെ​യാ​ണ്. എ​നി​ക്കു ചി​ല​പ്പോ​ൾ ഒ​രു ക​ന്യാ​സ്ത്രീ​മ​ഠ​ത്തി​ൽ ക​ല്ലി​റ​ക്കി കൊ​ടു​ക്കേ​ണ്ടി​വ​രും. അ​തു​പോ​ലെ​ത​ന്നെ ഒ​രു വേ​ശ്യാ​ല​യ​ത്തി​ലും ക​ല്ലി​റ​ക്കി​ക്കൊ​ടു​ക്കേ​ണ്ടി​വ​രും. വേ​ശ്യാ​ല​യ​ത്തി​ൽ ഇ​റ​ക്കി​ല്ല, ക​ന്യാ​സ്ത്രീ മ​ഠ​ത്തി​ൽ മാ​ത്ര​മേ ഇ​റ​ക്കൂ എ​ന്നു പ​റ​ഞ്ഞാ​ൽ എ​നി​ക്കു പ​ണി​യി​ല്ലാ​താ​കും. കാ​ര്യം സി​പി​ൾ.

ഇ​തു​വ​രെ ചെ​യ്ത വേ​ഷ​ങ്ങ​ളി​ൽ സം​തൃ​പ്തി ത​ന്ന​ത്..

ചെ​യ്ത​വേ​ഷ​ങ്ങ​ളെ​ല്ലാം സം​തൃ​പ്തി ത​ന്നി​ട്ടു​ള്ള​വ​യാ​ണ്. സം​തൃ​പ്തി​യി​ല്ലാ​ത്ത വേ​ഷ​ങ്ങ​ളൊ​ന്നും ചെ​യ്തി​ട്ടി​ല്ല, ഇ​തേ​വ​രെ.

ഇ​തു​വ​രെ​യു​ള്ള സി​നി​മാ​വ​ഴി​ക​ളി​ൽ ആ​രോ​ടാ​ണു ക​ട​പ്പാ​ടു​ള്ള​ത്..

ഒ​രു​പാ​ടു​പേ​രു​ണ്ട്. എ​ന്‍റെ സു​ഹൃ​ദ്സം​ഘ​ങ്ങ​ളാ​ണ് എ​ന്നെ സി​നി​മ​യി​ലെ​ത്തി​ച്ച​ത്. സൗ​ഹൃ​ദം വ​ഴി​യാ​ണു ഞാ​ൻ സി​നി​മ​യി​ലെ​ത്തി​യ​ത്. ആ​ദ്യ​മാ​യി ഞാ​ൻ അ​ഭി​ന​യി​ച്ച സി​നി​മ പി.​എ.​ബ​ക്ക​റി​ന്‍റെ സ​ഖാ​വ്- വി​പ്ല​വ​ത്തി​ന്‍റെ ശു​ക്ര​ന​ക്ഷ​ത്രം. പി.​കൃ​ഷ്ണ​പി​ള്ള​യെ​ക്കു​റി​ച്ചു​ള്ള സി​നി​മ. ആ ​സി​നി​മ​യി​ലെ​ത്തി​പ്പെ​ടു​ന്ന​ത് സി.​പി.​കൃ​ഷ്ണ​കു​മാ​ർ, ക​ല്ലേ​ലി​ൽ രാ​മ​ച​ന്ദ്ര​ൻ നാ​യ​ർ എ​ന്നി​വ​ർ വ​ഴി​യാ​ണ്. സി.​പി നാ​ട​ക​ത്തി​ൽ എ​ന്‍റെ ഗു​രു​നാ​ഥ​ൻ കൂ​ടി​യാ​ണ്. കേ​ര​ള​ത്തി​ലെ നാ​ട​ക​പ്ര​വ​ർ​ത്ത​ക​രെ​വ​ച്ചാ​ണ് ബ​ക്ക​ർ ആ ​സി​നി​മ ചെ​യ്യാ​ൻ പ്ലാ​നി​ട്ട​ത്. ഇ​വ​രാ​ണ് ബ​ക്ക​റി​ന് എ​ന്നെ പ​രി​ച​യ​പ്പെ​ടു​ത്തി​ക്കൊ​ടു​ത്ത​ത്.

