Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
Star Chat
Back to home
"ഒടിയൻ' മാസ് - ഫാന്‍റസി ത്രില്ലർ: തിരക്കഥാകൃത്ത് ഹരികൃഷ്ണൻ
മികച്ച സിനിമയ്ക്കുവേണ്ടി എ​ത്ര പണം വേ​ണ​മെ​ങ്കി​ലും മു​ട​ക്കാ​ൻ ത​യാ​റാ​യി നി​ൽ​ക്കു​ന്ന ആ​ന്‍റ​ണി പെ​രു​ന്പാ​വൂ​ർ എ​ന്ന പ്രൊ​ഡ്യൂ​സ​ർ; മോ​ഹ​ൻ​ലാ​ൽ, മ​ഞ്ജു​വാ​ര്യ​ർ, പ്ര​കാ​ശ് രാ​ജ് തു​ട​ങ്ങി​യ അസാമാന്യ പ്രതിഭാധനരായ താ​ര​ങ്ങ​ൾ; ശ്രീ​കു​മാ​ർ മേനോനെ​പ്പോ​ലെ ഏറെ ക്രിയേറ്റീവ് ആയ സം​വി​ധാ​യ​ക​ൻ; പീ​റ്റ​ർ ഹെ​യ്നെ​പ്പോ​ലെ​യു​ള്ള ടെ​ക്നീ​ഷ​ൻ​സ്... ഇ​ത്ര​യും ചേ​രു​വ​ക​ളി​ൽ നി​ന്ന് മ​ല​യാ​ള​ത്തി​ലെ ഏ​റ്റ​വും വ്യ​ത്യ​സ്ത​മാ​യ മാ​സ് - ഫാന്‍റസി ത്രില്ലർ രൂ​പം​കൊ​ള്ളു​ക​യാ​ണ് - ആശീർവാദ് ഫിലിംസിന്‍റെ ‘ഒടിയൻ’.

ആ​ന്‍റ​ണി​യെ​പ്പോ​ലെ ഒ​രു പ്രൊ​ഡ്യൂ​സ​റെ ഇ​ൻ​വെ​സ്റ്റ് ചെ​യ്യാ​ൻ പ്രേ​രി​പ്പി​ച്ച​തും മോ​ഹ​ൻ​ലാ​ലി​നെ​പ്പോ​ലെ ഒ​രാ​ക്ട​റി​ന്‍റെ സ​മ​ർ​പ്പ​ണ​മു​ണ്ടാ​യ​തും ഇ​ത് ഇ​ത്ര​യും വ​ലി​യ സി​നി​മ​യാ​യ​തു​മെ​ല്ലാം ക​ഥ​യു​ടെ വ്യ​ത്യ​സ്ത​തയും ക​രു​ത്തും കാ​ര​ണ​മാ​ണ്. എ​ല്ലാ​ത്തി​നും പി​ന്നി​ലു​ള്ള ആദ്യ ആ​ക​ർ​ഷ​ണം ഒ​ടി​യ​ന്‍റെ തീം ​ത​ന്നെ ആ​യി​രു​ന്നു. ഈ ​തീം മു​ന്പ് ആ​രും ഉ​പ​യോ​ഗി​ച്ചി​ട്ടി​ല്ല. ‘ഒടിയൻ’എ​ക്കാ​ല​വും ഓ​ർ​മി​ക്കാ​ൻ പ​റ്റു​ന്ന ഒ​രു ഗ്രോ​സ് ക​ള​ക്‌ഷ​ൻ നേ​ടു​മെ​ന്ന വിശ്വാസത്തോടെ പറഞ്ഞു തുടങ്ങുക‍യാണ് ദേശീയ പുരസ്കാര ജേതാവും മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നും ‘ഒ​ടി​യ​ന്‍റെ’ തിരക്കഥാകൃത്തുമായ ഹ​രി​കൃ​ഷ്ണ​ൻ.

“മോ​ഹ​ൻ​ലാ​ൽ എ​ന്‍റെ ദീ​ർ​ഘ​കാ​ല സു​ഹൃ​ത്താ​ണ്. മ​ഞ്ജു എന്‍റെ നല്ല കൂ​ട്ടു​കാ​രി​യും ശ്രീ​കു​മാ​ർ എ​ന്‍റെ പ്രിയപ്പെട്ട കൂ​ട്ടു​കാ​ര​നും നാ​ട്ടു​കാ​ര​നു​മാ​ണ്. അതെ, എ​ന്‍റെ സൗ​ഹൃ​ദ​ങ്ങ​ളു​ടെ ഒ​രു സമാഹാരം കൂടിയാണ് ഒ​ടി​യ​ൻ എന്ന സിനിമ.



ഒ​ടി​യ​ൻ മാ​ണി​ക്കൻ എ​ന്ന അ​വ​സാ​ന​ത്തെ ഒ​ടി​യ​ന്‍റെ ക​ഥ​യാ​ണി​ത്. അ​വി​ടെ​വ​ച്ച് അ​യാ​ൾ അ​വ​സാ​നി​ക്കു​ന്നു. അ​യാ​ൾ​ക്കു​ശേ​ഷം തേ​ങ്കുറി​ശി എ​ന്ന ഗ്രാ​മ​ത്തി​ൽ, കേ​ര​ള​ത്തി​ൽ, ഈ ​ഭൂ​മി​മ​ല​യാ​ള​ത്തി​ൽ എ​ന്തു​കൊ​ണ്ട് ഒ​ടി​യ​ന്‍റെ വം​ശം ഇ​ല്ലാ​തെ​യാ​യി എ​ന്നു​ള്ള അ​ന്വേ​ഷ​ണ​മാ​ണ് ഈ ​സി​നി​മ.​ കൊ​ച്ചി​യി​ലും മും​ബൈ​യി​ലു​മാ​യി ഒ​ടി​യ​ന്‍റെ പോ​സ്റ്റ് പ്രൊ​ഡ​ക്‌ഷ​ൻ തു​ട​രു​ക​യാ​ണ്. മോ​ഹ​ൻ​ലാ​ലി​നെ ന​മ്മ​ൾ എ​ങ്ങ​നെ​യൊ​ക്കെ കാ​ണാ​ൻ ആ​ഗ്ര​ഹി​ക്കുന്നുവോ അങ്ങനെയൊക്കെ കാ​ണി​ക്കു​ക​യാ​ണ് ഒ​ടി​യ​നി​ൽ. മോ​ഹ​ൻ​ലാ​ൽ​ ഫാ​ൻ​സി​നും ഈ ​പ​ടം ഒ​രു​ത്സ​വ​മാ​യി​രി​ക്കും. ഒക്ടോബർ 11 നു രാവിലെ 7 മണി ഒന്പതാം മിനിറ്റിൽ ചിത്രം തിയറ്ററുകളിലെത്തും.”

കു​ട്ടി​സ്രാ​ങ്ക് 2010ൽ, ​സ്വ​പാ​നം 2013ൽ, ​ഒ​ടി​യ​ൻ 2017ൽ...​ര​ച​ന​ക​ൾ​ക്കി​ട​യി​ൽ വ​ലി​യ ഇ​ട​വേ​ള​ക​ൾ. എ​പ്പോ​ഴാ​ണ് ഒ​രു സി​നി​മ​യ്ക്കു വേ​ണ്ടി എ​ഴു​താം എ​ന്നു തീ​രു​മാ​നി​ക്കു​ന്ന​ത്...?

പൂ​ർ​ണ​സ​മ​യ സി​നി​മാ​ക്കാ​ര​നാ​ണെ​ങ്കി​ൽ മാ​ത്ര​മേ അ​തു വ​ലി​യ ഇ​ട​വേ​ള​യാ​യി കാ​ണാ​നാ​വൂ. ഞാ​നൊ​രു സീ​നി​യ​ർ ജേ​ണ​ലി​സ്റ്റാ​ണ്. പത്രത്തിൽ ഏറെ ഉ​ത്ത​ര​വാ​ദി​ത്വ​മു​ള്ള ജോ​ലി ചെ​യ്യു​ന്നു. അ​തു ക​ഴി​ഞ്ഞു​ള്ള ഒ​ഴി​വു​സ​മ​യ​ത്തു മാ​ത്ര​മേ സി​നി​മ​യെ​ക്കു​റി​ച്ച് ആ​ലോ​ചി​ക്കു​ന്നു​ള്ളൂ. അതുകൊണ്ടുതന്നെ അ​ധി​കം പ്രോ​ജ​ക്ടു​ക​ൾ ചെ​യ്തി​ട്ടി​ല്ല. ഒ​ടി​യ​നു മു​ന്പ് ഷാ​ജി എ​ൻ. ക​രു​ണി​നു​വേ​ണ്ടി മൂ​ന്നു സി​നി​മ​ക​ളെ​ഴു​തി. ആ​ദ്യം ചെ​യ്ത​ത് ‘കു​ട്ടി​സ്രാ​ങ്ക്.’ കു​ട്ടി​സ്രാ​ങ്കി​നു​വേ​ണ്ടി ഷാ​ജി ഒ​രു എ​ഴു​ത്തു​കാ​ര​നെ തേ​ടു​ന്ന​താ​യും പോ​യി കാ​ണ​ണ​മെ​ന്നും മുതിർന്ന പത്രപ്രവർത്തകനായ എ​സ്. ജ​യ​ച​ന്ദ്ര​ൻ നാ​യ​രാ​ണു പ​റ​ഞ്ഞ​ത്. എ​റ​ണാ​കു​ളം ഗ​സ്റ്റ് ഹൗ​സി​ൽ അ​ദ്ദേ​ഹ​വു​മാ​യി ആ​ദ്യ​ത്തെ കൂ​ടി​ക്കാ​ഴ്ച.



ഞാ​ൻ ഒ​രു സ്ക്രി​പ്റ്റ് പോ​ലും എ​ഴു​താ​ത്ത ഒ​രു കാ​ല​ത്താ​ണ് ഷാ​ജി സാ​ർ എ​ന്നോ​ടു സ്ക്രി​പ്റ്റെ​ഴു​ത​ണ​മെ​ന്നു പ​റ​ഞ്ഞ​ത്. ഷോ​ർ​ട്ട്ഫി​ലിം പോ​ലും ചെ​യ്തി​ട്ടി​ല്ലാ​ത്ത എ​ന്നെ എ​ന്തു​കൊ​ണ്ടാ​ണു വിളിച്ച​തെ​ന്നു ഞാ​ൻ ചോ​ദി​ച്ചു. എ​ന്‍റെ എ​ഴു​ത്തി​ലെ വി​ഷ്വ​ൽ​സാ​ണ് ശ്ര​ദ്ധി​ച്ച​തെ​ന്നും എ​നി​ക്കു വി​ഷ്വ​ൽ ലാം​ഗ്വേ​ജ് ന​ന്നാ​യി വ​ഴ​ങ്ങു​മെ​ന്ന ഉ​റ​പ്പു​ള്ള​തു​കൊ​ണ്ടാ​ണു വി​ളി​ച്ച​തെ​ന്നും മ​റു​പ​ടി. ആ ​ഒ​രു വി​ശ്വാ​സ​ത്തി​ന്‍റെ പു​റ​ത്താ​ണ് എ​ഴു​തി​ത്തു​ട​ങ്ങി​യ​ത്. മൂ​ന്നു ഭാ​ഗ​ങ്ങ​ളു​ള്ള ഒ​രു ക​ഥ​യാ​ണ​ത്. ഒ​രു ഭാ​ഗം പി.​എ​ഫ്. മാ​ത്യൂ​സ് എ​ഴു​തി. ബാ​ക്കി ര​ണ്ടു ഭാ​ഗം ഞാ​ൻ ചെ​യ്തു. ര​ണ്ടു ഭാ​ഗ​ങ്ങ​ളും വ​ള​രെ​പ്പെ​ട്ടെ​ന്നു ത​ന്നെ ഞാ​ൻ എ​ഴു​തി​ക്കൊ​ടു​ത്തു.

ത​നി​ക്കു തൃ​പ്തി​യാ​യെ​ന്നും ഇ​നി​യു​ള്ള ത​ന്‍റെ എ​ല്ലാ സി​നി​മ​ക​ളി​ലും ഞാ​നാ​യി​രി​ക്കും സ്ക്രി​പ്റ്റ് ചെ​യ്യു​ന്ന​തെ​ന്നും ഷാ​ജി​സാ​ർ എ​ന്നോ​ടു പ​റ​ഞ്ഞു. ഒരു തിരക്കഥാകൃത്തിന് ഏ​തെ​ങ്കി​ലു​മൊ​രു ഡ​യ​റ​ക്ട​ർ ഇ​ങ്ങ​നെ വാ​ക്കു​കൊ​ടു​ത്ത​താ​യി ഞാ​ൻ കേ​ട്ടി​ട്ടി​ല്ല. അ​ത്ത​ര​മൊ​രു ഉ​റ​പ്പ് ഷാ​ജി​സാറിനെ പ്പോലെ ഒ​രാ​ൾ ന​ല്കി എ​ന്നു​ള്ള​ത് എന്‍റെ ജീവിതത്തിന്‍റെ സന്തോഷമാണ്. അ​ദ്ദേ​ഹ​ത്തി​നു​വേ​ണ്ടി ഞാ​ൻ പി​ന്നീ​ടു ‘സ്വ​പാ​നം’ എഴുതി. ഷാ​ജി സാ​റി​നൊ​പ്പ​മു​ള്ള മൂ​ന്നാ​മ​ത്തെ സി​നി​മ, ടി. ​പ​ദ്മ​നാ​ഭ​ന്‍റെ ‘ക​ട​ലി​’നെ അ​ധി​ക​രി​ച്ച് ചെ​യ്യു​ന്ന ‘ഗാ​ഥ’ ഇ​നി വ​രാ​നി​രി​ക്കു​ന്നു. ‘ഗാഥ’യുടെ തിരക്കഥ അഞ്ചു വർഷം മുൻപേ പൂർത്തിയാക്കിയിരുന്നു. അ​തു ഹി​ന്ദി​യി​ലാ​ണു വ​രു​ന്ന​ത്. അ​തു വ​ൻ സി​നി​മ​യാ​ണ്. ഫ്രാ​ൻ​സ്, പോ​ള​ണ്ട്, ഇ​ന്ത്യ- സം​യു​ക്ത നി​ർ​മാ​ണ​ സം​രം​ഭ​മാ​ണ് ഗാ​ഥ.



‘പു​ലി​മു​രു​ക’​നു​ശേ​ഷം മോ​ഹ​ൻ​ലാ​ൽ ക​മി​റ്റ് ചെ​യ്ത സി​നി​മ​യാ​ണ​ല്ലോ ‘ഒ​ടി​യ​ൻ’....‍?

പു​ലി​മു​രു​ക​ന്‍റെ വ​ൻ​വി​ജ​യ​ത്തി​നു ശേ​ഷം മോ​ഹ​ൻ​ലാ​ൽ അസാമാന്യമായ മ​റ്റൊ​രു ത​ല​ത്തി​ൽ ഉ​യ​ർ​ന്നു നി​ൽ​ക്കു​ന്ന സ​മ​യം. ലാ​ലി​ന് ഒ​രു​പാ​ടു ക​ഥ​ക​ൾ വ​ന്നു​കൊ​ണ്ടി​രു​ന്നു. പു​ലി​മു​രു​ക​ൻ ഉ​ണ്ടാ​ക്കി​യ മാ​ജി​ക്കി​ന്‍റെ അ​പ്പു​റം പോ​കു​ന്ന ഒ​രു സി​നി​മയാവണം അടുത്തതെന്നു ചി​ല​പ്പോ​ൾ അ​ദ്ദേ​ഹം ക​രു​തി​യി​രി​ക്ക​ണം. ശ്രീ​കു​മാ​ർ മേ​നോ​നും ഞാനും യാ​ദൃ​ച്ഛി​ക​മാ​യി പ​റ​ഞ്ഞ ഒ​രു കാ​ര്യ​ത്തി​ൽ നി​ന്നാ​യി​രു​ന്നു ഞാൻ ഒ​ടി​യ​ന്‍റെ ക​ഥ​യി​ലെ​ത്തി​യ​ത്. ഞാ​ൻ പ​റ​ഞ്ഞ വ​ണ്‍​ലൈ​ൻ ശ്രീ​കു​മാ​റി​ന് ഏ​റെ ഇ​ഷ്ട​പ്പെ​ട്ടു. ഞങ്ങൾ മറ്റൊരു സി​നി​മ​യു​ടെ ആ​ലോ​ച​ന​ക​ളി​ലേ​ക്കു പോ​കു​ന്ന സ​മ​യ​മാ​യി​രു​ന്നു അ​ത്. ‘ഒ​ടി​യ​നി​’ ലെ മു​ഖ്യ കാ​ര​ക്ട​റി​ന്‍റെ ഇ​ൻ​ട്രോ സീ​ൻ എ​ഴു​തി ഞാ​ൻ ശ്രീ​കു​മാ​റി​ന് അ​യ​ച്ചു. ശ്രീ​കു​മാ​ർ അ​ത് ലാ​ലി​ന്‍റെ അ​ടു​ത്തെ​ത്തി​ച്ചു. അവിടെയാണു തുടക്കം.

