ബോർഡർ സെക്യൂരിറ്റി ഫോഴ്സിൽ (ബിഎസ്എഫ്) അസിസ്റ്റന്റ് ഇൻസ്പെക്ടർ (എഎസ്ഐ) സ്റ്റെനോ, ഹെഡ്കോണ്സ്റ്റബിൾ (മിനിസ്റ്റീരിയൽ) തസ്തികകളിലായി ആകെ 136 ഒഴിവുകളിലേക്ക് അപേക്ഷ ക്ഷണിച്ചു. സ്ത്രീകൾക്കും അപേക്ഷിക്കാം. എഴുത്തുപരീക്ഷ, ശാരീരിക ക്ഷമതാ പരീക്ഷ, വൈദ്യപരിശോധന, അഭിമുഖം എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. ഒഴിവുകൾ നിലവിൽ താത്കാലികമാണെങ്കിലും പിന്നീടു സ്ഥിരപ്പെടുത്താം. ഒഴിവുകളുടെ എണ്ണം, സംവരണം എന്നിവ വെബ്സൈറ്റിൽ നിൽകിയിട്ടുണ്ട്.
എഎസ്ഐ (സ്റ്റെനോ)-25.
യോഗ്യത- പ്ലസ്ടു\ തത്തുല്യം. ഇംഗ്ലീഷ്/ഹിന്ദി ഷോർട്ട്ഹാൻഡിൽ മിനിറ്റിൽ 80 വാക്ക് വേഗം.
ശന്പളം: 5,200- 20,200 രൂപ. ഗ്രേഡ് പേ- 2800 രൂപ.
ഹെഡ്കോണ്സ്റ്റബിൾ (മിനിസ്റ്റീരിയൽ)- 111 ഒഴിവ്.
യോഗ്യത- പ്ലസ്ടു അല്ലെങ്കിൽ തത്തുല്യം. മിനിറ്റിൽ 35 വാക്കുകളുടെ ഇംഗ്ലീഷ് ടൈപ്പിംഗ് വേഗം.
ശന്പളം: 5200- 20,200 രൂപ. ഗ്രേഡ് പേ- 2400 രൂപ.
പ്രായപരിധി: 18-25 വയസ്. എസ്സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷത്തെ പ്രായഇളവ് ലഭിക്കും.
ശാരീരിക യോഗ്യത: 170 സെ.മീ. ഉയരം, സ്ത്രീകൾക്ക് 157 സെ.മീ. നെഞ്ചളവ്-പുരുഷൻമാർക്ക് 80 സെ.മീ. അഞ്ചു സെന്റീമീറ്റർ വികാസം. പ്രായത്തിനും ഉയരത്തിനും ആനുപാതികമായ തൂക്കം ഉണ്ടായിരിക്കണം.
ശാരീരിക ക്ഷമതാ പരീക്ഷ- പുരുഷൻമാർക്ക്: 6.30 മിനിറ്റിൽ ഒരു മൈൽ ഓട്ടം. 11 അടി ചാട്ടം (മൂന്ന് ചാൻസ്), 3.3 അടി ഹൈജംപ് (മൂന്ന് ചാൻസ്). സ്ത്രീകൾക്ക്: നാലു മിനിറ്റിൽ 800 മീറ്റർ ഓട്ടം. ഒന്പത് അടി ലോംഗ്ജംപ് (മൂന്ന് ചാൻസ്). മൂന്ന് അടി ഹൈജംപ് (മൂന്ന് ചാൻസ്).
അപേക്ഷാഫീസ്: അപേക്ഷ അയയ്ക്കുന്ന DDOയുടെ പേരിൽ മാറാവുന്ന 50 രൂപയുടെ ഡിഡിയായി അപേക്ഷാഫീസ് അടയ്ക്കാവുന്നതാണ്. വനിതകൾ, എസ്സി, എസ്ടി വിഭാഗക്കാർ ഫീസ് അടയ്ക്കേണ്ടതില്ല.
അപേക്ഷ അയയ്ക്കേണ്ട വിധം: www.bsf.gov.in എന്ന വെബ്സൈറ്റിൽ നിന്നും അപേക്ഷാഫോം ഡൗണ്ലോഡ് ചെയ്തെടുക്കുക. അഡ്മിറ്റ് കാർഡിലും അപേക്ഷാഫോമിലും അറ്റസ്റ്റ് ചെയ്ത പാസ്പോർട്ട് സൈസ് ഫോട്ടോ പതിപ്പിക്കുക. പൂരിപ്പിച്ച അപേക്ഷകൾക്കൊപ്പം യോഗ്യത, പ്രായം, ജാതി, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകൾ സഹിതം അയയ്ക്കുക. കേരളത്തിലുള്ളവർ ബംഗളൂരു ബിഎസ്എഫ് ഹെഡ്ക്വാർട്ടേഴ്സിലേക്കാണ് അപേക്ഷ സമർപ്പിക്കേണ്ടത്.അപേക്ഷകൾ സ്വീകരിക്കുന്ന അവസാന തീയതി- ഓഗസ്റ്റ് നാല്.