കേന്ദ്ര ആദായനികുതി വകുപ്പിന്‍റെ ഡൽഹിയിലുള്ള പ്രിൻസിപ്പൽ ചീഫ് കമ്മീഷണറുടെ കാര്യാലയത്തിലേക്ക് സ്പോർട്ട്സ് ക്വോട്ട ഒഴിവുകളിലേക്ക് അപേക്ഷ ക്ഷണിച്ചു.
ഇൻകം ടാക്സ് ഇൻസ്പെക്ടർ, ടാക്സ് അസിസ്റ്റന്‍റ്, സ്റ്റെനോഗ്രാഫർ, എംടിഎസ് തസ്തികകളിലാണ് ഒഴിവുള്ളത്. അത്‌ലറ്റിക്സ്, കബഡി, ഫുട്ബോൾ, ബാഡ്മിന്‍റണ്‍, ടേബിൾ ടെന്നീസ്, വോളിബോൾ, ബാസ്കറ്റ്ബോൾ, ലോണ് ടെന്നീസ്, ക്രിക്കറ്റ്, ചെസ്, സ്വിമ്മിംഗ്, ബോഡി ബിൽഡിംഗ്, ഹോക്കി എന്നീ ഇനങ്ങളിൽ കഴിവ് തെളിയിച്ചിട്ടുള്ളവർക്ക് അപേക്ഷിക്കാം.
ഇൻകം ടാക്സ് ഇൻസ്പെക്ടർ- ഒന്പത്.
യോഗ്യത- ബിരുദം.
ശന്പളം- 9,300- 34,800 രൂപ. ഗ്രേഡ് പേ- 4,600 രൂപ.
ടാക്സ് അസിസ്റ്റന്‍റ്- 19
യോഗ്യത- ബിരുദം. ഡേറ്റാ എൻട്രി അറിയണം.
ശന്പളം- 5,200- 20,200 രൂപ. ഗ്രേഡ് പേ- 2,400.
സ്റ്റെനോഗ്രാഫർ ഗ്രേഡ് രണ്ട്
യോഗ്യത- പന്ത്രണ്ടാം ക്ലാസ്. ഡിക്ടേഷൻ 10 മിനിറ്റിൽ 80 വാക്ക് വേഗം ട്രാൻസ്ക്രിപ്ഷൻ: ഇംഗ്ലീഷിൽ മിനിറ്റിൽ 50വാക്ക് വേഗം അല്ലെങ്കിൽ ഹിന്ദിയിൽ മിനിറ്റിൽ 65 വാക്ക് വേഗം.
ശന്പളം- 5,200- 20,200 രൂപ. ഗ്രേഡ് പേ 2,400 രൂപ.
മൾട്ടി ടാസ്കിംഗ് സ്റ്റാഫ്- 29
യോഗ്യത- പന്ത്രണ്ടാം ക്ലാസ്.
ശന്പളം- 5,200- 20,200 രൂപ. ഗ്രേഡ് പേ 1,800.
കായിക നേട്ടം:
മുകളിൽ സൂചിപ്പിച്ചിട്ടുള്ള ഇനങ്ങളിൽ ഏതെങ്കിലും ഒന്നിൽ ഇനി പറയുന്ന ടൂർണമെന്റുകളിലോ ഇവന്റുകളിലോ പങ്കെടുത്തിരിക്കണം.
1. അന്താരാഷ്‌ട്ര ടൂർണമെന്‍റ്സ് (ഒളിന്പിക്സ്, ലോക ചാന്പ്യൻഷിപ്പ്)
2. ഏഷ്യൻ ഗെയിംസ്, കോമണ്വെൽത്ത് ഗെയിംസ്, ആഫ്രോ ഏഷ്യൻ ഗെയിംസ് തുടങ്ങി മേഖലാ അടിസ്ഥാനത്തിലുള്ള അന്താരാഷ്‌ട്ര ടൂർണമെന്‍റ്/ഇവന്‍റ്
3. സാഫ് ഗെയിംസ് പോലെ മറ്റ് അന്താരാഷ്‌ട്ര ടൂർണമെന്‍റ്/ ഇവന്‍റ്
4. ആഭ്യന്തര ടൂർണമെന്‍റ്/ സീനിയർ തലത്തിലുള്ള ദേശീയ ടൂർണമെന്‍റ് (നാഷണൽ ഗെയിംസ്, നാഷണൽ ഫെഡറേഷൻ ഗെയിംസ് തുടങ്ങിയവ).
2017, 2016, 2015, 2014, 01.04.2013നുശേഷം എന്ന ക്രമത്തിൽ ഒരു കലണ്ടർ വർഷത്തിലെ മൂന്ന് മികച്ച പെർഫോമൻസാണ് വിലയിരുത്തുക.
പ്രായം- 2017 ജൂണ്‍ 10ന് 18-30 വയസ്. ചട്ടപ്രകാരം ഇളവ് ലഭിക്കും.
അപേക്ഷിക്കേണ്ട വിധം- വെബ്സൈറ്റിൽ നല്കിയിരിക്കുന്ന മാതൃക അനുസരിച്ച് അപേക്ഷാ ഫോം തയാറാക്കുക.
അന്താരാഷ്‌ട്ര മത്സരങ്ങളിൽ പങ്കെടുത്തിട്ടുള്ളവർ അനുബന്ധ ഇനത്തിലെ ദേശീയ ഫെഡറേഷൻ സെക്രട്ടറിയുടെയും ദേശീയ മത്സരത്തിൽ പങ്കെടുത്തിട്ടുള്ളവർ സംസ്ഥാന ഫെഡറേഷൻ സെക്രട്ടറിയുടെയും സർട്ടഫിക്കറ്റ് നല്കണം.
അപേക്ഷാ കവറിനു പുറത്ത് Application for the post of inspector..... Sports Quota.... എന്ന് രേഖപ്പെടുത്തണം.
വിലാസം- The Asst. Commissioner of Income Tax (Hqrs. Personnel) (Non Gazetted), Room No 378 CR. Buliding IP, Estate, NewDelhi-11002.
അപേക്ഷ സ്വീകരിക്കുന്ന അവസാന തീയതി- ജൂണ്‍ 30.