ആ ഒറ്റ സീ​ൻ വ​ച്ച് ഒ​രു പ്രോ​ജ​ക്ട് തു​ട​ങ്ങു​ക​യാ​യി​രു​ന്നു. സി​നി​മ​യി​ൽ ആ ​സീ​ൻ അ​ങ്ങ​നെ​ത​ന്നെ​യു​ണ്ട് ഇ​പ്പോ​ഴും. ഈ ​സി​നി​മ​യി​ലെ ഏ​റ്റ​വും ന​ല്ല സീ​നു​ക​ളി​ലൊ​ന്നാ​ണ​ത്. വാ​സ്ത​വ​ത്തി​ൽ, അ​ടു​ത്ത സി​നി​മ​യ്ക്കു​ള്ള ആ​ലോ​ച​ന​ക​ളും അ​തി​ന്‍റെ ക​ഥ കേ​ൾ​ക്ക​ലു​മൊക്കെ യായി ഇ​രു​ന്ന ലാ​ലി​ലേ​ക്ക് കൃ​ത്യ​സ​മ​യ​ത്ത് ഈ ​ക​ഥ എ​ത്തി​പ്പെ​ടു​ക​യാ​യി​രു​ന്നു. അ​താ​ണ് സിനിമയുടെ വിധിരേഖ. ‘ഒ​ടി​യ​നു’ കി​ട്ടി​യ ഭാ​ഗ്യമായി അത്. ഒ​ടി​യ​ന്‍റെ വ​ർ​ക്ക് തു​ട​ങ്ങി​യി​ട്ട് ഒ​രു വ​ർ​ഷ​മേ ആ​യി​ട്ടു​ള്ളൂ. മോ​ഹ​ൻ​ലാ​ലി​ന്‍റെ ഡേ​റ്റ് കി​ട്ടി​യ​തു​ൾ​പ്പെ​ടെ എ​ല്ലാം വ​ള​രെ​പ്പെ​ട്ടെ​ന്നാ​യി​രു​ന്നു.



‘ഒ​ടി​യ​ന്‍റെ ‘ക​ഥ മ​ന​സി​ൽ രൂ​പ​പ്പെ​ട്ട​ത് എ​പ്പോ​ഴാ​ണ്...‍?

പ്ര​സ് ക്ല​ബി​ലെ കു​ട്ടി​ക​ൾ​ക്കു ഞാൻ ക്ലാ​സെ​ടു​ക്കാ​ൻ പോ​കു​ന്പോ​ൾ ഫീ​ച്ച​ർ എ​ഴു​താ​നാ​യി സാ​ങ്ക​ല്പി​ക​വി​ഷ​യ​ങ്ങ​ൾ കൊ​ടു​ക്കാ​റു​ണ്ടാ​യി​രു​ന്നു. കേ​ര​ള​ത്തി​ലെ അ​വ​സാ​ന​ത്തെ ഒ​ടി​യ​നെ​ക്കാ​ണാ​ൻ സ്റ്റീ​ഫ​ൻ സ്പി​ൽ​ബ​ർ​ഗ് എ​ത്തി​യാ​ൽ - അ​താ​യി​രു​ന്നു ഒ​രി​ക്ക​ൽ ന​ല്കി​യ വി​ഷ​യം. അത്രമേൽ ഫാ​ന്‍റ​സി​യു​ള്ള ഒ​രാ​ൾ ഫാ​ന്‍റ​സി​യു​ടെ അ​റ്റ​ത്തു​ള്ള അ​വ​സാ​ന​ത്തെ ഒ​ടി​യ​നു​മാ​യി ന​ട​ത്തു​ന്ന കൂ​ടി​ക്കാ​ഴ്ച. ‘അ​വ​സാ​ന​ത്തെ ഒ​ടി​യ​ൻ’ എ​ന്ന ആ​ശ​യം എ​ന്‍റെ മ​ന​സി​ൽ​ക്കി​ട​ന്നു. അ​തി​ൽ നി​ന്നാ​ണ് ഈ ​ക​ഥ​യു​ണ്ടാ​കു​ന്ന​ത്; സി​നി​മ​യും.

തൃ​ശൂ​ർ തൊ​ട്ടു ക​ണ്ണൂ​ർ വ​രെ​യു​ണ്ടായിരുന്നൊരു സ​മൂ​ഹ​മാ​ണ് ഒ​ടി​യ​ൻമാരുടേത്. അ​റു​പ​തു​ക​ളി​ൽ​ത്ത​ന്നെ എം​ടി ഒ​ടി​യ​ൻ എ​ന്ന ക​ഥ എ​ഴു​തി​യി​രു​ന്നു. ഒ​ടി​യ​ന്‍റെ പേ​ടി​യു​ള്ളൊ​രു കു​ട്ടി​യു​ടെ ക​ഥ​യാ​ണ് എം​ടി എ​ഴു​തി​യ​ത്. പി.ക​ണ്ണ​ൻ​കു​ട്ടി​യു​ടെ നോ​വ​ൽ വ​ന്നി​ട്ട് അ​ധി​ക​കാ​ലം ആ​യി​ട്ടി​ല്ല. ലോ​ഹി​ത​ദാ​സ് മോ​ഹ​ൻ​ലാ​ലി​നെ വ​ച്ചു ത​ന്നെ ഒ​രു ക​ഥ​യു​മാ​യി വ​ള​രെ മു​ന്നോ​ട്ടു​പോ​യി​രു​ന്നു. പ​ക്ഷേ, അ​തു സി​നി​മ​യാ​യി​ല്ല. അ​ത്ത​രം ചി​ല ആ​ലോ​ച​ന​ക​ളു​മാ​യി താ​നും മു​ന്നോ​ട്ടു പോ​യി​രു​ന്നതായും പി​ന്നീ​ട് അ​തു നി​ർ​ത്തി​യെ​ന്നും അ​ടു​ത്ത​കാ​ല​ത്ത് ലാ​ൽ​ജോ​സ് എന്നോടു പ​റ​ഞ്ഞി​ട്ടുണ്ട്. ഇ​വ​രെ​ല്ലാം ഈ ​മി​ത്തി​നെ നേ​രി​ട്ടു പി​ൻ​തു​ട​രു​ക​യാ​യി​രു​ന്നു​വെ​ന്ന് എ​നി​ക്കു മ​ന​സി​ലാ​യി.



ഒ​ടി​യ​ൻ എ​ന്ന ക​ഥാ​പാ​ത്രം...​ അ​താ​യ​ത് പോ​ത്താ​യും കാ​ള​യാ​യു​മൊ​ക്കെ മാ​റാ​ൻ ക​ഴി​വു​ള്ള ഒ​രാ​ളെ അ​ങ്ങ​നെ​ത​ന്നെ ഫോ​ളോ ചെ​യ്ത​താ​ണ് ആ ​പ്രോ​ജ​ക്ടു​ക​ൾ സ​ഫ​ല​മാ​കാ​തെ പോ​യ​തി​നു പി​ന്നി​ലെ​ന്നും എ​നി​ക്കു തോ​ന്നി. ഞാ​ൻ ഈ ​മി​ത്തി​നെ​യെ​ടു​ത്തു ക​ള​ഞ്ഞു. ഞാ​ൻ എ​ന്‍റെ​യൊ​രു ഒ​ടി​യ​നെ ഉ​ണ്ടാ​ക്കി, വേ​റൊ​രു ത​ര​ത്തി​ൽ; ന​മ്മു​ടെ സ്വാ​ത​ന്ത്ര്യ​ത്തി​ലും ഭാ​വ​ന​യി​ലും. എ​ന്‍റെ നാ​ട്ടി​ൽ... പാ​ല​ക്കാ​ട്ടു ഞാ​ൻ കേ​ട്ടി​ട്ടു​ള്ള ഒ​ടി​യ​ൻമാരുടെ ക​ഥ​യി​ൽ അ​വ​രു​ടെ ഇ​ട​യി​ൽ നി​ന്നു​ള്ള ഒ​രു സൂ​പ്പ​ർ ഹീ​റോ​യെ സ​ങ്ക​ല്പി​ച്ചു. അ​യാ​ൾ​ക്ക് ഒ​രു​പാ​ടു സാ​ധ്യ​ത​ക​ളു​ണ്ടെന്നും; ​അ​യാ​ളു​ടെ ശ​രീ​ര​ത്തി​ന്‍റെ സാ​ധ്യ​ത​ക​ൾ, അ​യാ​ളു​ടെ ശേ​ഷി​യു​ടെ സാ​ധ്യ​ത​ക​ൾ. ഇ​തൊ​ക്കെ​വ​ച്ച് അ​തി​സു​ന്ദ​ര​നാ​യ ഒ​രു ഹീ​റോ​യെ മെ​ന​ഞ്ഞെ​ടു​ത്തു. ആ ​ഹീ​റോ​യ്ക്ക് ന​മ്മു​ടെ മോ​ഹ​ൻ​ലാ​ൽ എ​ന്ന ന​ട​നി​ലു​ള്ള എ​ല്ലാ പ്ര​ത്യേ​ക​ത​ക​ളും പ​ക​ർ​ന്നു​ന​ല്കി. ഒ​ടി​യ​കു​ല​ത്തി​ന്‍റെ അ​വ​സാ​നം എ​ങ്ങ​നെ​യാ​ണ​ന്നു പ​റ​യു​ന്ന സി​നി​മ അവിടെ തുടങ്ങുന്നു.



ആ​രാ​ണ് ഒ​ടി​യ​ൻ, എ​ന്താ​ണ് ഒ​ടി​വി​ദ്യ...?

കേ​ട്ട​റി​ഞ്ഞ​തു പ്ര​കാ​രം ഒ​ടി​യന്മാ​ർ​ക്ക് എ​ന്താ​യും വേ​ഷം മാ​റാ​നു​ള്ള ക​ഴി​വു​ണ്ട്; പോ​ത്താ​വും കാ​ള​യാ​വും വേ​ലി​യാ​വും ക​ട​ന്പ​യാ​വും.​ ഗ​ർ​ഭി​ണി​യെ വീ​ട്ടി​ൽ​നി​ന്നു മ​യ​ക്കി പു​റ​ത്തു​കൊ​ണ്ടു​വ​ന്ന് വ​യ​റു​കീ​റി പ്ലാ​സ​ന്‍റ​യെ​ടു​ത്ത് അ​തി​ൽ എ​ന്തോ മ​ന്ത്ര​മൊ​ക്കെ ചൊ​ല്ലു​ന്നു. പ്ലാ​സ​ന്‍റ​യി​ൽ നി​ന്നു​ള്ള ഈ ​മ​രു​ന്നി​ൽ നി​ന്നാ​ണ് വേ​ഷം മാ​റാ​നു​ള്ള സി​ദ്ധി നേടുന്നത്. ഉ​ണ്ടാ​കു​ന്ന വേ​ഷ​ത്തി​ന് ഒ​രം​ഗം കു​റ​വാ​യി​രി​ക്കും; ചി​ല​പ്പോ​ൾ വാ​ലോ ചെ​വി​യോ ഒ​ക്കെ ഉ​ണ്ടാ​വി​ല്ല. തി​രി​ച്ചു വീ​ട്ടി​ലെ​ത്തി അ​മ്മ​യോ ഭാ​ര്യ​യോ അ​ങ്ങ​നെ​യാ​രെ​ങ്കി​ലും മ​റു​മ​ന്ത്രം ചൊ​ല്ലി​യാ​ൽ വീ​ണ്ടും മ​നു​ഷ്യ​നാ​വും. ഇ​ത് എ​ല്ലാ​വ​ർ​ക്കു​മ​റി​യാവുന്ന ക​ഥ​യാ​ണ്. ഏ​റെ പ്ര​ചു​ര​പ്ര​ചാ​ര​ത്തി​ലു​ള്ള, ഏ​റെ ഫാ​ന്‍റ​സി​യു​ള്ള ഈ ​ക​ഥ ഞാ​ൻ സി​നി​മ​യി​ൽ ഉ​പ​യോ​ഗി​ച്ചി​ട്ടി​ല്ല. ‘ഒ​ടി​യ​ൻ’ സി​നി​മ​യു​ടെ ക​ഥ അ​ത​ല്ല. ത​ല​മു​റ​ക​ൾ കൈ​മാ​റി​യ ഒ​ടി​യ​ന്‍റെ പി​ന്നി​ലു​ള്ള ക​ഥ​യു​ടെ അ​ത്ത​രം ലെ​യേ​ഴ്സ് മൊ​ത്തം എ​ടു​ത്തു​മാ​റ്റി. അ​താ​ണ് ഈ ​സി​നി​മ​യു​ടെ ഒ​രു ന​ല്ല ഗു​ണമെന്നു തോന്നുന്നു.

വി​ശ്വ​സി​ക്കാ​ൻ ന​മ്മ​ളും വി​ശ്വ​സി​പ്പി​ക്കാ​ൻ ഒ​ടി​യ​നു​മു​ണ്ടെ​ങ്കി​ൽ പി​ന്നെ എ​ന്തു​വേ​ണ​മെ​ങ്കി​ലും ക​ഥ​യു​ണ്ടാ​ക്കാം. പ​ഴ​യ​കാ​ല​ത്തെ ക്വ​ട്ടേ​ഷ​ൻ ഗ്രൂ​പ്പെ​ന്നു വേ​ണ​മെ​ങ്കി​ൽ പ​റ​യാം. നെ​ഗ​റ്റീ​വ് ആ​വ​ശ്യ​ങ്ങ​ൾ​ക്കു വേ​ണ്ടി​യാ​ണ് അന്നൊക്കെ ഒ​ടി​വി​ദ്യ പ്ര​യോ​ഗി​ച്ചു രൂ​പം മാ​റു​ന്ന​ത്. ആ​രെ​യെ​ങ്കി​ലും ത​ല്ല​ണ​മെ​ന്നു​ണ്ടെ​ങ്കി​ൽ ഇ​വ​ർ​ക്ക് വെ​റ്റി​ല​യും പണവും കൊ​ടു​ത്താ​ൽ മ​തി. രാ​ത്രി ന​ട​ന്നു​വ​രു​ന്പോ​ൾ ഏ​കാ​ന്ത​മാ​യ പാ​ട​വ​ര​ന്പി​ൽ ഇ​വ​ര​ങ്ങ​നെ ഉ​യ​ർ​ന്നു​നി​ൽ​ക്കും. ഇ​ങ്ങ​നെ ഒ​രു രൂ​പം ചാ​ടി​വീ​ഴു​ന്ന​തു കാ​ണു​ന്പോ​ൾ ആ​രാ​ണെ​ങ്കി​ലും പേ​ടി​ക്കും. ഒ​ടി​വ​യ്ക്കു​ക എ​ന്നാ​ണ് അ​തി​നു പ​റ​യു​ന്ന​ത്.

ഒ​ടി​യ​ന്‍റെ ഹീ​റോ​യി​ക് ഘ​ട​ക​ങ്ങ​ളെ​ല്ലാം പു​തി​യ​താ​യി രൂ​പ​പ്പെ​ടു​ത്തി​യ ക​ഥ​യി​ലേ​ക്കു ചേ​ർ​ക്കു​ക​യും അ​തി​നെ പാ​ല​ക്കാ​ടി​ന്‍റെ വ​ള​രെ ഗ്രാ​മ്യ​മാ​യി​ട്ടു​ള്ള ഒ​രു മേ​ഖ​ല​യി​ലെ 50 വ​ർ​ഷ​ത്തെ ച​രി​ത്ര​വു​മാ​യി ബ​ന്ധി​പ്പി​ക്കു​ക​യും ചെ​യ്തു. പാ​ല​ക്കാ​ട്ടെ എന്‍റെ ​സാ​ങ്ക​ല്പി​ക ഗ്രാ​മ​ത്തി​നു തേങ്കുറിശ്ശി​യെ​ന്നു പേ​രു ന​ല്കി. ശരിക്കും അങ്ങനെയൊരു സ്ഥലമുണ്ടുതാനും.