എ​ന്‍റെ സു​ഹൃ​ത്തു​ക്ക​ളാ​യ ക​വി അ​ൻ​വ​ർ അ​ലി, ജോ​സ് തോ​മ​സ് എ​ന്നി​വ​ർ വേ​ണു​വി​ന്‍റെ സു​ഹൃ​ത്തു​ക്ക​ളാ​യി​രു​ന്നു. അ​വ​രു​ടെ സൗ​ഹാ​ർ​ദം വ​ഴി​യാ​ണ് ഞാ​ൻ വേ​ണു​വി​നെ പ​രി​ച​യ​പ്പെ​ടു​ന്ന​തും വേ​ണു​വി​ന്‍റെ ദ​യ എ​ന്ന സി​നി​മ​യി​ൽ അ​ഭി​ന​യി​ച്ച​തും. അ​വ​രു​ടെ​യൊ​ക്കെ കൂ​ട്ടാ​യ്മ​യി​ൽ എ​ത്തി​പ്പെ​ട്ടി​ട്ടാ​ണു ഞാ​ൻ രാ​ജീ​വ് വി​ജ​യ​രാ​ഘ​വ​ന്‍റെ മാ​ർ​ഗം എ​ന്ന സി​നി​മ​യി​ലെ​ത്തു​ന്ന​ത്. അ​വി​ടെ നി​ന്നു​ള്ള സൗ​ഹാ​ർ​ദ​ത്തി​ൽ നി​ന്നാ​ണ് നെ​ടു​മു​ടി വേ​ണു​ച്ചേ​ട്ട​ൻ നി​ർ​ദേ​ശി​ച്ചി​ട്ട് ര​ഘു​നാ​ഥ് പ​ലേ​രി​യു​ടെ ക​ണ്ണു​നീ​രി​നു മ​ധു​രം എ​ന്ന പ​ട​ത്തി​ലെ​ത്തി​യ​ത്.

ഓ​രോ സൗ​ഹാ​ർ​ദ​ങ്ങ​ളാ​ണ് എ​ന്നെ ഓ​രോ സി​നി​മ​യി​ലെ​ത്തി​ച്ച​ത്. ഫി​ലിം സൊ​സൈ​റ്റി​യു​ടെ സെ​ക്ര​ട്ട​റി​യാ​യി​രു​ന്ന സു​രേ​ഷ്ബാ​ബു​വാ​ണ് എം.​പി. സു​കു​മാ​ര​ൻ​നാ​യ​രെ പ​രി​ച​യ​പ്പെ​ടു​ത്തി​ത്ത​ന്ന​ത്. അ​ങ്ങ​നെ​യാ​ണു സു​കു​മാ​ര​ൻ നാ​യ​രു​ടെ ശ​യ​നം മു​ത​ൽ ജ​ലാം​ശം വ​രെ​യു​ള്ള എ​ല്ലാ പ​ട​ങ്ങ​ളി​ലും എ​നി​ക്ക് അ​ഭി​ന​യി​ക്കാ​ൻ പ​റ്റി​യ​ത്. അ​ങ്ങ​നെ എ​ല്ലാം സൗ​ഹാ​ർ​ദ​ങ്ങ​ളു​ടെ തു​ട​ർ​ച്ച​യാ​ണ്.

രാ​ജീ​വ് ര​വി ഇ​ൻ​സ്റ്റി​റ്റ്യൂ​ട്ടി​ൽ നി​ന്ന് ഇ​റ​ങ്ങി​യി​ട്ട് ആ​ദ്യ​മാ​യി കാ​മ​റ ചെ​യ്ത വ​ർ​ക്ക് ഏ​ഷ്യാ​നെ​റ്റി​ൽ അ​ന്ന് ഉ​ദ്യോ​ഗ​സ്ഥ​നാ​യി​രു​ന്ന ഗോ​പ​ൻ​ചി​ദം​ബ​രം സം​വി​ധാ​നം ചെ​യ്ത നി​ഴ​ൽ​ക്കാ​ഴ്ച എ​ന്ന ഷോ​ർ​ട്ട്ഫി​ലി​മാ​യി​രു​ന്നു. അ​തി​ലെ നാ​യ​ക​നാ​യി​രു​ന്നു ഞാ​ൻ. ഗോ​പ​ന്‍റെ സൗ​ഹാ​ർ​ദം വ​ഴി​യാ​ണു ഞാ​ൻ രാ​ജീ​വി​നെ പ​രി​ച​യ​പ്പെ​ടു​ന്ന​ത്. രാ​ജീ​വു​മാ​യു​ള്ള സൗ​ഹൃ​ദം വ​ഴി​യാ​ണ് അ​ന്ന​യും റ​സൂ​ലും മു​ത​ൽ ക​മ്മ​ട്ടി​പ്പാ​ടം വ​രെ​യു​ള്ള രാ​ജീ​വി​ന്‍റെ മൂ​ന്നു സി​നി​മ​ക​ളി​ൽ അ​ഭി​ന​യി​ക്കാ​നാ​യ​ത്.



