കേന്ദ്ര ടെക്സ്റ്റൈൽ മന്ത്രാലയത്തിനു കീഴിൽ ന്യൂഡൽഹി ആസ്ഥാനമായുള്ള നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി (നിഫ്റ്റ്) ഡിസൈൻ, മാനേജ്മെന്‍റ്, ടെക്നോളജി മേഖലയിൽ വൈദഗ്ധ്യം പകർന്നു നൽകുന്നതിനു രൂപകൽപ്പന ചെയ്തിരിക്കുന്ന ഹ്രസ്വകാല കോഴ്സുകളിലേക്ക് ഇപ്പോൾ അപേക്ഷിക്കാം. ന്യൂഡൽഹി കേന്ദ്രത്തിലും നിഫ്റ്റിന്‍റെ ഉപകേന്ദ്രങ്ങളിലുമായാണു കോഴ്സുകൾ നടത്തുന്നത്. ഒരു വർഷം, ആറു മാസം, അതിൽ താഴെ കാലാവധിയുള്ള കോഴ്സുകളാണ് ഇൻസ്റ്റിറ്റ്യൂട്ട് നടത്തുന്നത്. ബംഗളൂരു, ചെന്നൈ, ഹൈദരാബാദ്, ഭോപ്പാൽ, കണ്ണൂർ, ഭുവനേശ്വർ, ഗാന്ധിനഗർ, കോൽക്കത്ത, മുംബൈ, സൂററ്റ്, പാറ്റ്ന, വാരാണസി, റായ്ബറേലി, ശ്രീനഗർ എന്നിവിടങ്ങളിലാണ് നിഫ്റ്റിന്‍റെ ഉപകേന്ദ്രങ്ങൾ.
ഓണ്‍ലൈനായി ലഭിക്കുന്ന അപേക്ഷാ ഫോം പൂരിപ്പിച്ച് ഈ മാസം 31നകം 1,800 രൂപ ഫീസ് സഹിതം ന്യൂഡൽഹിയിൽ ലഭിക്കണം. ഓഗസ്റ്റ് എട്ടിന് ഇന്‍റർവ്യു നടത്തിയാണ് യോഗ്യരായവരെ തെരഞ്ഞെടുക്കുന്നത്.
തുടർ വിദ്യാഭ്യാസ കേന്ദ്രത്തിന്‍റെ ആഭിമുഖ്യത്തിൽ നടത്തുന്ന പ്രോഗ്രാമുകളും യോഗ്യതയും ഫീസും ചുവടെ.
ഫാഷൻ ഇന്‍റഗ്രേഷൻ ഫോർ അപ്പാരൽ ഇൻഡസ്ട്രി (ഒരു വർഷം), പ്ല്സടു, 1,20,000 രൂപ. ഫാഷൻ ആൻഡ് ക്ലോത്തിംഗ് ടെക്നോളജി (ഒരു വർഷം), പ്ലസ്ടു, 1,20,000 രൂപ. ഫാഷൻ റീട്ടെയിൽ മാനേജ്മെന്‍റ് (ഒരു വർഷം), പ്ലസ്ടു, 1,00,000 രൂപ. ഗാർമെന്‍റ് എക്സ്പോർട്ട് മെർക്കൻന്‍റൈസിംഗ് മാനേജ്മെന്‍റ് (ഒരു വർഷം) ബിരുദം, 75,000 രൂപ. ക്ലോത്തിംഗ് പ്രൊഡക്ഷൻ ടെക്നോളജി (ഒരു വർഷം), പ്ലസ്ടു, 90,000 രൂപ. ക്രിയേറ്റീവ് തിങ്കിംഗ് ആൻഡ് ഡിസൈൻ ഡെവലപ്മെന്‍റ് (ഒരു വർഷം), പ്ലസ്ടു, 75,000 രൂപ. ഡിസൈൻ ഡെവലപ്മെന്‍റ് ഫോർ ഇന്ത്യൻ എത്നിക് വേർ (ഒരു വർഷം), പ്ലസ്ടുവും പ്രവൃത്തി പരിചയവും, 1,00,000 രൂപ. ലക്ഷ്വറി പ്രൊഡക്ട് ഡിസൈൻ (ഒരു വർഷം), പ്ലസ്ടു, 1,00,000 രൂപ. ഡിസൈൻ ഇൻ ബ്യൂട്ടിക് അപ്പാരൽ ആൻഡ് അക്സസറി (ഒരു വർഷം), പ്ലസ്ടു, 1,00,000 രൂപ. ടെക്സ്റ്റൈൽസ് ഫോർ ഇന്‍റീരിയേഴ്സ് ആൻഡ് ഫാഷൻ (ഒരു വർഷം), പ്ല്സ്ടുവും പ്രവൃത്തി പരിചയവും. 1,00,000 രൂപ. ഫാഷൻ എന്‍റർപ്രൈസസ് ആൻഡ് ബിസിനസ് മാനേജ്മെന്‍റ് (ഒരു വർഷം), 80,000 രൂപ. ഫാഷൻ ഇ-ബിസിനസ് മാനേജ്മെന്‍റ് (ഒരു വർഷം) ബിരുദം, 1,00,000 രൂപ. വിൻഡോ ഡിസ്പ്ലെ ആൻഡ് സ്റ്റോർ ഡിസൈൻ ഇൻ ഫാഷൻ ആൻഡ് ടെക്സ്റ്റൈൽസ് ഇൻഡസ്ട്രി (ഒരു വർഷം), പ്ലസ്ടു, 1,00,000 രൂപ. ക്രിയേറ്റീവ് ഫാഷൻ സ്റ്റൈലിംഗ് (ആറു മാസം), പ്ലസ്ടുവും പ്രവൃത്തി പരിചയവും, 80,000 രൂപ. ടെക്സ്റ്റൈൽ ഡെവലപ്മെന്‍റ് ഫോർ ഇന്ത്യൻ ഫോർമൽ വേർ (ആറു മാസം), പ്ലസ്ടു, 70,000 രൂപ. പ്രിന്‍റ് ഡിസൈൻ (ആറു മാസം), പ്ലസ്ടു, 70,000 രൂപ. വിഷ്വൽ മെർക്കന്‍ന്‍റൈസിംഗ് ആൻഡ് ഡിസ്പ്ലെ ഡിസൈൻ (ആറു മാസം), പ്ലസ്ടു, 48,000 രൂപ. ഡ്രേപ്പിംഗ് ഫോർ ഡ്രസസ് (മൂന്നു മാസം), പാറ്റേണ്‍ മേ ക്കിംഗിൽ അടിസ്ഥാന അറിവും പ്രവൃത്തി പരിചയവും, 30,000 രൂപ. കൂടുതൽ വിവരങ്ങൾക്ക്: www.nift.ac.in.