ഈ ​സി​നി​മ തു​ട​ങ്ങി​യ​തി​നു​ശേ​ഷം ഒ​ടി​യ​നു​മാ​യി ബ​ന്ധ​മു​ള്ള ആ​രെ​ങ്കി​ലും താ​ങ്ക​ളെ തേ​ടി​വ​ന്നി​രു​ന്നോ...?

ആ​രും തേ​ടി വ​ന്നി​ട്ടി​ല്ല; ആ​രെ​യും തേ​ടി പോ​യി​ട്ടു​മി​ല്ല. ഞാ​ൻ ഒ​രു റി​സേ​ർ​ച്ചും ചെ​യ്തി​ട്ടി​ല്ല. ഞാൻ കേ​ട്ട അ​മ്മൂ​മ്മ​ക്ക​ഥ മാ​ത്ര​മാ​യി​രു​ന്നു കൈയി​ലു​ണ്ടാ​യി​രു​ന്ന​ത്. ഞാ​ൻ ഉ​ണ്ടാ​ക്കി​യ ഒ​ടി​യ​ൻ എ​ന്‍റെ ഒ​ടി​യ​നാ​ണ്. മോഹൻലാലായി നിങ്ങളും ഞാനും കാണാൻ ഇഷ്ടപ്പെടുന്ന ഒടിയൻ! ന​മ്മ​ൾ കേ​ട്ടി​ട്ടു​ള്ള ഒ​ടി​യ​നാ​ണോ എ​ന്ന് എ​ന്‍റെ അ​മ്മ ചോ​ദി​ച്ചാ​ൽ ‘അ​ത​ല്ല എ​ന്‍റെ ഒ​ടി​യ​ൻ’ എ​ന്നു പ​റ​യാ​നു​ള്ള സം​ഗ​തി ഇ​തി​ലു​ണ്ട്; ക​ഥ​ക​ളി​ൽ പ​റ​ഞ്ഞു​കേ​ട്ട​ത​ല്ലാ​തെ ചി​ല​ത്. ഒ​ടി​യ​ൻ എ​ന്ന മി​ത്തി​ലെ സൂ​പ്പ​ർ​നാ​യ​ക​ന്‍റെ പ​രി​വേ​ഷ​മു​ള്ള നാ​ടോ​ടി ക​ഥാ​പാ​ത്ര​ത്തി​ന് വീ​രോ​ചി​ത പ​രി​വേ​ഷം ന​ല്കി മോ​ഹ​ൻ​ലാ​ലി​നു വേ​ണ്ടി കൃ​ത്യ​മാ​യി മെ​ന​ഞ്ഞെ​ടു​ക്കു​ക​യാ​യി​രു​ന്നു.

മോ​ഹ​ൻ​ലാ​ൽ ത​ന്നെ ഒ​ടി​യ​ൻ മാ​ണി​ക്ക​ൻ എ​ന്നു തീ​ർ​ച്ച​പ്പെ​ടു​ത്തി​യ​ത് എ​പ്പോ​ഴാ​ണ്...‍?

ഒ​ടി​യ​ൻ സി​നി​മ​യാ​ക്കാൻ വേണ്ടി ഞാ​നും ശ്രീ​കു​മാ​റും കൂ​ടി​യു​ള്ള ആ​ലോ​ച​ന​യു​ടെ ആ​ദ്യ​ത്തെ വാ​ച​ക​ത്തി​ൽ ത​ന്നെ മോ​ഹ​ൻ​ലാ​ൽ വ​ന്നി​രു​ന്നു. പ​ത്ര​പ്ര​വ​ർ​ത്ത​ക​ൻ എ​ന്ന​തി​ന​പ്പു​റം മോഹൻലാലുമായി ന​ല്ല രീ​തി​യി​ലു​ള്ള സൗ​ഹൃ​ദം നേ​ര​ത്തേ​യു​ണ്ടാ​യി​രു​ന്നു. പ​ക്ഷേ, അ​ക്കാ​ല​ത്തൊ​ന്നും ഒ​രു സി​നി​മ ചെ​യ്യു​ന്ന​തി​നെ​ക്കു​റി​ച്ച് ആ​ലോ​ചി​ച്ചി​രു​ന്നി​ല്ല. സൗ​ഹൃ​ദ​ത്തി​നൊ​ക്കെ​യ​പ്പു​റം ഒ​ടി​യ​ന്‍റെ ക​ഥ​ തന്നെയാ​ണ് അ​ദ്ദേ​ഹം പ​രി​ഗ​ണി​ച്ച​ത്. ലാലിന് ക​ഥ വ​ള​രെ ഇ​ഷ്ട​പ്പെ​ട്ടി​രു​ന്നു.



മോ​ഹ​ൻ​ലാ​ലി​നോ​ടു പൂ​ർ​ണ​മാ​യ ക​ഥ പ​റ​ഞ്ഞ നി​മി​ഷ​ങ്ങ​ളി​ലെ അ​നു​ഭ​വം...?

ഞാ​നും ശ്രീ​കു​മാ​റും കൂ​ടി ലാ​ലി​നെ നേ​രി​ൽ​ക്ക​ണ്ടു ക​ഥ പ​റ​യാ​ൻ അ​ദ്ദേ​ഹ​ത്തി​ന്‍റെ വീ​ട്ടി​ൽ​പ്പോ​യി. ക​ണ്ണു​ക​ള​ട​ച്ചു ക​ഥ കേ​ൾ​ക്കു​ന്ന​തി​നി​ടെ ലാലിന്‍റെ കൈ​വി​ര​ലു​ക​ളി​ൽ ചി​ല ച​ല​ന​ങ്ങ​ൾ വ​ന്നുതുടങ്ങി. ക​ഥ കേ​ൾ​ക്കു​ന്പോ​ൾ​ത്ത​ന്നെ അ​ദ്ദേ​ഹം ക​ഥ​യു​ടെ ഉൗ​ടു​വ​ഴി​ക​ളി​ലേ​ക്കു പോ​വു​ക​യാ​യി​രു​ന്നു. ശ​രീ​ര​ഭാ​ഷ കൊ​ണ്ട് ലാ​ൽ അ​പ്പോ​ൾ​ത്ത​ന്നെ ഒ​ടി​യ​നാ​യി മാ​റി​യെ​ന്നാ​ണ് എ​ന്‍റെ വി​ശ്വാ​സം. വാ​സ്ത​വ​ത്തി​ൽ അ​താ​യി​രു​ന്നു ഒ​ടി​യ​നാ​യി അ​ദ്ദേ​ഹ​ത്തി​ന്‍റെ ആ​ദ്യ​ത്തെ ട്രാ​ൻ​സ്ഫ​ർ​മേ​ഷ​ൻ. ഒ​ടി​യ​നു​വേ​ണ്ടി ലാ​ൽ ചെ​യ്ത​ത് മ​ല​യാ​ള​സി​നി​മാ​ച​രി​ത്ര​ത്തി​ൽ ഒ​രു നാ​യ​ക​ൻ ശ​രീ​രം കൊ​ണ്ടു ചെ​യ്ത എ​ക്കാ​ല​ത്തെ​യും വ​ലി​യ സമർപ്പണ​മാ​ണ്.



സ്ക്രി​പ്റ്റി​നോ​ടു സം​വി​ധാ​യ​ക​ൻ നീ​തി​പു​ല​ർ​ത്തി​യ​താ​യി തോ​ന്നു​ന്നു​ണ്ടോ...‍?

തീ​ർ​ച്ച​യാ​യും. ഡ​ബ്ബിം​ഗി​നു​വേ​ണ്ടി എ​ഡി​റ്റ​ർ ജോ​ണ്‍​കു​ട്ടി ത​യാ​റാ​ക്കി​യ ഗ്രാ​ഫി​ക്സും ആ​ക്‌ഷ​നു​മി​ല്ലാ​ത്ത ഒടിയന്‍റെ വേ​ർ​ഷ​ൻ ക​ണ്ടി​രു​ന്നു. ഞാ​ൻ വ​ള​രെ തൃ​പ്ത​നാ​ണ്. ക​ഥ​യു​ടെ പൂ​ർ​ണ​ത അ​തി​നു​ണ്ട്; സംവിധായകന്‍റെ കയ്യൊപ്പും. മോ​ഹ​ൻ​ലാ​ൽ ഉ​ൾ​പ്പെ​ടെ എ​ല്ലാ​വ​രും ഇ​തു ക​ണ്ടി​രു​ന്നു. ഇ​ങ്ങ​നെ ഒ​രു എ​ൻ​ഡ് പ്രോ​ഡ​ക്ട് വ​ന്ന​തി​ൽ ലാ​ലും മ​ഞ്ജു​വും ഉ​ൾ​പ്പെടെ എ​ല്ലാ​വ​രും തൃ​പ്ത​രാ​ണ്. സ്ക്രി​പ്റ്റ് ഒ​രു ബ്ലൂ ​പ്രി​ന്‍റ് മാ​ത്ര​മാ​ണ​ല്ലോ. ബാ​ക്കി​യെ​ല്ലാം മേ​ക്കിം​ഗ് സൈ​ഡി​ലു​ള്ള​വ​രു​ടെ സം​ഭാ​വ​ന​യാ​ണ്. സം​വി​ധാ​യ​ക​ൻ എ​ന്ന നി​ല​യ്ക്കു​ള്ള ശ്രീ​കു​മാ​റി​ന്‍റെ സം​ഭാ​വ​ന​ക​ൾ എ​ടു​ത്തു പ​റ​യേ​ണ്ട​താ​ണ്.



ര​ച​യി​താ​വ് എ​ന്ന​തി​ന​പ്പു​റം ഒ​ടി​യ​ന്‍റെ നി​ർ​മാ​ണ​ത്തി​ൽ താ​ങ്ക​ളു​ടെ പ​ങ്കാ​ളി​ത്തം ഏ​തു രീ​തി​യി​ലാ​ണ്...?

ഓ​ഫീ​സി​ൽ നി​ന്നു ലീ​വെ​ടു​ത്ത് ഷൂ​ട്ടിം​ഗി​നു പോ​യി​ട്ടി​ല്ല. ഒ​ഴി​വു​ദി​വ​സ​ങ്ങ​ളി​ലൊ​ക്കെ പോ​കാ​റു​ണ്ട്. ഷൂട്ടിംഗ് ദിനങ്ങളിൽ ഒ​രു ദി​വ​സം ത​ന്നെ പ​ല​ത​വ​ണ അ​വ​ർ ഫോണിൽ വി​ളി​ച്ചു​കൊ​ണ്ടി​രി​ക്കും. ഞാൻ എഴുതിയ ഒ​രു സീ​ൻ പോ​ലും ക​ള​യേണ്ടി വന്നില്ലെന്നാ​ണ് എ​ഡി​റ്റ​ർ ജോ​ണ്‍​കു​ട്ടി എ​ന്നോ​ടു പ​റ​ഞ്ഞ​ത്. അതായത്, സ്ക്രിപ്റ്റിൽ മുൻകൂർ കണ്ട സമയദൈർഘ്യം കൃത്യമായിരുന്നു. സ്ക്രി​പ്റ്റ് റൈ​റ്റ​ർ എ​ന്ന നി​ല​യ്ക്കും ഞാ​നൊ​രു മു​ഴു​വ​ൻ​സ​മ​യ സി​നി​മാ​ക്കാ​ര​ൻ അ​ല്ലെ​ന്ന നി​ല​യ്ക്കും അ​തും എ​നി​ക്കു വ​ള​രെ​യ​ധി​കം അ​ഭി​മാ​നം ന​ല്കി​യ കാ​ര്യ​മാ​ണ്.



മോ​ഹ​ൻ​ലാ​ലി​ന്‍റെ പ​ങ്കാ​ളി​ത്തം, സ​മ​ർ​പ്പ​ണം...​താ​ങ്ക​ളു​ടെ അ​നു​ഭ​വ​ത്തി​ൽ നി​ന്ന്..?

അ​തി​നെ​ക്കു​റി​ച്ച് എ​ന്നെ​ക്കാ​ൾ ന​ന്നാ​യി ഓരോ മലയാളിക്കുമറിയാം. ഒ​രു ന​ട​ന്‍റെ സ​മ​ർ​പ്പ​ണം എ​ന്താ​ണെ​ന്ന് അ​ദ്ദേ​ഹം ന​മു​ക്കു ശ​രീ​ര​ത്തി​ൽ കാ​ണി​ച്ചു​ത​ന്നു. അതിനും അപ്പുറമെന്ത്‍? മെ​ലി​യ​ണ​മെ​ന്നു​ള്ള​ത് സിനിമയുടെ ര​ണ്ടാം ആ​ലോ​ച​ന​യി​ൽ വ​ന്ന​താ​ണ്. നാ​യ​ക​ന്‍റെ ചെ​റു​പ്പം കാ​ണി​ക്കാ​ൻ അ​ത് ആ​വ​ശ്യ​മാ​യി​രു​ന്നു. നേ​ര​ത്തേ പ​റ​ഞ്ഞ​തു​പോ​ലെ, ഒ​ടി​യ​ൻ പ​റ​യു​ന്ന​ത് 50 വ​ർ​ഷ​ത്തെ ക​ഥ​യാ​ണ്. പ​ത്തു വ​യ​സി​ലാ​ണ് ക​ഥ തു​ട​ങ്ങു​ന്ന​ത്. പ്രാ​യം കൊ​ണ്ട് അ​ന്പ​തു​ക​ളു​ടെ അ​വ​സാ​നം വ​രെ​യു​ള്ള ക​ഥ​യാ​ണു പ​റ​യു​ന്ന​ത്. യുവാവായ ഒ​ടി​യ​ൻ മാ​ണി​ക്കനാ​കു​ന്ന​തി​നാ​ണ് ലാ​ൽ മെ​ലി​ഞ്ഞ​ത്.



മ​ഞ്ജു​വാ​ര്യ​രു​ടെ ക​ഥാ​പാ​ത്രം പ്ര​ഭ​യെ​ക്കു​റി​ച്ച്...?

മോ​ഹ​ൻ​ലാ​ലും മ​ഞ്ജു​വും കൂ​ടി​യു​ള്ള കെ​മി​സ്ട്രി ന​മു​ക്ക് ഏ​റെ പ​രി​ചി​ത​മാ​ണ്.​ അതു ന​മു​ക്കി​ഷ്ട​വുമാണ്. ‘ആ​റാം ത​ന്പു​രാ​നി​’ലൊ​ക്കെ ക​ണ്ട​തു​പോ​ലെ​യു​ള്ള മു​ഹൂ​ർ​ത്ത​ങ്ങ​ൾ. അ​വ​ർ ത​മ്മി​ലു​ള്ള ചി​ല സ​മ​വാ​ക്യ​ങ്ങ​ൾ ന​മു​ക്കി​ഷ്ട​മാ​ണ്. ഒ​ടി​യ​ൻ അ​ങ്ങ​നെ​യു​ള്ള ഒ​രു സി​നി​മ​യാ​യി​രി​ക്കും. മ​ഞ്ജു​വും ഇ​രു​പ​തു​കളിലുള്ള പെ​ണ്‍​കു​ട്ടി​യാ​കു​ന്നു​ണ്ട് ഒ​ടി​യ​നി​ൽ. പ്ര​ഭ​യാ​യി മ​ഞ്ജു ത​ന്നെ​യാ​ണ് തു​ട​ക്കം മു​ത​ൽ ത​ന്നെ ആ​ലോ​ച​ന​ക​ളി​ൽ വ​ന്ന​ത്.