അ​തി​ന്‍റെ തു​ട​ർ​ച്ച​യാ​യി ഫ​ഹ​ദു​മാ​യു​ള്ള സൗ​ഹാ​ർ​ദ​ത്തി​ലൂ​ടെ​യാ​ണ് ഞാ​ൻ മ​ണ്‍​സൂ​ണ്‍ മാം​ഗോ​സി​ലെ​ത്തി​യ​ത്. അ​തി​ന്‍റെ തു​ട​ർ​ച്ച​യാ​യി​ട്ടാ​ണു ഞാ​ൻ ദി​ലീ​ഷ് പോ​ത്ത​നെ പ​രി​ച​യ​പ്പെ​ടു​ന്ന​തും മ​ഹേ​ഷി​ന്‍റെ പ്ര​തി​കാ​ര​ത്തി​ലെ​ത്തി​യ​തും. അ​ങ്ങ​നെ സൗ​ഹാ​ർ​ദ​ങ്ങ​ളി​ലൂ​ടെ​യാ​ണ് ഞാ​ൻ സി​നി​മ​യി​ലെ​ത്തി​പ്പെ​ടു​ന്ന​ത്. സു​ഹൃ​ത്തു​ക്ക​ളി​ല്ലാ​യി​രു​ന്നെ​ങ്കി​ൽ ഞാ​ൻ സി​നി​മ​യി​ലെ​ത്തി​ല്ലാ​യി​രു​ന്നു.

ഒ​രു നാ​ട​ക​പ്ര​വ​ർ​ത്ത​ക​ൻ എ​ന്ന രീ​തി​യി​ൽ​ത്ത​ന്നെ​യാ​ണ് മ​നു എ​ന്നെ ഫ്ര​ഞ്ച് വി​പ്ല​വം എ​ന്ന ഷോ​ർ​ട്ട്ഫി​ലി​മി​ൽ കാ​സ്റ്റ് ചെ​യ്ത​ത്. ആ ​സൗ​ഹാ​ർ​ദ​ത്തി​ൽ നി​ന്നാ​ണു മണ്ട്രോത്തു​രു​ത്ത് എ​ന്ന സി​നി​മ​യി​ലേ​ക്ക് മ​നു എ​ന്നെ വി​ളി​ച്ച​ത്.. അ​തു​പോ​ലെ ത​ന്നെ​യാ​ണു കെ.ആ​ർ. മ​നോ​ജു​മാ​യു​ള്ള പ​രി​ച​യം എ​ന്നെ ക​ന്യ​ക ടാ​ക്കീ​സി​ൽ എ​ത്തി​ച്ച​തും.



ഫി​ലിം സൊ​സൈ​റ്റി പ്ര​വ​ർ​ത്ത​ന​വും ഫി​ലിം ഫെ​സ്റ്റി​വ​ലു​ക​ളി​ലൂ​ടെ ഉ​ണ്ടാ​യ സൗ​ഹൃ​ദ​വും എ​ന്‍റെ നാ​ട​ക​ങ്ങ​ൾ മ​നോ​ജ് ക​ണ്ട​തു​മൊ​ക്കെ​യാ​ണ് ആ ​പ​രി​ച​യ​ത്തി​ലെ​ത്തി​ച്ച​ത്. ഇ​ങ്ങ​നെ ഇ​ത്ത​രം സു​ഹൃ​ത്തു​ക്ക​ളാ​ണ് എ​ന്നെ സി​നി​മ​യി​ലെ​ത്തി​ച്ച​ത്. അ​തി​ന്‍റെ തു​ട​ർ​ച്ച​യെ​ന്ന​പോ​ലെ മെ​യി​ൻ സ്ട്രീം ​ഇ​ൻ​ഡ​സ്ട്രി​യും മു​ഖ്യ​ധാ​രാ​സി​നി​മ​യും എ​ന്നെ ശ്ര​ദ്ധി​ക്കാ​ൻ തു​ട​ങ്ങി. അ​തി​ലേ​ക്കു​ള്ള ഒ​ഴു​ക്ക് അ​ങ്ങ​നെ സം​ഭ​വി​ച്ചു​കൊ​ണ്ടി​രു​ന്നു.

കി​സ്മ​ത്ത് ചെ​യ്ത ഷാ​ന​വാ​സ് കെ.​ബാ​വ​ക്കു​ട്ടി​യു​മാ​യു​ള്ള സൗ​ഹൃ​ദം രാ​ജീ​വ് ര​വി​യു​മാ​യു​ള്ള അ​ടു​പ്പം വ​ച്ചി​ട്ടാ​ണ്. ജോ​ണ്‍​പോ​ൾ ഉ​ൾ​പ്പെ​ടെ​യു​ള്ള ചെ​റു​പ്പ​ക്കാ​രു​ടെ കൂ​ട്ടാ​യ്മ​യാ​ണു ഗ​പ്പി ചെ​യ്ത​ത്. അ​തി​ലേ​ക്ക് അ​വ​ർ എ​ന്നെ വി​ളി​ക്കു​ക​യാ​യി​രു​ന്നു. ഇ​തെ​ല്ലാം കൂ​ട്ടാ​യ്മ​യു​ടെ ഭാ​ഗ​മാ​യി സം​ഭ​വി​ച്ച സി​നി​മ​ക​ളാ​ണ്. അ​തി​ന്‍റെ കൂ​ട്ട​ത്തി​ൽ ഞാ​നും ഇ​ങ്ങ​നെ മു​ന്നോ​ട്ടു പൊ​യ്ക്കൊ​ണ്ടി​രി​ക്കു​ന്നു.



ഇ​പ്പോ​ൾ വ​ർ​ക്ക് ചെ​യ്യു​ന്ന ദീ​ലീ​ഷ് പോ​ത്ത​ന്‍റെ ര​ണ്ടാ​മ​ത്തെ പ​ട​ത്തി​ലും രാ​ജീ​വാ​ണ് കാ​മ​റാ​മാ​ൻ. ഞ​ങ്ങ​ൾ ഇ​വി​ടെ ഒ​രു സി​നി​മാ​സെ​റ്റി​ല​ല്ല ജീ​വി​ക്കു​ന്ന​തെ​ന്നു പ​റ​യാം. പ​ക്ഷേ, സി​നി​മ​യാ​ണു ഞ​ങ്ങ​ൾ ചെ​യ്യു​ന്ന​ത്. സൗ​ഹാ​ർ​ദ​ത്തോ​ടെ​യും ഒ​രു കു​ടും​ബം പോ​ലെ​യും. ഒ​രു മെ​യി​ൻ സ്ട്രീം ​സി​നി​മാ​ക്കാ​ർ​ക്കും ഇ​ങ്ങ​നെ ഒ​ര​ന്ത​രീ​ക്ഷം പ​രി​ചി​ത​മ​ല്ല, അ​വ​ർ​ക്ക​റി​യി​ല്ല ഇ​ങ്ങ​നെ​യൊ​ക്കെ സി​നി​മ​യു​ണ്ടാ​ക്കാ​മെ​ന്ന്. ക​ച്ച​വ​ടം മാ​ത്ര​മ​ല്ല​ല്ലോ ക​ല. ക​ച്ച​വ​ട​ത്തി​ന​പ്പു​റം ചി​ല സാ​ധ​ന​ങ്ങ​ൾ കൂ​ടി​യു​ണ്ട്.

ചി​ത്രീ​ക​ര​ണം പൂ​ർ​ത്തി​യാ​ക്കി റി​ലീ​സ് കാ​ത്തി​രി​ക്കു​ന്ന താ​ങ്ക​ളു​ടെ മ​റ്റു ചി​ത്ര​ങ്ങ​ളെ​ക്കു​റി​ച്ച്...

പ​ത്മ​രാ​ജ​ൻ സാ​റി​ന്‍റെ അ​സോ​സി​യേ​റ്റാ​യി​രു​ന്ന വേ​ണു ഗോ​പ​ൻ ഡ​യ​റ​ക്ട് ചെ​യ്ത സ​ർ​വോ​പ​രി പാ​ലാ​ക്കാ​ര​നാ​ണ് എ​ന്‍റെ അ​ടു​ത്ത റി​ലീ​സു​ക​ളി​ലൊ​ന്ന്. അ​നൂ​പ് മേ​നോ​നാ​ണു നാ​യ​ക​ൻ. എ​ഡി​റ്റ​ർ മ​ഹേ​ഷ് നാ​രാ​യ​ണ​ൻ ആ​ദ്യ​മാ​യി സം​വി​ധാ​നം ചെ​യ്യു​ന്ന ടേ​ക്ക്ഓ​ഫാ​ണ് മ​റ്റൊ​രു ചി​ത്രം. കു​ഞ്ചാ​ക്കോ ബോ​ബ​ൻ, പാ​ർ​വ​തി, ഫ​ഹ​ദ് ഫാ​സി​ൽ എ​ന്നി​വ​ർ അ​ഭി​ന​യി​ക്കു​ന്ന സി​നി​മ.​അ​തി​ൽ ഞാ​ൻ പാ​ർ​വ​തി​യു​ടെ വാ​പ്പ​യാ​യി​ട്ടാ​ണ് അ​ഭി​ന​യി​ച്ച​ത്. അ​മ​ൽ​നീ​ര​ദി​ന്‍റെ ദു​ൽ​ഖ​ർ ചി​ത്ര​ത്തി​ൽ കേ​ര​ള കോ​ണ്‍​ഗ്ര​സു​കാ​ര​നാ​യി ഒ​രു ചെ​റി​യ വേ​ഷം ചെ​യ്തു. ചാ​പ്റ്റേ​ഴ്സ് ചെ​യ്ത സു​നി​ൽ ഇ​ബ്രാ​ഹിം സം​വി​ധാ​നം ചെ​യ്ത വൈ, ​ഷാ​ജി കൈ​ലാ​സി​ന്‍റെ അ​സോ​സി​യേ​റ്റ് ആ​യി​രു​ന്ന ഉ​ണ്ണി പ്ര​ണ​വം സം​വി​ധാ​നം ചെ​യ്യു​ന്ന ഹ​ദി​യ, ര​ഞ്ജ​ൻ പ്ര​മോ​ദ് സം​വി​ധാ​നം ചെ​യ്തു ബി​ജു മേ​നോ​ൻ നാ​യ​ക​നാ​കു​ന്ന ര​ക്ഷാ​ധി​കാ​രി ബൈ​ജു, ഒ​പ്പ് ... തു​ട​ങ്ങി​യ​വ​യാ​ണ് റി​ലീ​സിം​ഗി​നു കാ​ത്തി​രി​ക്കു​ന്ന പ​ട​ങ്ങ​ൾ.