മ​ഞ്ജു​വും മോ​ഹ​ൻ​ലാ​ലും പ്ര​കാ​ശ് രാ​ജും ഒ​ന്നി​ച്ചു​വ​രു​ന്ന ഡ്രമാറ്റിക് മു​ഹൂ​ർ​ത്ത​ങ്ങ​ൾ പ​ല​തു​ണ്ട് സി​നി​മ​യി​ൽ. ആ ​സീ​നു​ക​ളൊ​ക്കെ വ​ള​രെ ര​സ​ക​ര​മാ​യി വ​ന്നി​ട്ടു​ണ്ട്. മ​ഞ്ജു​വി​നു വ​ള​രെ തൃ​പ്തി ന​ല്കി​യ ക​ഥാ​പാ​ത്ര​മാ​ണു പ്ര​ഭ. ഇ​തു​വ​രെ കി​ട്ടി​യ​തി​ൽ ഏ​റ്റ​വും വ്യ​ത്യ​സ്ത​ത​യു​ള്ള കാ​ര​ക്ട​റു​ക​ളി​ൽ ഒ​ന്നാ​ണി​ത്. വ​ള​രെ കാ​ന്പു​ള്ള ഒ​രു ക​ഥാ​പാ​ത്രം. ക​ഥാ​പാ​ത്ര​ത്തി​ന്‍റെ കൂ​ടു​ത​ൽ വി​വ​ര​ങ്ങ​ൾ ഇ​പ്പോ​ൾ വെ​ളി​പ്പെ​ടു​ത്താ​നാ​വി​ല്ല.



ഒ​ടി​യ​നി​ലെ വി​ല്ല​ൻ...?

പ്ര​കാ​ശ് രാ​ജ് അ​വ​ത​രി​പ്പി​ക്കു​ന്ന വി​ല്ല​ൻ, പേ​ര് രാ​വു​ണ്ണി. അ​സാ​ധ്യ​പ്ര​തി​നാ​യ​ക​നാ​ണു രാ​വു​ണ്ണി. വി​ല്ല​ൻ ന​ന്നാ​യാ​ലേ നാ​യ​ക​ൻ ന​ന്നാ​വു​ക​യു​ള്ളൂ എ​ന്ന​ല്ലേ പ​റ​യാ​റു​ള്ള​ത്. ഒ​ടി​യ​ൻ മാ​ണി​ക്ക​നൊ​പ്പം​ത​ന്നെ പ്രാ​ധാ​ന്യ​മു​ള​ള ക​ഥാ​പാ​ത്ര​മാ​ണു രാ​വു​ണ്ണി​യും. കൊ​ടും​വി​ല്ല​നാ​ണു രാ​വു​ണ്ണി; ഭീ​ക​ര​വി​ല്ല​ൻ. പ​ല സി​നി​മ​ക​ളി​ലും കാ​ണാ​റു​ള്ള​തു​പോ​ലെ വ​ല്ല​പ്പോ​ഴും അ​ടി​ക്കാ​നും പ​ഞ്ച് ഡ​യ​ലോ​ഗ് പ​റ​യാ​നും മാ​ത്ര​മു​ള്ള ഒ​രു ക​ഥാ​പാ​ത്ര​മ​ല്ല ഒ​ടി​യ​നി​ലെ വി​ല്ല​ൻ. ഈ ​അ​ന്പ​തു വ​ർ​ഷ​ത്തെ ക​ഥ​യി​ലും ഇ​ട​പെ​ട്ടു​കൊ​ണ്ടി​രി​ക്കു​ന്ന, ക​ഥ​യി​ൽ നാ​യ​ക​നോ​ളം ത​ന്നെ പ്രാ​ധാ​ന്യ​മു​ള്ള, ആ​ക്ടീ​വാ​യ വി​ല്ല​നാ​ണു രാ​വു​ണ്ണി. ‘ഇ​രു​വ​റി​’നു​ശേ​ഷം മോ​ഹ​ൻ​ലാ​ലും പ്ര​കാ​ശ് രാ​ജും കൂ​ടി​യു​ള്ള സു​ന്ദ​ര​മു​ഹൂ​ർ​ത്ത​ങ്ങ​ൾ ഉ​റ​പ്പു​വ​രു​ത്തു​ന്ന സി​നി​മ​യാ​ണി​ത്. അ​ന്പ​തു വ​ർ​ഷ​ങ്ങ​ളി​ലൂ​ടെ​യു​ള്ള ക​ഥാ​സ​ഞ്ചാ​ര​ത്തി​നി​ടെ മ​ഞ്ജു​വും പ്ര​കാ​ശ് രാ​ജും മോ​ഹ​ൻ​ലാ​ലി​നെ​പ്പോ​ലെ ത​ന്നെ പ്രാ​യ​പ​രി​ണാ​മ​ങ്ങ​ളി​ൽ​ക്കൂ​ടി ക​ട​ന്നു​പോ​കു​ന്നു​ണ്ട്,

അ​മി​താ​ഭ് ബ​ച്ച​ൻ ഒ​ടി​യ​നി​ൽ അ​ഭി​ന​യി​ക്കു​മെ​ന്നു കേ​ട്ടി​രു​ന്നു....?

അ​മി​താ​ഭ് ബ​ച്ച​ൻ വ​രു​മെ​ന്നു ന​മ്മ​ൾ ക​രു​തി​യി​രു​ന്നു. അ​ദ്ദേ​ഹം വാ​ക്കു ത​ന്ന​തു​മാ​ണ്. പ​ക്ഷേ, വ്യ​ക്തി​പ​ര​മാ​യ ചി​ല കാ​ര​ണ​ങ്ങ​ൾകൊണ്ട് അ​ദ്ദേ​ഹം ഒ​ഴി​യു​ക​യാ​യി​രു​ന്നു. ഒ​ടി​യ​ൻ മാ​ണി​ക്കന്‍റെ മു​ത്ത​ച്ഛ​ന്‍റെ റോ​ളി​ലേ​ക്കാ​ണ് അ​ദ്ദേ​ഹ​ത്തെ ക്ഷ​ണി​ച്ച​ത്. ബ​ച്ച​നെ കാ​ത്തി​രു​ന്നാ​ൽ അ​തി​നു​വേ​ണ്ടി സി​നി​മ വൈ​കും എ​ന്ന ഒ​ര​വ​സ്ഥ വ​ന്നു. വൈ​കേ​ണ്ട എ​ന്ന ക​രു​തി വ​ള​രെ പ്ര​ഗ​ല്ഭ​നാ​യ മ​നോ​ജ് ജോ​ഷി​യെ ആ ​റോ​ളി​ലേ​ക്കു കൊ​ണ്ടു​വ​ന്നു.

ഒ​ടി​യ​നി​ലെ മ​റ്റ് അ​ഭി​നേ​താ​ക്ക​ളെ​ക്കു​റി​ച്ച്...‍?

ഇ​ന്ന​സെ​ന്‍റ്, സി​ദ്ധി​ക് എ​ന്നി​വ​രും വ​ള​രെ പ്രാ​ധാ​ന്യ​മു​ള്ള വേഷങ്ങളിലാണു വരുന്നത്. ദാ​മോ​ദ​ര​ൻ നാ​യ​ർ എ​ന്നാ​ണ് സി​ദ്ധി​ക്കി​ന്‍റെ ക​ഥാ​പാ​ത്ര​ത്തി​ന്‍റെ പേ​ര്. മ​ഞ്ജു​വി​ന്‍റെ അ​നി​യ​ത്തി​യു​ടെ വേ​ഷ​ത്തി​ൽ വ​രു​ന്ന​ത് സ​ന അ​ൽ​ത്താ​ഫ്. ന​രെ​യ്ൻ, കൈ​ലാ​ഷ് എ​ന്നി​വ​ർ യ​ഥാ​ക്ര​മം പ്ര​കാ​ശ​ൻ, ര​വി എ​ന്നീ ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്നു. ന​ന്ദു​വും ഒ​രു പ്ര​ധാ​ന വേ​ഷ​ത്തി​ൽ വ​രു​ന്നു.



ആ​ന്‍റ​ണി പെ​രു​ന്പാ​വൂ​രി​ന്‍റെ സ​പ്പോ​ർ​ട്ട് എ​ത്ര​ത്തോ​ളം....?

ആ​ന്‍റ​ണി പെ​രു​ന്പാ​വൂ​ർ എ​ന്ന പ്രൊ​ഡ്യൂ​സ​ർ​ക്ക് ഒ​ടി​യ​ന്‍റെ മേ​ക്കിം​ഗി​ൽ ഏറ്റവും കാ​ര്യ​മാ​യ പ​ങ്കു​ണ്ട്. ഈ ​സി​നി​മ​യ്ക്കു ബ​ജ​റ്റി​ല്ല. ഈ ​സി​നി​മ​യ്ക്ക് ചെ​ല​വാ​കു​ന്ന​തെ​ത്ര​യോ അ​താ​ണ് ഒ​ടി​യ​ന്‍റെ ബ​ജ​റ്റെ​ന്നു സി​നി​മ തു​ട​ങ്ങു​ന്പോ​ൾ​ത്ത​ന്നെ അദ്ദേഹം തീ​രു​മാ​നി​ച്ചി​രു​ന്നു. അ​ങ്ങ​നെ പ​റ​ഞ്ഞ് ഒ​രു സി​നി​മ​യും ഇ​വി​ടെ​യാ​രും ചെ​യ്തി​ട്ടി​ല്ല. എ​ത്ര​യോ വാ​ർ​ത്ത​ക​ൾ ഒ​ടി​യ​നെ​ക്കു​റി​ച്ചു വ​ന്നു. മ​ല​യാ​ള​ത്തി​ലെ ഏ​റ്റ​വും വ​ലി​യ പ​ടം എ​ന്നു മാ​ത്ര​മാ​ണു പ​റ​യു​ന്ന​ത്. ഒ​ന്നി​ലും കോ​സ്റ്റ് പ​റ​യു​ന്നി​ല്ല. ഒ​ടി​യ​ന്‍റെ ഗ്രാ​ഫി​ക്സി​നു ചെ​ല​വുതന്നെ ഒ​രു വ​ലി​യ മ​ല​യാ​ള​സി​നി​മ​യു​ടെ ബ​ജ​റ്റാ​ണ്.

ഇ​ങ്ങ​നെ​യൊ​രു സി​നി​മ മു​ന്നോ​ട്ടു​പോ​കാ​ൻ കാ​ര​ണം ആ​ന്‍റ​ണി പെ​രു​ന്പാ​വൂ​ർ ത​ന്നെ​യാ​ണ്. ഒടിയനെന്ന പ്രതിനായകന്‍റെ പിറവിയിൽ ആന്‍റണിക്കു വലിയ പങ്കുണ്ട്. ഇ​തു​പോ​ലെ പ്ര​ഫ​ഷ​ണ​ലാ​യി ചി​ന്തി​ക്കു​ന്ന പ്രൊഡ്യൂ​സ​ർ​മാ​ർ മ​ല​യാ​ള​ സി​നി​മ​യി​ൽ ഉ​ണ്ടാ​വ​ണം എ​ന്ന് ആ​ന്‍റ​ണി​യെ​ക്കു​റി​ച്ചു തോ​ന്നി​യിട്ടു​ണ്ട്. സി​നി​മ​യെ​ക്കു​റി​ച്ചു ന​ല്ല ഗ്രാ​ഹ്യ​മു​ണ്ട്. മോ​ഹ​ൻ​ലാ​ലി​ന്‍റെ ഏ​തു പ​ഞ്ച് ഡ​യ​ലോ​ഗി​ന് എ​വി​ടെ​യാ​ണു കൈ​യ​ടി വ​രി​ക എ​ന്ന​തി​നെ​ക്കു​റി​ച്ചൊ​ക്കെ ആ​ന്‍റ​ണി​ക്കു കൃ​ത്യ​മാ​യി അ​റി​യാം. ഞാ​ൻ ശ​രി​ക്കും അ​ദ്ഭു​ത​പ്പെ​ട്ടു​പോ​യി. മോ​ഹ​ൻ​ലാ​ലി​ന്‍റെ പ്രേ​ക്ഷ​ക​രെ​ക്കു​റി​ച്ച് ഒ​രു വ്യ​ക്തി​ക്ക് ഇ​ത്ര​യും ബോധ്യ​മു​ണ്ടെ​ന്നു മ​ന​സി​ലാ​കു​ന്ന​ത് ആ​ന്‍റ​ണി​ക്കൊ​പ്പ​മു​ള്ള നി​മി​ഷ​ങ്ങ​ളി​ലാ​ണ്. ഇ​പ്പോ​ഴ​ത്തെ പ്രൊ​ഡ്യൂ​സ​ർ​മാ​രി​ൽ വ​ള​രെ പ്ര​ബ​ല​നാ​യ വ്യ​ക്തി​യുമാണ് ആ​ന്‍റ​ണി.



ഒ​ടി​യ​ന്‍റെ ടെ​ക്നി​ക്ക​ൽ സ​പ്പോ​ർ​ട്ടി​നെ​ക്കു​റി​ച്ച്...‍?

ആ​ക്‌ഷൻ കൊ​റി​യോ​ഗ്ര​ഫി ചെയ്ത പീ​റ്റ​ർ​ഹെ​യ്ൻ പു​ലി​മു​രു​ക​നി​ൽ വ​ർ​ക്ക് ചെ​യ്ത​ത​തി​ന്‍റെ ഇ​ര​ട്ടി​സ​മ​യ​മാ​ണ് ഒ​ടി​യ​നി​ൽ ചെ​ല​വ​ഴി​ച്ച​ത്. ഇ​തു​വ​രെ ചെ​യ്ത​തി​ൽ മി​ക​ച്ച വ​ർ​ക്ക് ഒ​ടി​യ​നി​ലേ​താ​ണെ​ന്ന് പീ​റ്റ​ർ​ഹെ​യ്ൻ പ​റ​ഞ്ഞതിലുണ്ട് ഒടിയനിലെ ആക്‌ഷൻഗുണം. ഛായാ​ഗ്ര​ഹ​ണം നരന്‍റെയും ​പുലി​മു​രു​ക​ന്‍റെയും കാ​മ​റാ​മാ​ൻ ഷാ​ജി കു​മാ​ർ. എ​ഡി​റ്റിം​ഗ് പു​ലി​മു​രു​ക​ന്‍റെ എ​ഡി​റ്റ​ർ ജോ​ണ്‍​കു​ട്ടി. സെ​റ്റൊ​രു​ക്കി​യ​ത് പ്ര​ശാ​ന്ത് മാ​ധ​വ്.

ഒ​ടി​യ​നി​ലെ പാ​ട്ടു​ക​ൾ, പ​ശ്ചാ​ത്ത​ല​സം​ഗീ​തം....?

എം. ​ജ​യ​ച​ന്ദ്ര​നാ​ണു പാ​ട്ടു​ക​ളൊ​രു​ക്കി​യ​ത്. താ​ൻ ജീ​വി​ത​ത്തി​ൽ ചെ​യ്ത ഏ​റ്റ​വും ന​ല്ല പാ​ട്ടു​ക​ൾ ഒ​ടി​യ​നി​ലേ​താ​ണെ​ന്ന് അ​ദ്ദേ​ഹം പ​റ​ഞ്ഞി​ട്ടു​ണ്ട്. ശ​ങ്ക​ർ മ​ഹാ​ദേ​വ​ൻ, ശ്രേ​യാ​ഘോ​ഷാ​ൽ, സു​ദീ​പ് കു​മാ​ർ എ​ന്നി​വ​രൊ​ക്കെ​യാ​ണു ഗാ​യ​ക​ർ. ശ്രേ​യ ര​ണ്ടു പാ​ട്ടു​ക​ൾ പാ​ടി​യി​ട്ടു​ണ്ട്. റ​ഫീ​ക് അ​ഹ​മ്മ​ദും ശ്രീ​കു​മാ​ർ മേ​നോ​ന്‍റെ മ​ക​ൾ ല​ക്ഷ്മി​യു​മാ​ണ് പാട്ടുകൾ എ​ഴു​തി​യ​ത്. ബാ​ക്ക്ഗ്രൗ​ണ്ട് സ്കോ​ർ ചെ​യ്യു​ന്ന​ത് ‘വി​ക്രം​വേ​ദ’ ചെ​യ്ത സാം ​സി.​എ​സ്.



ഒ​ടി​യ​ൻ - സ്ക്രി​പ്റ്റിം​ഗ് അ​നു​ഭ​വ​ങ്ങ​ൾ...‍?

കു​ട്ടി​സ്രാ​ങ്ക് മു​ത​ൽ ത​ന്നെ ഞാ​ൻ കം​പ്യൂ​ട്ട​റി​ലാ​ണ് സ്ക്രിപ്റ്റ് ടൈ​പ്പ് ചെ​യ്തി​രു​ന്ന​ത്. സന്തോഷത്തോടെ എ​ഴു​തി​ത്തീ​ർ​ത്ത സ്ക്രി​പ്റ്റാ​ണ് ഒ​ടി​യ​ന്‍റേ​ത്. ഓ​ഫീ​സി​ലെ ജോ​ലി ക​ഴി​ഞ്ഞ് വീ​ട്ടി​ലെ​ത്തി എ​ല്ലാ​വ​രും ഉ​റ​ങ്ങി​യ​ശേ​ഷമാണ് എഴുതിയിരുന്നത്. മ​ന​സി​ൽ സി​നി​മ​യു​ണ്ടാ​യി​രു​ന്നു. സി​നി​മ​യ്ക്കു​വേ​ണ്ടിയും സെ​റ്റ് ചെ​യ്ത ജീ​വി​ത​മാ​ണ് എ​ന്‍റേ​ത്. ഇ​തെ​ന്ന​ല്ല വേ​റൊ​രു തീം ​പ​റ​ഞ്ഞാ​ലും പെ​ട്ടെ​ന്ന് എ​ഴു​തി​ക്കൊ​ടു​ക്കാം. 25 വ​ർ​ഷ​ത്തെ പ​ത്ര​പ്ര​വ​ർ​ത്ത​ന​ജീ​വി​തം ത​ന്ന ഗു​ണ​മാ​ണ​ത്.

സാ​മൂ​ഹി​ക​പശ്ചാത്തലവും ച​രി​ത്ര​വു​മൊ​ക്കെ ‘ഒ​ടി​യ​നി​’ൽ വ​രു​ന്നു​ണ്ടോ...?

കൃ​ത്യ​മാ​യ ഒ​രു ക​ഥ​യു​ണ്ട് എ​ന്ന​താ​ണ് ‘ഒ​ടി​യ​ന്‍റെ’ ക​രു​ത്ത്. നാ​ട​കീ​യ​സ​ന്ദ​ർ​ഭ​ങ്ങ​ളി​ലൂ​ടെ പോ​കു​ന്ന ക​ഥ​യാ​ണ​ത്. അ​ന്പ​തു വ​ർ​ഷ​ത്തി​ൽ തേ​ങ്കുറിശ്ശി എ​ന്ന പാ​ല​ക്കാ​ട​ൻ ഗ്രാ​മ​ത്തി​ലു​ള്ള ക​ഥാ​പാ​ത്ര​ങ്ങ​ളി​ലൂ​ടെ ആ ​നാ​ടി​ന്‍റെ ച​രി​ത്രം -അ​തി​ൽ ക​മ്യൂ​ണി​സം വ​രു​ന്നു​ണ്ട്, ക​റ​ണ്ട് വ​രു​ന്നു​ണ്ട് - പ​റ​യു​ന്ന ക​ഥ​യാ​ണ്. ക​മ്യൂ​ണി​സം ന​മ്മു​ടെ ഗ്രാ​മ​ങ്ങ​ളി​ൽ ഒ​രു കാ​ല​ത്തു വെ​ളി​ച്ച​മു​ണ്ടാ​ക്കി​യി​രു​ന്നു​വ​ല്ലോ. ക​മ്യൂ​ണി​സം ന​മ്മു​ടെ ഗ്രാ​മ​ങ്ങ​ളി​ൽ സാ​മൂ​ഹി​ക അ​വ​ബോ​ധ​മു​ണ്ടാ​ക്കി. അ​ന്ധ​വി​ശ്വാ​സ​ങ്ങ​ളെ ചോ​ദ്യം ചെ​യ്യാ​ൻ ആ​ളു​ക​ൾ​ക്കു ധൈ​ര്യ​മു​ണ്ടാ​യി.

വാ​സ്ത​വ​ത്തി​ൽ അ​വ​സാ​ന​ത്തെ ഒ​ടി​യ​ൻ ജീ​വി​ച്ചി​രി​പ്പു​ണ്ടാ​കു​മോ....‍?

ഈ ​ക​ഥ വ​ന്ന​ശേ​ഷം അ​വ​സാ​ന​ത്തെ ഒ​ടി​യ​ൻ ത​ങ്ങ​ളു​ടെ നാ​ട്ടി​ലു​ണ്ടെ​ന്നു​പ​റ​ഞ്ഞ് തൃ​ശൂ​രി​ൽ നി​ന്നൊക്കെ പ​ല​രും വി​ളി​ച്ചി​ട്ടു​ണ്ട്. വാ​സ്ത​വ​ത്തി​ൽ അ​ങ്ങ​നെ​യൊ​രാ​ൾ ജീ​വി​ച്ചി​രി​ക്കാ​ൻ വ​ഴി​യി​ല്ല. അ​ല്ലെ​ങ്കി​ൽ അ​വ​രൊ​ക്കെ ഈ ​പ​ണി നി​ർ​ത്തി​ക്കാ​ണും. ഇ​പ്പോ​ഴ​ത്തെ കാ​ല​ത്ത് അ​വ​ർ​ക്കു പ്ര​സ​ക്തി​യി​ല്ല. കാ​ര​ണം, ഇ​പ്പോ​ൾ ഒ​ഴി​ഞ്ഞ ഏ​കാ​ന്ത​മാ​യ ഇ​രു​ട്ടു​ള്ള പാ​ട​വ​ര​ന്പു​ക​ളൊ​ന്നു​മി​ല്ല.



ഒ​ടി​യ​ൻ - ചി​ത്രീ​ക​ര​ണം...?

ബ​നാ​റ​സി​ൽ നി​ന്നാ​ണ് ‘ഒടിയന്‍റെ’ ചി​ത്രീ​ക​ര​ണം തു​ട​ങ്ങി​യ​ത്. പാ​ല​ക്കാ​ട്ട് കേ​ന്ദ്രീ​ക​രി​ച്ചാ​യി​രു​ന്നു പി​ന്നീ​ടു​ള്ള ചി​ത്രീ​ക​ര​ണം. ഒ​ടി​യ​ൻ മാ​ണി​ക്കന്‍റെ വീ​ട് ആ​വി​ഷ്ക​രി​ച്ച​ത് പാ​ല​ക്കാ​ട്ടു​ള്ള കൊ​ല്ലങ്കോട് എ​ന്ന എ​ന്‍റെ ഗ്രാ​മ​ത്തി​ൽ​ത​ന്നെ​യാ​ണ്. അ​പ്പു​റ​ത്തു മ​ല, ഇ​പ്പു​റ​ത്തു പു​ഴ, ക​രി​ന്പ​ന...​കൃ​ത്യ​മാ​യി​ട്ടു​ള്ള ഒ​രു ഗ്രാ​മം ഇ​വി​ടെ അ​വ​ർ ക​ണ്ടെ​ത്തു​ക​യാ​യി​രു​ന്നു. സ്ക്രി​പ്റ്റ് റൈ​റ്റ​റു​ടെ ഗ്രാ​മം ത​ന്നെ സി​നി​മ​യി​ലെ നാ​യ​ക​ക​ഥാ​പാ​ത്ര​ത്തി​ന്‍റെ ഗ്രാ​മ​മാ​കു​ന്നു എ​ന്ന ഒ​രു പ്ര​ത്യേ​ക​ത​യും അ​തി​ലു​ണ്ട്.

ഒ​ടി​യ​ൻ സിനിമയുമായി ബ​ന്ധ​പ്പെ​ട്ട് സമൂഹ മാധ്യമങ്ങളിൽ ധാ​രാ​ളം ചി​ത്ര​ങ്ങ​ളും ക​ഥ​ക​ളും പ്ര​ച​രി​ക്കു​ന്നു​ണ്ട​ല്ലോ...?

ഒ​ടി​യ​ന്‍റെ ഒ​റി​ജി​ന​ൽ സ്റ്റി​ല്ലു​ക​ളെ​ല്ലാം ന​മ്മു​ടെ അ​റി​വോ​ടെ​യാ​ണു പു​റ​ത്തു​വ​ന്നി​രി​ക്കു​ന്ന​ത്. പ​ക്ഷേ, ആ​ളു​ക​ൾ അ​തി​നു പ​ല വ്യാ​ഖ്യാ​ന​ങ്ങ​ളു​ണ്ടാ​ക്കി. അ​തു ന​മ്മു​ടെ പ​രി​ധി​യി​ലു​ള്ള കാ​ര്യ​മ​ല്ല​ല്ലോ. അ​ത്ത​ര​ത്തി​ൽ പ്ര​ച​രി​ക്കു​ന്ന ക​ഥ​ക​ൾ​ക്കു സി​നി​മ​യു​മാ​യി ബ​ന്ധ​മൊ​ന്നു​മി​ല്ല. ഒ​ടി​യ​നെ​പ്പ​റ്റി വെ​റു​തേ പ​റ​യു​ന്ന ധാ​രാ​ളം ക​ഥ​ക​ളു​ണ്ട്, കെ​ട്ടു​ക​ഥ​ക​ൾ. ‘ഒ​ടി​യ​ൻ’ സി​നി​മ​യെ​ക്കു​റി​ച്ചും അ​ത്ത​രം ക​ഥ​ക​ൾ കേ​ൾ​ക്കു​ന്ന​തി​ൽ വാ​സ്ത​വ​ത്തി​ൽ സ​ന്തോ​ഷ​മു​ണ്ട്. പ​ക്ഷേ, ഇ​ങ്ങ​നെ പ​റ​യു​ന്ന​തി​ൽ പ​ല ക​ഥ​ക​ളും സിനിമയെ സംബന്ധിച്ചിടത്തോളം സ​ത്യ​മ​ല്ല. മ​ല​യാ​ള​സി​നി​മ​യു​ടെ ച​രി​ത്ര​ത്തി​ൽ ഇ​ത്ര​യും പ്ര​തീ​ക്ഷി​ക്ക​പ്പെ​ട്ട ഒ​രു സി​നി​മ​യി​ല്ല. ആ​ളു​ക​ളെ​ല്ലാം സി​നി​മ​യെ​ക്കു​റി​ച്ചു ധാ​രാ​ളം പ്ര​തീ​ക്ഷി​ക്കു​ന്നു. അ​തു ത​ന്നെ​യാ​ണ് ഈ ​ഘ​ട്ട​ത്തി​ൽ ന​മു​ക്കു കി​ട്ടി​യ മെ​ച്ചം. എ​വി​ടെ​പോ​യാ​ലും ഒ​ടി​യ​നെ​ക്കു​റി​ച്ചു​ള്ള പ്ര​തീ​ക്ഷ​ക​ളും വാ​ർ​ത്ത​ക​ളുമാണ്. ‘ഒ​ടി​യ​ൻ ഇ​രു​ട്ടി​ന്‍റെ, രാ​ത്രി​യു​ടെ രാ​ജാ​വ് ’എ​ന്നാ​ണ് ഔദ്യോഗിക പോ​സ്റ്റ​റി​ലെ ക്യാ​പ്ഷ​ൻ.

അ​പ്പോ​ൾ ഒ​ടി​യ​നി​ൽ ഇ​തി​ന​പ്പു​റം എ​ന്തൊ​ക്കെ​യോ ര​ഹ​സ്യ​ങ്ങ​ൾ ഉ​ണ്ട്..?

ഇ​തി​ന​പ്പു​റ​മേ ഉ​ള്ളൂ. ഇ​നി സ​ർ​പ്രൈ​സു​ക​ൾ സി​നി​മ​യി​ൽ​ത്ത​ന്നെ​യാ​ണ്. സി​നി​മ​യി​ൽ വ​രാ​നാ​യി ഒ​രു​പാ​ടു കാ​ര്യ​ങ്ങ​ൾ ഞ​ങ്ങ​ൾ മാ​റ്റി​വ​ച്ചി​ട്ടു​ണ്ട്. കൂ​ടു​ത​ൽ വി​വ​ര​ങ്ങ​ൾ ഇ​പ്പോ​ൾ വെ​ളി​പ്പെ​ടു​ത്താ​നാ​വി​ല്ല. കാ​ര​ണം കോ​ടി​ക​ൾ ഇ​ൻ​വെ​സ്റ്റ് ചെ​യ്ത ഒ​രു പ്രൊ​ഡ്യൂ​സ​റി​നെ​ക്കു​റി​ച്ചും ആ​ലോ​ചി​ക്ക​ണ​മ​ല്ലോ.

ക്ലൈ​മാ​ക്സ് ആ​ദ്യം ത​ന്നെ ഷൂ​ട്ട് ചെ​യ്ത​തി​നു പി​ന്നി​ൽ..‍?

വ​ള​രെ ദൈ​ർ​ഘ്യ​മേ​റി​യ, വ​ള​രെ ബു​ദ്ധി​മു​ട്ടു​ള്ള, ഒ​രു​പാ​ടു കാ​ര്യ​ങ്ങ​ൾ ഉ​ൾ​പ്പെ​ടു​ന്ന ഒ​രു ക്ലൈ​മാ​ക്സാ​ണ് ഒ​ടി​യ​ന്‍റേ​ത്. അ​തു നേ​ര​ത്തേ എ​ടു​ത്തു ക​ഴി​ഞ്ഞാ​ൽ അ​ത്ര​യും സ​മ​യം ന​മു​ക്ക് സി​നി​മ​യു​ടെ മ​റ്റു കാ​ര്യ​ങ്ങ​ൾ​ക്കു മാ​റ്റി​വ​യ്ക്കാ​മ​ല്ലോ എന്നു കരുതി. ക്ലൈ​മാ​ക്സ് സീ​നി​ലും ഗ്രാ​ഫി​ക്സ് ന​ന്നാ​യി വ​രു​ന്നു​ണ്ട്.



ആ​ർ​ട്ടി​സ്റ്റി​ക്കാ​ണോ സി​നി​മാ​റ്റി​ക്കാ​ണോ ഒ​ടി​യ​ൻ സി​നി​മ...?

മാ​സും ക്ലാ​സും ചേ​രും​പ​ടി മി​ക്സ് ചെ​യ്ത ഒ​രു സി​നി​മ. ആ ​മി​ക്സിം​ഗ് കൃ​ത്യ​മാ​യി​രു​ന്നു​വെ​ന്നാ​ണ് ഈ ​സി​നി​മ​യു​മാ​യി ബ​ന്ധ​പ്പെ​ട്ട​വ​ർ വി​ശ്വ​സി​ക്കു​ന്ന​ത്. ഈ ​പ​ടം വ​ള​രെ ഹി​റ്റാ​വു​ക​യും ന​ല്ല അ​ഭി​പ്രാ​യം വ​രി​ക​യും ചെ​യ്യു​മെ​ന്നാ​ണു പ്ര​തീ​ക്ഷ.

ആ​ദ്യ സ്ക്രി​പ്റ്റി​നു ത​ന്നെ ദേ​ശീ​യ​പു​ര​സ്കാ​രം. അ​തി​നു​ശേ​ഷം തി​ര​ക്ക​ഥ​യ്ക്കു​വേ​ണ്ടി പ​ല​രും സ​മീ​പി​ച്ചി​ട്ടു​ണ്ടാ​കു​മ​ല്ലോ...?

ഏ​ത്ര​യോ​പേ​ർ വ​ന്നി​ട്ടു​ണ്ട്. ഒ​ടി​യ​ൻ ചെ​യ്ത ശേ​ഷ​വും അ​തി​ലും എ​ത്ര​യോ പേ​ർ ചോ​ദി​ച്ചി​ട്ടു​ണ്ട്. ഈ ​സി​നി​മ​യു​ടെ അനൗൺസ്മെന്‍റ് വന്നശേഷം, ഷൂ​ട്ടിം​ഗ് തു​ട​ങ്ങു​ന്ന​തി​നു​മു​ന്പും ആ​ളു​ക​ൾ വ​ന്നി​രു​ന്നു. കാ​ര​ണം, ഇ​ന്നു മ​ല​യാ​ള സി​നി​മ​യി​ൽ ഏ​റ്റ​വു​മാ​വ​ശ്യ​മു​ള്ള​തു സ്ക്രി​പ്റ്റാ​ണ്. ക​ഥ​യാ​ണു വേ​ണ്ട​ത്. മോ​ഹ​ൻ​ലാ​ലി​നെ​പ്പോ​ലെ ഒ​രാ​ളെ ബോ​ധ്യ​പ്പെ​ടു​ത്താ​ൻ പ​റ്റി​യ ഒ​രു ക​ഥ അ​ല്ലെ​ങ്കി​ൽ ഇ​ത്ര​യും വലിയ തുക ഇ​ൻ​വെ​സ്റ്റ് ചെ​യ്യാ​ൻ പ​റ്റി​യ തിരക്ക​ഥ എ​ഴു​തി​യ ഒ​രാ​ളെ തി​ര​ക്കി ആ​ളു​ക​ൾ വ​രു​ന്ന​തു സ്വാ​ഭാ​വി​കം.