അ​ടു​ത്ത​താ​യി അ​ഭി​ന​യി​ക്കു​ന്ന ചി​ത്ര​ങ്ങ​ളെ​ക്കു​റി​ച്ച്...

തോ​മ​സ് സെ​ബാ​സ്റ്റ്യ​ൻ സം​വി​ധാ​നം ചെ​യ്യു​ന്ന ധ്യാ​ൻ നാ​യ​ക​നാ​കു​ന്ന പ​ട​ത്തി​ലാ​ണ് തൊ​ണ്ടി​മു​ത​ലി​നു ശേ​ഷം ഞാ​ൻ ജോ​യ്ൻ ചെ​യ്യു​ന്ന​ത്. പി​ന്നെ ചെ​യ്യു​ന്ന​തു ഹി​ന്ദി​യി​ൽ സ്ക്രി​പ്റ്റ് ചെ​യ്ത മ​ല​യാ​ളി ബി​ജോ​യ് ന​ന്പ്യാ​രു​ടെ ത​മി​ഴ്- മ​ല​യാ​ളം പ്രോ​ജ​ക്ടി​ൽ. ദു​ൽ​ഖ​ർ നാ​യ​ക​നാ​കു​ന്ന പ​ടം. തു​ട​ർ​ന്നു ക​ള​ക്ടീ​വ് ഫേ​സ് നി​ർ​മി​ക്കു​ന്ന ഒ​രു പ​ടം, ദേ​വി അ​ജി​ത്ത് നി​ർ​മി​ക്കു​ന്ന പ​ഞ്ചാ​ര​പ്പാ​ലു മി​ഠാ​യി, ശ്യാം​ധ​ർ സം​വി​ധാ​നം ചെ​യ്യു​ന്ന മ​മ്മൂ​ട്ടി ചി​ത്രം, ആ​സി​ഫ് അ​ലിയെ നാ​യ​ക​നാക്കി ജി​സ് ജോ​യ് സം​വി​ധാ​നം ചെയ്യുന്ന ചി​ത്രം...​തു​ട​ങ്ങി​യ​വ​യി​ലാ​ണ് ഞാ​ൻ ഡേ​റ്റ് കൊ​ടു​ത്തി​ട്ടു​ള്ള​ത്.

ടി.ജി. ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
"c/o സൈ​റാ​ബാ​നു' എ​നി​ക്ക് ഇ​ര​ട്ടി​മ​ധു​രം- നി​ര​ഞ്ജ​ന അ​നൂ​പ്
മ​ഞ്ജു​വാ​ര്യ​ർ, അ​മ​ല എ​ന്നി​വ​ർ​ക്കൊ​പ്പം ഒ​രു സി​നി​മ​യി​ൽ​ത്ത​ന്നെ ഒ​രു​മി​ച്ച് അ​ഭി​ന​യി​ക്കാ​
"c/o സൈ​റാ​ബാ​നു - മേ​ൽ​വി​ലാ​സ​ത്തി​ന്‍റെ രാ​ഷ്‌ട്രീ​യം'
"മേ​ൽ​വി​ലാ​സം അ​ഥവാ ഐ​ഡ​ന്‍റി​റ്റി എ​ന്ന വാ​ക്കി​നെ​ക്കു​റി​ച്ചാ​ണ് ഈ ​സി​നി​മ. ഈ ​ലോ​ക​ത്ത് ഒ​രാ​
c/o സൈ​റാ ബാ​നു, എ​ന്‍റെ കി​സ്മ​ത്ത്, എ​ന്‍റെ നി​യോ​ഗം
മ​ഞ്ജു​വാ​ര്യ​രും അ​മ​ല​യും ഷെ​യ്ൻ നീ​ഗ​വും മു​ഖ്യ​വേ​ഷ​ങ്ങ​ളി​ലെ​ത്തു​ന്ന കു​ടും​ബ​ചി​ത്രം കെ​യ​ർ​
നൂലുവിന്‍റെ സിനിമാമോഹങ്ങൾ
അ​ങ്ക​മാ​ലി ഡ​യ​റീ​സും ഒ​രു മെ​ക്സി​ക്ക​ൻ അ​പാ​ര​ത​യും ഒ​രേ ദി​വ​സം റി​ലീ​സ് ചെ​യ്ത​പ്പോ​ൾ പു​തു​മു
അങ്ങനെ ഞാൻ "അലമാര' കുടുംബത്തിലെ പുതിയ കുട്ടിയായി
സ്കൂ​ൾ​ദി​ന​ങ്ങ​ളി​ൽ​ത്ത​ന്നെ ത​ന്നെ അ​ദി​തി​ ര​വി​ക്കു വ​ലി​യ ഒ​രാ​ഗ്ര​ഹ​വും സ്വ​പ്ന​വു​മൊ​ക്കെ​യാ
അയാൾ ജീവിച്ചിരിപ്പുണ്ട് - എ​ന്‍റെ ജീവിതം: കെ. ​പി. വ്യാ​സ​ൻ
""ഇ​ത് എ​ന്‍റെ മ​ന​സി​ലു​ള്ള സി​നി​മ​യാ​ണ്, എ​ന്‍റെ സി​നി​മ​യാ​ണ്. ഇ​ത് അ​ങ്ങ​നെ​ത​ന്നെ പൂ​ർ​ത്തി​യാ
ഭാ​ഗ്യ​"കു​പ്പി​' തു​റ​ന്ന് വി​ശാ​ഖ്..!
ഗ​ണേ​ഷ് രാജി​ന്‍റെ ആ​ന​ന്ദ​ത്തി​ൽ കു​പ്പി എ​ന്ന ക​ഥാ​പാ​ത്ര​ത്തി​ലൂ​ടെ പ്രേ​ക്ഷ​ക​ർ​ക്കു പ​ര​മാ​ന​ന്
താ​ര​മ​ല്ല, ഞാ​ൻ നി​ങ്ങ​ളി​ലൊ​രാ​ൾ - മ​ണി​ക​ണ്ഠ​ൻ
ക​മ്മ​ട്ടി​പ്പാ​ടം എ​ന്ന ആ​ദ്യ​ചി​ത്ര​ത്തി​ലെ ബാ​ല​ൻ​ചേ​ട്ട​ൻ എ​ന്ന ക​ഥാ​പാ​ത്ര​ത്തി​ലൂ​ടെ മി​ക​ച്ച
ഒ​രു മെ​ക്സി​ക്ക​ൻ അ​പാ​ര​ത-​ അക്രമരാഷ്ട്രീയത്തെ പ്രതിരോധിക്കുന്ന കാമ്പസ് ചിത്രം: ടോ​വി​നോ
"ക​യ്യൂ​ക്കു​ള്ള​വ​ന്‍റെ രാ​ഷ്‌ട്രീ​യ പ്ര​വ​ർ​ത്ത​ന​ത്തി​ന്‍റെ ക​ഥ​യ​ല്ല ഒ​രു മെ​ക്സി​ക്ക​ൻ അ​പാ​ര​ത
വീ​രം - വൈ​കി​യെ​ത്തി​യ മ​ഹാ​ഭാ​ഗ്യം: ​ശി​വ​ജി​ത് നമ്പ്യാർ
""വീ​ര​ത്തി​നു മുമ്പ്​ ഞാ​ൻ എ​ന്താ​ണ്, ആ​രാ​ണ് എ​ന്നു പ​റ​യാ​ൻ ഒ​ന്നു​മി​ല്ലാ​യി​രു​ന്നു. എ​നി​ക്ക്
എ​ബി​ക്കൊ​പ്പം പ​റ​ന്നു​യ​ർ​ന്ന് മെ​റീ​ന മൈ​ക്കി​ൾ