ഒ​ടി​യ​ൻ ഫാ​ന്‍റ​സി ത്രി​ല്ല​റാ​ണോ? ഇ​തി​ൽ മാ​ജി​ക്ക​ൽ റി​യ​ലി​സ​മു​ണ്ടോ...‍‍?

ഫാ​ന്‍റ​സി ത്രി​ല്ല​റാ​ണ് ഒ​ടി​യ​ൻ. ഇ​തി​ൽ മാ​ജി​ക്ക​ൽ റി​യ​ലി​സ​ത്തി​ന്‍റെ അം​ശ​ങ്ങ​ളി​ല്ല. ആ​ദ്യ​മെ​ഴു​തി​യ ‘കു​ട്ടി​സ്രാ​ങ്കി​’ൽ മാ​ജി​ക്ക​ൽ റി​യ​ലി​സ​മു​ണ്ട്. പൊ​തു​വേ വ​ലി​യ മാ​സ് സി​നി​മ​ക​ൾ​ക്കു ക​ഥ നേ​രി​ട്ടു പ​റ​ഞ്ഞു​പോ​കു​ന്ന രീ​തി​യു​ണ്ട്. എ​ന്നാ​ൽ ‘ഒ​ടി​യ​ൻ’ നോ​ണ്‍ ലീ​നി​യ​റാ​ണ്. ഇ​ത്ര​യും വ​ലി​യ ബ​ജ​റ്റി​ലെ​ടു​ക്കു​ന്ന ഒ​രു സി​നി​മ നോ​ണ്‍ ലീ​നി​യ​റാ​കു​ന്നു എ​ന്ന​തി​ൽ ഒ​രു പു​തു​മ​യു​ണ്ട്. അ​താ​യ​ത് ക​ഥാ​ക​ഥ​ന​ത്തി​ൽ പ​ല കാ​ല​ങ്ങ​ൾ മാ​റി​മ​റി​ഞ്ഞു​വ​രും. ആ​ഖ്യാ​ന​ത്തി​ൽ ഇ​ത്ര​യും നോ​ണ്‍ ലീ​നി​യ​ർ ട്രീ​റ്റ്മെ​ന്‍റ് ഉ​ള്ള - നേ​ർ​രേ​ഖ​യി​ല​ല്ലാ​ത്ത - ഒ​രു വ​ലി​യ സി​നി​മ വ​രു​ന്നു എ​ന്ന​താ​ണ് ഒ​ടി​യ​ന്‍റെ മ​റ്റൊ​രു പു​തു​മ. അ​തു​ത​ന്നെ​യാ​ണ് സ്ക്രി​പ്റ്റ് റൈ​റ്റ​ർ എ​ന്ന നി​ല​യി​ൽ ക്രാ​ഫ്റ്റ് വൈ​സ് നോ​ക്കി​യാ​ൽ ഒ​ടി​യ​ന്‍റെ ര​ച​ന ന​ല്കു​ന്ന സം​തൃ​പ്തി.

ഒ​ടി​യ​ന്‍റെ ക​ഥ ആ​ർ​ക്കും ഏ​തു ത​ര​ത്തി​ലും പ​റ​യാം. പു​തി​യ കാ​ല​ത്തി​നു​വേ​ണ്ടി പ​ഴ​യ ക​ഥ പ​റ​യു​ക​യാ​ണ് ഇ​വി​ടെ. ഒ​രു പ​ഴ​യ​കാ​ല​ത്തി​ന്‍റെ ക​ഥ ഏ​റ്റ​വും പു​തി​യ രീ​തി​യി​ൽ പ​റ​യു​ന്നു​വെ​ന്ന​താ​ണ് ഈ ​സി​നി​മ​യു​ടെ മ​റ്റൊ​രു പ്ര​ത്യേ​ക​ത. പൂ​ർ​ണ​മാ​യും സം​തൃ​പ്തി ന​ല്കി​യ ര​ച​ന​യാ​ണി​ത്.

ന്യൂ​ജ​ന​റേ​ഷ​ൻ ​കാ​ല​ത്തു പ​റ​യാ​ൻ പ​റ്റി​യ സി​നി​മ​യാ​ണോ ഒ​ടി​യ​ൻ...‍?

തീ​ർ​ച്ച​യാ​യും. ഇ​പ്പോ​ഴ​ത്തെ അ​ടി​പൊ​ളി യുവാക്കളിൽ വ​രെ എ​ത്തി​നി​ൽ​ക്കു​ന്ന ഒ​രു ക​ഥ​യാ​ണ്. സ​മീ​പ​കാ​ല​ത്തു നി​ന്നു പി​ന്നി​ലേ​ക്കാ​ണു ക​ഥാ​സ​ഞ്ചാ​രം..



ഈ ​ക​ഥ പ​റ​യാ​ൻ ഇ​ത്ര​യേ​റെ ടെ​ക്നി​ക്ക​ൽ ബ്രി​ല്യ​ൻ​സി​ന്‍റെ ആ​വ​ശ്യ​മു​ണ്ടോ...‍?

അ​തേ. സ​ത്യ​ത്തി​ൽ ഈ ​സി​നി​മ ആ​ദ്യം ഉ​ദ്ദേശി​ച്ച​തു ത്രീ​ഡി​യി​ലാ​യി​രു​ന്നു. ത്രീ​ഡി സ്ക്രി​പ്റ്റി​നെ​ക്കു​റി​ച്ചു​വ​രെ ആ​ലോ​ചി​ച്ചി​രു​ന്നു.

ഒ​ടി​യ​ൻ മ​റ്റു ഭാ​ഷ​ക​ളി​ൽ വ​രു​മോ..?

ഒ​ടി​യ​ൻ മ​ല​യാ​ള​ത്തി​ൽ ഇ​റ​ങ്ങി​യ​തി​നു​ശേ​ഷം മ​റ്റു ഭാ​ഷ​ക​ളി​ലേ​ക്ക് ഡ​ബ്ബ് ചെ​യ്യ​ണ​മെ​ന്ന് ആ​ലോ​ചി​ക്കു​ന്നു. വേ​ണ്ടി​വ​ന്നാ​ൽ ഇം​ഗ്ലീ​ഷി​ലും 90 മി​നി​റ്റി​ൽ ഇ​റ​ക്കാ​ൻ സാ​ധ്യ​ത​യു​ണ്ട്. ത​നി മ​ല​യാ​ണ്മ​യു​ള്ള ക​ഥ ആ​യ​തി​നാ​ൽ റീ​മേ​ക്കി​നു സാ​ധ്യ​ത​യി​ല്ല. ഇ​ത്തരത്തിൽ വേ​ഷം മാ​റാ​ൻ ക​ഴി​വു​ള്ള​വ​രു​ടെ ക​ഥ​ക​ൾ പ​ല രാ​ജ്യ​ങ്ങ​ളി​ലു​മു​ള്ള​താ​യി ഞാ​ൻ പി​ന്നീ​ടു കേ​ട്ടി​രു​ന്നു. പ​ക്ഷേ, ഒ​ടി​യ​ന്‍റെ ക​ഥ പൂ​ർ​ണ​മാ​യും മ​ല​യാ​ളി​ക്ക​ഥ​യാ​ണ്.

ഒ​ടി​യ​ന്‍റെ ര​ച​ന​യി​ൽ വി​ട്ടു​വീ​ഴ്ച​ക​ൾ വേ​ണ്ടി​വ​ന്നി​ട്ടു​ണ്ടോ...?

ഞാ​നൊ​രു പ്ര​ഫ​ഷ​ണ​ൽ റൈ​റ്റ​ർ ആ​ണെ​ന്നു വി​ശ്വ​സി​ക്കു​ന്നു. ഷാ​ജി. എ​ൻ. ക​രു​ണി​നു വേ​ണ്ടി എ​ഴു​തു​ന്പോ​ൾ അ​തു കൃ​ത്യ​മാ​യി ഷാ​ജി​ക്കു വേ​ണ്ടി​യു​ള്ള സി​നി​മ ത​ന്നെ​യാ​വും എ​ഴു​തു​ക. ഷാ​ജി എ​ൻ. ക​രു​ണി​ന് ഒ​രു സ്കൂ​ൾ ഓ​ഫ് തോ​ട്ട് ഉ​ണ്ട്. അ​വി​ടെ പ​ഞ്ച് ഡ​യ​ലോ​ഗി​നൊ​ന്നും പ്ര​സ​ക്തി​യി​ല്ല. ഒ​ടി​യ​നി​ൽ അ​ങ്ങ​നെ​യ​ല്ല. ഇ​തി​ൽ പ​ഞ്ച് ഡ​യ​ലോ​ഗു​ക​ളു​ടെ ആഘോഷ​മാ​ണ്. മോ​ഹ​ൻ​ലാ​ലി​ൽ നി​ന്നു ന​മ്മ​ൾ പ്ര​തീ​ക്ഷി​ക്കു​ന്ന ത​രം ഡ​യ​ലോ​ഗു​ക​ൾ ഉ​ള്ള ഒ​രു സി​നി​മ. ന​ല്ല ഡ​യ​ലോ​ഗു​ക​ളു​ള്ള സി​നി​മ ത​ന്നെ​യാ​യി​രി​ക്കും ഒ​ടി​യ​ൻ. ഡ​യ​ലോ​ഗി​ലെ ഫ്ര​ഷ്നെ​സ് ഇ​പ്പോ​ൾ​ത്ത​ന്നെ ശ്ര​ദ്ധി​ക്ക​പ്പെ​ട്ടി​ട്ടു​ണ്ട്; സ്ക്രി​പ്റ്റ് വാ​യി​ച്ച​വ​ർ​ക്കെ​ല്ലാം അ​തു ബോ​ധ്യ​പ്പെ​ട്ടി​ട്ടു​മുണ്ട്. എ​ന്‍റെ ഡ​യ​ലോ​ഗു​ക​ളി​ൽ ആ​ന്‍റ​ണി​യും ശ്രീ​കു​മാ​റു​മെ​ല്ലാം വ​ള​രെ തൃ​പ്ത​രാ​ണ്.



ഒ​ടി​യ​ന് പുരസ്കാരങ്ങൾ കി​ട്ടാ​നു​ള്ള സാ​ധ്യ​ത​ക​ൾ...‍?

ഇ​പ്പോ​ൾ അ​തി​നെ​ക്കു​റി​ച്ച് ആ​ലോ​ചി​ക്കു​ന്നി​ല്ല. ഇ​തി​ലെ അ​ഭി​നേ​താ​ക്ക​ൾ​ക്ക് അ​വ​രു​ടെ പെ​ർ​ഫോ​മ​ൻ​സി​ന് അ​തു കി​ട്ടി​യാ​ൽ ന​ന്നാ​യി​രി​ക്കും.

ആരെ മ​ന​സി​ൽ ക​ണ്ട് എ​ഴു​തി​യ സ്ക്രി​പ്റ്റാ​ണ് ‘ഒ​ടി​യ​ൻ’...?

ഇ​തു മോ​ഹ​ൻ​ലാ​ലി​നും ആ​ന്‍റ​ണി പെ​രു​ന്പാ​വൂ​ർ എ​ന്ന പ്രൊ​ഡ്യൂ​സ​ർക്കും ശ്രീകുമാർ മേനോനും മോ​ഹ​ൻ​ലാ​ലി​ന്‍റെ ലക്ഷക്കണക്കിന് ആ​രാ​ധ​ക​ർ​ക്കും വേ​ണ്ടി എ​ഴു​തി​യ സ്ക്രി​പ്റ്റാ​ണ്. അ​തേ​സ​മ​യം ത​ന്നെ ഈ ​സ്ക്രി​പ്റ്റ് എ​നി​ക്കു തൃ​പ്തി ത​രു​ന്ന​തു​മാ​ണ്. ഒ​ടി​യ​ൻ സി​നി​മ​യി​ലെ ക​ലാം​ശം അ​ങ്ങ​നെ​ത​ന്നെ നി​ല​നി​ർ​ത്താ​ൻ പ​റ്റി എ​ന്നു​ള്ള​താ​ണ് സ്ക്രി​പ്റ്റ് റൈ​റ്റ​ർ എ​ന്ന നി​ല​യ്ക്കു​ള്ള മറ്റൊരു സം​തൃ​പ്തി. ക​വി​ത​യു​ള്ള ഒ​രു സി​നി​മ​യാ​ണിത്. കാ​വ്യാ​ത്മ​ക​മാ​ണ് പ​ല സീ​നു​ക​ളും. ആ ​പൊ​യ​ട്രി ശ്രീകുമാർ സി​നി​മ​യി​ലും നി​ല​നി​ർ​ത്തിയിട്ടുണ്ട്.

ആ​ക്‌ഷ​നും പ്രാ​ധാ​ന്യ​മു​ള്ള സി​നി​മ​യ​ല്ലേ ഒ​ടി​യ​ൻ...?

ആ​ക്‌ഷ​നു ന​ല്ല പ്രാ​ധാ​ന്യ​മു​ണ്ട്. മാ​സ് പ​ടം ത​ന്നെ​യാ​ണ്. അ​ഡ്രി​നാ​ലി​ൻ ലെ​വ​ൽ ഉ​യ​ർ​ത്തി​നി​ർ​ത്തു​ന്ന സി​നി​മ​. ഇ​വി​ടെ എ​ല്ലാ​വ​രും ഒ​ടി​യ​ൻ പ​ഴ​യ ക​ഥ​യാ​ണ് എ​ന്നൊ​ക്കെ പ​റ​യു​ന്നു​ണ്ട​ല്ലോ. പ​ഴ​യ ഗ്രാ​മ​ക​ഥ, കാ​ള​വ​ണ്ടി​ക്കാ​ലം...​എ​ന്നി​ങ്ങ​നെ ആ​ളു​ക​ൾ​ക്കു ചി​ല സ​ങ്ക​ല്പ​ങ്ങ​ളു​ണ്ട്. വാ​സ്ത​വ​മ​ത​ല്ല. ഒ​ടി​യ​ൻ വേ​റൊ​രു​ത​രം സി​നി​മ​യാ​ണ്. യ​ഥാ​ർ​ഥ​ത്തി​ൽ സി​നി​മ​യി​ൽ ഒ​ടി​യ​നെ​ക്കു​റി​ച്ചു പ​റ​യു​ന്ന​ത് ഇ​തൊ​ന്നു​മ​ല്ല.

സാ​ഹി​ത്യ​ കൃ​തി​ക​ൾ സി​നി​മ​യാ​ക്കാ​ൻ ആ​ലോ​ച​ന​യു​ണ്ടോ...‍?

ഏറെ പ്രശസ്ത ചെറുകഥയായ ‘കടൽ’ ആണ് ഗാഥ ആകുന്നത്.

താ​ങ്ക​ളു​ടെ ഡ്രീം ​പ്രോ​ജ​ക്ടാ​യി​രു​ന്നോ ഒ​ടി​യ​ൻ..‍?

ഒാരോ സി​നി​മ​യും ഓ​രോ ഡ്രീം ​ആ​ണ്. ഒ​രു​പാ​ടു​പേ​രു​ടെ കൂ​ട്ടാ​യ സ്വ​പ്ന​മാ​ണ് ഓ​രോ സി​നി​മ​യും. സ്ക്രി​പ്റ്റെ​ഴു​തു​ന്ന ആ​ൾ മാ​ത്രം വി​ചാ​രി​ച്ചാ​ൽ സ്വ​പ്നം സ​ഫ​ല​മാ​വി​ല്ല. വാ​സ്ത​വ​ത്തി​ൽ ഒ​രു ക​ള​ക്ടീ​വ് ഡ്രീം ​ആ​ണ് സി​നി​മ. ഒരുപാടുപേർ ഒരേസമയത്തു കാണുന്ന സ്വപ്നം.