"പ്രി​യ​ദ​ർ​ശ​ൻ സാ​റി​ന്‍റെ അ​സോ​സി​യ​റ്റാ​യി​രു​ന്ന ശ്രീ​കാ​ന്ത് മു​ര​ളി സം​വി​ധാ​നം ചെ​യ്യു​ന്ന ച
"പാറിപ്പറക്കാൻ' എബി
"​ഉ​ണ​ർ​ന്നി​രി​ക്കുമ്പോൾ പോ​ലും സ്വ​പ്നം കാ​ണു​ന്ന​വ​ൻ..’ എ​ബി​യെ​ക്കു​റി​ച്ച് നാ​ട്ടു​കാ​ർ അ​ങ്ങ​
വീ​രം ച​രി​ത്ര​ത്തി​നൊ​പ്പം നി​ൽ​ക്കു​ന്ന സി​നി​മ: ജ​യ​രാ​ജ്
" ഷേ​ക്സ്പീ​രി​യ​ൻ നാ​ട​കം മാ​ക്ബ​ത്തി​നെ വ​ട​ക്ക​ൻ പാ​ട്ടി​ലെ ച​തി​യ​ൻ ച​ന്തു​വിന്‍റെ കഥയുമായി സ​മ​
എ​സ്ര​യു​ടെ വി​ജ​യ​ത്തി​നു പി​ന്നി​ൽ കോം​പ്ര​മൈ​സി​ല്ലാ​ത്ത മേ​ക്കിം​ഗ് സ്റ്റൈ​ൽ- സു​ജി​ത് വാ​സു​ദേ​വ്
ഹോ​ളി​വു​ഡ് ചി​ത്ര​ത്തി​ന്‍റെ ഫീ​ലു​ള്ള ഹൊ​റ​ർ ത്രി​ല്ല​ർ എ​ന്ന വി​ല​യി​രു​ത്ത​ലു​മാ​യി മു​ന്നേ​റു
"സ്വയം'- തോറ്റു ജയിക്കുന്ന ഒരമ്മയുടെ കഥ: ലക്ഷ്മിപ്രിയ മേനോൻ
ഫു​ട്ബോ​ൾ ക​ളി​ക്കു​ന്ന ഓ​ട്ടി​സ​മു​ള്ള മ​റൂ​ണ്‍ എന്ന പ​ത്തു വ​യ​സു​കാ​ര​ന്‍റെ​യും അ​വ​ന്‍റെ അ​മ്മ
ജീ​വി​ത​ഗ​ന്ധി​യാ​ണു കാം​ബോ​ജി: ഹ​രീ​ഷ് പേ​ര​ടി
"" മ​ല​യാ​ളി നി​ർ​ബ​ന്ധ​മാ​യും ചെ​യ്യേ​ണ്ട ഒ​രു സാം​സ്കാ​രി​ക പ്ര​വ​ർ​ത്ത​ന​മാ​ണു കാം​ബോ​ജി കാ​ണു​ക
വാർധക്യത്തിൽ ഉപേക്ഷിക്കപ്പെടുന്നവരുടെ ആത്മനൊമ്പരങ്ങളുമായി "സൂര്യകാന്തഃ'
ആദി ശങ്കരാചാര്യ, ഭ​ഗ​വ​ദ്ഗീ​ത, പ്രി​യ​മാ​ന​സം, ഇ​ഷ്ടി എ​ന്നി​വ​യ്ക്കു​ശേ​ഷം ഭാ​ര​ത​ത്തി​ൽ നി​ർ​മി​ച്
"സ്വ​യം' പ​റ​യു​ന്നു: മാ​റേ​ണ്ട​തു ന​മ്മ​ളാ​ണ്
അ​തേ, മാ​റേ​ണ്ട​തു ന​മ്മ​ളാ​ണ്...​ ഓ​ട്ടി​സം കു​ട്ടി​ക​ളോ​ടു​ള്ള നമ്മുടെ മ​നോ​ഭാ​വ​ത്തി​ൽ മാ​റ്റമു
വി​മ​ർ​ശ​ന​ങ്ങ​ളെ വി​ജ​യം​കൊ​ണ്ടു മ​റി​ക​ട​ന്ന് സ​ത്യ​ൻ അ​ന്തി​ക്കാ​ട്
വി​മ​ർ​ശ​ന​ങ്ങ​ളെ വി​ജ​യം കൊ​ണ്ടു മ​റി​ക​ട​ന്ന​തി​ന്‍റെ സ​ന്തോ​ഷ​ത്തി​ലാ​ണ് സം​വി​ധാ​യ​ക​ൻ സ​ത്യ​ൻ
സിനിമാപടം പിടിച്ചു സിനിമാനടനായ അരുൺ പുനലൂർ
ശ്രദ്ധേയ ഫ്രീലാൻസ് ഫോട്ടോഗ്രഫറും സിനിമാ സ്റ്റിൽ ഫോട്ടോഗ്രഫറുമായ അരുൺ പുനലൂർ സിനിമാഭിനയരംഗത്തേക്ക്. ഡ
കാട് ‘ചുവക്കുന്ന’ കാലം
വീക്കെൻഡ് ബ്ലോക്ക് ബസ്റ്റേഴ്സിന്റെ ബാനറിൽ സോഫിയപോൾ നിർമിച്ചു ഡോ.ബിജു സംവിധാനം ചെയ്ത ‘കാട് പൂക്കുന്ന
നൃത്തസംവിധാനം കുമാർശാന്തി..!
സംഗീതത്തിനും നൃത്തത്തിനും ഏറെ പ്രാധാന്യം നല്കി വിനോദ് മങ്കര അണിച്ചൊരുക്കിയ ചലച്ചിത്രകാവ്യമാണു കാംബോജ