മോ​ഹ​ൻ​ലാ​ലി​നു​ വേ​ണ്ടി ഇ​നി​യും എ​ഴു​ത​ണ​മെ​ന്ന ആ​ഗ്ര​ഹം കൂടിയിട്ടുണ്ടോ?

തീ​ർ​ച്ച​യാ​യും. പ​ക്ഷേ, സി​നി​മ എ​ഴു​തി​യാ​ലും ഇ​ല്ലെ​ങ്കി​ലും എ​ല്ലാ​ക്കാ​ല​ത്തും ഒ​പ്പ​മു​ണ്ടാ​ക​ണ​മെ​ന്ന് ആ​ഗ്ര​ഹി​ക്കു​ന്ന ഒ​രു ച​ങ്ങാ​തി​യാ​ണ് മോ​ഹ​ൻ​ലാ​ൽ. സൗ​ഹൃ​ദ​ത്തെ വ​ള​രെ വി​ശു​ദ്ധി​യി​ൽ കാ​ണു​ന്ന ഒ​രാ​ളാ​ണ് ലാ​ൽ. ഞങ്ങളുടെ നല്ല ചങ്ങാത്തം അ​ങ്ങ​നെ​ത​ന്നെ തു​ട​രു​ന്നു.



മോ​ഹ​ൻ​ലാ​ലി​ൽ താ​ങ്ക​ൾ ക​ണ്ട പോ​സി​റ്റീ​വി​റ്റി എ​ന്താ​ണ്...?

ന​മ്മ​ളെ സ​ന്തോ​ഷി​പ്പി​ക്കു​ന്ന ന​ല്ല ചി​ന്ത​ക​ൾ മാ​ത്രം മ​ന​സി​ൽ കൊ​ണ്ടു​ന​ട​ക്കു​ന്ന ഒ​രാ​ളാ​ണു മോ​ഹ​ൻ​ലാ​ൽ. ഒ​രാ​ളെ​യും​പ​റ്റി അ​പ​വാ​ദം പ​റ​യാ​റി​ല്ല. എ​ത്ര​നേ​രം സം​സാ​രി​ച്ചാ​ലും ഒ​രാ​ളെ​ക്കു​റി​ച്ചും മോ​ശം കാ​ര്യ​ങ്ങ​ൾ പ​റ​യി​ല്ല. പ​റ​യു​ന്ന​തെ​ല്ലാം പോ​സി​റ്റീ​വ് കാ​ര്യ​ങ്ങ​ളാ​യി​രി​ക്കും. ന​മു​ക്കെ​ങ്ങ​നെ പോ​സി​റ്റീ​വ് എ​ന​ർ​ജി ഉ​ണ്ടാ​ക്കാ​മെ​ന്ന​തു മോ​ഹ​ൻ​ലാ​ലി​ൽ നി​ന്നു ക​ണ്ടു​പ​ഠി​ക്കാം. ആ​ന​ന്ദം തേ​ടു​ന്ന ഒ​രു മ​നു​ഷ്യ​നാ​ണ് അ​ദ്ദേ​ഹം. ആ​ന​ന്ദ​ത്തി​ൽ​ക്കൂ​ടി ജീ​വി​ക്കു​ന്നു. ആ​ന​ന്ദം ശ്വ​സി​ക്കു​ന്നു.

മ​ഞ്ജു​വാ​ര്യ​രെ​ക്കു​റി​ച്ച്...‍?

അ​സാ​ധ്യ പ്ര​തി​ഭാവൈ​ഭ​വ​മു​ള്ള അ​ഭി​നേ​ത്രി​യാ​ണ് മ​ഞ്ജു. മ​ല​യാ​ള​ത്തി​ൽ ഇ​ങ്ങ​നെ​യൊ​രു നാ​യി​ക ഉ​ണ്ടാ​യി​ട്ടി​ല്ല. അ​ത്ര​യും സാ​ധ്യ​ത​യു​ള്ള മ​ഞ്ജു എ​ന്ന ആ​ക്ട​റി​നെ ഒരു സിനിമയും ഇതുവരെ പൂ​ർ​ണ​മാ​യും പു​റ​ത്തെ​ടു​ത്തി​ട്ടി​ല്ല എ​ന്നാ​ണ് എ​ന്‍റെ അ​ഭി​പ്രാ​യം. പ്ര​ശ​സ്തി​യു​ടെ​യും മാ​സി​ന്‍റെ​യു​മൊ​ക്കെ അ​ടി​സ്ഥാ​ന​ത്തി​ലാ​ണ് ലേ​ഡി സൂ​പ്പ​ർ​സ്റ്റാ​ർ എ​ന്നൊ​ക്കെ പ​ല​രും വി​ളി​ക്കു​ന്ന​ത്. അ​ല്ലാ​തെ​ ത​ന്നെ മ​ഞ്ജു​വി​ലെ അ​ഭി​നേ​ത്രി​യെ ഇ​നി​യും എ​ത്ര​യോ എ​ക്സ്പ്ലോ​ർ ചെ​യ്യാ​ൻ കി​ട​ക്കു​ന്നു; മോ​ഹ​ൻ​ലാ​ലി​നെ​പ്പോ​ലെ ത​ന്നെ.

പ്ര​കാ​ശ് രാ​ജി​നെ​ക്കു​റി​ച്ച്...‍?

പ്ര​കാ​ശ് രാ​ജി​നെ സെ​റ്റി​ൽ വെ​ച്ചാ​ണു പ​രി​ച​യ​പ്പെ​ടു​ന്ന​ത്. വി​പ്ല​വാ​ത്മ​ക​മാ​യി ചി​ന്തി​ക്കു​ന്ന വ്യ​ക്തി​യാ​ണ്. പ​ക്ഷേ, അ​ദ്ദേ​ഹം സി​നി​മ​യി​ൽ രാ​വു​ണ്ണി​യെ​ന്ന കാ​ര​ക്ട​റാ​യി മാ​റു​ന്ന​ത് എ​ന്നെ അ​ദ്ഭു​ത​പ്പെ​ടു​ത്തി​യി​ട്ടു​ണ്ട്. അ​തി​സ​ങ്കീ​ർ​ണ​മാ​യ വി​ല്ല​ൻ​ ക​ഥാ​പാ​ത്ര​ത്തെ​യാ​ണ് അ​വ​ത​രി​പ്പി​ക്കു​ന്ന​ത്.



എ​ല്ലാ അ​ർ​ഥ​ത്തി​ലും ‘ഒ​ടി​യ​ൻ’ ഒ​രു ‘മോ​ഹ​ൻ​ലാ​ൽ സി​നി​മ’ ത​ന്നെ​യാ​ണോ.. ?

തീ​ർ​ച്ച​യാ​യും. മോ​ഹ​ൻ​ലാ​ലി​ലെ കം​പ്ലീ​റ്റ് ആ​ക്ട​റെ അ​വ​ത​രി​പ്പി​ക്കു​ന്ന സി​നി​മ​യാ​ണ് ഒടിയൻ. പാ​ട്ടു​പാ​ടു​ക​യും മ​ദ്യ​പി​ക്കു​ക​യും ചി​രി​ക്കു​ക​യും ക​ളി​ക്കു​ക​യും സ​ങ്ക​ട​പ്പെ​ടു​ക​യും പ്ര​തി​കാ​രം ന​ട​ത്തു​ക​യും ഇ​ടി​ക്കു​ക​യും അ​ടി​ക്കു​ക​യു​മൊ​ക്കെ ചെ​യ്യു​ന്ന ലാ​ലി​നെ ഒ​ടി​യ​നി​ൽ കാ​ണാ​നാ​വും. ഒ​രു നാ​യ​ക​നെ​ന്ന നി​ല​യി​ൽ പ​ല ത​ര​ത്തി​ൽ അദ്ദേഹത്തെ കാ​ണാ​ൻ ശ്ര​മി​ക്കു​ന്നു. ക​ണ്ടെ​ത്ത​പ്പെ​ടാ​തെ കി​ട​ക്കു​ന്ന അ​ഭി​ന​യ​മി​ക​വി​ന്‍റെ ഒ​രു​പാ​ടു സാ​ധ്യ​ത​ക​ൾ ഇ​നി​യും മോ​ഹ​ൻ​ലാ​ലി​ലു​ണ്ട്. ഒ​ടി​യ​ൻ ഒ​രു ഘ​ട്ടം വ​രെ അ​തി​ൽ വി​ജ​യി​ക്കു​ന്നു​ണ്ട്; ഇതിനു മുന്പു വന്ന പല നല്ല ലാൽ സിനിമകളെയുംപോലെ.

ലാ​ൽ ​ഫാ​ൻ​സി​നു​ വേ​ണ്ടി​ക്കൂ​ടി​യു​ള്ള പ​ട​മാ​ണ് ഒ​ടി​യ​ൻ. തൂ​വാ​ന​ത്തു​ന്പി​ക​ൾ മോ​ഹ​ൻ​ലാ​ലി​ന്‍റെ ഫാ​ൻ​സി​നു വേ​ണ്ടി​യു​ള്ള​ത​ല്ല. അ​തു ക്ലാ​സ് ഫി​ലി​മാ​ണ്. പു​ലി​മു​രു​ക​ൻ മാ​സി​നു​വേ​ണ്ടി മാ​ത്ര​മു​ള്ള​താ​ണ്. മോ​ഹ​ൻ​ലാ​ലി​ന്‍റെ ഫാ​ൻ​സി​നും ന​ല്ല ലാൽ സി​നി​മ ഇ​ഷ്ട​പ്പെ​ടു​ന്ന​വ​ർ​ക്കും വേ​ണ്ടി​യു​ള്ള പ​ട​മാ​ണ് ഒ​ടി​യ​ൻ. ഇ​തു പ​ക​യു​ടെ​യും പ്ര​തി​കാ​ര​ത്തി​ന്‍റെ​യും ക​ഥ​യാ​ണ്. ഇ​ത്ര​യും ദ​ശാ​ബ്ദ​ങ്ങ​ൾ നീ​ണ്ട; ഇ​ത്ര​യും കാ​ല​ങ്ങ​ളി​ൽ​ക്കൂ​ടി ഒ​രു ഗ്രാ​മ​ത്തി​ലെ ക​ഥാ​പാ​ത്ര​ങ്ങ​ളി​ൽ​ക്കൂ​ടി സ​ഞ്ച​രി​ക്കു​ന്ന; പ​ക, പ്ര​തി​കാ​രം, പ്ര​ണ​യം.. ഒ​ക്കെ​യു​ള്ള ഒ​രു സി​നി​മ​യാ​ണ് ഒ​ടി​യ​ൻ.

ഒ​ടി​യ​ന്‍റെ മേ​ക്കിം​ഗ് ഇ​പ്പോ​ൾ എ​വി​ടെ​യെ​ത്തി..‍?

ഡ​ബ്ബിം​ഗ് ന​ട​ന്നു​കൊ​ണ്ടി​രി​ക്കു​ന്നു. പ​ല​രും ഡ​ബ്ബ് ചെ​യ്തു​ ക​ഴി​ഞ്ഞു. ആ​ക്‌ഷ​ൻ വർക്കുകൾ ക​ഴി​ഞ്ഞു. ഗ്രാ​ഫി​ക്സ് വ​ർ​ക്കു​ക​ൾ തു​ട​ങ്ങി. ഗ്രാ​ഫി​ക്സി​നു മൂ​ന്നു​മാ​സ​മെ​ടു​ക്കും. വൈ​ഡ് റി​ലീ​സാ​ണ്. കേ​ര​ള​ത്തി​ൽ ഏ​റ്റ​വു​മ​ധി​കം തി​യ​റ്റ​റു​ക​ളി​ൽ റി​ലീ​സ് ചെ​യ്യ​പ്പെ​ടു​ന്ന സി​നി​മ​യാ​വും ഒ​ടി​യ​ൻ. പ്ര​ധാ​ന ട്രെ​യി​ല​ർ വ​രാ​നി​രി​ക്കു​ന്നു.



സി​നി​മാ​ജീ​വി​തം ന​ല്കു​ന്ന സം​തൃ​പ്തി എ​ത്ര​ത്തോ​ള​മാ​ണ്....?

പ​ത്ര​പ്ര​വ​ർ​ത്ത​ക​ൻ എ​ന്ന നി​ല​യ്ക്കുള്ള സംതൃപ്തിയെക്കുറിച്ചു പറയാം. കേ​ര​ള​ത്തി​ലെ ഒ​രു മുഖ്യധാരാ ജേർ​ണ​ലി​സ്റ്റ് എ​ത്തി​ച്ചേ​ർ​ന്ന സി​നി​മ​യി​ലെ വ​ലി​യ ഹൈ​റ്റാ​ണി​തെന്നതിൽ വിനയത്തോടെ അഭിമാനിക്കുന്നു. ആ​ദ്യ​ത്തെ സി​നി​മ​യ്ക്കു നാ​ഷ​ണ​ൽ അ​വാ​ർ​ഡ് കി​ട്ടി. പി​ന്നീ​ടു ചെ​യ്യു​ന്ന സി​നി​മ​ക​ളി​ലൊ​ന്ന് മ​ല​യാ​ള​ത്തി​ലെ ഏ​റ്റ​വും വ​ലി​യ സി​നി​മ​യാ​ണ്. ജേർ​ണ​ലി​സ്റ്റ് എ​ന്ന നി​ല​യി​ലും മു​ഴു​വ​ൻ​സ​മ​യ സി​നി​മാ​ക്കാ​ര​ൻ അ​ല്ലെ​ന്ന നി​ല​യ്ക്കും എ​നി​ക്കു വ​ലി​യ സ​ന്തോ​ഷം തോ​ന്നു​ന്നു, അ​ഭി​മാ​നം തോ​ന്നു​ന്നു; ആ​ർ​ട്ട് ഫി​ലിം ചെ​യ്തു ദേ​ശീ​യ ​പു​ര​സ്കാ​രം നേ​ടി​യ ഒ​രാ​ൾ ഇ​ങ്ങ​നെ​യൊ​രു പ​ക്കാ കൊ​മേ​ഴ്സ്യ​ൽ സി​നി​മ ചെ​യ്യു​ന്പോ​ൾ പ്ര​ത്യേ​കി​ച്ചും.

ഏറ്റവുമടുത്ത സു​ഹൃ​ത്തുകൂടിയായ സംവിധായകൻ ര​ഞ്ജി​ത്തി​നു വേ​ണ്ടി എ​പ്പോ​ഴാ​ണ് എ​ഴു​തു​ന്ന​ത്..‍?

ര​ഞ്ജി​ത്തി​ന്‍റെ ഒ​രു പു​സ്ത​ക​ത്തി​ന് ഞാ​ൻ അ​വ​താ​രി​ക എ​ഴു​തി​യി​ട്ടു​ണ്ട്. ര​ഞ്ജി​ത്തു​മാ​യി സി​നി​മ ചെയ്യുന്നതിനെക്കുറിച്ചു സം​സാ​രി​ച്ചി​ട്ടി​ല്ല. ഞ​ങ്ങ​ൾ​ക്കു സി​നി​മ​യ​ല്ലാ​ത്ത ഒ​രു​പാ​ടു കാ​ര്യ​ങ്ങ​ളു​ണ്ട് പ​ങ്കു​വ​യ്ക്കാ​ൻ. ര​ഞ്ജി​ത്ത് എ​ന്‍റെ ന​ല്ല കൂ​ട്ടു​കാ​ര​നാ​ണ്, എ​ന്‍റെ ജീ​വി​ത​ത്തി​ന്‍റെ കൂ​ട്ടു​കാ​ര​നാ​ണ്. മോ​ഹ​ൻ​ലാ​ലും മ​ഞ്ജു​വും അനൂപ് മേനോനും അഞ്ജലി മേനോനുമൊ​ക്കെ അ​ങ്ങ​നെ​യു​ള്ള കൂ​ട്ടു​കാ​രാ​ണ്.

അ​ടു​ത്ത പ്രോ​ജ​ക്ട്...‍?

തീ​രു​മാ​നി​ച്ചി​ട്ടി​ല്ല. പത്രപ്രവർത്തനത്തിൽ ഇപ്പോഴത്തെ ജോ​ലി ത​രു​ന്ന സ്വ​സ്ഥ​ത സി​നി​മ ത​രി​ല്ല.

ടി.ജി. ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
തോ​ർ​ത്തി​നു​ശേ​ഷം നീ​ലി​യു​മാ​യി അ​ൽ​ത്താ​ഫ് റ​ഹ്‌മാ​ൻ
തോ​ർ​ത്ത് എ​ന്ന വൈ​റ​ൽ ഷോ​ർ​ട്ട് ഫി​ലി​മി​ലൂ​ടെ അം​ഗീ​കാ​രം നേ​ടി​യ യു​വ​സം​വി​ധാ​യ​ക​ൻ അ​ൽ​ത്താ​ഫ
തിരികെയെത്തുന്ന അശ്വതി നക്ഷത്രം
വാ​ക്കിം​ഗ് ഇ​ൻ ദി ​മൂ​ണ്‍​ലൈ​റ്റ്, ആം ​തി​ങ്കിം​ഗ് ഓ​ഫ് യു.. ​സ​ത്യം ശി​വം സു​ന്ദ​ര​ത്തി​ലെ ഈ ​സു​ന
"ആ​ദ്യ സീ​ൻ ടോവിനോയ്ക്കൊ​പ്പം, അ​തും റൊ​മാ​ൻ​സ്.!'
""ഗോ​ദ​ ഇ​റ​ങ്ങി ടോവി​നോ എ​ന്‍റെ​യ​ട​ക്കം യൂ​ത്തി​ന്‍റെ ഹീ​റോ​യാ​യി നി​ൽ​ക്കു​ന്ന സ​മ​യ​ത്താ​ണ് മ
‘മ​റ​ഡോ​ണ’​യ്ക്കു ഫു​ട്ബോ​ളു​മാ​യി ബ​ന്ധ​മി​ല്ല!
മ​റ​ഡോ​ണ​യെ​ന്നു കേ​ൾ​ക്കു​ന്പോ​ൾ മ​ന​സു പാ​യു​ക നേ​രേ ഫു​ട്ബോ​ളി​ലേക്കുതന്നെയാവും. എ​ന്നാ​ൽ, ഫു​
മിയയുടെ ‘മെഴുതിരി അത്താഴങ്ങൾ’!
അ​നൂ​പ് മേ​നോ​ൻ എ​ന്ന ന​ട​നൊ​പ്പ​വും അ​നൂ​പ് മേ​നോ​ൻ എ​ന്ന എ​ഴു​ത്തു​കാ​ര​നൊ​പ്പ​വും വ​ർ​ക്ക് ച
അഞ്ജലിയുടെ ഇച്ഛാശക്തി അപാരം: മാലാ പാർവതി
കൂ​ടെ എ​ന്ന ചി​ത്രം പ്രേ​ക്ഷ​ക മ​ന​സി​ൽ വി​സ്മ​യം തീ​ർ​ക്കു​ന്പോ​ൾ അ​തി​ലെ ചി​ല ക​ഥാ​പാ​ത്ര​ങ്ങ​ളും
‘പുതിയ നയം’ വ്യക്തമാക്കി ബാലചന്ദ്രമേനോൻ
സി​നി​മാ​ജീ​വി​ത​ത്തി​ന്‍റെ നാ​ല്പ​താ​മ​തു വ​ർ​ഷ​ത്തി​ൽ ന്യൂ​ജ​ന​റേ​ഷ​നു​ വേ​ണ്ടി, വി​ദ്യാ​ർ​ഥി​ക​ൾ​
ന​സ്രി​യ​യു​ടെ ‘കൂ​ടെ’; റോ​ഷ​ന്‍റെ​യും
ആ​ന​ന്ദ​ത്തി​ലെ ഗൗ​ത​മി​നു​ശേ​ഷം ഒ​രി​ക്ക​ൽ​ക്കൂ​ടി യു​വ​ന​ട​ൻ റോ​ഷ​ൻ​ മാ​ത്യു​വി​ന്‍റെ ക​ഥാ​പാ​ത്ര
അനൂപ് മേനോന്‍റെ അത്താഴ വിഭവങ്ങൾ
പ്ര​ണ​യ​ത്തി​ന്‍റെ പു​തി​യൊ​രു മേ​ച്ചി​ൽ പു​റ​ത്തേ​ക്കു മ​ല​യാ​ളി​ക​ളെ കൂ​ട്ടി​ക്കൊ​ണ്ടു​പോ​കാ​ൻ
‘ചങ്കിൽ കുടുങ്ങുന്ന’ പാട്ടുകളൊരുക്കി ഹരിനാരായണൻ
മ്യൂ​സി​ക്കി​നോ​ടു ചേ​ർ​ന്നു​നി​ൽ​ക്കു​ന്ന കാ​വ്യാം​ശ​മു​ള്ള വ​രി​ക​ളൊ​രു​ക്കു​ന്ന​തി​ന്‍റെ ത്രി​ല
ആൻസൺ പോൾ അബ്രഹാമിന്‍റെ സന്തതി
മ​ല​യാ​ള​ത്തി​ലെ യു​വ​താ​ര​നി​ര​യി​ൽ ഏ​റെ ശ്ര​ദ്ധേ​യ​നാ​യ താ​ര​മാ​ണ് ആ​ൻ​സ​ൻ പോ​ൾ. തി​യ​റ്റ​റി​ൽ വ
മേരിക്കുട്ടിയോടു ശൃംഗരിക്കാന്‍ വന്ന അജു വര്‍ഗീസ്; ജയസൂര്യയുടെ വെളിപ്പെടുത്തല്‍
ഒ​രു ന​ട​നെ​ന്ന നി​ല​യി​ൽ ഇ​രു ധ്രു​വ​ങ്ങ​ളി​ലു​ള്ള ര​ണ്ടു ക​ഥാ​പാ​ത്ര​ങ്ങ​ളു​മാ​യി പ്രേ​ക്ഷ​ക​രെ ശ​
‘ഒരു പഴയ ബോംബ് കഥ’യിലെ പാട്ടുചേലിനു പിന്നിൽ ഷാഫിസാറിന്‍റെ സപ്പോർട്ട് - അരുൺരാജ്
ഹി​റ്റ്മേ​ക്ക​ർ ഷാ​ഫി​യു​ടെ പു​തി​യ ചി​ത്രം ‘ഒ​രു പ​ഴ​യ ബോം​ബ് ക​ഥ’​യി​ലെ ‘ഹാ​ല് ഹാ​ല് ’ എ​ന്ന ചേ​ല
മ​ല​യാ​ള​ത്തി​ൽ സം​വി​ധാ​യി​ക വി​പ്ല​വം‌
ഇ​തി​വൃ​ത്ത​ങ്ങ​ൾ മാ​റി മ​റി​യു​ന്പോ​ഴാ​ണ് ച​രി​ത്രം തി​രു​ത്തി​ക്കു​റി​ക്ക​പ്പെ​ടു​ന്ന​ത്. സി​നി​മ
ബിജുനാരായണന് ‘മേരിക്കുട്ടി’യുടെ പാട്ടുസമ്മാനം!
പി.​ഭാ​സ്ക​ര​ൻ -ര​വീ​ന്ദ്ര​ൻ മാ​സ്റ്റ​ർ സം​ഗ​മ​ത്തി​ൽ വി​ട​ർ​ന്ന വെ​ങ്ക​ല​ത്തി​ലെ ‘പ​ത്തു​വെ​ളു​പ്പി
സിമ്രാൻ നിത്യഹരിത നായിക
തെ​ന്നി​ന്ത്യ​ൻ നാ​യി​ക​യാ​യി ക​രി​യ​റി​ൽ തി​ള​ങ്ങു​ന്ന സ​മ​യ​ത്താ​ണ് സി​മ്രാ​ൻ വി​വാ​ഹ​ത്തോ​ടെ സി
ഇരുപതു വർഷമായ് ഇവിടെ ഇർഷാദ്
സീ​രി​യ​ലു​ക​ളി​ലൂ​ടെ​യും സ​മാ​ന്ത​ര സി​നി​മ​ക​ളി​ലൂ​ടെ​യും മി​ക​ച്ച ന​ട​നെ​ന്ന പെ​രു​മ നേ​ടി​യ താ​ര
കല്യാണീ കളവാണീ...
തെ​ന്നി​ന്ത്യ​ൻ സി​നി​മ​യി​ലെ താ​ര​റാ​ണി​യാ​ണ് മ​ല​യാ​ള​ത്തി​ന്‍റെ താ​ര​പു​ത്രി കീ​ർ​ത്തി സു​രേ​ഷ്.
‘മേ​രി​ക്കു​ട്ടി​’യാ​കാ​ൻ ജ​യ​സൂ​ര്യ മാ​ത്രം - ര​ഞ്ജി​ത് ശ​ങ്ക​ർ
മാ​ത്തു​ക്കു​ട്ടി എ​ന്ന പേ​രി​ൽ ജ​നി​ച്ച ഒ​രു ചെ​റു​പ്പ​ക്കാ​ര​ൻ മേ​രി​ക്കു​ട്ടി​യാ​യി ന​മ്മു​ടെ സ​മ
ലാ​ൽ സാ​ർ യേ​സ് പ​റ​ഞ്ഞി​ല്ലാ​യി​രു​ന്നു​വെ​ങ്കി​ൽ നീ​രാ​ളി സം​ഭ​വി​ക്കി​ല്ലാ​യി​രു​ന്നു: അ​ജോ​യ് വ​ർ​മ
ബോ​ളി​വു​ഡ് സം​വി​ധാ​യ​ക​നും എ​ഡി​റ്റ​റു​മാ​യ മ​ല​യാ​ളി അ​ജോ​യ് വ​ർ​മ സം​വി​ധാ​നം ചെ​യ്ത ആ​ദ്യ മ​ല
തിരിച്ചുവരവിനൊരുങ്ങി സലീമ
വി​നീ​തേ, ഇ​തു സ​ലീ​മ​യാ​ണ്. മ​റു​ത​ല​യ്ക്ക​ൽ ഫോ​ണെ​ടു​ത്ത വി​നീ​തി​ന് ക​ണ്‍​ഫ്യൂ​ഷ​ൻ. സ​ലീ​മ​യോ.
എഡിറ്റിംഗ് ടെക്നിക്കലല്ല; ആർട്ടിസ്റ്റിക്കാണ് - ഷെമീർ മുഹമ്മദ്
“ സി​നി​മ​യി​ൽ വ​ര​ണ​മെ​ന്ന് ല​ക്ഷ്യ​മി​ട്ട് എ​ഡി​റ്റിം​ഗ് പ​ഠി​ച്ച​തൊ​ന്നു​മ​ല്ല. എ​ഡി​റ്റിം​ഗ് പ​
ആനക്കള്ളൻ, രാജ 2, നിവിൻ പോളി ചിത്രം; ഉദയനാണു താരം...
തി​ര​ക്ക​ഥാ​കൃ​ത്തി​ന്‍റെ പേ​ര് ഒ​രു സി​നി​മ​യു​ടെ ശ്ര​ദ്ധാ കേ​ന്ദ്ര​മാ​കു​ന്ന​തു മ​ല​യാ​ള​ത്തി​ൽ തെ
അരവിന്ദന്‍റെ വിശേഷങ്ങളുമായ് എം. മോഹനൻ
ക​ഥ പ​റ​യു​ന്പോ​ൾ, മാ​ണി​ക്യ​ക്ക​ല്ല് എ​ന്നീ ഹി​റ്റു​ക​ൾ സ​മ്മാ​നി​ച്ച എം. ​മോ​ഹ​ന​ൻ ത​ന്‍റെ പു​തി
‘മഴവില്ലിനു’ശേഷം ‘കൃഷ്ണ’വുമായ് ദിനേശ് ബാബു
സം​വി​ധാ​നം, ഛായാ​ഗ്ര​ഹ​ണം, സ്ക്രി​പ്റ്റിം​ഗ്...​ മൂ​ന്നു പ​തി​റ്റാ​ണ്ടാ​യി ക​ന്ന​ഡ, ത​മി​ഴ്, തെ​ലു​
ന്യൂ ജനറേഷൻ അമ്മ
സി​നി​മ​യി​ൽ അ​മ്മ​യി​ല്ല എ​ന്നു പ​റ​യു​ന്പോ​ഴും ഇ​ന്ന​ത്തെ മി​ക്ക യു​വ​താ​ര​ങ്ങ​ളു​ടേ​യും അ​മ്മ​യാ
"നന്മയു​ള്ള കാമ്പസ് സൗ​ഹൃ​ദ​ത്തി​ന്‍റെ ആ​ഘോ​ഷ​മാ​ണ് ‘നാം’
സം​വി​ധാ​യ​ക​ൻ ഭ​ദ്ര​ന്‍റെ അ​സി​സ്റ്റ​ന്‍റാ​യി സി​നി​മ​യി​ലെ​ത്തി​യ ജോ​ഷി തോ​മ​സ് പ​ള്ളി​ക്ക​ൽ സ്വ
ന​ന്ദി​നി​യു​ടെ ഭാ​ഗ്യം
ലേ​ലം എ​ന്ന സി​നി​മ മ​ല​യാ​ള​ത്തി​ലെ എ​ക്കാ​ല​ത്തേ​യും ബ്ലോ​ക്ക്ബ​സ്റ്റ​ർ സി​നി​മ​ക​ളി​ലൊ​ന്നാ​ണ്.
തീ​വ​ണ്ടി​യും ലി​ല്ലി​യും - സി​നി​മ ത​ന്ന​തു കി​ടി​ല​ൻ അ​നു​ഭ​വ​ങ്ങ​ൾ: സം​യു​ക്ത ​മേ​നോ​ൻ
യാത്രയും വായനയും നൃത്തവും സ്കേറ്റിംഗും ഇ​ഷ്ട​പ്പെ​ടു​ന്ന യു​വ​താ​രം സം​യു​ക്ത മേ​നോ​ന്‍റെ ര​ണ്ടു ചി
Tip Top ടൊവിനോ
തീ​വ​ണ്ടി എ​ന്ന പു​തി​യ ചി​ത്ര​വു​മാ​യി പ്രേ​ക്ഷ​ക​ർ​ക്കു മു​ന്നി​ലേ​ക്കെ​ത്താ​ൻ ഒ​രു​ങ്ങു​​ക​യാ​ണ്
മോഹൻലാലിന്‍റെ "മ​ഹാ​ഭാ​ര​ത' മ​ല​യാ​ള​ത്തി​ൽ ര​ണ്ടാ​മൂ​ഴമായി തന്നെ എത്തും
വി​ക്ര​മാ​ദി​ത്യ രാ​ജാ​വാ​യി അ​ഭ​യ് ഡിയോൾ ത​മി​ഴി​ലേ​ക്ക്
പു​ലി​മു​രു​ക​ൻ ര​ക്ഷി​ച്ചു, ന​മി​ത വീ​ണ്ടും തി​ര​ക്കി​ൽ
അനുഷ്കയുടെ കാരവന്‍ പോലീസ് കസ്റ്റഡിയില്‍; കാരണം...
കു​ഞ്ചാ​ക്കോ ബോ​ബ​ൻ "ഒ​രി​ക്ക​ലും ചി​രി​ക്കി​ല്ല..!'
അ​നു​ഷ്ക ആ​രാ​ധ​ക​ർ സ​ന്തോ​ഷി​ച്ചോ​ളു, ആ ​വാ​ർ​ത്ത തെ​റ്റാ​ണ്..!
സോ​നം ക​പൂ​ർ തി​ര​ക്കി​ലാ​ണ്
സിനിമ ചിത്രീകരണത്തിനിടെ അജിത്തിനു പരിക്ക്
ര​ജ​നിയുടെ കാ​ല​യി​ൽ അംബേദ്കറായി മ​മ്മൂ​ട്ടി?
പുണ്യാളൻ സിനിമാസുമായി ജ​യ​സൂ​ര്യ​യും ര​ഞ്ജി​ത്ത് ശ​ങ്ക​റും
പ്ര​ഭാ​സി​നു നാ​യി​ക​യാ​യി പൂ​ജ ഹെ​ഗ്ഡെ എ​ത്തു​ന്നു
ക​ങ്ക​ണ​യ്ക്ക് വി​ദ്യാ ബാ​ല​ന്‍റെ വ​ക "പ​ണി'
Rashtra Deepika LTD
Copyright @ 2018 , Rashtra Deepika Ltd.