"പേടിപ്പിക്കൽ മാത്രമല്ല എസ്രയുടെ ഉദ്ദേശ്യം..'
രാംഗോപാൽ വർമ, രാജ്കുമാർ സന്തോഷി, അജയ് ദേവ്ഗൺ തുടങ്ങിയ ബോളിവുഡ് സംവിധായകരുടെ അസിസ്റ്റന്‍റും അസോസിയേറ്
‘മുന്തിരിവള്ളികളിൽ തളിർക്കുന്നത് ഉലഹന്നാന്റെയും ആനിയമ്മയുടെയും പ്രണയം’
‘‘ജീവിതത്തിൽ ചില കാര്യങ്ങളിൽ റീടേക്കുകളുണ്ടെന്നാണ് മുന്തിരിവള്ളികൾ തളിർക്കുമ്പോൾ എന്ന സിനിമയിൽ ഉലഹന്
ഒരേമുഖത്തിലെ ദേവൻ– യാസിർ സലിം ഫ്രം ആലുവ
മികച്ച ഇമോഷണൽ കാമ്പസ് ത്രില്ലർ എന്ന അഭിപ്രായം നേടി മുന്നേറുന്ന സജിത്ജഗദ്നന്ദൻ ചിത്രം ഒരേമുഖത്തിൽ ദേവ
കാംബോജിയിലെ ഉമ സമ്പൂർണതയുള്ള കഥാപാത്രം
കഥകളികലാകാരനായ കുഞ്ഞുണ്ണിയുടെയും മോഹിനിയാട്ടം നർത്തകി ഉമയുടെയും അനുഭവതീവ്രമായ പ്രണയത്തിന്റെ ഹൃദയസ്പർ
കാംബോജി: കുഞ്ഞുണ്ണിയുടെ ആത്മവ്യഥകളുടെ പകർന്നാട്ടം
ദേശീയപുരസ്കാരം നേടിയ ‘പ്രിയമാനസ’ത്തിനു ശേഷം വിനോദ് മങ്കര രചനയും സംവിധാനവും നിർവഹിച്ച ചിത്രമാണു കാംബോ
മനസു നിറഞ്ഞ് മാനസ
കണ്ണുനീരിനും മധുരം, കടാക്ഷം തുടങ്ങിയ സിനിമകളിൽ ബാലതാരമായി അഭിനയിച്ച മാനസ രാധാകൃഷ്ണൻ നായികയാകുന്ന ആദ്
സമയമാകുമ്പോൾ രാഷ്ട്രീയത്തിലിറങ്ങും: അമൽ ഉണ്ണിത്താൻ
രാഷ്ട്രീയനേതാവും നടനുമായ രാജ്മോഹൻ ഉണ്ണിത്താന്റെ മകൻ അമൽ ഉണ്ണിത്താൻ നായകനാകുന്ന ‘പോളേട്ടന്റെ വീട്’ തി
കവിതയുടെ സുഗന്ധമുള്ള പാട്ടുകൾ
പാട്ടുകളോടുള്ള പറഞ്ഞറിയിക്കാനാവാത്ത ഇഷ്‌ടം കൊണ്ടാണ് മൂന്നാറിലെ സുഗന്ധദ്രവ്യ വ്യാപാരി റോയ് പുറമടം പാട
ഭാവന ബിസിയാണ്
ബ്രാ​ൻ​ഡ് പ്രേമിയല്ലാത്ത ആലിയ
വിദ്യാർഥികൾ കൈ കോർത്തപ്പോൾ ‘പൊതിച്ചോർ’ റെഡി
മോശം പെരുമാറ്റം; ക്ഷ​മ ചോ​ദി​ച്ച് ടൊ​വി​നോ
മോ​നേ ലാ​ലേ... എ​ന്നെ ഒന്നു കാ​ണാ​ൻ വരുമോ...
ലേഡി മോഹന്‍ലാല്‍
വ്യ​ത്യ​സ്ത വേ​ഷ​വു​മാ​യി ശ്രു​തി രാ​മ​ച​ന്ദ്ര​ൻ
ഐ.​എം. വി​ജ​യ​നായി നി​വി​ൻ പോ​ളി
അ​ഡ്വ​ഞ്ചേഴ്സ് ഓ​ഫ് ഓ​മ​ന​ക്കു​ട്ട​ൻ
തടവറയിൽ​നി​ന്ന് സ​ഞ്ജ​യ് ദ​ത്ത് എ​ഴു​തി​യ ഗാ​നം സി​നി​മ​യി​ലേ​ക്ക്
ര​ജ​നി​യു​ടെ നാ​യി​ക​യാ​യി ദീ​പി​ക പ​ദു​ക്കോ​ണ്‍ ഇ​ല്ല
ദേ​ശി​യ ച​ല​ച്ചി​ത്ര പു​ര​സ്കാ​രം: പ്ര​തീ​ക്ഷ​യോ​ടെ മ​ല​യാ​ളം
Rashtra Deepika LTD
Copyright @ 2017 , Rashtra Deepika Ltd.